Viral Video: ਮੋਗਲੀ ਦਾ ਵੀ ਪਿਓ ਹੈ ਇਹ ਮੁੰਡਾ, ਦਰੱਖਤਾਂ ਤੋ ਮਾਰਦਾ ਹੈ ਛਾਲਾਂ; ਦੇਖ ਕੇ ਰਹਿ ਜਾਓਗੇ ਹੈਰਾਨ

ਮੋਗਲੀ ਦਾ ਵੀ ਪਿਓ ਹੈ ਇਹ ਮੁੰਡਾ, ਦਰੱਖਤਾਂ ਤੋ ਮਾਰਦਾ ਹੈ ਛਾਲਾਂ, ਦੇਖੋ ਵੀਡੀਓ

ਤੁਸੀਂ ਮੋਗਲੀ ਦੀਆਂ ਕਹਾਣੀਆਂ ਤਾ ਪੜ੍ਹੀਆਂ ਹੀ ਹੋਣਗੀਆਂ ਜਾਂ ਉਸਦੇ ਬਾਰੇ ਵੀਡੀਓ ਦੇਖੇ ਹੋਣਗੇ, ਜਿਸ ਵਿੱਚ ਮੋਗਲੀ ਕਦੇ ਜਾਨਵਰਾਂ ਨਾਲ ਗੱਲਾਂ ਕਰਦਾ ਹੈ ਜਾਂ ਕਦੇ ਬਾਂਦਰਾਂ ਵਾਂਗ ਦਰੱਖਤਾਂ ਉੱਤੇ ਛਾਲ ਮਾਰਦਾ ਦਿਖਾਈ ਦਿੰਦਾ ਹੈ। ਇਸੇ ਤਰ੍ਹਾਂ ਦੀ ਇੱਕ ਹੈਰਾਨੀਜਨਕ ਵੀਡੀਓ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਦਰਅਸਲ, ਜਿਸ ਚੁਸਤੀ ਅਤੇ ਆਤਮਵਿਸ਼ਵਾਸ ਨਾਲ ਇੱਕ ਆਦਮੀ ਦਰੱਖਤਾਂ ਉੱਤੇ ਛਾਲ ਮਾਰਦਾ ਦਿਖਾਈ ਦਿੰਦਾ ਹੈ, ਉਸ ਨੂੰ ਦੇਖ ਕੇ ਹਰ ਕੋਈ ਹੈਰਾਨ ਹੋ ਜਾਂਦਾ ਹੈ। ਕਈਆਂ ਨੇ ਤਾਂ ਮਜ਼ਾਕ ਵਿੱਚ ਇਹ ਵੀ ਕਿਹਾ ਇਹ ਆਦਮੀ ਤਾਂ ਮੋਗਲੀ ਦਾ ਵੀ ਪਿਓ ਨਿਕਲਿਆ।

ਇਹ ਵੀਡੀਓ ਇੱਕ ਸੰਘਣੇ ਜੰਗਲ ਵਾਲੇ ਖੇਤਰ ਵਿੱਚ ਸ਼ੁਰੂ ਹੁੰਦਾ ਹੈ, ਜਿੱਥੇ ਉੱਚੇ ਰੁੱਖ ਅਤੇ ਚਾਰੋ ਪਾਸੇ ਹਰਿਆਲੀ ਨਜ਼ਰ ਆਉਂਦੀ ਹੈ, ਅਤੇ ਇੱਕ ਆਦਮੀ ਇਨ੍ਹਾਂ ਦਰੱਖਤਾਂ ਉੱਤੇ ਛਾਲ ਮਾਰਦਾ ਦਿਖਾਈ ਦਿੰਦਾ ਹੈ। ਹਾਲਾਂਕਿ ਪਹਿਲੀ ਨਜ਼ਰ ‘ਤੇ, ਕੋਈ ਵੀ ਅੰਦਾਜ਼ਾ ਨਹੀਂ ਲਗਾ ਸਕਦਾ ਕਿ ਉਹ ਕੀ ਕਰਨ ਵਾਲਾ ਹੈ, ਪਰ ਜਦੋਂ ਉਹ ਇੱਕ ਦਰੱਖਤ ਤੋਂ ਦੂਜੇ ਦਰੱਖਤ ਤੇ, ਅਤੇ ਦੂੱਜੇ ਤੋਂ ਤੀਜੇ ਦਰੱਖਤ ਤੇ ਛਾਲ ਮਾਰਦਾ ਰਹਿੰਦਾ ਹੈ, ਤਾਂ ਲੋਕ ਹੈਰਾਨ ਰਹਿ ਜਾਂਦੇ ਹਨ। ਉਸਦੀ ਬਾਂਦਰ ਵਰਗੀ ਸਕਿਲ, ਗਤੀ ਅਤੇ ਸੰਤੁਲਨ ਤੋਂ ਅਜਿਹਾ ਲੱਗਦਾ ਹੈ ਜਿਵੇਂ ਉਹ ਸਾਲਾਂ ਤੋਂ ਅਭਿਆਸ ਕਰ ਰਿਹਾ ਹੋਵੇ। ਨਾ ਤਾਂ ਉਹ ਉਚਾਈ ਤੋਂ ਡਰਦਾ ਹੈ ਅਤੇ ਨਾ ਹੀ ਡਿੱਗਣ ਤੋਂ ਡਰਦਾ ਹੈ, ਜੇਕਰ ਉਸ ਨੇ ਆਪਣਾ ਸੰਤੁਲਨ ਗੁਆ ​​ਦਿੱਤਾ ਤਾਂ ਕੀ ਹੋਵੇਗਾ

ਲੋਕਾਂ ਨੇ ਸਮਝਿਆ AI-ਜਨਰੇਟਿਡ ਵੀਡੀਓ

ਇਸ ਹੈਰਾਨੀਜਨਕ ਵੀਡੀਓ ਨੂੰ ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ‘ਤੇ @sciencegirl ਯੂਜ਼ਰਨੇਮ ਦੀ ਵਰਤੋਂ ਕਰਕੇ ਸਾਂਝਾ ਕੀਤਾ ਗਿਆ ਸੀ। ਇਸ 46 ਸਕਿੰਟ ਦੇ ਵੀਡੀਓ ਨੂੰ ਪਹਿਲਾਂ ਹੀ 64,000 ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਸੈਂਕੜੇ ਲੋਕਾਂ ਨੇ ਇਸਨੂੰ ਪਸੰਦ ਅਤੇ ਟਿੱਪਣੀਆਂ ਕੀਤੀਆਂ ਹਨ।

ਕੁਝ ਯੂਜ਼ਰਸ ਨੂੰ ਤਾਂ ਵਿਸ਼ਵਾਸ ਹੀ ਨੀ ਹੋ ਰਿਹਾ ਕਿ ਇਹ ਆਦਮੀ ਅਸਲੀ ਹੈ, ਸਗੋਂ ਲੋਕਾਂ ਨੂੰ ਲਗ ਰਿਹਾ ਹੈ ਕਿ ਇਹ AI-ਜਨਰੇਟਿਡ ਵੀਡੀਓ ਹੈ। ਹਾਲਾਂਕਿ, ਇੱਕ ਯੂਜ਼ਰ ਨੇ ਕਮੈਂਟਸ ਵਿੱਚ ਦੱਸਿਆ “ਇਹ ਆਦਮੀ ਫ੍ਰੈਂਚ ਟਰੇਸਰ ਐਂਥਨੀ ਡੇਨਿਸ ਹੈ, ਜੋ ਕਿ ਐਕਸਟ੍ਰੀਮ ਟ੍ਰੀ ਪਾਰਕੌਰ/ਹਾਈਲਾਈਨਿੰਗ ਦਾ ਮਾਹਰ ਹੈ। ਉਹ ਸਾਲਾਂ ਤੋਂ ਆਪਣੇ ਸੋਸ਼ਲ ਮੀਡੀਆ ‘ਤੇ ਇਸੇ ਤਰ੍ਹਾਂ ਦੇ ਟਰੇਨਿੰਗ ਕਲਿੱਪ ਪੋਸਟ ਕਰ ਰਿਹਾ ਹੈ।”

ਇੱਥੇ ਦੇਖੋ ਵੀਡੀਓ