Elon Musk ਬਣਾਉਂਦੇ ਰਹਿ ਗਏ ਪਲਾਨ, Uber ਨੇ ਚੀਨ ਦੇ ਨਾਲ ਮਿਲ ਕੇ ਕੀਤਾ ਇਹ ਕੰਮ
Uber Self Driving Car Service: ਦੁਨੀਆ ਦੇ ਸਭ ਤੋਂ ਅਮੀਰ ਆਦਮੀ ਐਲੋਨ ਮਸਕ ਇਸ ਸਮੇਂ ਆਪਣੀ Cybercab ਨੂੰ ਜਲਦੀ ਤੋਂ ਜਲਦੀ ਲਾਂਚ ਕਰਨ ਦਾ ਪਲਾਨ ਬਣਾ ਰਹੇ ਹਨ। ਇਸ ਦੌਰਾਨ ਐਪ ਆਧਾਰਿਤ ਟੈਕਸੀ ਸੇਵਾ ਉਬੇਰ ਨੇ ਚੀਨ ਦੇ ਨਾਲ ਮਿਲ ਕੇ ਇਹ ਵੱਡਾ ਕੰਮ ਕਰਨ ਦਾ ਐਲਾਨ ਕੀਤਾ ਹੈ। ਪੜ੍ਹੋ ਇਹ ਖਬਰ...
Uber ਨੇ ਚੀਨ ਨਾਲ ਮਿਲ ਕੇ ਸ਼ੁਰੂ ਕੀਤੀ ਵੀ-ਰਾਈਡ ਸੇਵਾ
Elon Musk Cybercab Robotaxi: ਟੇਸਲਾ ਵਰਗੀ Futurestic ਇਲੈਕਟ੍ਰਿਕ ਕਾਰ ਬਣਾ ਕੇ ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਬਣੇ ਐਲੋਨ ਮਸਕ ਹੁਣ ਇਕ ਹੋਰ ਵੱਡੇ ਪ੍ਰੋਜੈਕਟ ‘ਤੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਦੀ ਯੋਜਨਾ ਸਾਈਬਰਕੈਬ ਨੂੰ ਜਲਦੀ ਤੋਂ ਜਲਦੀ ਲਾਂਚ ਕਰਨ ਦੀ ਹੈ, ਉਥੇ ਹੀ ਐਪ ਆਧਾਰਿਤ ਟੈਕਸੀ ਸੇਵਾ ਉਬੇਰ ਨੇ ਵੀ ਵੱਡਾ ਐਲਾਨ ਕੀਤਾ ਹੈ। ਚੀਨ ਦੀ ਇੱਕ ਕੰਪਨੀ ਇਸ ਕੰਮ ਵਿੱਚ ਉਸਦੀ ਮਦਦ ਕਰਨ ਜਾ ਰਹੀ ਹੈ।
ਉਬੇਰ (Uber) ਛੇਤੀ ਹੀ ਚੀਨ ਦੀ ਵੀ-ਰਾਈਡ WeRide ਦੇ ਨਾਲ ਰੋਬੋ ਟੈਕਸੀ ਸੇਵਾ ਸ਼ੁਰੂ ਕਰਨ ਜਾ ਰਿਹਾ ਹੈ। ਇਸ ਸੇਵਾ ਦੇ ਤਹਿਤ, ਕੰਪਨੀ ਅਜਿਹੀਆਂ ਕੈਬ ਤੋਂ ਟੈਕਸੀ ਸੇਵਾ ਪ੍ਰਦਾਨ ਕਰੇਗੀ, ਜਿਸ ਵਿੱਚ ਸੈਲਫ-ਡਰਾਈਵਿੰਗ ਕਾਰਾਂ ਦੀ ਵਰਤੋਂ ਕੀਤੀ ਜਾਵੇਗੀ। ਇਹ ਚੀਨ ਦੇ ਟੇਸਲਾ ਸਾਈਬਰਕੈਬ ਪ੍ਰੋਜੈਕਟ ਲਈ ਸਿੱਧੀ ਚੁਣੌਤੀ ਹੋਵੇਗੀ।
ਇਸ ਦੇਸ਼ ਵਿੱਚ ਸਭ ਤੋਂ ਪਹਿਲਾਂ ਸ਼ੁਰੂ ਹੋਵੇਗੀ ਇਹ ਸਰਵਿਸਸ
ਉਬੇਰ ਦਾ ਕਹਿਣਾ ਹੈ ਕਿ ਉਹ ਇਸ ਰੋਬੋ ਟੈਕਸੀ ਸੇਵਾ ਨੂੰ ਅਬੂ ਧਾਬੀ, ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਵਿੱਚ ਸ਼ੁਰੂ ਕਰੇਗਾ। ਇਸ ਸੇਵਾ ਲਈ ਚੀਨ ਦੀ ਵੀ-ਰਾਈਡ ਦੀ ਰੋਬੋ ਟੈਕਸੀ ਨੂੰ ਉਬੇਰ ਐਪ ‘ਤੇ ਜੋੜਿਆ ਜਾਵੇਗਾ। ਹਾਲਾਂਕਿ, ਉਬੇਰ ਐਪ ਇਨ੍ਹਾਂ ਟੈਕਸੀਆਂ ਦੇ ਨਾਲ ਡਰਾਈਵਰ ਵੀ ਰੱਖੇਗੀ, ਤਾਂ ਜੋ ਆਮ ਲੋਕਾਂ ਨੂੰ ਸੁਰੱਖਿਅਤ ਅਤੇ ਭਰੋਸੇਮੰਦ ਅਨੁਭਵ ਮਿਲ ਸਕੇ।
ਇੱਕ ਪਾਸੇ, ਉਬੇਰ ਦੀ ਇਹ ਸੇਵਾ 2025 ਦੇ ਅੰਤ ਤੱਕ ਅਬੂ ਧਾਬੀ ਵਿੱਚ ਚਾਲੂ ਹੋ ਜਾਵੇਗੀ। ਜਦੋਂ ਕਿ ਐਲੋਨ ਮਸਕ ਦੇ ਸਾਈਬਰਕੈਬ ਦਾ ਉਤਪਾਦਨ 2026 ਦੇ ਅੰਤ ਤੱਕ ਸ਼ੁਰੂ ਹੋਣ ਦੀ ਉਮੀਦ ਹੈ। ਰੋਬੋ ਟੈਕਸੀ ‘ਚ ADAS Level 5 ਹੈ, ਜਿਸ ‘ਚ ਕੈਮਰੇ ਅਤੇ ਸੈਂਸਰਾਂ ਦੀ ਮਦਦ ਨਾਲ ਕੰਪਿਊਟਰ ਖੁਦ ਕਾਰ ਡ੍ਰਾਈਵ ਕਰਦਾ ਹੈ।
ਆਬੂ ਧਾਬੀ ‘ਚ ਡਰਾਈਵਰ ਰਹਿਤ ਕਾਰ ਵਾਲੀ ਰੋਬੋ ਟੈਕਸੀ ਦੀ ਇਹ ਵਪਾਰਕ ਸੇਵਾ ਸਾਦੀਯਾਤ ਟਾਪੂ ਤੋਂ ਯਾਸ ਟਾਪੂ ਤੱਕ ਚੱਲੇਗੀ। ਜਦੋਂ ਕਿ ਇਸ ਵਿੱਚ ਜ਼ਾਇਦ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਰੂਟ ਵੀ ਸ਼ਾਮਲ ਹੋਵੇਗਾ।
ਇਹ ਵੀ ਪੜ੍ਹੋ
ਕਸ਼ਮੀਰ ‘ਚ ਸ਼ੁਰੂ ਕੀਤੀ’ਸ਼ਿਕਾਰਾ ਰਾਈਡ’
ਉਬੇਰ ਹੁਣ ਆਪਣੇ ਪਲੇਟਫਾਰਮ ‘ਤੇ ਵੱਖ-ਵੱਖ ਮੋਬਿਲਿਟੀ ਆਪਸ਼ਨ ਦਿੰਦਾ ਹੈ। ਜਿਵੇਂ ਭਾਰਤ ਵਿੱਚ ਕਾਰਾਂ ਨਾਲ ਆਪਣੀ ਸੇਵਾ ਸ਼ੁਰੂ ਕਰਨ ਵਾਲੀ ਉਬੇਰ ਨੇ ਹੁਣ ਆਟੋਰਿਕਸ਼ਾ ਅਤੇ ਬਾਈਕ ਸ਼ੇਅਰਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ। ਇੰਨਾ ਹੀ ਨਹੀਂ, ਹਾਲ ਹੀ ਵਿੱਚ ਉਬੇਰ ਨੇ ਖਾਸ ਤੌਰ ‘ਤੇ ਕਸ਼ਮੀਰ ਲਈ ਆਪਣੇ ਪਲੇਟਫਾਰਮ ‘ਤੇ ‘ਸ਼ਿਕਰਾ ਰਾਈਡ’ ਨੂੰ ਇੰਟੀਗ੍ਰੇਟ ਕੀਤਾ ਹੈ।