ਅਜੀਤ ਪਵਾਰ ਦੇ ਹਾਦਸੇ ਵਾਲਾ ਜਹਾਜ਼ ਕਿਹੜਾ ਸੀ? ਜਾਣੋ ਇਸ VIP ਜੈੱਟ ਦੀ ਰਫ਼ਤਾਰ, ਸਮਰੱਥਾ ਅਤੇ ਹਰ ਛੋਟੀ-ਵੱਡੀ ਜਾਣਕਾਰੀ
ਸਵੇਰੇ 8 ਵੱਜ ਕੇ 45 ਮਿੰਟ ਦਾ ਸਮਾਂ ਸੀ, ਜਦੋਂ ਮਹਾਰਾਸ਼ਟਰ ਦੇ ਉਪ-ਮੁੱਖ ਮੰਤਰੀ ਅਜੀਤ ਪਵਾਰ ਨੂੰ ਲੈ ਕੇ ਜਾ ਰਿਹਾ ਇੱਕ ਚਾਰਟਰਡ ਜਹਾਜ਼ ਅਚਾਨਕ ਹਾਦਸਾਗ੍ਰਸਤ ਹੋ ਗਿਆ। ਇਸ ਭਿਆਨਕ ਹਵਾਈ ਹਾਦਸੇ ਵਿੱਚ ਅਜੀਤ ਪਵਾਰ ਦਾ ਦਿਹਾਂਤ ਹੋ ਗਿਆ।
ਅਜੀਤ ਪਵਾਰ ਦੇ ਹਾਦਸੇ ਵਾਲਾ ਜਹਾਜ਼ ਕਿਹੜਾ ਸੀ? ਜਾਣੋ ਇਸ VIP ਜੈੱਟ ਦੀ ਸਮਰੱਥਾ
ਸਵੇਰੇ 8 ਵੱਜ ਕੇ 45 ਮਿੰਟ ਦਾ ਸਮਾਂ ਸੀ, ਜਦੋਂ ਮਹਾਰਾਸ਼ਟਰ ਦੇ ਉਪ-ਮੁੱਖ ਮੰਤਰੀ ਅਜੀਤ ਪਵਾਰ ਨੂੰ ਲੈ ਕੇ ਜਾ ਰਿਹਾ ਇੱਕ ਚਾਰਟਰਡ ਜਹਾਜ਼ ਅਚਾਨਕ ਹਾਦਸਾਗ੍ਰਸਤ ਹੋ ਗਿਆ। ਇਸ ਭਿਆਨਕ ਹਵਾਈ ਹਾਦਸੇ ਵਿੱਚ ਅਜੀਤ ਪਵਾਰ ਦਾ ਦਿਹਾਂਤ ਹੋ ਗਿਆ। ਉਹ ਬਾਰਾਮਤੀ ਵਿੱਚ ਹੋਣ ਵਾਲੀ ਇੱਕ ਜਨਸਭਾ ਵਿੱਚ ਸ਼ਾਮਲ ਹੋਣ ਲਈ ਮੁੰਬਈ ਤੋਂ ਰਵਾਨਾ ਹੋਏ ਸਨ। ਹਾਦਸੇ ਤੋਂ ਬਾਅਦ ਪੂਰੇ ਦੇਸ਼ ਵਿੱਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਇਸ ਹਾਦਸੇ ਤੋਂ ਬਾਅਦ ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਉਠ ਰਹੇ ਹਨ ਕਿ ਅਜੀਤ ਪਵਾਰ ਜਿਸ ਜਹਾਜ਼ ਵਿੱਚ ਸਫ਼ਰ ਕਰ ਰਹੇ ਸਨ, ਉਹ ਕਿਹੜਾ ਜਹਾਜ਼ ਸੀ, ਉਸਨੂੰ ਕਿਸ ਕੰਪਨੀ ਨੇ ਤਿਆਰ ਕੀਤਾ ਸੀ, ਉਸਦੀ ਉਡਾਣ ਸਮਰੱਥਾ ਕਿੰਨੀ ਸੀ ਅਤੇ ਉਸ ਵਿੱਚ ਕਿੰਨੇ ਯਾਤਰੀ ਬੈਠ ਸਕਦੇ ਸਨ। ਆਓ, ਇਸ ਹਵਾਈ ਜਹਾਜ਼ ਨਾਲ ਜੁੜੀਆਂ ਸਾਰੀਆਂ ਅਹਿਮ ਜਾਣਕਾਰੀਆਂ ‘ਤੇ ਨਜ਼ਰ ਮਾਰਦੇ ਹਾਂ।
ਜਹਾਜ਼ ਨਾਲ ਸੰਬੰਧਿਤ ਮੁੱਖ ਜਾਣਕਾਰੀਆਂ
ਹਾਦਸਾਗ੍ਰਸਤ ਜਹਾਜ਼ Learjet 45 ਮਾਡਲ ਦਾ ਸੀ, ਜਿਸਨੂੰ ਵਿਸ਼ਵ ਪ੍ਰਸਿੱਧ ਏਅਰਕ੍ਰਾਫਟ ਨਿਰਮਾਤਾ ਕੰਪਨੀ Bombardier Aerospace ਵੱਲੋਂ ਤਿਆਰ ਕੀਤਾ ਗਿਆ ਸੀ। ਇਹ ਜਹਾਜ਼ 1998 ਤੋਂ 2009 ਦਰਮਿਆਨ ਬਣਾਇਆ ਜਾਂਦਾ ਰਿਹਾ। ਇਸ ਜਹਾਜ਼ ਦਾ ਰਜਿਸਟ੍ਰੇਸ਼ਨ ਨੰਬਰ VT-SSK ਸੀ ਅਤੇ ਇਸਦਾ ਓਪਰੇਟਰ VSR Ventures Pvt. Ltd. ਸੀ।
Learjet 45 ਨੂੰ ਇੱਕ ਤੇਜ਼, ਸੁਪਰ ਲਾਈਟ ਅਤੇ ਮੀਡੀਆਮ ਸਾਈਜ਼ ਬਿਜ਼ਨਸ ਜੈਟ ਮੰਨਿਆ ਜਾਂਦਾ ਹੈ, ਜਿਸਦਾ ਇਸਤੇਮਾਲ ਆਮ ਤੌਰ ‘ਤੇ VIP ਅਤੇ ਕਾਰਪੋਰੇਟ ਯਾਤਰਾਵਾਂ ਲਈ ਕੀਤਾ ਜਾਂਦਾ ਹੈ। ਇਸ ਜਹਾਜ਼ ਵਿੱਚ ਆਮ ਤੌਰ ‘ਤੇ 8 ਤੋਂ 9 ਯਾਤਰੀਆਂ ਦੇ ਬੈਠਣ ਦੀ ਸਹੂਲਤ ਹੁੰਦੀ ਹੈ।
ਉਡਾਣ ਸਮਰੱਥਾ ਅਤੇ ਖਾਸੀਅਤਾਂ
Learjet 45 ਆਪਣੀ ਸ਼ਾਨਦਾਰ ਪਰਫ਼ਾਰਮੈਂਸ ਲਈ ਜਾਣਿਆ ਜਾਂਦਾ ਹੈ। ਇਹ ਜਹਾਜ਼ 464 ਨਾਟਸ (ਲਗਭਗ 534 ਮੀਲ ਪ੍ਰਤੀ ਘੰਟਾ) ਦੀ ਰਫ਼ਤਾਰ ਨਾਲ ਉੱਡ ਸਕਦਾ ਹੈ। ਇਸ ਦੀ ਉਡਾਣ ਸੀਮਾ 2000 ਤੋਂ ਵੱਧ ਨਾਟਿਕਲ ਮੀਲ ਹੈ ਅਤੇ ਇਹ 51,000 ਫੁੱਟ ਦੀ ਉਚਾਈ ਤੱਕ ਉੱਡਣ ਦੇ ਯੋਗ ਹੈ। ਸਾਲ 2004 ਵਿੱਚ ਇਸ ਜਹਾਜ਼ ਦਾ ਅਪਗ੍ਰੇਡ ਵਰਜ਼ਨ Learjet 45XR ਵੀ ਲਾਂਚ ਕੀਤਾ ਗਿਆ ਸੀ, ਜਿਸ ਵਿੱਚ ਫਿਊਲ ਐਫ਼ੀਸ਼ੰਸੀ ਅਤੇ ਗਤੀ ਨੂੰ ਹੋਰ ਬਿਹਤਰ ਬਣਾਇਆ ਗਿਆ ਸੀ।
ਇਹ ਵੀ ਪੜ੍ਹੋ
ਕਿਸ ਕੰਪਨੀ ਦਾ ਸੀ ਇਹ ਜਹਾਜ਼?
ਡਿਪਟੀ ਸੀਐਮ ਅਜੀਤ ਪਵਾਰ ਜਿਸ ਜਹਾਜ਼ ਵਿੱਚ ਸਵਾਰ ਸਨ, ਉਹ VSR Ventures Pvt. Ltd. ਨਾਮਕ ਦਿੱਲੀ ਅਧਾਰਤ ਪ੍ਰਾਈਵੇਟ ਏਵਿਏਸ਼ਨ ਕੰਪਨੀ ਦਾ ਸੀ। ਇਹ ਕੰਪਨੀ ਚਾਰਟਰਡ ਜਹਾਜ਼ ਸੇਵਾਵਾਂ ਦੇਣ ਦੇ ਨਾਲ-ਨਾਲ ਏਵਿਏਸ਼ਨ ਕਨਸਲਟੈਂਸੀ ਦਾ ਕੰਮ ਵੀ ਕਰਦੀ ਹੈ।ਗੌਰਤਲਬ ਹੈ ਕਿ ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ VSR ਦੀ ਕਿਸੇ ਉਡਾਣ ਨਾਲ ਹਾਦਸਾ ਵਾਪਰਿਆ ਹੋਵੇ। 14 ਸਤੰਬਰ 2023 ਨੂੰ ਵੀ ਇਸ ਕੰਪਨੀ ਦਾ ਇੱਕ Learjet 45 ਮੁੰਬਈ ਏਅਰਪੋਰਟ ‘ਤੇ ਹਾਦਸਾਗ੍ਰਸਤ ਹੋ ਚੁੱਕਾ ਹੈ।
ਹਾਦਸੇ ਸਮੇਂ ਜਹਾਜ਼ ਵਿੱਚ ਕੌਣ-ਕੌਣ ਸਵਾਰ ਸੀ?
ਹਾਦਸੇ ਵੇਲੇ ਜਹਾਜ਼ ਵਿੱਚ ਕੁੱਲ ਪੰਜ ਲੋਕ ਸਵਾਰ ਸਨ। ਇਨ੍ਹਾਂ ਵਿੱਚ ਮਹਾਰਾਸ਼ਟਰ ਦੇ ਉਪ-ਮੁੱਖ ਮੰਤਰੀ ਅਜੀਤ ਪਵਾਰ, ਮੁੰਬਈ ਤੋਂ ਤਾਇਨਾਤ ਉਨ੍ਹਾਂ ਦੇ ਪੀਐਸਓ ਹੈੱਡ ਕਾਂਸਟੇਬਲ ਵਿਦਿਪ ਜਾਧਵ, ਪਾਇਲਟ ਕੈਪਟਨ ਸੁਮਿਤ ਕਪੂਰ, ਕੋ-ਪਾਇਲਟ ਕੈਪਟਨ ਸਾਂਭਵੀ ਪਾਠਕ ਅਤੇ ਫਲਾਈਟ ਅਟੈਂਡੈਂਟ ਪਿੰਕੀ ਮਾਲੀ ਸ਼ਾਮਲ ਸਨ।