Viral Dog Video: ਬੇਹੋਸ਼ ਕਤੂਰੇ ਨੂੰ ਕੁੱਤੇ ਨੇ ਮੂੰਹ ਵਿੱਚ ਦਬਾਇਆ ਤੇ ਪਹੁੰਚ ਗਿਆ ਡਾਕਟਰ ਕੋਲ, VIDEO ਦੇਖੋ
Viral Dog Video: ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇੱਕ ਕੁੱਤਾ ਆਪਣੇ ਬੇਹੋਸ਼ ਕਤੂਰੇ ਨੂੰ ਮੂੰਹ ਵਿੱਚ ਪਾ ਕੇ ਪਸ਼ੂ ਚਿਕਿਤਸਕ ਕਲੀਨਿਕ ਲੈ ਜਾਂਦਾ ਦਿਖਾਈ ਦੇ ਰਿਹਾ ਹੈ। ਕਲੀਨਿਕ ਦੇ ਦਰਵਾਜ਼ੇ 'ਤੇ ਕੁੱਤੇ ਨੂੰ ਦੇਖ ਕੇ ਡਾਕਟਰ ਵੀ ਹੈਰਾਨ ਰਹਿ ਗਏ। ਇਹ ਵਾਇਰਲ ਹੋ ਰਹੀ ਵੀਡੀਓ ਸਿਰਫ਼ ਹੈਰਾਨ ਹੀ ਨਹੀਂ ਸਗੋਂ ਭਾਵੁਕ ਵੀ ਕਰ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਲੋਕ ਇਸ ਵੀਡੀਓ ਨੂੰ ਕਾਫੀ ਪਸੰਦ ਕਰ ਰਹੇ ਹਨ।
ਸੋਸ਼ਲ ਮੀਡੀਆ ‘ਤੇ ਇੱਕ ਸੀਸੀਟੀਵੀ ਫੁਟੇਜ ਵਾਇਰਲ ਹੋਈ ਹੈ ਜਿਸ ਵਿੱਚ ਦਿਖਾਇਆ ਗਿਆ ਹੈ ਕਿ ਸਿਰਫ਼ ਇਨਸਾਨ ਹੀ ਨਹੀਂ ਸਗੋਂ ਜਾਨਵਰ ਵੀ ਆਪਣੇ ਬੱਚਿਆਂ ਲਈ ਪਿਆਰ ਅਤੇ ਦੇਖਭਾਲ ਦੀ ਡੂੰਘੀ ਭਾਵਨਾ ਰੱਖਦੇ ਹਨ। ਵਾਇਰਲ ਫੁਟੇਜ ਵਿੱਚ, ਇੱਕ ਮਾਦਾ ਕੁੱਤਾ ਆਪਣੇ ਬੇਹੋਸ਼ ਕਤੂਰੇ ਨੂੰ ਆਪਣੇ ਮੂੰਹ ਵਿੱਚ ਲੈ ਕੇ ਪਸ਼ੂ ਚਿਕਿਤਸਕ ਕਲੀਨਿਕ ਜਾਂਦਾ ਦੇਖਿਆ ਜਾ ਸਕਦਾ ਹੈ। ਇਹ ਦਿਲ ਨੂੰ ਛੂਹ ਲੈਣ ਵਾਲੀ ਘਟਨਾ ਤੁਰਕੀ ਵਿੱਚ ਵਾਪਰੀ। ਡਾਕਟਰ ਵੀ ਦਰਵਾਜ਼ੇ ‘ਤੇ ਕੁੱਤੇ ਨੂੰ ਦੇਖ ਕੇ ਹੈਰਾਨ ਰਹਿ ਗਿਆ।
ਵਾਇਰਲ ਹੋ ਰਹੀ ਵੀਡੀਓ ਵਿੱਚ, ਇੱਕ ਮਾਦਾ ਕੁੱਤਾ ਆਪਣੇ ਬੇਹੋਸ਼ ਕਤੂਰੇ ਨਾਲ ਬੇਇਲਿਕਦੁਜ਼ੂ ਅਲਫਾ ਵੈਟਰਨਰੀ ਕਲੀਨਿਕ ਜਾਂਦਾ ਦੇਖਿਆ ਜਾ ਸਕਦਾ ਹੈ। ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਮਨੁੱਖੀ ਮਦਦ ਦੀ ਉਡੀਕ ਕਰਨ ਦੀ ਬਜਾਏ, ਕੁੱਤੇ ਨੇ ਬੇਹੋਸ਼ ਕਤੂਰੇ ਨੂੰ ਆਪਣੇ ਮੂੰਹ ਵਿੱਚ ਫੜ ਲਿਆ ਅਤੇ ਸਿੱਧਾ ਸਿਹਤ ਸੰਭਾਲ ਕੇਂਦਰ ਵੱਲ ਭੱਜਿਆ ਤਾਂ ਜੋ ਉਸਦੇ ਕਤੂਰੇ ਦਾ ਸਮੇਂ ਸਿਰ ਇਲਾਜ ਹੋ ਸਕੇ।
ਖੁਸ਼ਕਿਸਮਤੀ ਨਾਲ, ਇਸ ਬੇਜ਼ੁਬਾਨ ਮਾਂ ਦੀਆਂ ਕੋਸ਼ਿਸ਼ਾਂ ਵਿਅਰਥ ਨਹੀਂ ਗਈਆਂ ਅਤੇ ਡਾਕਟਰ ਕਤੂਰੇ ਨੂੰ ਮੁੜ ਜ਼ਿੰਦਾ ਕਰਨ ਵਿੱਚ ਸਫਲ ਰਹੇ। ਡਾਕਟਰਾਂ ਦੇ ਅਨੁਸਾਰ, ਕਤੂਰੇ ਨੂੰ ਬੇਹੋਸ਼ ਹਾਲਤ ਵਿੱਚ ਲਿਆਂਦਾ ਗਿਆ ਸੀ ਅਤੇ ਉਹ ਹਾਈਪੋਥਰਮੀਆ ਤੋਂ ਪੀੜਤ ਸੀ। ਇਸ ਵੇਲੇ, ਉਹ ਕਲੀਨਿਕ ਦੀ ਨਿਗਰਾਨੀ ਹੇਠ ਹੈ।
ਇਹ ਵੀ ਪੜ੍ਹੋ
ਐਸੋਸੀਏਟਿਡ ਪ੍ਰੈਸ ਦੀ ਰਿਪੋਰਟ ਦੇ ਅਨੁਸਾਰ, ਵੈਟਰਨਰੀ ਡਾਕਟਰ ਬਤੁਰਲਪ ਡੋਗਨ ਨੇ ਕਿਹਾ ਕਿ ਉਸਦੇ ਦੋਸਤ ਏਮੀਰ ਨੇ ਇੱਕ ਮਾਦਾ ਕੁੱਤੇ ਨੂੰ ਮਦਦ ਲਈ ਉਸਦੇ ਕਲੀਨਿਕ ਵੱਲ ਆਉਂਦੇ ਅਤੇ ਦਰਵਾਜ਼ੇ ਕੋਲ ਖੜ੍ਹੇ ਦੇਖਿਆ। ਇਸ ਤੋਂ ਬਾਅਦ, ਆਮਿਰ ਨੇ ਤੁਰੰਤ ਦਰਵਾਜ਼ਾ ਖੋਲ੍ਹਿਆ ਅਤੇ ਕਤੂਰੇ ਨੂੰ ਚੁੱਕਿਆ।
ਇਹ ਵੀ ਪੜ੍ਹੋ- ਚਿਹਰਾ ਦੇਖ ਲਾੜੀ ਨੂੰ ਕੀਤਾ Reject, ਕੁੜੀ ਦੇ ਪਰਿਵਾਰ ਨੇ ਗੁੱਸੇ ਵਿੱਚ ਲਾੜੇ ਦੀ ਕੱਟ ਦਿੱਤੀਆਂ ਮੁੱਛਾਂ
ਉਸ ਸਮੇਂ ਕਤੂਰੇ ਦਾ ਸਰੀਰ ਬਰਫ਼ ਵਾਂਗ ਠੰਡਾ ਸੀ ਅਤੇ ਸਰੀਰ ਵਿੱਚ ਕੋਈ ਹਰਕਤ ਨਹੀਂ ਸੀ। ਏਮੀਰ ਨੇ ਸੋਚਿਆ ਕਿ ਸ਼ਾਇਦ ਉਹ ਮਰ ਗਿਆ ਹੈ। ਪਰ ਜਦੋਂ ਏਮੀਰ ਅਤੇ ਦੋਗਨ ਨੇ ਕਤੂਰੇ ਦੇ Heartbeat ਦੀ ਜਾਂਚ ਕੀਤੀ, ਤਾਂ ਉਹ ਅਜੇ ਵੀ ਧੜਕ ਰਿਹਾ ਸੀ। ਇਸ ਤੋਂ ਬਾਅਦ, ਦੋਵੇਂ ਕਤੂਰੇ ਨੂੰ ਹੋਸ਼ ਵਿੱਚ ਵਾਪਸ ਲਿਆਉਣ ਵਿੱਚ ਸਫਲ ਰਹੇ।