Shocking Video: ਕਰਨਾਟਕ ਦੇ ਹਨਾਗਲ ਕੇਸ ‘ਚ ਗੈਂਗਰੇਪ ਦੇ ਮੁਲਜ਼ਮਾਂ ਨੇ ਜ਼ਮਾਨਤ ਮਿਲਣ ਤੋਂ ਬਾਅਦ ਕੱਢੀ ਵਿਕਟਰੀ ਪਰੇਡ; ਸ਼ਰਮਨਾਕ VIDEO ਵਾਇਰਲ
23 May 2025 19:07 PM
Victory Parade By Gang Rape Accused After Bail: ਮੁਲਜ਼ਮਾਂ ਨੂੰ ਕਾਰਾਂ ਅਤੇ ਮੋਟਰਸਾਈਕਲਾਂ ਦੇ ਜਲੂਸ ਵਿੱਚ ਵਿਕਟਰੀ ਚਿੰਨ੍ਹ ਦਿਖਾਉਂਦੇ ਅਤੇ ਨਾਅਰੇ ਲਗਾਉਂਦੇ ਦੇਖਿਆ ਗਿਆ। ਇਹ ਸਾਰੀ ਘਟਨਾ ਕੈਮਰੇ ਵਿੱਚ ਕੈਦ ਹੋਈ ਹੈ, ਜਿਦਾ ਵੀਡੀਓ ਹੁਣ ਵਾਇਰਲ ਹੋ ਗਿਆ ਹੈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਲੋਕਾਂ ਵਿੱਚ ਭਾਰੀ ਗੁੱਸਾ ਨਜ਼ਰ ਆ ਰਿਹਾ ਹੈ।
Photo @ManobalaV
ਬੈਂਗਲੁਰੂ: ਕਰਨਾਟਕ ਦੇ ਹਾਵੇਰੀ ਜ਼ਿਲ੍ਹੇ ਵਿੱਚ ਇੱਕ ਪਰੇਸ਼ਾਨ ਕਰਨ ਵਾਲੀ ਘਟਨਾ ਵਿੱਚ, ਜਨਵਰੀ 2024 ਦੇ ਹਨਾਗਲ ਸਮੂਹਿਕ ਬਲਾਤਕਾਰ ਮਾਮਲੇ ਦੇ ਸੱਤ ਮੁਲਜ਼ਮਾਂ ਨੇ ਵੀਰਵਾਰ, 23 ਮਈ ਨੂੰ ਜ਼ਮਾਨਤ ਮਿਲਣ ਤੋਂ ਬਾਅਦ ਜਨਤਕ ਤੌਰ ‘ਤੇ ਜਸ਼ਨ ਮਨਾਇਆ।ਮੁਲਜ਼ਮਾਂ ਨੂੰ ਕਾਰਾਂ ਅਤੇ ਮੋਟਰਸਾਈਕਲਾਂ ਦੇ ਜਲੂਸ ਵਿੱਚ ਵਿਕਟਰੀ ਚਿੰਨ੍ਹ ਦਿਖਾਉਂਦੇ ਅਤੇ ਨਾਅਰੇ ਲਗਾਉਂਦੇ ਦੇਖਿਆ ਜਾ ਸਕਦਾ ਹੈ। ਇਹ ਸਾਰੀ ਘਟਨਾ ਕੈਮਰੇ ਵਿੱਚ ਕੈਦ ਹੋ ਗਈ, ਜੋ ਹੁਣ ਵਾਇਰਲ ਹੋ ਰਹੀ ਹੈ।
ਸਾਰੇ ਸੱਤ ਮੁਲਜ਼ਮਾਂ ਆਪਤਾਬ ਚੰਦਨਕੱਟੀ, ਮਦਾਰ ਸਾਬ ਮੰਦਕੀ, ਸਮੀਵੁੱਲਾ ਲਾਲਨਵਾਰ, ਮੁਹੰਮਦ ਸਦੀਕ ਅਗਸਮਾਨੀ, ਸ਼ੋਏਬ ਮੁੱਲਾ, ਤੌਸੀਪ ਚੋਟੀ ਅਤੇ ਰਿਆਜ਼ ਸਵੀਕੇਰੀ ਦੇ ਜੱਦੀ ਸ਼ਹਿਰ ਅੱਕੀ ਅਲੂਰ ਵਿੱਚ ਛਾਪੇਮਾਰੀ ਹੋਈ।
ਮਾਮਲੇ ਨੇ ਭੜਕਾਈ ਸੀ ਸਿਆਸਤ
26 ਸਾਲਾ ਔਰਤ ਨਾਲ ਸਮੂਹਿਕ ਬਲਾਤਕਾਰ ਦੇ ਮਾਮਲੇ ਵਿੱਚ ਗ੍ਰਿਫ਼ਤਾਰੀ ਤੋਂ ਬਾਅਦ ਆਰੋਪੀ ਕਈ ਮਹੀਨਿਆਂ ਤੋਂ ਨਿਆਂਇਕ ਹਿਰਾਸਤ ਵਿੱਚ ਸਨ। ਇਸ ਘਟਨਾ ਨੇ ਪਿਛਲੇ ਸਾਲ ਰਾਜ ਵਿੱਚ ਰਾਜਨੀਤਿਕ ਅਤੇ ਜਨਤਕ ਹੰਗਾਮਾ ਮਚਾ ਦਿੱਤਾ ਸੀ। ਸਾਬਕਾ ਮੁੱਖ ਮੰਤਰੀ ਬਸਵਰਾਜ ਬੋਮਈ ਨੇ ਉਦੋਂ ਇਸ ਮਾਮਲੇ ਨਾਲ ਨਜਿੱਠਣ ਲਈ ਕਾਂਗਰਸ ਦੀ ਅਗਵਾਈ ਵਾਲੀ ਰਾਜ ਸਰਕਾਰ ਦੀ ਆਲੋਚਨਾ ਕੀਤੀ ਸੀ।
ਜ਼ਮਾਨਤ ‘ਤੇ ਰਿਹਾਈ ਤੋਂ ਬਾਅਦ ਜਸ਼ਨ ਦੀ ਵੀਡੀਓ ਫੁਟੇਜ ਨੇ ਲੋਕਾਂ ਦੇ ਗੁੱਸੇ ਨੂੰ ਫਿਰ ਤੋਂ ਭੜਕਾ ਦਿੱਤਾ ਹੈ। “ਪਰੇਡ ਹਾਵੇਰੀ ਦੇ ਅੱਕੀ ਅਲੂਰ ਕਸਬੇ ਵਿੱਚ ਹੋਈ, ਜਿੱਥੇ ਰਿਹਾਅ ਹੋਏ ਲੋਕਾਂ ਨੂੰ ਲੈ ਕੇ ਮੋਟਰਸਾਈਕਲਾਂ ਅਤੇ ਕਾਰਾਂ ਦਾ ਕਾਫਲਾ ਸਥਾਨਕ ਸੜਕਾਂ ਵਿੱਚੋਂ ਲੰਘਿਆ,”। ਆਰੋਪੀਆਂ ਵੱਲੋਂ ਇਸ ਤਰ੍ਹਾਂ ਨਾਲ ਵਿਕਟਰੀ ਪਰੇਡ ਕੱਢਣ ਨੇ ਨਾਗਰਿਕਾਂ ਅਤੇ ਕਾਰਕੁਨਾਂ ਨੂੰ ਸਵਾਲ ਕਰਨ ਲਈ ਮਜਬੂਰ ਕਰ ਦਿੱਤਾ ਹੈ ਕਿ ਇੰਨੀ ਗੰਭੀਰ ਪ੍ਰਕਿਰਤੀ ਦੇ ਮਾਮਲੇ ਵਿੱਚ ਅਜਿਹੇ ਵਿਵਹਾਰ ਦੀ ਇਜਾਜ਼ਤ ਕਿਵੇਂ ਦਿੱਤੀ ਜਾ ਸਕਦੀ ਹੈ।
🚨DISGUSTING: Gang rape accused in Karnataka WELCOMED with roadshow after bail.
ਇਹ ਵੀ ਪੜ੍ਹੋ
Seven accused of a gangrape reported in January 2024 from Haveri, Karnataka, were recently granted bail by a local court.
Mohammad Sadiq Agasimani, Shoib Mulla, Tausip Choti, Samiwulla Lalanavar, pic.twitter.com/rXx19gzdLs
— Manobala Vijayabalan (@ManobalaV) May 23, 2025
ਇਹ ਮਾਮਲਾ 8 ਜਨਵਰੀ, 2024 ਦਾ ਹੈ, ਜਦੋਂ ਇੱਕ ਅੰਤਰ-ਧਰਮੀ ਜੋੜਾ ਹਨਾਗਲ ਦੇ ਇੱਕ ਲੌਜ ਵਿੱਚ ਠਹਿਰਿਆ ਹੋਇਆ ਸੀ।ਕਥਿਤ ਤੌਰ ‘ਤੇ ਆਰੋਪੀਆਂ ਦੇ ਇੱਕ ਸਮੂਹ ਨੇ ਕਮਰੇ ਵਿੱਚ ਧਾਵਾ ਬੋਲਿਆ, ਜੋੜੇ ‘ਤੇ ਹਮਲਾ ਕੀਤਾ ਅਤੇ ਬਾਅਦ ਵਿੱਚ ਔਰਤ ਨੂੰ ਘਸੀਟ ਕੇ ਨੇੜਲੇ ਜੰਗਲ ਵਿੱਚ ਲੈ ਗਏ, ਜਿੱਥੇ ਉਸ ਨਾਲ ਕਥਿਤ ਤੌਰ ‘ਤੇ ਸਮੂਹਿਕ ਬਲਾਤਕਾਰ ਕੀਤਾ ਗਿਆ। ਸ਼ੁਰੂ ਵਿੱਚ ਨੈਤਿਕ ਪੁਲਿਸਿੰਗ ਦੇ ਮਾਮਲੇ ਵਜੋਂ ਦਰਜ ਕੀਤਾ ਗਿਆ ਸੀ, ਪਰ ਤਿੰਨ ਦਿਨਾਂ ਬਾਅਦ ਔਰਤ ਵੱਲੋਂ ਮੈਜਿਸਟਰੇਟ ਦੇ ਸਾਹਮਣੇ ਵਿਸਤ੍ਰਿਤ ਬਿਆਨ ਦੇਣ ਤੋਂ ਬਾਅਦ ਆਰੋਪੀਆਂ ਨੂੰ ਕਾਬੂ ਕਰ ਲਿਆ ਗਿਆ ਸੀ।
ਹਾਵੇਰੀ ਦੇ ਪੁਲਿਸ ਸੁਪਰਡੈਂਟ ਅੰਸ਼ੂ ਕੁਮਾਰ ਨੇ ਉਦੋਂ ਪੁਸ਼ਟੀ ਕੀਤੀ ਸੀ, “ਪੀੜਤ ਲੜਕੀ ਨੂੰ ਮੈਜਿਸਟਰੇਟ ਸਾਹਮਣੇ ਪੇਸ਼ ਕਰਨ ਤੋਂ ਬਾਅਦ ਸੀਆਰਪੀਸੀ ਦੀ ਧਾਰਾ 164 ਤਹਿਤ ਉਸਦਾ ਬਿਆਨ ਦਰਜ ਕੀਤਾ ਗਿਆ ਸੀ।” ਕੁੱਲ ਉਨ੍ਹੀ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਿਨ੍ਹਾਂ ਵਿੱਚੋਂ ਬਾਰਾਂ ਨੂੰ ਪਹਿਲਾਂ ਹੀ ਰਿਹਾਅ ਕਰ ਦਿੱਤਾ ਗਿਆ ਹੈ।