ਕਾਪੀ-ਪੇਸਟ ਕ੍ਰੀਏਟਰਾਂ ਤੇ ਚੱਲਿਆ X ਦਾ ਹੰਟਰ! ਜੇਕਰ ਕੀਤਾ ਇਹ ਕੰਮ ਤਾਂ ਨਹੀਂ ਮਿਲੇਗਾ 1 ਵੀ ਪੈਸਾ

X Twitter Creators

ਜੇ ਤੁਸੀਂ ਮਾਈਕ੍ਰੋਬਲੌਗਿੰਗ ਪਲੇਟਫਾਰਮ X ਨੂੰ ਰੋਜ਼ਾਨਾ ਵਰਤਦੇ ਹੋ ਤਾਂ ਤੁਸੀਂ ਵੀ ਸ਼ਾਇਦ ਇਹ ਗੱਲ ਨੋਟਿਸ ਕੀਤੀ ਹੋਵੇਗੀ ਕਿ ਕਈ ਵਾਰ ਸਕ੍ਰੋਲ ਕਰਦੇ ਸਮੇਂ ਇੱਕ ਹੀ ਵਾਇਰਲ ਵੀਡੀਓ ਸਾਨੂੰ ਵਾਰ-ਵਾਰ ਦਿਖਾਈ ਦਿੰਦੀ ਹੈ, ਅਤੇ ਉਹ ਵੀ ਹਰ ਵਾਰ ਵੱਖ-ਵੱਖ ਅਕਾਊਂਟਾਂ ਰਾਹੀਂ। ਇਸ ਕਾਰਨ ਅਸਲੀ ਕ੍ਰੀਏਟਰ ਤੇ ਮੁਸ਼ਕਲ ਨਾਲ ਹੀ ਧਿਆਨ ਜਾਂਦਾ ਹੈ, ਜਦਕਿ ਰੀਪੋਸਟ ਕਰਨ ਵਾਲੇ ਅਕਾਊਂਟ ਲੱਖਾਂ ਵਿਊਜ਼ ਅਤੇ ਐਨਗੇਜਮੈਂਟ ਹਾਸਲ ਕਰਕੇ ਪੈਸਾ ਕਮਾਉਂਦੇ ਹਨ। ਪਰ ਹੁਣ ਬਹੁਤ ਹੋ ਗਿਆ ਕਿਉਂਕਿ X ਹੁਣ ਕਾਪੀ-ਪੇਸਟ ਕ੍ਰੀਏਟਰਾਂ ਤੇ ਸਖ਼ਤੀ ਕਰਕੇ ਉਨ੍ਹਾਂ ਦੀ ਕਮਾਈ ਤੇ ਰੋਕ ਲਗਾਉਣ ਦੀ ਤਿਆਰੀ ਕਰ ਰਿਹਾ ਹੈ।

((ਫੋਟੋ-X/Nikita Bier)

X ਦੀ ਪ੍ਰੋਡਕਟ ਹੈੱਡ ਨੇ ਦਿੱਤੀ ਇਹ ਜਾਣਕਾਰੀ

X ਦੇ ਪ੍ਰੋਡਕਟ ਹੈੱਡ ਨਿਕੀਤਾ ਬੀਅਰ (Nikita Bier) ਦੇ ਅਨੁਸਾਰ, ਕੰਪਨੀ ਨੇ ਕਈ ਵੱਡੇ ਅਕਾਊਂਟਾਂ ਦੀ ਪਛਾਣ ਕੀਤੀ ਹੈ ਜੋ X ਦੇ ਕ੍ਰੀਏਟਰ ਰੇਵਨਿਊ ਸ਼ੇਅਰ ਪ੍ਰੋਗਰਾਮ ਦਾ ਫਾਇਦਾ ਲੈਣ ਲਈ ਛੋਟੇ ਅਕਾਊਂਟਾਂ ਤੋਂ ਪ੍ਰੋਗਰਾਮੈਟਿਕ ਤਰੀਕੇ ਨਾਲ ਕੰਟੈਂਟ ਰੀਅਪਲੋਡ ਕਰ ਰਹੇ ਸਨ। ਬੀਅਰ ਨੇ X ਤੇ ਇੱਕ ਪੋਸਟ ਵਿੱਚ ਲਿਖਿਆ ਕਿ ਪਿਛਲੇ ਮਹੀਨੇ, ਅਸੀਂ ਕਈ ਵੱਡੇ ਅਕਾਊਂਟਾਂ ਦੀ ਪਛਾਣ ਕੀਤੀ ਹੈ ਜੋ ਰੇਵਨਿਊ ਸ਼ੇਅਰ ਪ੍ਰੋਗਰਾਮ ਵਿੱਚ ਅਸਲੀ ਲੇਖਕ ਨੂੰ ਕ੍ਰੈਡਿਟ ਦੇਣ ਤੋਂ ਬਚਣ ਲਈ ਛੋਟੇ ਅਕਾਊਂਟਾਂ ਤੋਂ ਪ੍ਰੋਗਰਾਮੈਟਿਕ ਤਰੀਕੇ ਨਾਲ ਕੰਟੈਂਟ ਰੀਅਪਲੋਡ ਕਰ ਰਹੇ ਸਨ।

X ਹੁਣ ਨਵੇਂ ਕਦਮ ਚੁੱਕ ਰਿਹਾ ਹੈ ਤਾਂ ਜੋ ਪਲੇਟਫਾਰਮ ਤੇ ਚੱਲ ਰਹੇ ਕਾਪੀ-ਪੇਸਟ ਕੰਟੈਂਟ ਨੂੰ ਘੱਟ ਕੀਤਾ ਜਾ ਸਕੇ। ਦਰਅਸਲ ਬਹੁਤ ਸਾਰੇ ਲੋਕ ਲਾਭ ਜਾਂ ਕਹੋ ਪੈਸਾ ਕਮਾਉਣ ਲਈ ਛੋਟੇ ਕ੍ਰੀਏਟਰਾਂ ਦੇ ਕੰਟੈਂਟ ਨੂੰ ਤੇਜ਼ੀ ਨਾਲ ਦੁਬਾਰਾ ਪੋਸਟ ਕਰਦੇ ਹਨ, ਪਰ ਹੁਣ ਇਹ ਤਰੀਕਾ ਨਹੀਂ ਚਲੇਗਾ।

X ਦਾ ਕ੍ਰੀਏਟਰ ਰੇਵਨਿਊ ਸ਼ੇਅਰ ਪ੍ਰੋਗਰਾਮ ਯੋਗ ਕ੍ਰੀਏਟਰਾਂ ਨੂੰ ਪਲੇਟਫਾਰਮ ਤੇ ਐਨਗੇਜਮੈਂਟ ਦੇ ਆਧਾਰ ਤੇ ਪੈਸਾ ਕਮਾਉਣ ਦੀ ਸਹੂਲਤ ਦਿੰਦਾ ਹੈ। ਪਰ ਇਸ ਸਿਸਟਮ ਨੇ ਕੁਝ ਯੂਜ਼ਰਾਂ ਲਈ ਟ੍ਰੈਂਡਿੰਗ ਵੀਡੀਓਜ਼ ਅਤੇ ਵਾਇਰਲ ਕੰਟੈਂਟ ਨੂੰ ਅਸਲੀ ਕ੍ਰੀਏਟਰ ਦੇ ਟ੍ਰੈਕਸ਼ਨ ਲੈਣ ਤੋਂ ਪਹਿਲਾਂ ਹੀ ਤੇਜ਼ੀ ਨਾਲ ਰੀਪੋਸਟ ਕਰਨ ਲਈ ਪ੍ਰੇਰਣਾ ਵੀ ਦਿੱਤੀ। ਕੰਪਨੀ ਦੇ ਇਸ ਕਦਮ ਨਾਲ ਅਸਲੀ ਕ੍ਰੀਏਟਰਾਂ ਨੂੰ ਵੀਡੀਓ ਤੇ ਵੱਧ ਇੰਪਰੈਸ਼ਨ ਮਿਲ ਸਕਦੇ ਹਨ। ਪ੍ਰੋਡਕਟ ਹੈੱਡ ਨਿਕੀਤਾ ਬੀਅਰ ਨੇ ਕਿਹਾ ਕਿ ਅਸੀਂ ਹੁਣ ਇਨ੍ਹਾਂ ਪੋਸਟਾਂ ਦੀ ਪਛਾਣ ਕਰ ਰਹੇ ਹਾਂ ਅਤੇ ਇੰਪਰੈਸ਼ਨ ਪੂਰੀ ਤਰ੍ਹਾਂ ਕ੍ਰੀਏਟਰ ਨੂੰ ਹੀ ਦਿੱਤੇ ਜਾਣਗੇ।