ਪੁਰਾਣੀ ਕਾਰ ਵੇਚਣ ਜਾ ਰਹੇ ਹੋ? ਇਹ ਡੌਕੂਮੈਂਟ ਜਰੂਰ ਰੱਖੋ ਨਾਲ, ਮਿਲੇਗੀ ਮੁੰਹ ਮੰਗੀ ਕੀਮਤ

ਪੁਰਾਣੀ ਕਾਰ ਵੇਚਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

ਜੇਕਰ ਤੁਸੀਂ ਆਪਣੀ ਕਾਰ ਵੇਚਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਇਹ ਜ਼ਰੂਰੀ ਹੈ ਕਿ ਤੁਹਾਡੇ ਕੋਲ ਸਾਰੇ ਜ਼ਰੂਰੀ ਡੌਕੂਮੈਂਟਸ ਹੋਣ। ਇਹ ਤੁਹਾਨੂੰ ਵਿਕਰੀ ਦੌਰਾਨ ਆਪਣੀ ਕਾਰ ਲਈ ਚੰਗੀ ਰਕਮ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਕਾਰ ਵੇਚਦੇ ਸਮੇਂ ਤੁਹਾਡੇ ਕੋਲ ਕਿਹੜੇ ਦਸਤਾਵੇਜ਼ ਹੋਣੇ ਚਾਹੀਦੇ ਹਨ। ਭਾਰਤ ਵਿੱਚ ਆਪਣੀ ਪੁਰਾਣੀ ਕਾਰ ਵੇਚਣ ਵੇਲੇ ਸਭ ਤੋਂ ਮਹੱਤਵਪੂਰਨ ਡੌਕੂਮੈਂਟਸ ਹਨ – ਕਾਰ ਨਾਲ ਸਬੰਧਤ ਦਸਤਾਵੇਜ਼, ਆਈਡੇਂਟੀਫਿਕੇਸ਼ਨ ਵੈਰੀਫਿਕੇਸ਼ਨ ਡੌਕੂਮੈਂਟ , RTO ਡੌਕੂਮੈਂਟ ।

ਕਾਰ ਨਾਲ ਸਬੰਧਤ ਡੌਕੂਮੈਂਟ

ਕਾਰ ਨਾਲ ਸਬੰਧਤ ਡੌਕੂਮੈਂਟ ਵਿੱਚੋਂ RC ਮਹੱਤਵਪੂਰਨ ਹੈ। ਮੋਟਰ ਵਹੀਕਲ ਐਕਟ 1988 ਦੇ ਅਨੁਸਾਰ, ਇਹ ਡੌਕੂਮੈਂਟ ਕਿਸੇ ਵੀ ਵਾਹਨ ਨੂੰ ਵੇਚਦੇ ਸਮੇਂ ਜ਼ਰੂਰੀ ਹੈ। ਇਹ ਸਾਬਤ ਕਰਦਾ ਹੈ ਕਿ ਵਾਹਨ ਤੁਹਾਡੇ ਨਾਮ ‘ਤੇ ਰਜਿਸਟਰਡ ਹੈ ਅਤੇ ਤੁਸੀਂ ਇਸਦੇ ਕਾਨੂੰਨੀ ਮਾਲਕ ਹੋ। ਇਸ ਲਈ, ਤੁਹਾਡੇ ਕੋਲ ਇਹ ਡੌਕੂਮੈਂਟ ਹੋਣਾ ਚਾਹੀਦਾ ਹੈ।

ਜੇਕਰ ਤੁਹਾਡੀ ਆਰਸੀ ਚੋਰੀ ਹੋ ਜਾਂਦੀਹੈ ਜਾਂ ਗੁੰਮ ਹੋ ਜਾਂਦੀ ਹੈ, ਤਾਂ ਤੁਹਾਨੂੰ ਫਾਰਮ 26 ਭਰਨਾ ਪਵੇਗਾ ਅਤੇ ਇਸਦੀ ਡੁਪਲੀਕੇਟ ਕਾਪੀ ਲੈਣੀ ਹੋਵੇਗੀ। ਅਜਿਹਾ ਕਰਨ ਤੋਂ ਪਹਿਲਾਂ, ਆਪਣੇ ਸਥਾਨਕ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ ਦਰਜ ਕਰੋ।

ਪ੍ਰਦੂਸ਼ਣ ਕੰਟਰੋਲ ਜਾਂ ਪੀਯੂਸੀ ਸਰਟੀਫਿਕੇਟ ਇਹ ਡੌਕੂਮੈਂਟ ਦਰਸਾਉਂਦਾ ਹੈ ਕਿ ਤੁਹਾਡੀ ਕਾਰ ਦਾ ਨਿਕਾਸ ਸਰਕਾਰੀ ਮਾਪਦੰਡਾਂ ਦੇ ਅਨੁਸਾਰ ਹੈ ਅਤੇ ਹਵਾ ਪ੍ਰਦੂਸ਼ਣ ਵਿੱਚ ਬਹੁਤ ਜ਼ਿਆਦਾ ਯੋਗਦਾਨ ਨਹੀਂ ਪਾਉਂਦਾ। ਤੁਸੀਂ ਆਪਣੇ ਨਜ਼ਦੀਕੀ ਪੈਟਰੋਲ ਪੰਪ ਤੋਂ ਆਪਣੇ ਵਾਹਨ ਦਾ ਪੀਯੂਸੀ ਸਰਟੀਫਿਕੇਟ ਪ੍ਰਾਪਤ ਕਰ ਸਕਦੇ ਹੋ ਜਿੱਥੇ ਨਿਕਾਸ ਜਾਂਚ ਸਹੂਲਤ ਉਪਲਬਧ ਹੈ।

ਕਾਰ ਇੰਸ਼ੌਰੈਂਸ

ਆਰਟੀਓ ਕਾਰ ਇੰਸ਼ੌਰੈਂਸ ਤੋਂ ਬਿਨਾਂ ਮਾਲਕੀ ਟ੍ਰਾਂਸਫਰ ਦੀ ਪ੍ਰਕਿਰਿਆ ਨਹੀਂ ਕਰੇਗਾ। ਇਸ ਲਈ, ਕਾਰ ਵੇਚਣ ਵੇਲੇ ਕਾਰ ਬੀਮੇ ਦੀ ਲੋੜ ਹੋਵੇਗੀ।

ਵਿਕਲਪਿਕ ਡੌਕੂਮੈਂਟ

ਇਸਦੇ ਨਾਲ, ਤੁਸੀਂ ਇਹਨਾਂ ਵਿਕਲਪਿਕ ਡੌਕੂਮੈਂਟਸ ਨੂੰ ਆਪਣੇ ਕੋਲ ਵੀ ਰੱਖ ਸਕਦੇ ਹੋ। ਜਿਵੇਂ ਕਿ ਵਾਹਨ ਬਿੱਲ, ਆਨਰ ਮੈਨੂਅਲ, ਤਰੱਥ ਸਰਵਿਸ ਹਿਸਟਰੀ ਰਿਕਾਰਡ। ਇਸ ਨਾਲ ਵਾਹਨ ਖਰੀਦਣ ਵਾਲੇ ਵਿਅਕਤੀ ਦਾ ਵਿਸ਼ਵਾਸ ਵੱਧ ਜਾਵੇਗਾ।

ਆਈਡੇਂਟੀਫਿਕੇਸ਼ਨ ਵੈਰੀਫਿਕੇਸ਼ਨ ਡੌਕੂਮੈਂਟ

ਪੈਨ ਕਾਰਡ: ਪੈਨ ਕਾਰਡ ਸਭ ਤੋਂ ਮਹੱਤਵਪੂਰਨ ਡੌਕੂਮੈਂਟ ਵਿੱਚੋਂ ਇੱਕ ਹੈ।

ਪਤੇ ਦਾ ਸਬੂਤ: ਇਹ ਡੌਕੂਮੈਂਟ ਤੁਹਾਡੇ ਨਿਵਾਸ ਸਥਾਨ ਦੀ ਪੁਸ਼ਟੀ ਕਰਦਾ ਹੈ। ਭਾਰਤ ਦੇ ਜ਼ਿਆਦਾਤਰ ਰਾਜਾਂ/ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚ ਤੁਹਾਡੇ ਪਤੇ ਦੇ ਸਬੂਤ ਦੀ ਇੱਕ ਸਵੈ-ਪ੍ਰਮਾਣਿਤ ਕਾਪੀ ਦੀ ਲੋੜ ਹੁੰਦੀ ਹੈ। ਤੁਸੀਂ ਆਪਣੇ ਮੌਜੂਦਾ ਪਤੇ ਦੇ ਨਾਲ ਆਧਾਰ ਕਾਰਡ, ਵੋਟਰ ਆਈਡੀ ਕਾਰਡ, ਪਾਸਪੋਰਟ ਜਾਂ ਕੋਈ ਹੋਰ ਸਰਕਾਰੀ ਡੌਕੂਮੈਂਟ ਵਰਤ ਸਕਦੇ ਹੋ। ਕੁਝ ਰਾਜਾਂ ਵਿੱਚ, ਬਿਜਲੀ ਦੇ ਬਿੱਲਾਂ ਨੂੰ ਵੀ ਪਤੇ ਦੇ ਸਬੂਤ ਵਜੋਂ ਵਰਤਿਆ ਜਾ ਸਕਦਾ ਹੈ।

ਆਰਟੀਓ ਦਸਤਾਵੇਜ਼

ਫਾਰਮ 28: ਇਹ ਇੱਕ ਐਨਓਸੀ ਹੈ। ਇਹ ਦਰਸਾਉਂਦਾ ਹੈ ਕਿ ਆਨਰਸ਼ਿਪ ਟ੍ਰਾਂਸਫਰ ‘ਤੇ ਕੋਈ ਇਤਰਾਜ਼ ਨਹੀਂ ਹੈ ਅਤੇ ਤੁਹਾਡੇ ਵਾਹਨ ਦਾ ਰਿਕਾਰਡ ਠੀਕ ਹੈ।

ਫਾਰਮ 29: ਇਹ ਫਾਰਮ ਆਰਟੀਓ ਨੂੰ ਸੂਚਿਤ ਕਰਨ ਲਈ ਵਰਤਿਆ ਜਾਂਦਾ ਹੈ ਕਿ ਵਾਹਨ ਕਿਸੇ ਤੀਜੀ ਧਿਰ ਨੂੰ ਵੇਚ ਦਿੱਤਾ ਗਿਆ ਹੈ। ਤੁਹਾਨੂੰ ਇਹ ਪੁਸ਼ਟੀ ਕਰਨ ਲਈ ਫਾਰਮ 29 ਦੀਆਂ ਦੋ ਕਾਪੀਆਂ ਜਮ੍ਹਾਂ ਕਰਾਉਣੀਆਂ ਪੈਣਗੀਆਂ ਕਿ ਕਾਰ ਨਾਲ ਸਬੰਧਤ ਸਾਰੇ ਡੌਕੂਮੈਂਟਸ ਵਿਕਰੀ ਵਿੱਚ ਸ਼ਾਮਲ ਖਰੀਦਦਾਰ ਨੂੰ ਟ੍ਰਾਂਸਫਰ ਕਰ ਦਿੱਤੇ ਗਏ ਹਨ।

ਫਾਰਮ 30: ਇਹ ਇੱਕ ਕੰਫਰਮੇਸ਼ਨ ਫਾਰਮ ਹੈ। ਫਾਰਮ 29 ਜਮ੍ਹਾਂ ਕਰਨ ਤੋਂ ਬਾਅਦ, ਇਹ ਵੇਚਣ ਵਾਲੇ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਫਾਰਮ 30 ਭਰੇ ਅਤੇ ਆਰਟੀਓ ਨੂੰ ਸੂਚਿਤ ਕਰੇ ਕਿ ਆਨਰਸ਼ਿਪ ਟ੍ਰਾਂਸਫਰ ਤੁਰੰਤ ਸ਼ੁਰੂ ਕੀਤਾ ਜਾਵੇ।