ਦੋ ਭਰਾਵਾਂ ਨੂੰ ਨਸ਼ਾ ਤਸਕਰਾਂ ਨੇ ਲਗਾਇਆ ਜਬਰਦਸਤੀ ਚਿੱਟੇ ਦਾ ਇੰਜੈਕਸ਼ਨ, ਇੱਕ ਦੀ ਮੌਤ

ਲੁਧਿਆਣਾ ਜਿਲ੍ਹੇ ਤੋਂ ਇੱਕ ਬਹੁਤ ਹੀ ਦੁਖਦ ਖ਼ਬਰ ਸਾਹਮਣੇ ਆਈ ਹੈ। ਪਿੰਡ ਕੂਮਕਲਾਂ ਇਲਾਕੇ ਵਿੱਚ ਦੋ ਭਰਾਵਾਂ ਨੂੰ ਨਸ਼ਾ ਛੱਡਣਾ ਇਹਨਾਂ ਭਾਰੀ ਪਿਆ ਕਿ ਦੋਵਾਂ ਵਿੱਚੋਂ ਇੱਕ ਭਰਾ ਦੀ ਮੌਤ ਹੋ ਗਈ। ਦਰਅਸਲ ਦੋਵਾਂ ਭਰਾਵਾਂ ਵਿੱਚੋਂ ਮਾਤਾ-ਪਿਤਾ ਨੇ ਇੱਕ ਨੂੰ ਸਰਕਾਰੀ ਨਸ਼ਾ ਛੁੱਡਾਓ ਕੇਂਦਰ ਵਿੱਚ ਦਾਖਿਲ ਕਰਵਾਇਆ ਸੀ। ਉਸ ਨੇ ਚੋਰੀ ਕੀਤੀ ਜਿਸ ਤੋਂ ਬਾਅਦ ਕੇਂਦਰ ਵਾਲਿਆਂ ਨੇ ਉਸ ਨੂੰ ਘਰ ਭੇਜ ਦਿੱਤਾ। ਘਰ ਆਉਣ ਤੋਂ ਬਾਅਦ ਉਹ ਆਪਣੇ ਭਰਾ ਦੇ ਨਾਲ ਉਸ ਪਿੰਡ ਵਿੱਚ ਗਿਆ ਜਿੱਥੇ ਉਹ ਅਕਸਰ ਨਸ਼ਾ ਖਰੀਦਣ ਜਾਂਦੇ ਸੀ। ਪਰਿਵਾਰ ਦੇ ਮੁਤਾਬਕ ਦੋਵਾਂ ਭਰਾਵਾਂ ਨੂੰ ਨਸ਼ਾ ਤਸਕਰਾਂ ਨੇ ਜਬਰਨ ਫੜ ਕੇ ਚਿੱਟੇ ਦਾ ਟੀਕਾ ਲਗਾ ਦਿੱਤਾ। ਜਿਸ ਕਾਰਨ ਦੋਵੇ ਬੇਹੋਸ਼ ਹੋ ਗਏ ਅਤੇ ਛੋਟੇ ਭਰਾ ਦੀ ਘਰ ਪਹੁੰਚਣ ਤੋਂ ਬਾਅਦ ਮੌਤ ਹੋ ਗਈ। ਪਰਿਵਾਰ ਦੀ ਸਰਕਾਰ ਤੋਂ ਮੰਗ ਹੈ ਕਿ ਉਨ੍ਹਾਂ ਨੂੰ ਇਨਸਾਫ਼ ਮਿਲੇ ਅਤੇ ਨਸ਼ੇ ਦੇ ਦਲਦਲ ਵਿੱਚੋਂ ਪੰਜਾਬ ਦੀ ਜਵਾਨੀ ਨੂੰ ਪ੍ਰਸ਼ਾਸਨ ਬਾਹਰ ਕੱਢਣ ਦਾ ਕੋਈ ਵਧੀਆ ਤਰੀਕਾ ਕੱਢੇ।