Shocking News: ‘ਸਰ, ਮੇਰਾ ਵਿਆਹ ਹੈ, ਦੋ ਦਿਨ ਦੀ ਛੁੱਟੀ ਚਾਹੀਦੀ ਹੈ’, ਬੌਸ ਨੇ ਇਹ ਕਹਿ ਕੇ ਕਰ ਦਿੱਤੀ Reject
Shocking News: ਇਨ੍ਹੀਂ ਦਿਨੀਂ ਇਕ ਮਾਰਕੀਟਿੰਗ ਕੰਪਨੀ ਦੇ ਸੀਈਓ ਦੇ ਫੈਸਲੇ ਨੂੰ ਲੈ ਕੇ ਸੋਸ਼ਲ ਮੀਡੀਆ 'ਤੇ ਕਾਫੀ ਹੰਗਾਮਾ ਹੋ ਰਿਹਾ ਹੈ। ਦਰਅਸਲ, ਸੀਈਓ ਨੇ ਖੁਦ ਆਪਣੀ ਇੱਕ ਸੋਸ਼ਲ ਮੀਡੀਆ ਪੋਸਟ ਵਿੱਚ ਦੱਸਿਆ ਕਿ ਉਸਨੇ ਇੱਕ ਮਹਿਲਾ ਕਰਮਚਾਰੀ ਨੂੰ ਦੋ ਦਿਨ ਦੀ ਛੁੱਟੀ ਦੇਣ ਤੋਂ ਇਨਕਾਰ ਕਰ ਦਿੱਤਾ, ਜੋ ਉਸਨੇ ਆਪਣੇ ਵਿਆਹ ਲਈ ਮੰਗੀ ਸੀ। ਹੁਣ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀ ਇਸ ਪੋਸਟ ਨੂੰ ਦੇਖ ਕੇ ਯੂਜ਼ਰਸ ਬੌਸ ਦੀ ਭਾਰੀ ਆਲੋਚਨਾ ਕਰ ਰਹੇ ਹਨ।
ਕੁੜੀ ਨੇ ਵਿਆਹ ਲਈ ਮੰਗੀ ਛੁੱਟੀ ਤਾਂ Boss ਨੇ ਇਹ ਕਾਰਨ ਦੇ ਕੇ ਕੀਤੀ Reject Image Credit source: Pexels
ਤੁਸੀਂ ਕਰਮਚਾਰੀਆਂ ਨੂੰ ਦਫਤਰ ਤੋਂ ਛੁੱਟੀ ਨਾ ਮਿਲਣ ਦੀ ਸ਼ਿਕਾਇਤ ਸੁਣੀ ਹੋਵੇਗੀ, ਪਰ ਉਦੋਂ ਕੀ ਹੁੰਦਾ ਹੈ ਜਦੋਂ ਬੌਸ ਕਿਸੇ ਨੂੰ ਵਿਆਹ ਲਈ ਛੁੱਟੀ ਦੇਣ ਤੋਂ ਇਨਕਾਰ ਕਰ ਦਿੰਦਾ ਹੈ, ਅਤੇ ਉਹ ਵੀ ਸਿਰਫ ਦੋ ਦਿਨ ਲਈ। ਜੀ ਹਾਂ, ਸੱਚਮੁੱਚ ਅਜਿਹਾ ਹੋਇਆ ਹੈ ਅਤੇ ਹੁਣ ਲੋਕ ਸੋਸ਼ਲ ਮੀਡੀਆ ‘ਤੇ ‘Toxic’ ਬੌਸ ਦੀ ਭਾਰੀ ਆਲੋਚਨਾ ਕਰ ਰਹੇ ਹਨ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇਹ ਗੱਲ ਕਿਸੇ ਕਰਮਚਾਰੀ ਨੇ ਨਹੀਂ, ਸਗੋਂ ਕੰਪਨੀ ਦੇ ਸੀਈਓ ਨੇ ਖੁਦ ਸੋਸ਼ਲ ਮੀਡੀਆ ‘ਤੇ ਜਨਤਕ ਕੀਤੀ ਸੀ।
ਹੈਰਾਨ ਕਰਨ ਵਾਲਾ ਇਹ ਮਾਮਲਾ ਬ੍ਰਿਟਿਸ਼ ਮਾਰਕੀਟਿੰਗ ਕੰਪਨੀ ਦਾ ਹੈ, ਜਿਸ ਦੇ ਸੀਈਓ ਲੌਰੇਨ ਟਿੱਕਨਰ ਨੇ ਸੋਸ਼ਲ ਮੀਡੀਆ ‘ਤੇ ਇਹ ਕਹਿ ਕੇ ਹੰਗਾਮਾ ਮਚਾ ਦਿੱਤਾ ਕਿ ਉਸ ਨੇ ਆਪਣੀ ਇਕ ਮਹਿਲਾ ਕਰਮਚਾਰੀ ਦੀ ਦੋ ਦਿਨ ਦੀ ਛੁੱਟੀ ਰੱਦ ਕਰ ਦਿੱਤੀ, ਜੋ ਉਸ ਨੇ ਆਪਣੇ ਵਿਆਹ ਲਈ ਮੰਗੀ ਸੀ। ਹਾਲਾਂਕਿ, ਹੰਗਾਮੇ ਤੋਂ ਬਾਅਦ, ਲੌਰੇਨ ਨੇ ਆਪਣੇ ਫੈਸਲੇ ਨੂੰ ਜਾਇਜ਼ ਠਹਿਰਾਉਣ ਲਈ ਥ੍ਰੈੱਡ ‘ਤੇ ਕਈ ਪੋਸਟਾਂ ਕੀਤੀਆਂ, ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਕਿ ਕਰਮਚਾਰੀ ਨੇ ਪਹਿਲਾਂ ਹੀ ਢਾਈ ਹਫ਼ਤਿਆਂ ਦੀ ਛੁੱਟੀ ਲੈ ਲਈ ਸੀ ਅਤੇ ਉਸ ਦੀ ਥਾਂ ‘ਤੇ ਕਿਸੇ ਹੋਰ ਨੂੰ ਨਿਯੁਕਤ ਕਰਨ ਲਈ ਉਹ ਸਿਖਲਾਈ ਵਿੱਚ ਅਸਫਲ ਹੋ ਗਈ ਸੀ। ਅਜਿਹੇ ‘ਚ ਜੇਕਰ ਉਨ੍ਹਾਂ ਦੀ ਛੁੱਟੀ ਹੋ ਜਾਂਦੀ ਤਾਂ ਕੰਪਨੀ ਦੇ ਦੋ ਪ੍ਰੋਜੈਕਟ ਲਟਕ ਕੇ ਰਹਿ ਜਾਂਦੇ।
Pic Source: Threads/@laurentickner
ਸੀਈਓ ਦਾ ਕਹਿਣਾ ਹੈ ਕਿ ਛੁੱਟੀ ਰੱਦ ਕਰਨ ਦਾ ਇੱਕ ਹੀ ਕਾਰਨ ਸੀ ਅਤੇ ਉਹ ਇਹ ਸੀ ਕਿ ਮਹਿਲਾ ਕਰਮਚਾਰੀ ਦਾ ਕੋਈ ਰਿਪਲੇਸਮੈਂਟ ਨਹੀਂ ਮਿਲਿਆ। ਲੌਰੇਨ ਨੇ ਕਿਹਾ, ਟੀਮ ‘ਤੇ ਪਹਿਲਾਂ ਹੀ ਦਬਾਅ ਸੀ ਅਤੇ ਸਮਾਂ ਸੀਮਾ ਹੋਣ ਕਾਰਨ ਕਰਮਚਾਰੀ ਨੂੰ ਸਪੱਸ਼ਟ ਸ਼ਬਦਾਂ ‘ਚ ਕਿਹਾ ਗਿਆ ਕਿ ਜੇਕਰ ਉਸ ਨੂੰ ਛੁੱਟੀ ਦੀ ਲੋੜ ਹੈ ਤਾਂ ਜਲਦੀ ਤੋਂ ਜਲਦੀ ਉਸ ਦਾ Replacement ਲੱਭ ਕੇ ਉਸ ਨੂੰ ਟ੍ਰੇਨ ਕਰੇ। ਪਰ ਅਜਿਹਾ ਨਹੀਂ ਹੋਇਆ।
ਇਹ ਵੀ ਪੜ੍ਹੋ- ਲਾਇਸੰਸ ਕਿੱਥੇ ਹੈ! ਟ੍ਰੈਫਿਕ ਪੁਲਿਸ ਦੀ ਛੋਟੀ ਬੱਚੀ ਨਾਲ ਗੱਲ ਕਰਨ ਦਾ ਵੀਡੀਓ ਹੋਇਆ VIRAL
ਇਹ ਵੀ ਪੜ੍ਹੋ
ਹਾਲਾਂਕਿ ਸੋਸ਼ਲ ਮੀਡੀਆ ਯੂਜ਼ਰਸ ਲੌਰੇਨ ਦੀ ਇਸ ਦਲੀਲ ਤੋਂ ਅਸੰਤੁਸ਼ਟ ਨਜ਼ਰ ਆਏ। ਕਈ ਲੋਕਾਂ ਨੇ ਉਸ ਨੂੰ Toxic ਬੌਸ ਕਰਾਰ ਦਿੰਦਿਆਂ ਕਿਹਾ ਕਿ ਅਜਿਹੇ ਲੋਕਾਂ ਨਾਲ ਕੌਣ ਕੰਮ ਕਰਨਾ ਚਾਹੇਗਾ, ਜੋ ਮੁਲਾਜ਼ਮਾਂ ਦੇ ਹਿੱਤਾਂ ਦਾ ਖਿਆਲ ਨਹੀਂ ਰੱਖਦੇ। ਇਸ ਦੇ ਨਾਲ ਹੀ ਕਈ ਲੋਕਾਂ ਨੇ ਸਵਾਲ ਕੀਤਾ ਕਿ ਕਿਸੇ ਕਰਮਚਾਰੀ ਦੀ ਕਿਸੇ ਹੋਰ ਨੂੰ ਟ੍ਰੇਨਿੰਗ ਦੇਣ ਦੀ ਜ਼ਿੰਮੇਵਾਰੀ ਕਿਵੇਂ ਹੋ ਸਕਦੀ ਹੈ। ਇਸ ਤੋਂ ਇਲਾਵਾ ਕੁਝ ਲੋਕਾਂ ਨੇ ਵਿਅੰਗ ਕਸਦਿਆਂ ਕਿਹਾ ਕਿ ਜੇਕਰ ਤੁਹਾਡੀ ਕੰਪਨੀ ਦਾ ਕੋਈ ਪ੍ਰੋਜੈਕਟ ਬਿਨਾਂ ਕਰਮਚਾਰੀ ਦੇ ਦੋ ਦਿਨ ਨਹੀਂ ਚੱਲ ਸਕਦਾ ਤਾਂ ਇਸ ਤੋਂ ਵੱਡੀ ਅਸਫਲਤਾ ਕੋਈ ਨਹੀਂ ਹੋ ਸਕਦੀ।