Viral Video: ‘ਮੈਂ ਕਬਰਿਸਤਾਨ ‘ਚ ਹਾਂ Guys…’, ਪਾਕਿਸਤਾਨੀ ਕੁੜੀ ਨੇ ਬਣਾਈ ਅਜਿਹੀ ਵੀਡੀਓ, ਦੇਖ ਕੇ ਭੜਕ ਗਏ ਲੋਕ
Viral Video: ਪਾਕਿਸਤਾਨ ਦੀ ਇੱਕ ਕੁੜੀ ਨੇ ਕਬਰਸਤਾਨ 'ਚ ਜਾ ਕੇ ਅਜਿਹੀ ਵੀਡੀਓ ਬਣਾਈ ਕਿ ਦੇਖ ਕੇ ਲੋਕ ਗੁੱਸੇ 'ਚ ਆ ਗਏ। ਦਰਅਸਲ, ਕੁੜੀ ਆਪਣੀ ਭੈਣ ਦੀ ਕਬਰ 'ਤੇ ਫੁੱਲ ਚੜ੍ਹਾਉਣ ਗਈ ਸੀ ਅਤੇ ਇਸ ਦੌਰਾਨ ਉਹ ਵਲੋਗਿੰਗ ਕਰ ਰਹੀ ਸੀ ਅਤੇ ਆਪਣਾ ਦੁੱਖ ਜ਼ਾਹਰ ਕਰਦੀ ਹੋਈ ਸਾਰੀ ਗੱਲ ਦੱਸ ਰਹੀ ਸੀ ਪਰ ਲੋਕਾਂ ਨੂੰ ਉਸ ਦੀ ਇਹ ਹਰਕਤ ਬਿਲਕੁਲ ਵੀ ਪਸੰਦ ਨਹੀਂ ਆਈ। ਹੁਣ ਲੋਕ ਇਸ ਵੀਡੀਓ 'ਤੇ ਤਰ੍ਹਾਂ-ਤਰ੍ਹਾਂ ਦੇ ਰਿਏਕਸ਼ਨ ਦੇ ਰਹੇ ਹਨ।
ਅੱਜ ਕੱਲ੍ਹ ਸੋਸ਼ਲ ਮੀਡੀਆ ਦਾ ਯੁੱਗ ਹੈ, ਜਿੱਥੇ ਲੋਕ ਸੌਂਦੇ, ਜਾਗਦੇ, ਬੈਠਦੇ ਹਰ ਤਰ੍ਹਾਂ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸ਼ੇਅਰ ਕਰਦੇ ਰਹਿੰਦੇ ਹਨ ਪਰ ਕਈ ਵਾਰ ਅਜਿਹਾ ਵੀ ਹੁੰਦਾ ਹੈ ਕਿ ਲੋਕ ਵੀਡੀਓ ਬਣਾਉਣ ਦੇ ਚੱਕਰ ਵਿੱਚ ਸਾਰੀਆਂ ਹੱਦਾਂ ਪਾਰ ਕਰ ਜਾਂਦੇ ਹਨ। ਹਾਲ ਹੀ ‘ਚ ਕਈ ਅਜਿਹੀਆਂ ਵੀਡੀਓਜ਼ ਵਾਇਰਲ ਹੋਈਆਂ ਹਨ, ਜਿਨ੍ਹਾਂ ‘ਚ ਕੋਈ ਬੱਸ ਜਾਂ ਮੈਟਰੋ ਦੇ ਅੰਦਰ ਅਸ਼ਲੀਲ ਹਰਕਤਾਂ ਕਰਦਾ ਨਜ਼ਰ ਆ ਰਿਹਾ ਹੈ, ਤਾਂ ਕੋਈ ਸਿੱਧਾ ਕਬਰਿਸਤਾਨ ‘ਚ ਜਾ ਕੇ ਵੀਡੀਓ ਬਣਾਉਣ ਲੱਗ ਜਾਂਦਾ ਹੈ। ਇਸ ਸਮੇਂ ਇੱਕ ਅਜਿਹੀ ਹੀ ਪਾਕਿਸਤਾਨੀ ਕੁੜੀ ਸੁਰਖੀਆਂ ਵਿੱਚ ਹੈ, ਜਿਸ ਨੇ ਕਬਰਸਤਾਨ ਵਿੱਚ ਜਾ ਕੇ ਅਜਿਹੀ ਵੀਡੀਓ ਬਣਾ ਦਿੱਤੀ ਹੈ ਕਿ ਦੇਖ ਕੇ ਹੀ ਲੋਕਾਂ ਦੇ ਹੋਸ਼ ਉੱਡ ਗਏ ਹਨ।
ਦਰਅਸਲ, ਇਹ ਪਾਕਿਸਤਾਨੀ ਕੁੜੀ ਇੱਕ ਯੂਟਿਊਬਰ ਹੈ ਅਤੇ ਉਸਨੇ ਕਬਰਿਸਤਾਨ ਵਿੱਚ ਜਾ ਕੇ ਇੱਕ ਵੀਡੀਓ ਬਣਾਈ ਹੈ ਅਤੇ ਉਹ ਵੀ ਆਪਣੀ ਭੈਣ ਦੀ ਕਬਰ ‘ਤੇ ਜਾ ਕੇ। ਇਸ ਲੜਕੀ ਦਾ ਨਾਂ ਨੂਰ ਰਾਣਾ ਦੱਸਿਆ ਜਾ ਰਿਹਾ ਹੈ। ਵੀਡੀਓ ‘ਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਕੁੜੀ ਨੇ ਵੀਡੀਓ ਰਾਹੀਂ ਦੱਸਿਆ ਹੈ ਕਿ ਉਸ ਨੇ ਕੁਝ ਸਾਲ ਪਹਿਲਾਂ ਆਪਣੀ ਭੈਣ ਨੂੰ ਗੁਆ ਦਿੱਤਾ ਸੀ, ਜੋ ਉਸ ਤੋਂ ਛੋਟੀ ਸੀ ਅਤੇ ਵਿਆਹੀ ਹੋਈ ਸੀ। ਹਾਲਾਂਕਿ ਉਸਨੇ ਆਪਣੀ ਭੈਣ ਨੂੰ ਗੁਆਉਣ ਦੇ ਦੁੱਖ ਨੂੰ ਜ਼ਾਹਰ ਕਰਦੇ ਹੋਏ ਇਹ ਵੀਡੀਓ ਬਣਾਈ ਅਤੇ ਕਬਰਿਸਤਾਨ ਵਿੱਚ ਜਾ ਕੇ ਉਸਦੀ ਕਬਰ ‘ਤੇ ਫੁੱਲ ਚੜ੍ਹਾਏ ਪਰ ਲੋਕਾਂ ਨੂੰ ਉਸਦੀ ਇਹ ਹਰਕਤ ਬਿਲਕੁਲ ਵੀ ਪਸੰਦ ਨਹੀਂ ਆਈ ਅਤੇ ਉਹ ਬਹੁਤ ਗੁੱਸੇ ਵਿੱਚ ਆ ਗਏ।
ਇਹ ਵੀ ਪੜ੍ਹੋ- UPSC ਪਾਸ ਕਰ ਬੇਟੇ ਨੇ ਪਿਤਾ ਨੂੰ ਇੰਝ ਦਿੱਤੀ ਖੂਸ਼ਖ਼ਬਰੀ, VIDEO ਦੇਖ ਹੋ ਜਾਓਗੇ ਭਾਵੁਕ
ਇਸ ਪਾਕਿਸਤਾਨੀ ਯੂਟਿਊਬਰ ਨੇ ਕੁੱਲ 19 ਮਿੰਟ ਦਾ ਵੀਡੀਓ ਬਣਾਇਆ ਹੈ, ਜਿਸ ‘ਚ ਉਹ ਨਾ ਸਿਰਫ ਕਬਰਿਸਤਾਨ ‘ਚ ਆਪਣੀ ਭੈਣ ਦੀ ਕਬਰ ‘ਤੇ ਫੁੱਲ ਚੜ੍ਹਾਉਂਦੇ ਹੋਏ ਨਜ਼ਰ ਆ ਰਹੀ ਹੈ ਸਗੋਂ ਉਸ ਨੇ ਆਪਣੇ ਨਾਸ਼ਤੇ ਅਤੇ ਖਾਣ-ਪੀਣ ਦੀਆਂ ਚੀਜ਼ਾਂ ਬਾਰੇ ਵੀ ਵਿਸਥਾਰ ਨਾਲ ਦੱਸਿਆ ਹੈ। ਲੜਕੀ ਵੱਲੋਂ ਸੋਸ਼ਲ ਮੀਡੀਆ ਪਲੇਟਫਾਰਮ ਯੂਟਿਊਬ ‘ਤੇ ਸ਼ੇਅਰ ਕੀਤੀ ਇਸ ਵੀਡੀਓ ਨੂੰ ਹੁਣ ਤੱਕ 30 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ ਸੈਂਕੜੇ ਲੋਕ ਇਸ ਨੂੰ ਲਾਇਕ ਵੀ ਕਰ ਚੁੱਕੇ ਹਨ।
ਇਸ ਦੇ ਨਾਲ ਹੀ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਨੇ ਤਰ੍ਹਾਂ-ਤਰ੍ਹਾਂ ਦੀਆਂ ਪ੍ਰਤੀਕਿਰਿਆਵਾਂ ਦਿੱਤੀਆਂ ਹਨ। ਇਕ ਯੂਜ਼ਰ ਨੇ ਗੁੱਸੇ ‘ਚ ਲਿਖਿਆ, ‘ਇਸੇ ਲਈ ਕਿਹਾ ਜਾਂਦਾ ਹੈ ਕਿ ਸਿੱਖਿਆ ਜ਼ਰੂਰੀ ਹੈ। ਤੁਹਾਨੂੰ ਸ਼ਰਮ ਆਉਣੀ ਚਾਹੀਦੀ ਹੈ, ਜਦਕਿ ਇੱਕ ਹੋਰ ਯੂਜ਼ਰ ਨੇ ਲੜਕੀ ਨੂੰ ਮਾਨਸਿਕ ਤੌਰ ‘ਤੇ ਬਿਮਾਰ ਦੱਸਿਆ ਹੈ। ਇਸੇ ਤਰ੍ਹਾਂ ਇਕ ਯੂਜ਼ਰ ਨੇ ਲਿਖਿਆ, ‘ਮੈਂ ਵਿਸ਼ਵਾਸ ਨਹੀਂ ਕਰ ਸਕਦਾ ਕਿ ਅਜਿਹੇ ਲੋਕ ਵੀ ਸਮਾਜ ‘ਚ ਰਹਿੰਦੇ ਹਨ।’
