ਜੰਗਲੀ ਸਾਨ੍ਹ ਦੇ ਸਾਹਮਣੇ ਰਹਿਮ ਦੀ ਭੀਖ ਮੰਗਦਾ ਨਜ਼ਰ ਆਇਆ ਸ਼ੇਰ, ਜ਼ਬਰਦਸਤ ਲੜਾਈ ਦੀ Video Viral

ਕਹਿੰਦੇ ਹਨ ਕਿ ਜ਼ਿੰਦਗੀ ਵਿੱਚ ਭਾਵੇਂ ਜਿੰਨੀਆਂ ਮਰਜ਼ੀ ਲੜਾਈਆਂ ਲੜੋ ਪਰ ਇੱਕ ਲੜਾਈ ਹਾਰਨ ਤੋਂ ਬਾਅਦ ਦੁਨੀਆ ਤੁਹਾਡੇ ‘ਤੇ ਹੱਸਣ ਲੱਗ ਜਾਂਦੀ ਹੈ। ਇਹ ਕੇਵਲ ਮਨੁੱਖਾਂ ਦੇ ਮਾਮਲੇ ‘ਚ ਹੀ ਨਹੀਂ ਸਗੋਂ ਜਾਨਵਰਾਂ ਦੇ ਮਾਮਲੇ ‘ਚ ਵੀ ਦੇਖਿਆ ਜਾਂਦਾ ਹੈ। ਜਿਸ ਦੀਆਂ ਕਈ ਉਦਾਹਰਣਾਂ ਹਰ ਰੋਜ਼ ਇੰਟਰਨੈੱਟ ਦੀ ਦੁਨੀਆ ‘ਚ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ। ਜਿਸ ਨੂੰ ਲੋਕ ਬਹੁਤ ਦੇਖਦੇ ਹਨ। ਅਜਿਹਾ ਹੀ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਸਾਹਮਣੇ ਆਇਆ ਹੈ। ਜਿੱਥੇ ਸਾਨ੍ਹ ਨੇ ਜੰਗਲ ਦੇ ਰਾਜੇ ਨਾਲ ਅਜਿਹਾ ਸਲੂਕ ਕੀਤਾ ਕਿ ਲੋਕ ਉਸ ਨੂੰ ਦੇਖਦੇ ਹੀ ਰਹਿ ਗਏ। ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕ ਕਹਿ ਰਹੇ ਹਨ ਕਿ ਸ਼ੇਰ ਦਾ ਤਾਜ ਹੁਣ ਖ਼ਤਰੇ ‘ਚ ਹੈ।

ਜੰਗਲ ‘ਚ ਸ਼ੇਰ ਦੀ ਤਾਕਤ ਬਿਲਕੁਲ ਵੱਖਰੇ ਪੱਧਰ ‘ਤੇ ਹੁੰਦੀ ਹੈ। ਇਹ ਕਿਸੇ ਵੀ ਜਾਨਵਰ ਨੂੰ ਪਲਾਂ ‘ਚ ਆਪਣਾ ਸ਼ਿਕਾਰ ਬਣਾ ਸਕਦਾ ਹੈ ਪਰ ਜੰਗਲ ‘ਚ ਇੱਕ ਅਜਿਹਾ ਜਾਨਵਰ ਹੈ ਜੋ ਸ਼ੇਰਾਂ ਨਾਲ ਵੀ ਲੜਨ ਦੀ ਤਾਕਤ ਰੱਖਦਾ ਹੈ। ਉਹ ਜੰਗਲੀ ਸਾਨ੍ਹ ਹੈ। ਜੇ ਸਾਨ੍ਹ ਆਪਣੀ ਤੇ ਆ ਜਾਵੇ ਤਾਂ ਇਹ ਸ਼ੇਰ ਨੂੰ ਵੀ ਪਿੱਛੇ ਹਟਣ ਲਈ ਮਜਬੂਰ ਕਰ ਸਕਦਾ ਹੈ। ਅਜਿਹਾ ਹੀ ਕੁਝ ਇਸ ਵੀਡੀਓ ‘ਚ ਦੇਖਣ ਨੂੰ ਮਿਲਿਆ, ਜਿਸ ‘ਚ ਇਕ ਜੰਗਲੀ ਸਾਨ੍ਹ ਸ਼ੇਰ ‘ਤੇ ਇਸ ਤਰ੍ਹਾਂ ਹਮਲਾ ਕਰਦਾ ਹੈ ਕਿ ਉਹ ਲੜਨ ਤੋਂ ਭੱਜਣ ਦਾ ਮੌਕਾ ਵੀ ਨਹੀਂ ਦਿੰਦਾ ਹੈ। ਇਸ ਕਾਰਨ ਇੱਥੇ ਸ਼ਿਕਾਰੀ ਖੁਦ ਹੀ ਸ਼ਿਕਾਰ ਬਣ ਜਾਂਦਾ ਹੈ।

ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਸ਼ੇਰ ਆਪਣੇ ਸ਼ਿਕਾਰ ਦੀ ਭਾਲ ‘ਚ ਘੁੰਮ ਰਿਹਾ ਹੈ ਅਤੇ ਉਸ ਦੀ ਨਜ਼ਰ ਇਕ ਸਾਨ੍ਹ ‘ਤੇ ਪੈਂਦੀ ਹੈ। ਸ਼ੇਰ ਸਾਨ੍ਹ ਨੇ ਹਮਲਾ ਕਰਨ ਲਈ ਅੱਗੇ ਵੱਧਦਾ ਹੈ ਪਰ ਜੰਗਲੀ ਸਾਨ੍ਹ ਸ਼ੇਰ ਤੇ ਹੀ ਹਮਲਾ ਕਰ ਦਿੰਦਾ ਹੈ । ਇਹ ਹਮਲਾ ਇੰਨਾ ਜ਼ਬਰਦਸਤ ਹੈ ਕਿ ਸ਼ੇਰ ਲਈ ਉਥੋਂ ਉੱਠਣਾ ਮੁਸ਼ਕਿਲ ਹੋ ਜਾਂਦਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਜੰਗਲੀ ਸਾਨ੍ਹ ਇੱਥੇ ਹੀ ਨਹੀਂ ਰੁਕਦਾ, ਸਗੋਂ ਤੁਰੰਤ ਸ਼ੇਰ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੰਦਾ ਹੈ। 12 ਸੈਕਿੰਡ ਦੀ ਇਹ ਵੀਡੀਓ ਇੱਥੇ ਖਤਮ ਹੁੰਦੀ ਹੈ ਪਰ ਇਸ ਨੂੰ ਦੇਖਣ ਤੋਂ ਬਾਅਦ ਯੂਜ਼ਰਸ ਕਹਿ ਰਹੇ ਹਨ ਕਿ ਜੰਗਲ ਦੇ ਰਾਜੇ ਦਾ ਖਿਤਾਬ ਖ਼ਤਰੇ ‘ਚ ਹੈ।

ਇਹ ਵੀ ਪੜ੍ਹੋਂ- ਕੁੜੀ ਨੂੰ ਆਪਣੇ ਵਧਦੇ ਕੱਦ ਤੋਂ ਸੀ ਨਫ਼ਰਤ, ਹੁਣ ਉਸ ਕਾਰਨ ਹੀ ਬਣੀ ਕਰੋੜਪਤੀ, ਜਾਣੋਂ ਕਿਵੇਂ?

ਇਸ ਵੀਡੀਓ ਨੂੰ ਟਵਿੱਟਰ ਯੂਜ਼ਰ @Am_Blujay ਨੇ ਸ਼ੇਅਰ ਕੀਤਾ ਹੈ। ਵੀਡੀਓ ਨੂੰ 59 ਲੱਖ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਵੀਡੀਓ ਨੂੰ 12 ਹਜ਼ਾਰ ਤੋਂ ਵੱਧ ਲੋਕਾਂ ਨੇ ਲਾਈਕ ਕੀਤਾ ਹੈ। ਵੀਡੀਓ ‘ਤੇ ਯੂਜ਼ਰਸ ਦੀਆਂ ਪ੍ਰਤੀਕਿਰਿਆਵਾਂ ਵੀ ਸਾਹਮਣੇ ਆ ਰਹੀਆਂ ਹਨ। ਇਕ ਯੂਜ਼ਰ ਨੇ ਲਿਖਿਆ ਕਿ ਇਹ ਸਾਨ੍ਹ ਦਾ ਆਤਮ-ਵਿਸ਼ਵਾਸ ਦਰਸਾਉਂਦਾ ਹੈ।