Pakistan Shocking News: ਪਾਕਿਸਤਾਨੀ ਫੌਜ ਨੇ ਪੰਜਾਬ ਪੁਲਿਸ ਤੇ ਢਾਹਿਆ ਤਸ਼ੱਦਦ, ਬੇਰਹਿਮੀ ਨਾਲ ਕੀਤੀ ਕੁੱਟਮਾਰ, ਵੀਡੀਓ ਵਾਇਰਲ
Shocking News: ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਜਿਸ ਵਿੱਚ ਪਾਕਿਸਤਾਨ ਦੇ ਜਵਾਨ ਪੰਜਾਬ ਪੁਲਿਸ ਨੂੰ ਬੇਰਹਿਮੀ ਨਾਲ ਕੁੱਟਦੇ ਨਜ਼ਰ ਆ ਰਹੇ ਹਨ। ਕਿਉਂਕਿ ਪੁਲਿਸ ਨੇ ਇੱਕ ਫੌਜੀ ਦੇ ਭਰਾ ਤੋਂ ਗੈਰ-ਕਾਨੂੰਨੀ ਅਸਲਾ ਬਰਾਮਦ ਕੀਤਾ ਸੀ। ਜਿਸ ਦੇ ਕਾਰਨ ਫੌਜ ਦੇ ਜਵਾਨਾਂ ਨੇ ਪੁਲਿਸ ਨੂੰ ਕੁੱਟਿਆ। ਹਾਲਾਂਕਿ ਕਈ ਇਹ ਵੀ ਦਾਅਵਾ ਕਰ ਰਹੇ ਹਨ ਕਿ ਇਹ ਘਟਨਾ ਦੀ ਪੂਰੀ ਤਸਵੀਰ ਨਹੀਂ ਹੈ। ਹਕੀਕਤ ਇਹ ਹੈ ਕਿ ਭ੍ਰਿਸ਼ਟ ਪੁਲਿਸ ਅਧਿਕਾਰੀ ਰਿਜ਼ਵਾਨ ਅੱਬਾਸ ਨੇ ਇੱਕ ਪਰਿਵਾਰ ਨੂੰ ਔਰਤਾਂ ਸਮੇਤ ਗੈਰ-ਕਾਨੂੰਨੀ ਢੰਗ ਨਾਲ ਤਸ਼ੱਦਦ ਕੀਤਾ ਬਾਅਦ ਵਿੱਚ ਉਨ੍ਹਾਂ ਨੂੰ ਨਾਜਾਇਜ਼ ਤੌਰ 'ਤੇ ਥਾਣੇ ਵਿੱਚ ਨਜ਼ਰਬੰਦ ਕੀਤਾ।
ਪਾਕਿਸਤਾਨ ਵਿੱਚ ਪੰਜਾਬ ਸੂਬੇ ਦੇ ਬਹਾਵਲਨਗਰ ਤੋਂ ਬੇਹੱਦ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ। ਜਿੱਥੇ ਪਾਕਿਸਤਾਨੀ ਫੌਜ ਦੇ ਜਵਾਨਾਂ ਨੇ ਬੁੱਧਵਾਰ ਨੂੰ ਪੰਜਾਬ ਸੂਬੇ ਦੇ ਬਹਾਵਲਨਗਰ ‘ਚ ਪੁਲਿਸ ਅਧਿਕਾਰੀਆਂ ‘ਤੇ ਹਮਲਾ ਕੀਤਾ। ਸਿਪਾਹੀਆਂ ਦੀ ਪੁਲਿਸ ਨਾਲ ਕੁੱਟਮਾਰ ਦੇ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੇ ਹਨ। ਇਹ ਘਟਨਾ ਮਦਰੀਸਾ ਪੁਲਿਸ ਸਟੇਸ਼ਨ ਦੀ ਹੈ, ਜਿੱਥੇ ਪੁਲਿਸ ਨੇ ਇੱਕ ਸਿਪਾਹੀ ਦੇ ਭਰਾ ਤੋਂ ਗੈਰ-ਕਾਨੂੰਨੀ ਹਥਿਆਰ ਜ਼ਬਤ ਕੀਤੇ ਹਨ। ਜਿਸ ਦੇ ਕਾਰਨ ਪੁਲਿਸ ਅਤੇ ਫੌਜ ਜੇ ਜਵਾਨਾਂ ਵਿਚਾਲੇ ਭਿਆਨਕ ਲੜਾਈ ਹੋਈ।
ਸਿਪਾਹੀਆਂ ਦਾ ਸਮੂਹ ਲਗਭਗ ਸੱਤ ਤੋਂ ਅੱਠ ਵਾਹਨਾਂ ਵਿੱਚ ਪਹੁੰਚਿਆ, ਇੱਕ ਪੁਲਿਸ ਅਧਿਕਾਰੀ ਤੋਂ ਚਾਬੀਆਂ ਖੋਹ ਲਈਆਂ, ਅਤੇ ਸਟੇਸ਼ਨ ਵਿੱਚ ਦਾਖਲ ਹੋ ਗਏ, ਜਿਸ ਨਾਲ ਹਫੜਾ-ਦਫੜੀ ਮਚ ਗਈ। ਉਨ੍ਹਾਂ ਨੇ ਰਾਈਫਲ ਅਤੇ ਡੰਡਿਆਂ ਨਾਲ ਅਧਿਕਾਰੀਆਂ ਦੀ ਕੁੱਟਮਾਰ ਕੀਤੀ, ਇੱਥੋਂ ਤੱਕ ਕਿ ਸਟੇਸ਼ਨ ਦੇ ਐਸਐਚਓ ਨੂੰ ਵੀ ਟਾਰਚਰ ਕੀਤਾ। ਸਟੇਸ਼ਨ ਇੰਚਾਰਜ ਅਤੇ ਉਸ ਦੇ ਸਟਾਫ ਨੂੰ ਬੇਰਹਿਮੀ ਨਾਲ ਕੁੱਟਿਆ ਗਿਆ, ਉਨ੍ਹਾਂ ਦੇ ਸਰੀਰ ‘ਤੇ ਨਿਸ਼ਾਨ ਵੀ ਦਿਖਾਈ ਦੇ ਰਹੇ ਸਨ।
ਇਹ ਹਮਲਾ ਬੁੱਧਵਾਰ ਸਵੇਰੇ ਕਰੀਬ 10 ਵਜੇ ਈਦ ਦੀ ਨਮਾਜ਼ ਤੋਂ ਬਾਅਦ ਹੋਇਆ, ਜਿਸ ਦੇ ਚੱਲਦੇ ਵਜੋਂ ਕਈ ਪੁਲਿਸ ਅਧਿਕਾਰੀ ਅਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਗੰਭੀਰ ਸੱਟਾਂ ਲੱਗੀਆਂ। ਇਸ ਘਟਨਾ ਨੇ ਗੁੱਸੇ ਨੂੰ ਭੜਕਾਇਆ ਹੈ ਅਤੇ ਹਥਿਆਰ ਜ਼ਬਤ ਕਰਨ ਦੇ ਵਿਵਾਦ ‘ਤੇ ਫੌਜ ਦੇ ਗੈਰ-ਅਨੁਪਾਤਕ ਜਵਾਬ ਲਈ ਜਵਾਬਦੇਹੀ ਦੀ ਮੰਗ ਕੀਤੀ ਹੈ।
#BREAKING Pakistan army soldiers beat up police officials in #Bahawalnagar after a dispute over illegal weapons recovery from one of the family members of a soldier. Reports of several police officials beaten & police stations attacked. Is the military in Pakistan above the law? pic.twitter.com/8moDrE656L
— Taha Siddiqui (@TahaSSiddiqui) April 10, 2024
ਇਹ ਵੀ ਪੜ੍ਹੋ- ਮਹਿਲਾ ਵੇਟਰ ਦੀ ਵੀਡੀਓ ਨੇ ਇੰਟਰਨੈੱਟ ਤੇ ਮਚਾਈ ਹਲਚਲ, ਰੋਬੋਟਿਕ ਹਰਕਤਾਂ ਨੂੰ ਦੇਖ ਕੇ ਲੋਕ ਪ੍ਰੇਸ਼ਾਨ
40-50 ਦੇ ਕਰੀਬ ਸਿਪਾਹੀਆਂ ਨੇ ਥਾਣੇ ‘ਤੇ ਧਾਵਾ ਬੋਲ ਦਿੱਤਾ
ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਗਈ ਵੀਡੀਓ ‘ਚ ਇਕ ਵਿਅਕਤੀ ਨੂੰ ਇਹ ਕਹਿੰਦੇ ਹੋਏ ਸੁਣਿਆ ਜਾ ਸਕਦਾ ਹੈ ਕਿ 40-50 ਦੇ ਕਰੀਬ ਫੌਜੀ ਦੇ ਜਵਾਨ ਪੁਲਿਸ ਸਟੇਸ਼ਨ ‘ਤੇ ਆਏ ਅਤੇ ਪੁਲਿਸ ਅਧਿਕਾਰੀਆਂ ‘ਤੇ ਹਮਲਾ ਕੀਤਾ। ਸਿਪਾਹੀਆਂ ਨੇ ਡੀਵੀਆਰ ਵੀ ਖੋਹ ਲਏ, ਅਫਸਰਾਂ ਨੂੰ ਬੰਦ ਕਰ ਦਿੱਤਾ ਅਤੇ ਉਨ੍ਹਾਂ ਦੀ ਕੁੱਟਮਾਰ ਕੀਤੀ।
ਪੰਜਾਬ ਪੁਲਿਸ ਨੇ ਜਾਰੀ ਕੀਤਾ ਬਿਆਨ
ਇੱਕ ਬਿਆਨ ਵਿੱਚ, ਪੰਜਾਬ ਪੁਲਿਸ ਦੇ ਅਧਿਕਾਰੀਆਂ ਨੇ ਕੁੱਟਮਾਰ ਨੂੰ ਇੱਕ “ਮਾਮੂਲੀ ਘਟਨਾ” ਕਿਹਾ। ਇਸ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ “ਗਲਤ ਪ੍ਰਭਾਵ” ਬਣਾਉਣ ਲਈ ਫੌਜ ਅਤੇ ਪੁਲਿਸ ਵਿਚਕਾਰ ਟਕਰਾਅ ਪੈਦਾ ਕੀਤਾ ਗਿਆ ਸੀ।
Disturbing news coming from Bhawalnagar (Punjab) after a conflict between Policemen of Madrissa Police station and Khaki Jawans during patrolling over recovery of a weapon from brother of Khaki Commando. It sadly led to violent reaction followed by attack on police station by pic.twitter.com/6q8Xtn7GtD
— Rauf Klasra (@KlasraRauf) April 10, 2024
ਪੁਲਿਸ ਨੇ ਬਿਆਨ ਵਿੱਚ ਕਿਹਾ ਕਿ “ਬਹਾਵਲਨਗਰ ਵਿੱਚ ਵਾਪਰੀ ਇੱਕ ਮਾਮੂਲੀ ਘਟਨਾ ਨੂੰ ਸੋਸ਼ਲ ਮੀਡੀਆ ‘ਤੇ ਵਿਆਪਕ ਤੌਰ ‘ਤੇ ਪ੍ਰਚਾਰਿਆ ਗਿਆ ਸੀ। ਸੋਸ਼ਲ ਮੀਡੀਆ ‘ਤੇ ਅਣਉਚਿਤ ਚੀਜ਼ਾਂ ਦੇ ਵਾਇਰਲ ਹੋਣ ਤੋਂ ਬਾਅਦ ਇੱਕ ਗਲਤ ਪ੍ਰਭਾਵ ਪੈਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਕਿ ਪਾਕਿ ਫੌਜ ਅਤੇ ਪੰਜਾਬ ਪੁਲਿਸ ਵਿੱਚ ਵਿਵਾਦ ਚੱਲ ਰਿਹਾ ਹੈ। “ਦੋਵਾਂ ਸੰਸਥਾਵਾਂ ਦੁਆਰਾ ਇੱਕ ਤੁਰੰਤ ਸੰਯੁਕਤ ਜਾਂਚ ਸ਼ੁਰੂ ਕੀਤੀ ਗਈ ਸੀ। ਅਧਿਕਾਰੀਆਂ ਨੇ ਸਾਰੇ ਤੱਥਾਂ ਦੀ ਸਮੀਖਿਆ ਕੀਤੀ ਅਤੇ ਇਸ ਮਾਮਲੇ ਨੂੰ ਸੁਲਝਾਇਆ। ਪਾਕਿ ਸੈਨਾ ਅਤੇ ਪੰਜਾਬ ਪੁਲਿਸ ਅੱਤਵਾਦੀਆਂ, ਬਦਮਾਸ਼ਾਂ ਅਤੇ ਖਤਰਨਾਕ ਅਪਰਾਧੀਆਂ ਨੂੰ ਨਿਆਂ ਦੇ ਕਟਹਿਰੇ ਵਿੱਚ ਲਿਆਉਣ ਲਈ ਸਮਰਪਿਤ ਹਨ। ਸੂਬੇ ਵਿੱਚ ਸਾਂਝੇ ਆਪਰੇਸ਼ਨ ਜਾਰੀ ਹਨ। ਝੂਠਾ ਪ੍ਰਚਾਰ ਨਾ ਸੁਣੋ।”
