IND vs PAK, Colombo Weather Update: ਭਾਰਤ-ਪਾਕਿਸਤਾਨ ਮੈਚ ਵਿੱਚ ਮੀਂਹ ? ਦੇਖੋ ਕੋਲੰਬੋ ਦੇ ਮੌਸਮ ਦਾ ਤਾਜ਼ਾ ਹਾਲ
Colombo Weather Update, India vs Pakistan: ਭਾਰਤ-ਪਾਕਿਸਤਾਨ ਮੈਚ ਤੋਂ ਪਹਿਲਾਂ, ਕੋਲੰਬੋ ਦਾ ਮੌਸਮ ਵੀ ਆਪਣਾ ਰੰਗ ਦਿਖਾ ਰਿਹਾ ਹੈ। ਅਜਿਹੀ ਸਥਿਤੀ ਵਿੱਚ ਸਵਾਲ ਇਹ ਹੈ ਕਿ ਹੋਣ ਵਾਲੇ ਮੈਚ 'ਤੇ ਇਸਦਾ ਕਿੰਨਾ ਪ੍ਰਭਾਵ ਪਵੇਗਾ?
ਭਾਰਤ-ਪਾਕਿਸਤਾਨ ਮੈਚ ਵਿੱਚ ਮੀਂਹ ? ਦੇਖੋ ਕੋਲੰਬੋ ਦੇ ਮੌਸਮ ਦਾ ਤਾਜ਼ਾ ਹਾਲ
Rain in IND vs PAK match in Colombo: T20 ਵਿਸ਼ਵ ਕੱਪ 2026 ਵਿੱਚ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਮੈਚ ਹੋਵੇਗਾ ਜਾਂ ਨਹੀਂ ਪਹਿਲਾ ਤਾ ਇਸੀ ਤੇ ਹੀ ਚਰਚਾ ਬਣੀ ਹੋਈ ਸੀ। ਪਰ, ਜਦੋਂ ਸਵਾਲ ਦਾ ਹੱਲ ਮਿਲ ਗਿਆ, ਤਾਂ ਹੁਣ ਕੋਲੰਬੋ ਦੇ ਮੌਸਮ ਨੇ ਮੈਚ ਵਿੱਚ ਰੁਕਾਵਟ ਪਾ ਦਿੱਤੀ ਹੈ। 15 ਫਰਵਰੀ ਨੂੰ ਕੋਲੰਬੋ ਦੇ ਪ੍ਰੇਮਦਾਸਾ ਸਟੇਡੀਅਮ ਵਿੱਚ ਹੋਣ ਵਾਲੇ ਭਾਰਤ-ਪਾਕਿਸਤਾਨ ਮੈਚ ਦੌਰਾਨ ਕੋਲੰਬੋ ਵਿੱਚ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਕੀ ਭਾਰਤ-ਪਾਕਿਸਤਾਨ ਮੈਚ ਮੀਂਹ ਕਾਰਨ ਰੱਧ ਹੋ ਜਾਵੇਗਾ? ਕੀ ਲੋਕਾਂ ਨੂੰ ਉਹ ਮੈਚ ਦੇਖੇ ਬਿਨਾਂ ਰਹਿਣਾ ਪਵੇਗਾ ਜਿਸਦਾ ਲੋਕ ਬੇਸਬਰੀ ਨਾਲ ਉਡੀਕ ਕਰ ਰਹੇ ਸਨ? ਜਾਂ ਫਿਰ ਭਾਰਤ-ਪਾਕਿਸਤਾਨ ਮੈਚ ਵਿੱਚ ਘੱਟ ਓਵਰਾਂ ਦਾ ਮੈਚ ਦੇਖਣ ਨੂੰ ਮਿਲੇਗਾ? ਇਨ੍ਹਾਂ ਸਵਾਲਾਂ ਦੇ ਜਵਾਬ ਜਾਣਨ ਲਈ, ਪਹਿਲਾਂ ਕੋਲੰਬੋ ਦੇ ਮੌਸਮ ਦੇ ਹਾਲਾਤਾਂ ਨੂੰ ਸਮਝਣਾ ਪਵੇਗਾ।
ਸ਼ਾਮ 7 ਵਜੇ ਸ਼ੁਰੂ ਹੋਵੇਗਾ ਭਾਰਤ-ਪਾਕਿਸਤਾਨ ਮੈਚ
ਸ਼੍ਰੀਲੰਕਾ ਵਿੱਚ ਭਾਰਤ-ਪਾਕਿਸਤਾਨ ਮੈਚ ਸ਼ੁਰੂ ਹੋਣ ਦਾ ਸਮਾਂ ਸ਼ਾਮ 7 ਵਜੇ ਹੈ, ਭਾਰਤੀ ਸਮੇਂ ਅਨੁਸਾਰ ਵੀ 7 ਵਜੇ ਹੋਵੇਗਾ। ਇਹ ਇਸ ਲਈ ਹੈ ਕਿਉਂਕਿ ਭਾਰਤ ਅਤੇ ਸ਼੍ਰੀਲੰਕਾ ਇੱਕੋ ਹੀ ਟਾਈਮਜੋਨ ਵਿੱਚ ਆਉਂਦੇ ਹਨ। ਹੁਣ ਸਮੱਸਿਆ ਇਹ ਹੈ ਕਿ ਕੋਲੰਬੋ ਵਿੱਚ ਉਸੀ ਦੌਰਾਨ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਇੱਕ ਚੰਗੀ ਗੱਲ ਇਹ ਵੀ ਹੈ ਕਿ ਮੀਂਹ ਦੀ ਭਵਿੱਖਬਾਣੀ ਥੋੜ੍ਹੀ ਘੱਟ ਗਈ ਹੈ।
ਭਾਰਤ-ਪਾਕਿਸਤਾਨ ਮੈਚ ਵਿੱਚ ਮੀਂਹ ਦੀ ਭਵਿੱਖਬਾਣੀ ਥੋੜ੍ਹੀ ਘੱਟੀ
BBC ਮੌਸਮ ਦੇ ਅਨੁਸਾਰ, ਪਹਿਲਾਂ 15 ਫਰਵਰੀ ਨੂੰ ਸ਼ਾਮ 6 ਵਜੇ ਤੋਂ 9 ਵਜੇ ਦੇ ਵਿਚਕਾਰ ਭਾਰੀ ਮੀਂਹ ਪੈਣ ਦੀ ਉਮੀਦ ਸੀ, ਪਰ ਹੁਣ ਇਹ ਘੱਟ ਗਈ ਹੈ। ਪਿਛਲੇ ਮੌਸਮ ਅਪਡੇਟ ਦੇ ਅਨੁਸਾਰ, ਕੋਲੰਬੋ ਵਿੱਚ 15 ਫਰਵਰੀ ਨੂੰ ਸ਼ਾਮ 6 ਵਜੇ ਮੀਂਹ ਪੈਣ ਦੀ ਸੰਭਾਵਨਾ 51 ਪ੍ਰਤੀਸ਼ਤ, ਸ਼ਾਮ 7 ਵਜੇ 57 ਪ੍ਰਤੀਸ਼ਤ, ਰਾਤ 8 ਵਜੇ 65 ਪ੍ਰਤੀਸ਼ਤ ਅਤੇ ਰਾਤ 9 ਵਜੇ 45 ਪ੍ਰਤੀਸ਼ਤ ਸੀ।
ਹਾਲਾਂਕਿ ਹੁਣ ਮੌਜੂਦਾ ਮੌਸਮ ਦੀ ਭਵਿੱਖਬਾਣੀ ਦੇ ਅਨੁਸਾਰ, ਸ਼ਾਮ 6:30 ਵਜੇ, ਟਾਸ ਦੇ ਸਮੇਂ, ਮੀਂਹ ਪੈਣ ਦੀ 50 ਪ੍ਰਤੀਸ਼ਤ ਸੰਭਾਵਨਾ ਹੈ। ਉਹਦਾ ਹੀ ਸ਼ਾਮ 7:30 ਵਜੇ ਤੱਕ, ਇਹ ਸੰਭਾਵਨਾ ਘੱਟ ਕੇ 40 ਪ੍ਰਤੀਸ਼ਤ ਰਹਿ ਜਾਂਦੀ ਹੈ। ਰਾਤ 8:30 ਵਜੇ ਤੱਕ, ਇਹ ਹੋਰ ਘੱਟ ਕੇ 27 ਪ੍ਰਤੀਸ਼ਤ ਰਹਿ ਜਾਂਦੀ ਹੈ। ਚੰਗੀ ਖ਼ਬਰ ਇਹ ਹੈ ਕਿ ਮੀਂਹ ਪੈਣ ਦੀ ਸੰਭਾਵਨਾ ਹੋਰ ਘੱਟ ਰਹੀ ਹੈ।
ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਕੀ ਹੈ ਖਾਸ ਗੱਲ ?
ਕਹਿੰਦੇ ਹਨ ਕਿ ਕੋਲੰਬੋ ਦੇ ਮੌਸਮ ਦਾ ਅੰਦਾਜ਼ਾ ਲਗਾਉਣਾ ਆਸਾਨ ਨਹੀਂ ਹੁੰਦਾ। ਹਾਲਾਂਕਿ, BBC ਮੌਸਮ ਦੇ ਅਨੁਸਾਰ, ਮੌਜੂਦਾ ਮੌਸਮ ਅਤੇ ਮੀਂਹ ਦੀ ਭਵਿੱਖਬਾਣੀ ਦਰਸਾਉਂਦੀ ਹੈ ਕਿ ਭਾਵੇਂ ਕੁਝ ਸਮੇਂ ਲਈ ਮੈਚ ਵਿੱਚ ਦੇਰੀ ਹੋ ਸਕਦੀ ਹੈ, ਪਰ ਮੈਚ ਹੋਣ ਦੀ ਉਮੀਦ ਹੈ, ਜੋ ਕਿ ਕ੍ਰਿਕਟ ਪ੍ਰਸ਼ੰਸਕਾਂ ਲਈ ਚੰਗੀ ਖ਼ਬਰ ਹੈ।