ਗੱਡੀ ਜਾਂ ਬਾਈਕ ਦੀ ਨੰਬਰ ਪਲੇਟ ਟੁੱਟ ਗਈ ਹੈ? ਨਵੀਂ HSRP ਲਗਵਾਉਣ ਲਈ ਨਹੀਂ ਕੱਟਣੇ ਪੈਣਗੇ ਚੱਕਰ, ਘਰ ਬੈਠੇ ਇੰਝ ਹੋਵੇਗਾ ਕੰਮ

Updated On: 

19 Nov 2026 16:23 PM IST

HSRP Number Plate: ਟੁੱਟੀ ਜਾਂ ਖਰਾਬ HSRP ਨੰਬਰ ਪਲੇਟ ਨੂੰ bookmyhsrp.com ਰਾਹੀਂ ਘਰ ਬੈਠੇ ਆਸਾਨੀ ਨਾਲ ਆਨਲਾਈਨ ਬਦਲਿਆ ਜਾ ਸਕਦਾ ਹੈ। ਟੂ-ਵ੍ਹੀਲਰ ਲਈ 400-500 ਰੁਪਏ ਅਤੇ ਫੋਰ-ਵ੍ਹੀਲਰ ਲਈ 600-1,100 ਰੁਪਏ ਫੀਸ ਲੱਗਦੀ ਹੈ।

ਗੱਡੀ ਜਾਂ ਬਾਈਕ ਦੀ ਨੰਬਰ ਪਲੇਟ ਟੁੱਟ ਗਈ ਹੈ? ਨਵੀਂ HSRP ਲਗਵਾਉਣ ਲਈ ਨਹੀਂ ਕੱਟਣੇ ਪੈਣਗੇ ਚੱਕਰ, ਘਰ ਬੈਠੇ ਇੰਝ ਹੋਵੇਗਾ ਕੰਮ

ਨੰਬਰ ਪਲੇਟ ਟੁੱਟੀ ਤਾਂ ਇੰਝ ਬਦਲੋ HSRP

ਟੁੱਟੀ ਜਾਂ ਖਰਾਬ HSRP ਨੰਬਰ ਪਲੇਟ ਨੂੰ bookmyhsrp.com ਰਾਹੀਂ ਘਰ ਬੈਠੇ ਆਸਾਨੀ ਨਾਲ ਆਨਲਾਈਨ ਬਦਲਿਆ ਜਾ ਸਕਦਾ ਹੈ। ਟੂ-ਵ੍ਹੀਲਰ ਲਈ 400-500 ਰੁਪਏ ਅਤੇ ਫੋਰ-ਵ੍ਹੀਲਰ ਲਈ 600-1,100 ਰੁਪਏ ਫੀਸ ਲੱਗਦੀ ਹੈ। ਗੱਡੀ ਚਲਾਉਂਦੇ ਸਮੇਂ ਕਿਸੇ ਹਾਦਸੇ, ਖਰਾਬ ਮੌਸਮ ਜਾਂ ਕਿਸੇ ਹੋਰ ਕਾਰਨ ਹਾਈ ਸਕਿਓਰਿਟੀ ਰਜਿਸਟ੍ਰੇਸ਼ਨ ਪਲੇਟ (HSRP) ਦਾ ਟੁੱਟ ਜਾਣਾ, ਟੇਢਾ ਹੋ ਜਾਣਾ ਜਾਂ ਧੁੰਦਲਾ ਹੋ ਜਾਣਾ ਆਮ ਗੱਲ ਹੈ। ਅਜਿਹੇ ਵਿੱਚ ਕਈ ਲੋਕ ਪਰੇਸ਼ਾਨ ਹੋ ਕੇ ਲੋਕਲ ਮਾਰਕੀਟ ਤੋਂ ਸਧਾਰਨ ਨੰਬਰ ਪਲੇਟ ਬਣਵਾ ਕੇ ਲਗਵਾ ਲੈਂਦੇ ਹਨ। ਪਰ Motor Vehicle Act ਦੇ ਤਹਿਤ ਟੁੱਟੀ-ਫੁੱਟੀ ਜਾਂ ਨਿਰਧਾਰਤ ਮਾਪਦੰਡਾਂ ਵਾਲੀ ਨੰਬਰ ਪਲੇਟ ਤੋਂ ਵੱਖਰੀ ਪਲੇਟ ਲਗਾ ਕੇ ਗੱਡੀ ਚਲਾਉਣਾ ਕਾਨੂੰਨੀ ਜੁਰਮ ਹੈ, ਜਿਸ ਕਾਰਨ ਭਾਰੀ ਚਲਾਨ ਵੀ ਭਰਨਾ ਪੈ ਸਕਦਾ ਹੈ।

ਇਸ ਵਿੱਚ ਰਾਹਤ ਦੀ ਗੱਲ ਇਹ ਹੈ ਕਿ ਨਵੀਂ HSRP ਪਲੇਟ ਲਈ ਤੁਹਾਨੂੰ ਨਾ ਤਾਂ RTO ਦੇ ਚੱਕਰ ਕੱਟਣੇ ਪੈਣਗੇ ਅਤੇ ਨਾ ਹੀ ਕਿਸੇ ਏਜੰਟ ਦੇ ਝੰਝਟ ਵਿੱਚ ਪੈਣਾ ਪਵੇਗਾ। ਇਹ ਪੂਰਾ ਕੰਮ ਆਨਲਾਈਨ ਬਹੁਤ ਆਸਾਨੀ ਨਾਲ ਹੋ ਜਾਂਦਾ ਹੈ। ਤੁਸੀਂ ਘਰ ਬੈਠੇ ਕੁਝ ਹੀ ਮਿੰਟਾਂ ਵਿੱਚ ਆਪਣੀ ਗੱਡੀ ਲਈ ਨਵੀਂ ਅਤੇ ਅਸਲੀ HSRP ਪਲੇਟ ਮੰਗਵਾ ਸਕਦੇ ਹੋ। ਆਓ ਤੁਹਾਨੂੰ ਇਸ ਦਾ ਪੂਰਾ ਪ੍ਰੋਸੈਸ ਦੱਸਦੇ ਹਾਂ।

ਨਵੀਂ ਪਲੇਟ ਮੰਗਵਾਉਣ ਦਾ ਆਸਾਨ ਤਰੀਕਾ

ਖਰਾਬ ਜਾਂ ਟੁੱਟੀ ਹੋਈ ਨੰਬਰ ਪਲੇਟ ਬਦਲਣ ਲਈ ਰਜਿਸਟਰਡ ਆਨਲਾਈਨ ਪੋਰਟਲ ਦੀ ਮਦਦ ਲੈਣਾ ਸਭ ਤੋਂ ਸੁਰੱਖਿਅਤ ਅਤੇ ਸਹੀ ਤਰੀਕਾ ਹੈ। ਇਸ ਲਈ ਇਹ ਆਸਾਨ ਸਟੈਪਸ ਅਪਣਾਓ।

  • ਪੋਰਟਲ ‘ਤੇ ਜਾਓ: ਸਭ ਤੋਂ ਪਹਿਲਾਂ ਅਧਿਕਾਰਤ ਵੈੱਬਸਾਈਟ bookmyhsrp.com ਖੋਲ੍ਹੋ।
  • ਸਹੀ ਆਪਸ਼ਨ ਚੁਣੋ: ਹੋਮਪੇਜ ‘ਤੇ High Security Registration Plate with Colour Sticker ਦਾ ਵਿਕਲਪ ਦਿਖਾਈ ਦੇਵੇਗਾ। ਜੇਕਰ ਸਿਰਫ਼ ਪਲੇਟ ਖਰਾਬ ਹੋਈ ਹੈ ਅਤੇ ਕਲਰ ਸਟਿੱਕਰ ਸਹੀ-ਸਲਾਮਤ ਹੈ, ਤਾਂ ਤੁਸੀਂ ਆਪਣੀ ਲੋੜ ਮੁਤਾਬਕ ਪੂਰਾ ਸੈੱਟ ਜਾਂ ਸਿਰਫ਼ ਅੱਗੇ/ਪਿੱਛੇ ਵਾਲੀ ਪਲੇਟ ਲਈ ਅਪਲਾਈ ਕਰ ਸਕਦੇ ਹੋ।
  • ਗੱਡੀ ਦੀ ਡਿਟੇਲ ਭਰੋ: ਆਪਣਾ ਸੂਬਾ ਚੁਣੋ ਅਤੇ ਗੱਡੀ ਦਾ ਰਜਿਸਟ੍ਰੇਸ਼ਨ ਨੰਬਰ, ਚੈਸੀ ਨੰਬਰ ਦੇ ਆਖਰੀ 5 ਅੰਕ ਅਤੇ ਇੰਜਣ ਨੰਬਰ ਦੇ ਆਖਰੀ 5 ਅੰਕ ਦਰਜ ਕਰੋ। ਇਸ ਤੋਂ ਬਾਅਦ ਕੈਪਚਾ ਕੋਡ ਭਰ ਕੇ ਅੱਗੇ ਵਧੋ।
  • ਜਗ੍ਹਾ ਅਤੇ ਸਮਾਂ ਚੁਣੋ: ਡਿਟੇਲ ਵੈਰੀਫਾਈ ਹੋਣ ਤੋਂ ਬਾਅਦ ਆਪਣਾ ਨਾਮ, ਈਮੇਲ ਅਤੇ ਮੋਬਾਈਲ ਨੰਬਰ ਦਰਜ ਕਰੋ। ਫਿਰ ਇਹ ਤੈਅ ਕਰੋ ਕਿ ਤੁਸੀਂ ਪਲੇਟ ਕਿਸੇ ਨਜ਼ਦੀਕੀ ਡੀਲਰਸ਼ਿਪ ‘ਤੇ ਲਗਵਾਉਣੀ ਹੈ ਜਾਂ ਘਰ ‘ਤੇ ਡਿਲੀਵਰੀ ਚਾਹੁੰਦੇ ਹੋ। ਇਸ ਤੋਂ ਬਾਅਦ ਆਪਣੀ ਪਸੰਦ ਦੀ ਤਾਰੀਖ ਅਤੇ ਸਮਾਂ ਚੁਣੋ।
  • ਆਨਲਾਈਨ ਪੇਮੈਂਟ ਕਰੋ: ਅਖੀਰ ਵਿੱਚ ਨਿਰਧਾਰਤ ਫੀਸ ਦਾ ਭੁਗਤਾਨ UPI, ਨੈੱਟ ਬੈਂਕਿੰਗ ਜਾਂ ਕਾਰਡ ਰਾਹੀਂ ਕਰੋ। ਪੇਮੈਂਟ ਪੂਰਾ ਹੁੰਦੇ ਹੀ ਇੱਕ ਅਕਨੌਲੇਜਮੈਂਟ ਰਸੀਦ ਜਨਰੇਟ ਹੋਵੇਗੀ, ਜਿਸ ਨੂੰ ਸੇਵ ਕਰਕੇ ਪ੍ਰਿੰਟ ਕੱਢ ਲਓ।

ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ

ਅਪਲਾਈ ਕਰਨ ਤੋਂ ਲੈ ਕੇ ਪਲੇਟ ਲਗਵਾਉਣ ਤੱਕ ਕੁਝ ਜ਼ਰੂਰੀ ਗੱਲਾਂ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੈ।

  • ਪੇਪਰ ਵਰਕ: ਫਾਰਮ ਭਰਦੇ ਸਮੇਂ ਕਿਸੇ ਡਾਕੂਮੈਂਟ ਨੂੰ ਅਪਲੋਡ ਕਰਨ ਦੀ ਲੋੜ ਨਹੀਂ ਪੈਂਦੀ। ਸਿਰਫ਼ ਗੱਡੀ ਦੀ RC ਆਪਣੇ ਕੋਲ ਰੱਖੋ, ਤਾਂ ਜੋ ਚੈਸੀ ਅਤੇ ਇੰਜਣ ਨੰਬਰ ਬਿਲਕੁਲ ਸਹੀ ਭਰੇ ਜਾ ਸਕਣ। ਇਸ ਦੇ ਨਾਲ ਹੀ ਨਿਰਧਾਰਤ ਦਿਨ ਡੀਲਰਸ਼ਿਪ ਜਾਂਦੇ ਸਮੇਂ ਪੇਮੈਂਟ ਦੀ ਰਸੀਦ ਅਤੇ ਅਸਲੀ RC ਨਾਲ ਲੈ ਕੇ ਜਾਣਾ ਨਾ ਭੁੱਲੋ।
  • ਧੋਖਾਧੜੀ ਤੋਂ ਬਚੋ: ਆਨਲਾਈਨ ਕਈ ਨਕਲੀ ਸਾਈਟਾਂ ਚੱਲ ਰਹੀਆਂ ਹਨ, ਜੋ HSRP ਦੇ ਨਾਂ ‘ਤੇ ਧੋਖਾਧੜੀ ਕਰਦੀਆਂ ਹਨ। ਹਮੇਸ਼ਾ ਅਧਿਕਾਰਤ ਮਾਧਿਅਮ ਰਾਹੀਂ ਹੀ ਬੁਕਿੰਗ ਕਰੋ।

ਕਿੰਨਾ ਆਵੇਗਾ ਖਰਚਾ?

ਨਵੀਂ HSRP ਲਗਵਾਉਣ ਦੀ ਫੀਸ ਗੱਡੀ ਦੇ ਵੇਰੀਐਂਟ ਅਤੇ ਸੂਬੇ ਦੇ ਟੈਕਸ ਦੇ ਹਿਸਾਬ ਨਾਲ ਥੋੜ੍ਹੀ ਘੱਟ-ਵੱਧ ਹੋ ਸਕਦੀ ਹੈ। ਆਮ ਤੌਰ ‘ਤੇ ਟੂ-ਵ੍ਹੀਲਰ ਲਈ ਇਹ ਖਰਚਾ 400 ਤੋਂ 500 ਰੁਪਏ ਦੇ ਕਰੀਬ ਰਹਿੰਦਾ ਹੈ, ਜਦਕਿ ਫੋਰ-ਵ੍ਹੀਲਰ ਲਈ 600 ਤੋਂ 1,100 ਰੁਪਏ ਤੱਕ ਲੱਗ ਸਕਦੇ ਹਨ। ਜੇਕਰ ਤੁਸੀਂ ਹੋਮ ਡਿਲੀਵਰੀ ਚੁਣਦੇ ਹੋ, ਤਾਂ 100 ਤੋਂ 250 ਰੁਪਏ ਤੱਕ ਵਾਧੂ ਚਾਰਜ ਦੇਣਾ ਪੈ ਸਕਦਾ ਹੈ।

Source: TV9Hindi.com
Loading...
Unable to load recommendations.
Follow Us