ਕਾਰ ਵਿੱਚ ਠੰਡ ਤੋਂ ਬਚਣ ਲਈ ਚਲਾ ਰਹੇ ਹੋ ਹੀਟਰ? ਜਾਨ ਦਾ ਦੁਸ਼ਮਣ ਨਾ ਬਣ ਜਾਵੇ ਇਹ ਆਰਾਮ

ਕਾਰ 'ਚ ਹੀਟਰ ਚਲਾਉਂਦੇ ਵੇਲ੍ਹੇ ਵਰਤੋਂ ਸਾਵਧਾਨੀਆਂ

ਠੰਡ ਵਧਣ ਲੱਗੀ ਹੈ। ਲੋਕਾਂ ਨੇ ਕਾਰਾਂ ਅਤੇ ਘਰਾਂ ਵਿੱਚ ਏਸੀ ਦੀ ਥਾਂ ਹੀਟਰ ਚਲਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਜੇਕਰ ਤੁਸੀਂ ਵੀ ਠੰਡ ਤੋਂ ਬਚਣ ਲਈ ਕਾਰ ਚਲਾਉਂਦੇ ਸਮੇਂ ਹੀਟਰ ਦੀ ਵਰਤੋਂ ਕਰਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਹੀਟਰ ਚਲਾਉਣ ਨਾਲ ਨਾ ਕਾਰ ਤਾਂ ਜਰੂਰ ਗਰਮ ਹੋ ਜਾਂਦੀ ਹੈ,ਪਰ ਇਸ ਨਾਲ ਖ਼ਤਰਾ ਵੀ ਹੈ। ਆਓ ਜਾਣਦੇ ਹਾਂ ਹੀਟਰ ਚਲਾਉਣ ਨਾਲ ਕੀ ਨੁਕਸਾਨ ਹੋ ਸਕਦਾ ਹੈ ਅਤੇ ਨੁਕਸਾਨ ਤੋਂ ਬਚਣ ਲਈ ਕਿਹੜੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।

ਆਕਸੀਜਨ ਦੇ ਪੱਧਰ ‘ਤੇ ਪ੍ਰਭਾਵ

ਜੇਕਰ ਤੁਸੀਂ ਕਾਰ ‘ਚ ਹੀਟਰ ਨੂੰ ਲੰਬੇ ਸਮੇਂ ਤੱਕ ਲਗਾਤਾਰ ਚਲਾਉਂਦੇ ਹੋ ਤਾਂ ਕਾਰ ਦੇ ਅੰਦਰ ਦਾ ਤਾਪਮਾਨ ਵਧ ਜਾਂਦਾ ਹੈ, ਜਿਸ ਕਾਰਨ ਕੈਬਿਨ ‘ਚ ਆਕਸੀਜਨ ਦਾ ਪੱਧਰ ਘੱਟ ਜਾਂਦਾ ਹੈ ਅਤੇ ਤੁਹਾਨੂੰ ਚੱਕਰ ਆਉਣਾ, ਥਕਾਵਟ ਅਤੇ ਬੇਹੋਸ਼ੀ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਇਸ ਤੋਂ ਬਚਣ ਲਈ ਇਹ ਜ਼ਰੂਰੀ ਹੈ ਕਿ ਤੁਸੀਂ ਸਮੇਂ-ਸਮੇਂ ‘ਤੇ ਕਾਰ ਦੀ ਖਿੜਕੀ ਖੋਲ੍ਹਦੇ ਰਹੋ ਅਤੇ ਪਾਰਕਿੰਗ ਜਾਂ ਬੇਸਮੈਂਟ ‘ਚ ਹੀਟਰ ਨਾ ਚਲਾਓ।

ਕਾਰਬਨ ਮੋਨੋਆਕਸਾਈਡ ਵਿੱਚ ਵਾਧਾ

ਜੇਕਰ ਕਾਰ ਵਿੱਚ ਹੀਟਰ ਜ਼ਿਆਦਾ ਦੇਰ ਤੱਕ ਚੱਲਦਾ ਹੈ ਤਾਂ ਕਾਰਬਨ ਮੋਨੋਆਕਸਾਈਡ ਗੈਸ ਲੀਕ ਹੋਣ ਦਾ ਖਤਰਾ ਵੱਧ ਜਾਂਦਾ ਹੈ। ਜੋ ਤੁਹਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਸ ਤੋਂ ਬਚਣ ਲਈ ਸਾਵਧਾਨ ਰਹੋ। ਹੀਟਰ ਦੀ ਸਹੀ ਅਤੇ ਸੁਰੱਖਿਅਤ ਵਰਤੋਂ ਕਰੋ ਅਤੇ ਸਮੇਂ-ਸਮੇਂ ‘ਤੇ ਕਾਰ ਦੀ ਸਰਵਿਸ ਕਰਵਾਉਂਦੇ ਰਹੋ।

ਸਕਿਨ ‘ਤੇ ਬੁਰਾ ਪ੍ਰਭਾਵ

ਜੇਕਰ ਤੁਸੀਂ ਕਾਰ ‘ਚ ਹੀਟਰ ਚਲਾਉਂਦੇ ਸਮੇਂ ਖਿੜਕੀ ਨਹੀਂ ਖੋਲ੍ਹਦੇ ਹੋ ਤਾਂ ਪੂਰੀ ਕਾਰ ‘ਚ ਗਰਮ ਹਵਾ ਇਕੱਠੀ ਹੁੰਦੀ ਰਹਿੰਦੀ ਹੈ, ਜਿਸ ਨਾਲ ਸਿਕਨ ਅਤੇ ਸਾਹ ਦੀ ਸਮੱਸਿਆ ਹੋ ਸਕਦੀ ਹੈ। ਇਹ ਯਕੀਨੀ ਬਣਾਉਣ ਲਈ ਕਿ ਤੁਹਾਡੀ ਸਿਹਤ ਖ਼ਰਾਬ ਨਾ ਹੋਵੇ, ਕਾਰ ਹੀਟਰ ਦੇ ਤਾਪਮਾਨ ਨੂੰ ਹਮੇਸ਼ਾ ਮੱਧਮ ਹੀ ਰੱਖੋ ਅਤੇ ਵੈਂਟਸ ਨੂੰ ਸਹੀ ਢੰਗ ਨਾਲ ਐਡਜਸਟ ਕਰੋ।

ਖਰਚ ਵੀ ਵਧੇਗਾ

ਜਦੋਂ ਤੁਸੀਂ ਹੀਟਰ ਨੂੰ ਲੰਬੇ ਸਮੇਂ ਤੱਕ ਚਲਾਉਂਦੇ ਹੋ, ਤਾਂ ਇਹ ਜ਼ਿਆਦਾ ਬਾਲਣ ਦੀ ਖਪਤ ਕਰਦਾ ਹੈ ਅਤੇ ਇੰਜਣ ‘ਤੇ ਮਾੜਾ ਪ੍ਰਭਾਵ ਪੈਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਜ਼ਰੂਰਤ ਅਨੁਸਾਰ ਕਾਰ ਹੀਟਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ ਅਤੇ ਕਾਰ ਦੇ ਇੰਜਣ ਨੂੰ ਬੰਦ ਕਰਕੇ ਹੀਟਰ ਚਲਾਉਣ ਦੀ ਆਪਣੀ ਆਦਤ ਤੋਂ ਬਚਣਾ ਚਾਹੀਦਾ ਹੈ।

ਬੈਟਰੀ ਵੀ ਹੋ ਜਾਂਦੀ ਹੈ ਖਰਾਬ

ਹੀਟਰ ਨੂੰ ਜ਼ਿਆਦਾ ਦੇਰ ਤੱਕ ਚਲਾਉਣ ਨਾਲ ਸਿਹਤ ‘ਤੇ ਮਾੜਾ ਅਸਰ ਪੈਂਦਾ ਹੈ। ਇਸ ਦੇ ਨਾਲ ਹੀ ਕਾਰ ਦੀ ਬੈਟਰੀ ਵੀ ਖਰਾਬ ਹੋ ਜਾਂਦੀ ਹੈ। ਬੈਟਰੀ ਡਿਸਚਾਰਜ ਹੋਣ ਦਾ ਖਤਰਾ ਹੈ। ਬੈਟਰੀ ਨੂੰ ਖਰਾਬ ਤੋਂ ਬਚਣ ਲਈ, ਧਿਆਨ ਵਿੱਚ ਰੱਖੋ ਕਿ ਜਦੋਂ ਵੀ ਤੁਸੀਂ ਹੀਟਰ ਦੀ ਵਰਤੋਂ ਕਰਦੇ ਹੋ, ਤੁਹਾਨੂੰ ਇਸਨੂੰ ਬੰਦ ਜਰੂਰ ਕਰ ਦਿਓ। ਚਾਲੂ ਕਾਰ ਵਿੱਚ ਕਦੇ ਵੀ ਹੀਟਰ ਨਾ ਛੱਡੋ।