Viral Video: ‘ਜੇ ਕੋਈ ਵੱਡਾ ਅਧਿਕਾਰੀ ਆ ਜਾਵੇ…’ ਕਹਿ ਕੇ ਬੇਟੇ ਨੇ ਪਿਤਾ ਨੂੰ ਦਿੱਤਾ ਵੱਡਾ ਸਰਪ੍ਰਾਈਜ਼, ਵੀਡੀਓ ਵਾਇਰਲ
Viral Video: ਹਾਲ ਹੀ ਵਿੱਚ ਸਾਲ 2023 ਵਿੱਚ ਹੋਈ UPSC ਪ੍ਰੀਖਿਆ ਦੇ ਨਤੀਜਿਆਂ ਦਾ ਐਲਾਨ ਕੀਤਾ ਗਿਆ। ਇਹ ਨਤੀਜੇ 16 ਅਪ੍ਰੈਲ ਨੂੰ ਜਾਰੀ ਕੀਤੇ ਗਏ। ਨਤੀਜੇ ਆਉਣ ਤੋਂ ਬਾਅਦ ਟੌਪ ਕਰਨ ਵਾਲੇ ਅਤੇ ਪੇਪਰ ਵਿੱਚ ਪਾਸ ਹੋਣ ਵਾਲਿਆਂ ਦੇ ਵੀਡੀਓਜ਼ ਕਾਫੀ ਤੇਜ਼ੀ ਨਾਲ ਵਾਇਰਲ ਹੋ ਰਹੇ ਹਨ। ਅਜਿਹੇ ਵਿੱਚ ਇਕ ਵੀਡੀਓ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਵੀਡੀਓ ਵਿੱਚ ਤੁਸੀਂ ਦੇਖ ਸਕਦੇ ਹੋ ਕਿ ਕਿਵੇਂ ਇਕ ਬੇਟਾ ਆਪਣੇ ਪਿਤਾ ਦੇ ਦਫ਼ਤਰ ਪਹੁੰਚੇ ਕੇ ਉਨ੍ਹਾਂ ਨੂੰ ਰਿਜ਼ਲਟ ਬਾਰੇ ਦੱਸ ਰਿਹਾ ਹੈ। ਜਿਸ ਨੂੰ ਸੁਣ ਕੇ ਉਸ ਦੇ ਪਿਤਾ ਦਾ ਰਿਏਕਸ਼ਨ ਦੇਖਣ ਯੋਗ ਹੈ।
ਪਿਛਲੇ ਸਾਲ 2023 ਵਿੱਚ ਹੋਈ UPSC ਪ੍ਰੀਖਿਆ ਦੇ ਨਤੀਜੇ 16 ਅਪ੍ਰੈਲ 2024 ਨੂੰ ਜਾਰੀ ਕੀਤੇ ਗਏ ਸਨ। ਨਤੀਜੇ ਸਾਹਮਣੇ ਆਉਣ ਤੋਂ ਬਾਅਦ, ਸੋਸ਼ਲ ਮੀਡੀਆ ‘ਤੇ ਕੁਝ ਵੀਡੀਓ ਵਾਇਰਲ ਹੋਣੇ ਸ਼ੁਰੂ ਹੋ ਗਏ ਹਨ, ਜਿਸ ਵਿਚ UPSC ਪਾਸ ਕਰਨ ਵਾਲੇ ਅਤੇ ਟੌਪ ਕਰਨ ਵਾਲੇ ਉਮੀਦਵਾਰ ਆਪਣੀ ਖੁਸ਼ੀ ਜ਼ਾਹਰ ਕਰ ਰਹੇ ਸਨ। ਆਦਿਤਿਆ ਸ਼੍ਰੀਵਾਸਤਵ ਦੀ ਸੋਸ਼ਲ ਮੀਡੀਆ ‘ਤੇ ਸਭ ਤੋਂ ਜ਼ਿਆਦਾ ਚਰਚਾ ਇਸ ਲਈ ਹੋ ਰਹੀ ਸੀ ਕਿਉਂਕਿ ਉਨ੍ਹਾਂ ਨੇ ਯੂ.ਪੀ.ਐੱਸ.ਸੀ. ਵਿੱਚ ਟੌਪ ਕੀਤਾ ਹੈ। ਪਰ ਸੋਸ਼ਲ ਮੀਡੀਆ ‘ਤੇ ਇਕ ਹੋਰ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਇਕ ਵਿਅਕਤੀ ਆਪਣੇ ਪਿਤਾ ਨੂੰ ਯੂ.ਪੀ.ਐੱਸ.ਸੀ. ਪਾਸ ਕਰਨ ਦੀ ਜਾਣਕਾਰੀ ਵੱਖਰੇ ਤਰੀਕੇ ਨਾਲ ਦਿੰਦਾ ਨਜ਼ਰ ਆ ਰਿਹਾ ਹੈ। ਵੀਡੀਓ ਨੂੰ ਦੇਖ ਕੇ ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਵੀ ਦਿੱਤੀ ਹੈ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ‘ਚ ਇਕ ਵਿਅਕਤੀ ਆਪਣੇ ਪਿਤਾ ਦੇ ਦਫਤਰ ਜਾਂਦਾ ਹੈ। ਉਸ ਦੇ ਪਿਤਾ ਆਪਣੇ ਸਾਥੀਆਂ ਨਾਲ ਦੁਪਹਿਰ ਦਾ ਲੰਚ ਕਰ ਰਹੇ ਹੁੰਦੇ ਹਨ। ਪਿਤਾ ਦੇ ਸਾਹਮਣੇ ਜਾਣ ਤੋਂ ਬਾਅਦ ਉਹ ਕਹਿੰਦਾ ਹੈ, ਕੋਈ ਵੱਡਾ ਅਧਿਕਾਰੀ ਆ ਜਾਵੇ, ਤਾਂ ਉੱਠਣਾ ਚਾਹੀਦਾ ਹੈ ਨਾ’। ਇਹ ਸੁਣ ਕੇ ਉਸਦੇ ਪਿਤਾ ਸਮਝ ਜਾਂਦੇ ਹਨ ਕਿ ਉਨ੍ਹਾਂ ਦੇ ਪੁੱਤਰ ਦਾ ਇਮਤਿਹਾਨ ਪਾਸ ਹੋ ਗਿਆ ਹੈ ਅਤੇ ਖੁਸ਼ੀ ਨਾਲ ਉੱਠ ਕੇ ਉਸਨੂੰ ਜੱਫੀ ਪਾ ਲੈਂਦੇ ਹਨ। ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ।
UPSC क्लियर करने के बाद पापा के ऑफिस पहुंचा बेटा, यूं दिया सरप्राइज 🥹❤️ pic.twitter.com/rl6c1jHRFJ
— ज़िन्दगी गुलज़ार है ! (@Gulzar_sahab) April 21, 2024
ਇਹ ਵੀ ਪੜ੍ਹੋ- ਰਸ਼ੀਅਨ ਕੁੜੀ ਨਾਲ ਭੋਜਪੁਰੀ ਗੀਤ ‘ਤੇ ਸ਼ਖਸ ਨਾਲ ਕੀਤਾ ਡਾਂਸ, Video ਵਾਇਰਲ
ਇਹ ਵੀਡੀਓ ਮਾਈਕ੍ਰੋ ਬਲੌਗਿੰਗ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) ‘ਤੇ @Gulzar_sahab ਨਾਮ ਦੇ ਅਕਾਊਂਟ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ, ‘UPSC ਪਾਸ ਕਰਨ ਤੋਂ ਬਾਅਦ ਬੇਟਾ ਪਿਤਾ ਦੇ ਦਫਤਰ ਪਹੁੰਚਿਆ, ਇੰਝ ਦਿੱਤਾ ਸਰਪ੍ਰਾਈਜ਼।’ ਖ਼ਬਰ ਲਿਖੇ ਜਾਣ ਤੱਕ ਇਸ ਵੀਡੀਓ ਨੂੰ 2 ਲੱਖ 66 ਹਜ਼ਾਰ ਲੋਕ ਦੇਖ ਚੁੱਕੇ ਹਨ। ਵੀਡੀਓ ਦੇਖਣ ਤੋਂ ਬਾਅਦ ਇੱਕ ਯੂਜ਼ਰ ਨੇ ਲਿਖਿਆ- ਮੈਂ ਨਹੀਂ ਪਹੁੰਚ ਸਕਿਆ ਪਰ ਇਸ ਬੇਟੇ ਨੇ ਆਪਣੇ ਪਿਤਾ ਦਾ ਨਾਂ ਰੋਸ਼ਨ ਕਰ ਦਿੱਤਾ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਇਹ ਪਿਤਾ ਲਈ ਮਾਣ ਵਾਲੀ ਗੱਲ ਹੈ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਉਹ ਉੱਠ ਨਹੀਂ ਰਿਹਾ ਹੋਵੇਗਾ, ਉੱਡ ਰਿਹਾ ਹੋਵੇਗਾ। ਇਸ ਦੇ ਨਾਲ ਹੀ ਕੁਝ ਲੋਕਾਂ ਨੂੰ ਸ਼ਖ਼ਸ ਦਾ ਇਹ ਤਰੀਕਾ ਪਸੰਦ ਨਹੀਂ ਆਇਆ। ਇਕ ਯੂਜ਼ਰ ਨੇ ਲਿਖਿਆ- ਪਿਤਾ ਨਾਲ ਕੌਣ ਇਸ ਤਰ੍ਹਾਂ ਗੱਲ ਕਰਦਾ ਹੈ, ਤੁਸੀਂ ਚਾਹੇ ਕਿੰਨੇ ਵੀ ਵੱਡੇ ਹੋ ਜਾਓ, ਤੁਸੀਂ ਪਿਤਾ ਤੋਂ ਵੱਡੇ ਨਹੀਂ ਬਣ ਸਕੋਗੇ। ਇਕ ਹੋਰ ਯੂਜ਼ਰ ਨੇ ਲਿਖਿਆ- ਜਦੋਂ ਪਿਤਾ ਨਾਲ ਇਸ ਤਰ੍ਹਾਂ ਦੀ ਗੱਲ ਕੀਤੀ ਜਾ ਰਹੀ ਹੈ ਤਾਂ ਜਨਤਾ ਦਾ ਕੀ ਹੋਵੇਗਾ?