ਬਹਿਬਲ ਕਲਾਂ ਬੇਅਦਬੀ ਇਨਸਾਫ ਮੋਰਚੇ ਦਾ ਅਗਲਾ ਐਲਾਨ
26 ਜਨਵਰੀ ਨੂੰ ਗਣਤੰਤਰਤਾ ਦਿਵਸ ਦਾ ਕੀਤਾ ਜਾਵੇਗਾ ਬਾਈਕਾਟ। 5 ਫਰਵਰੀ ਨੂੰ ਲਿਆ ਜਾਵੇਗਾ ਵੱਡਾ ਐਕਸ਼ਨ,ਨੈਸ਼ਨਲ ਹਾਈਵੇ ਤੋਂ ਪੋਸਟਪੋਂਨ ਕੀਤਾ ਜਾਮ ਮੁੜ ਤੋਂ ਕੀਤਾ ਜਾ ਸਕਦਾ ਬਹਾਲ-ਸੁਖਰਾਜ
ਪਿਛਲੇ 13 ਮਹੀਨੇ ਤੋਂ ਬਹਿਬਲ ਕਲਾਂ ਵਿੱਚ ਚੱਲ ਰਹੇ ਬੇਅਦਬੀ ਇਨਸਾਫ ਮੋਰਚੇ ਵਲੋਂ ਫਿਰ ਤੋਂ ਇੱਕ ਮੀਟਿੰਗ ਕਰ ਆਉਣ ਵਾਲੇ ਸਮੇਂ ਲਈ ਸਰਕਾਰ ਨੂੰ ਚਿਤਾਵਨੀ ਦੇ ਰੂਪ 5 ਫਰਵਰੀ ਨੂੰ ਵੱਡਾ ਐਕਸ਼ਨ ਕਰਨ ਦਾ ਐਲਾਨ ਕਰ ਦਿੱਤਾ ਹੈ ਅਤੇ ਨਾਲ ਹੀ 26 ਜਨਵਰੀ ਨੂੰ ਗਣਤੰਤਰਤਾ ਦਿਵਸ ਦਾ ਬਾਈਕਾਟ ਕਰਨ ਲਈ ਵੀ ਸੰਗਤਾਂ ਨੂੰ ਬੇਨਤੀ ਕੀਤੀ ਗਈ ਹੈ। ਇਸ ਮੌਕੇ ਮੋਰਚੇ ਦੇ ਆਗੂਆਂ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਪਹਿਲਾਂ ਉਹ ਜਿਹੜਾ ਮੋਹਾਲੀ ਵਿੱਚ ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਮੋਰਚਾ ਚਲ ਰਿਹਾ ਹੈ ਉਸਦਾ ਪੂਰਨ ਸਮਰਥਨ ਕਰਦੇ ਹਨ ਕਿਓਂਕਿ ਉਸ ਮੋਰਚੇ ਵਿਚ ਉਨ੍ਹਾਂ ਮੰਗਾ ਤੋਂ ਇਲਾਵਾ ਇਸ ਮੋਰਚੇ ਦੀ ਮੰਗ ਵੀ ਮਜ਼ੂਦ ਹੈ। ਉਨ੍ਹਾਂ ਕਿਹਾ ਕਿ ਬਹਿਬਲ ਕਲਾਂ ਵਿੱਚ ਚੱਲ ਰਹੇ ਇਸ ਮੋਰਚੇ ਨੂੰ 13 ਮਹੀਨੇ ਦੇ ਕਰੀਬ ਦਾ ਸਮਾਂ ਹੋ ਚੁੱਕਿਆ ਪਰ ਇੱਕ ਸਾਲ ਸਰਕਾਰ ਨੇ ਟਾਈਮ ਮੰਗ ਮੰਗ ਹੀ ਪੂਰਾ ਕਰ ਦਿੱਤਾ ਹੈ ਪਰ ਹਜੇ ਤੱਕ ਇਨਸਾਫ ਨਹੀਂ ਮਿਲਿਆ। ਇਸ ਲਈ ਹੁਣ ਸੰਗਤਾਂ ਨਾਲ ਮੀਟਿੰਗ ਕਰਕੇ ਅਹਿਮ ਫੈਸਲੇ ਲਏ ਹਨ ਪਹਿਲਾ ਫੈਸਲਾ ਲਿਆ ਕੇ 26 ਜਨਵਰੀ ਦੇ ਸਰਕਾਰੀ ਪ੍ਰੋਗਰਾਮਾਂ ਦਾ ਬਾਈਕਾਟ ਕੀਤਾ ਜਾਵੇ ਜਿਸ ਦੇਸ਼ ਵਿਚ ਆਜ਼ਾਦੀ ਨਹੀਂ ਕੁਸ਼ ਕਰਨ ਦੀ ਓਥੇ 26 ਮਨਾਉਣ ਦਾ ਕੋਈ ਫਾਇਦਾ ਨਹੀਂ ਹੈ ਲੋਕ ਖ਼ਾਲਸਾਈ ਨਿਸ਼ਾਨ ਘਰਾ ਉਪਰ ਲਹਿਰਾ ਕੇ ਮਨਾਉਣ ਅਤੇ ਸਮੁੱਚੀ ਕੌਮ ਨੂੰ ਬਾਇਕਟ ਕਰਨਾ ਚਾਹੀਦਾ ਹੈ।
ਗਣਤੰਤਰਤਾ ਦਿਵਸ ਦਾ ਕੀਤਾ ਜਾਵੇਗਾ ਬਾਈਕਾਟ
ਉਨ੍ਹਾਂ ਕਿਹਾ ਕਿ ਸਾਨੂੰ ਹਜੇ ਤੱਕ ਬੇਅਦਬੀ ਮਾਮਲੇ ਦਾ ਇਨਸਾਫ ਨਹੀਂ ਮਿਲਿਆ। ਅਸੀਂ ਕਿਵੇਂ ਇਸ ਦਿਵਸ ਨੂੰ ਮਨਾਵਾਂਗੇ ਇਸ ਲਈ ਅਸੀਂ ਬੇਨਤੀ ਕਰਦੇ ਹਾਂ 26 ਜਨਵਰੀ ਨੂੰ ਬਾਇਕਟ ਕੀਤਾ ਜਾਵੇ। ਦੂਜਾ ਆਉਣ ਵਾਲੀ 5 ਫਰਵਰੀ ਨੂੰ ਪੰਜਾਬ ਦੀਆਂ ਸੰਗਤਾਂ ਨੂੰ ਅਪੀਲ ਹੈ ਕੇ ਉਹ ਵੱਧ ਤੋਂ ਵੱਧ ਗਿਣਤੀ ਵਿੱਚ ਇੱਥੇ ਪਹੁੰਚਣ ਤਾਂ ਜੋ ਉਸ ਦਿਨ ਵੱਡੇ ਐਕਸ਼ਨ ਲਏ ਜਾ ਸਕਣ। ਨਾਲ ਹੀ ਉਨ੍ਹਾਂ ਕਿਹਾ ਜੋ ਪਿਛਲੇ ਸਮੇਂ ਵਿੱਚ ਨੈਸ਼ਨਲ ਹਾਈਵੇ ‘ਤੇ ਲਗਾਏ ਜਾਮ ਨੂੰ ਸਥਿਗਤ (ਪੋਸਟਬੋਨ) ਕੀਤਾ ਗਿਆ ਸੀ ਉਸਨੂੰ ਮੁੜ ਤੋਂ ਲਾਗੂ ਵੀ ਕੀਤਾ ਜਾ ਸਕਦਾ ਹੈ। ਸਰਕਾਰ ਨੂੰ 31 ਜਨਵਰੀ ਤੱਕ ਦਾ ਸਮਾਂ ਦਿਤਾ ਜਾ ਰਿਹਾ ਕਿਓਂਕਿ ਜੋ ਸਰਕਾਰ ਦੀ ਸਿਟ ਦੀ ਜਾਂਚ ਕਪਲੀਟ ਕਰਨ ਜਾਂ ਬੇਅਦਬੀ ਲਈ ਇਨਸਾਫ ਦਿਵਾਉਣ ਲਈ ਸਰਕਾਰ ਗਤੀਵਿਧੀਆਂ ਹੋਣੀਆਂ ਚਾਹੀਦੀਆਂ ਸੀ ਉਹ ਸਾਹਮਣੇ ਨਹੀਂ ਆ ਰਹੀਆਂ ਇਸ ਲਈ ਆਉਣ ਵਾਲੇ ਸਮੇਂ ਵਿੱਚ ਮਜਬੂਰਨ ਸਖ਼ਤ ਐਕਸ਼ਨ ਲੈਣੇ ਪੈ ਸਕਦੇ ਹਨ।
ਰਾਮ ਰਹੀਮ ਨੂੰ ਮੁੜ ਦਿੱਤੀ ਪੈਰੋਲ ਦੀ ਕੀਤੀ ਨਿੰਦਾ
ਉਹਨਾਂ ਵਲੋਂ ਡੇਰਾ ਸਿਰਸਾ ਦੇ ਮੁੱਖੀ ਰਾਮ ਰਹੀਮ ਨੂੰ ਬਾਰ ਬਾਰ ਪੈਰੋਲ ਮਿਲਣ ਦੀ ਸਖ਼ਤ ਸ਼ਬਦਾ ਵਿੱਚ ਨਿੰਦਾ ਕੀਤੀ ਉਹਨਾਂ ਕਿਹਾ ਕਿ ਜਿਸ ਵਿਅਕਤੀ ਉਪਰ ਸੰਗੀਨ ਧਾਰਾਵਾਂ ਅਧੀਨ ਸਜ਼ਾ ਜਾਵਤਾ ਹੋਵੋ ਉਸ ਨੂੰ ਵਾਰ ਵਾਰ ਪਰੋਲ ਦੇਣਾ ਸਿਸਟਮ ਦਾ ਸਿੱਖਾਂ ਨਾਲ ਮਜ਼ਾਕ ਹੈ ਮੋਰਚੇ ਵੱਲੋਂ ਸਰਕਾਰ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕੇ ਆਪਣੇ ਕੀਤੇ ਵਾਅਦੇ ਅਨੁਸਾਰ ਜਲਦ ਬੇਅਦਬੀ ਤੋਂ ਇਲਾਵਾ ਕੋਟਕਪੂਰਾ ਅਤੇ ਬਹਿਬਲ ਗੋਲੀਕਾਂਡ ਮਾਮਲਿਆਂ ਦੀ ਜਾਂਚ ਮੁਕੱਮਲ ਕਰ ਸਾਰੇ ਅਰੋਪਿਆ ਖਿਲਾਫ ਚਲਾਣ ਅਦਾਲਤ ਚ ਪੇਸ਼ ਕਰਨ ਤਾਂ ਜੋ ਜਲਦ ਦੋਸ਼ੀਆਂ ਨੂੰ ਸਜ਼ਾਵਾਂ ਮਿਲ ਸਕਣ ਅਤੇ ਸੰਗਤ ਨੂੰ ਇਨਸਾਫ ਮਿਲ ਸਕੇ।ਨਾਲ ਹੀ ਉਨ੍ਹਾਂ ਸਾਫ ਕੀਤਾ ਕਿ ਇਨਸਾਫ ਮਿਲਣ ਤਕ ਮੋਰਚਾ ਜਾਰੀ ਰਹੇਗਾ।