Viral Video: ਕੰਟੈਂਟ ਕ੍ਰਿਏਟਰ ਨੇ ਪਹਾੜਾਂ ਵਿੱਚ ਚਲਾਇਆ ਮੈਗੀ ਦਾ ਕਾਰੋਬਾਰ, ਇੱਕ ਦਿਨ ਦੀ ਕਮਾਈ ਸੁਣ ਕੇ ਖੁੱਲ੍ਹੀਆਂ ਰਹਿ ਜਾਣਗੀਆਂ ਅੱਖਾਂ

Image Credit source: Social Media

ਜਦੋਂ ਗਰਮ ਮੈਗੀ ਦੀ ਖੁਸ਼ਬੂ ਠੰਢੀ ਪਹਾੜੀ ਹਵਾ ਵਿੱਚੋਂ ਲੰਘਦੀ ਹੈ, ਤਾਂ ਮੌਜੂਦ ਕਿਸੇ ਵੀ ਵਿਅਕਤੀ ਦਾ ਮਨ ਲਲਚਾ ਜਾਂਦਾ ਹੈ। ਕਲਪਨਾ ਕਰੋ ਕਿ ਇਹ ਕਿਵੇਂ ਮਹਿਸੂਸ ਹੋਵੇਗਾ ਜੇਕਰ ਕੋਈ ਇਸ ਮੈਗੀ ਨੂੰ ਵੇਚ ਕੇ ਇੱਕ ਦਿਨ ਵਿੱਚ ਹਜ਼ਾਰਾਂ ਨਹੀਂ, ਸਗੋਂ ਲੱਖਾਂ ਕਮਾ ਸਕਦਾ ਹੈ? ਹਾਲ ਹੀ ਵਿੱਚ, ਅਜਿਹਾ ਹੀ ਇੱਕ ਦਿਲਚਸਪ ਪ੍ਰਯੋਗ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਇਆ, ਜੋ ਲੋਕਾਂ ਨੂੰ ਹੈਰਾਨ ਅਤੇ ਪ੍ਰੇਰਿਤ ਕਰਦਾ ਹੈ। ਇਸ ਵਿਲੱਖਣ ਆਈਡੀਆ ਨੂੰ ਕੰਟੈਂਟ ਕ੍ਰਿਏਟਰ ਬਾਦਲ ਠਾਕੁਰ ਨੇ ਸ਼ੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤਾ ਗਿਆ ਹੈ, ਜਿਨ੍ਹਾ ਨੇ ਸਾਬਤ ਕਰ ਦਿੱਤਾ ਕਿ ਸਹੀ ਥਾਂ ਅਤੇ ਸਹੀ ਸੋਚ ਨਾਲ, ਇੱਕ ਸਧਾਰਨ ਕਾਰੋਬਾਰ ਵੀ ਕਮਾਲ ਕਰ ਸਕਦਾ ਹੈ।

ਬਾਦਲ ਠਾਕੁਰ ਨੇ ਪਹਾੜਾਂ ਵਿੱਚ ਇੱਕ ਬਹੁਤ ਹੀ ਸਿੰਪਲ ਜਿਹਾ ਸਟਾਲ ਲਗਾਇਆ। ਨਾ ਕੋਈ ਵੱਡੀ ਦੁਕਾਨ, ਨਾ ਭਾਰੀ ਭਰਕਮ ਸੈਟਅੱਪ। ਸਿਰਫ਼ ਇੱਕ ਮੇਜ਼, ਇੱਕ LPG ਸਿਲੰਡਰ, ਕੁਝ ਭਾਂਡੇ, ਅਤੇ ਬਹੁਤ ਸਾਰਾ ਜਨੂੰਨ। ਉਨ੍ਹਾਂ ਨੇ ਸੋਚਿਆ ਕਿ ਕਿਉਂ ਨਾ ਠੰਡੀ ਜਗ੍ਹਾ ‘ਤੇ ਗਰਮ ਮੈਗੀ ਨੂੰ ਵੇਚਿਆ ਜਾਵੇ ਅਤੇ ਦੇਖਿਆ ਜਾਵੇ ਕਿ ਲੋਕਾਂ ਦਾ ਰਿਸਪਾਂਸ ਕਿਵੇਂ ਦਾ ਰਹਿੰਦਾ ਹੈ। ਇਹ ਆਈਡੀਆ ਜਿੰਨਾ ਸਿੰਪਲ ਸੀ, ਇਸਦੇ ਨਤੀਜੇ ਓਨੇ ਹੀ ਹੈਰਾਨੀਜਨਕ ਸਨ।

ਪਹਾੜਾਂ ਵਿੱਚ ਕਿੰਨੇ ਦੀ ਵਿਕੀ ਮੈਗੀ?

ਆਪਣੇ ਇਸ ਐਕਸਪੈਰੀਮੈਂਟ ਦੌਰਾਨ ਬਾਦਲ ਠਾਕੁਰ ਨੇ ਇੱਕ ਦਿਨ ਵਿੱਚ ਮੈਗੀ ਦੀਆਂ 300 ਤੋਂ ਵੱਧ ਪਲੇਟਾਂ ਵੇਚੀਆਂ। ਸਿਰਫ਼ ਚਾਰ ਤੋਂ ਪੰਜ ਘੰਟਿਆਂ ਵਿੱਚ, ਲਗਭਗ 200 ਪਲੇਟਾਂ ਵਿਕੀਆਂ, ਅਤੇ ਪੂਰੇ ਦਿਨ ਲਈ ਕੁੱਲ 300 ਤੋਂ 350 ਪਲੇਟਾਂ ਦੇ ਵਿਚਕਾਰ ਪਹੁੰਚ ਗਿਆ। ਇਹ ਅੰਕੜੇ ਇਸ ਬਾਰੇ ਬਹੁਤ ਕੁਝ ਦੱਸਦੇ ਹਨ ਕਿ ਪਹਾੜਾਂ ‘ਤੇ ਆਉਣ ਵਾਲੇ ਸੈਲਾਨੀਆਂ ਦੁਆਰਾ ਮੈਗੀ ਨੂੰ ਕਿੰਨਾ ਪਿਆਰ ਕੀਤਾ ਜਾਂਦਾ ਹੈ, ਖਾਸ ਕਰਕੇ ਜਦੋਂ ਮੌਸਮ ਠੰਡਾ ਹੁੰਦਾ ਹੈ ਅਤੇ ਭੁੱਖ ਬਹੁਤ ਜ਼ਿਆਦਾ ਹੁੰਦੀ ਹੈ।

ਉਨ੍ਹਾਂ ਨੇ ਮੈਗੀ ਦੀ ਕੀਮਤ ਵੀ ਅਜਿਹੀ ਰੱਖੀ ਜੋ ਬਹੁਤ ਮਹਿੰਗੀ ਨਾ ਲੱਗੇ ਅਤੇ ਵਾਜਬ ਮੁਨਾਫ਼ਾ ਵੀ ਹੋ ਜਾਵੇ। ਪਲੇਨ ਮੈਗੀ ਦੀ ਕੀਮਤ 70 ਪ੍ਰਤੀ ਪਲੇਟ ਸੀ, ਜਦੋਂ ਕਿ ਪਨੀਰ ਮੈਗੀ 100 ਵਿੱਚ ਵੇਚੀ ਜਾ ਰਹੀ ਸੀ। ਔਸਤਨ 70 ਰੁਪਏ ਪ੍ਰਤੀ ਪਲੇਟ ਦੀ ਕੀਮਤ ‘ਤੇ ਵੀ, ਕੁੱਲ ਰੋਜ਼ਾਨਾ ਵਿਕਰੀ 21,000 ਦੇ ਆਸਪਾਸ ਰਹੀ। ਇਹ ਅੰਕੜਾ ਸੋਸ਼ਲ ਮੀਡੀਆ ‘ਤੇ ਲੋਕਾਂ ਨੂੰ ਸਭ ਤੋਂ ਵੱਧ ਹੈਰਾਨ ਕਰ ਰਿਹਾ ਹੈ।

ਇੱਥੇ ਦੇਖੋ ਵੀਡੀਓ