ਕਾਰ ਨੂੰ ਮੋੜਨ ਲਈ ਨਹੀਂ ਕਰਨੀ ਪਵੇਗੀ ਜ਼ਿਆਦਾ ਮਿਹਨਤ, ਆ ਗਿਆ ਹੈ ਟੈਂਕ ਟਰਨ ਫੀਚਰ, ਇਹ ਕਿਵੇਂ ਕੰਮ ਕਰਦਾ ਹੈ?

ਟੈਂਕ ਟਰਨ ਫੀਚਰ

ਭੀੜ-ਭੜੱਕੇ ਵਾਲੀ ਅਤੇ ਵੰਨ ਵੇਅ ਰੋਡ ਤੇ ਕਾਰ ਨੂੰ ਮੋੜਨਾ ਹੋਰ ਵੀ ਔਖਾ ਹੋ ਜਾਂਦਾ ਹੈ। ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ ਕੁਝ ਆਟੋ ਕੰਪਨੀਆਂ ਆਪਣੀਆਂ ਕਾਰਾਂ ‘ਚ ਟੈਂਕ ਟਰਨ ਫੀਚਰ ਦੇ ਰਹੀਆਂ ਹਨ। ਇਹ ਫੀਚਰ ਇੱਕ ਐਡਵਾਂਸਡ ਡਰਾਈਵਿੰਗ ਟੈਕਨਾਲੋਜੀ ਹੈ ਜੋ ਕਾਰ ਨੂੰ ਉਸੇ ਥਾਂ ਤੇ ਘੁੰਮਣ ਦੀ ਸਮਰੱਥਾ ਪ੍ਰਦਾਨ ਕਰਦਾ ਹੈ, ਜਿਵੇਂ ਟੈਂਕ ਥਾਂ ਤੇ ਘੁੰਮਦਾ ਹੈ।

ਇਹ ਫੀਚਰ ਜ਼ਿਆਦਾਤਰ ਇਲੈਕਟ੍ਰਿਕ ਵਾਹਨਾਂ ਵਿੱਚ ਦੇਖਿਆ ਜਾਂਦਾ ਹੈ, ਜਿੱਥੇ ਚਾਰੋਂ ਪਹੀਆਂ ਨੂੰ ਸੁਤੰਤਰ ਤੌਰ ‘ਤੇ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਆਓ ਸਮਝੀਏ ਕਿ ਇਹ ਫੀਚਰ ਕਿਵੇਂ ਕੰਮ ਕਰਦਾ ਹੈ।

Tank Turn ਫੀਚਰ ਕਿਵੇਂ ਕੰਮ ਕਰਦਾ ਹੈ?

ਇਸ ਟੈਕਨਾਲੋਜੀ ਵਿੱਚ ਵਾਹਨ ਦੇ ਚਾਰੋ ਪਹੀਆਂ ਨੂੰ ਅਲੱਗ-ਅਲੱਗ ਮੋਟਰਾਂ ਦੁਆਰਾ ਕੰਟਰੋਲ ਕੀਤਾ ਜਾਂਦਾ ਹੈ। ਜਦੋਂ ਡਰਾਈਵਰ ਟੈਂਕ ਟਰਨ ਮੋਡ ਨੂੰ ਐਕਟੀਵੇਟ ਕਰਦਾ ਹੈ, ਤਾਂ ਇੱਕ ਪਾਸੇ ਦੇ ਪਹੀਏ ਅੱਗੇ ਹੋ ਜਾਂਦੇ ਹਨ ਅਤੇ ਦੂਜੇ ਪਾਸੇ ਦੇ ਪਹੀਏ ਪਿੱਛੇ ਵੱਲ ਹੋ ਜਾਂਦੇ ਹਨ।

ਸੈਂਟਰ ਪੁਆਇੰਟ ਨਾਲ ਘੁੰਮਦੀ ਹੈ ਕਾਰ

ਇਸ ਪ੍ਰਕਿਰਿਆ ਵਿੱਚ, ਵਾਹਨ ਆਪਣੀ ਧੁਰੀ (axis) ‘ਤੇ ਘੁੰਮਦਾ ਹੈ, ਜਿਸ ਕਾਰਨ ਵਾਹਨ ਨੂੰ ਅੱਗੇ ਜਾਂ ਪਿੱਛੇ ਕੀਤੇ ਬਿਨਾਂ ਦਿਸ਼ਾ ਬਦਲੀ ਜਾ ਸਕਦੀ ਹੈ। ਇਹ ਫੀਚਰ ਮੁਸ਼ਕਲ ਅਤੇ ਤੰਗ ਸਥਾਨਾਂ ਵਿੱਚ ਮੋੜਨਾ ਆਸਾਨ ਬਣਾਉਂਦੀ ਹੈ।

ਸੌਫਟਵੇਅਰ ਅਤੇ ਸੈਂਸਰਾਂ ਨਾਲ ਕੰਮ ਕਰਦਾ ਹੈ ਫੀਚਰ

Tank Turn ਲਈ ਸਟੀਕ ਨਿਯੰਤਰਣ ਦੀ ਲੋੜ ਹੁੰਦੀ ਹੈ। ਇਸ ਵਿੱਚ ਉੱਨਤ ਸੌਫਟਵੇਅਰ ਅਤੇ ਸੈਂਸਰ ਸ਼ਾਮਲ ਹੁੰਦੇ ਹਨ ਜੋ ਹਰੇਕ ਪਹੀਏ ਦੀ ਗਤੀ ਅਤੇ ਦਿਸ਼ਾ ਨੂੰ ਨਿਯੰਤਰਿਤ ਕਰਦੇ ਹਨ ਤਾਂ ਜੋ ਵਾਹਨ ਸਥਿਰ ਰਹੇ ਅਤੇ ਲੋੜੀਂਦੀ ਦਿਸ਼ਾ ਵਿੱਚ ਘੁੰਮ ਸਕੇ।

Tank Turn ਫੀਚਰ ਦੇ ਫਾਇਦੇ

ਇਹ ਫੀਚਰ ਪਾਰਕਿੰਗ, ਆਫ-ਰੋਡ ਡਰਾਈਵਿੰਗ, ਅਤੇ ਤੰਗ ਥਾਵਾਂ ‘ਤੇ ਵਾਹਨ ਨੂੰ ਆਸਾਨੀ ਨਾਲ ਮੋੜਨ ਵਿੱਚ ਮਦਦ ਕਰਦਾ ਹੈ। ਵਾਹਨ ਦੀ ਮੈਨੂਵਰੇਬਿਲਿਟੀ ਵਿੱਚ ਸੁਧਾਰ ਹੁੰਦਾ ਹੈ, ਜਿਸ ਨਾਲ ਮੁਸ਼ਕਲ ਸੜਕਾਂ ‘ਤੇ ਵੀ ਡਰਾਈਵਿੰਗ ਆਸਾਨ ਹੋ ਜਾਂਦੀ ਹੈ। ਨਾਲ ਹੀ ਭੀੜ-ਭੜੱਕੇ ਵਾਲੇ ਇਲਾਕਿਆਂ ‘ਚ ਇਸ ਫੀਚਰ ਦੀ ਵਰਤੋਂ ਕਰਨ ਨਾਲ ਵਾਹਨਾਂ ਦੀ ਟੱਕਰ ਦਾ ਖਤਰਾ ਘੱਟ ਹੋ ਜਾਂਦਾ ਹੈ।

ਕਿਹੜੇ ਵਾਹਨਾਂ ਵਿੱਚ ਮਿਲਦਾ ਹੈ Tank Turn ਦਾ ਫੀਚਰ?

Tank Turn ਫੀਚਰ ਜ਼ਿਆਦਾਤਰ ਇਲੈਕਟ੍ਰਿਕ ਵਾਹਨਾਂ ‘ਚ ਵੇਖਣ ਨੂੰ ਮਿਲਦਾ ਹੈ, ਇਸ ਦੇ ਨਾਲ ਹੀ ਰਿਵੀਅਨ, ਟੇਸਲਾ, ਮਰਸਡੀਜ਼ ਬੈਂਜ਼ ਦੀਆਂ ਗੱਡੀਆਂ ‘ਚ ਇਹ ਫੀਚਰ ਦਿੱਤਾ ਗਿਆ ਹੈ। ਟੈਂਕ ਟਰਨ ਫੀਚਰ ਵਾਹਨਾਂ ਦੀ ਡਰਾਈਵਿੰਗ ਸਮਰੱਥਾ ਵਿੱਚ ਇੱਕ ਨਵਾਂ ਆਯਾਮ ਜੋੜ ਰਿਹਾ ਹੈ, ਜੋ ਡਰਾਈਵਰਾਂ ਨੂੰ ਮੁਸ਼ਕਲ ਸਥਿਤੀਆਂ ਵਿੱਚ ਵੀ ਆਸਾਨੀ ਨਾਲ ਨੈਵੀਗੇਟ ਕਰਨ ਵਿੱਚ ਮਦਦ ਕਰਦਾ ਹੈ।