ਪੰਜਾਬ ਦੇ ਸਰਕਾਰੀ ਸਕੂਲਾਂ ਨੂੰ ਮਿਲਣਗੇ 38 ਹਜ਼ਾਰ ਤੋਂ ਵੱਧ ਕੰਪਿਊਟਰ, ਸਿੱਖਿਆ ਮੰਤਰੀ ਦਾ ਐਲਾਨ; 400 ਕਰੋੜ ਦੀ ਲਾਗਤ ਨਾਲ ਡਿਜੀਟਲ ਕ੍ਰਾਂਤੀ
ਸਿੱਖਿਆ ਮੰਤਰੀ ਨੇ ਕਿਹਾ ਕਿ ਸਕੂਲਾਂ 'ਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏਆਈ) ਅਧਾਰਿਤ ਪ੍ਰੋਗਰਾਮ ਸ਼ੁਰੂ ਕੀਤੇ ਜਾਣਗੇ, ਜਿਸ ਦਾ ਆਧਿਕਾਰਤ ਐਲਾਨ ਜਲਦੀ ਹੀ ਹੋਵੇਗਾ। ਇਸ ਦੇ ਨਾਲ ਹੀ ਐਡਵਾਂਸ ਕੋਰਸ ਤੇ ਔਨਲਾਈਨ ਕੋਚਿੰਗ ਦੀ ਸੁਵਿਧਾ ਵੀ ਸ਼ੁਰੂ ਕੀਤੀ ਜਾ ਰਹੀ ਹੈ। ਸਕੂਲ ਆਫ਼ ਐਮੀਨੈਂਸ ਤੇ ਮੇਰੀਟੋਰੀਅਸ ਸਕੂਲਾਂ 'ਚ ਵਿਦਿਆਰਥੀਆਂ ਨੂੰ ਵੱਡੇ ਕੋਚਿੰਗ ਸੰਸਥਾਨਾਂ ਨਾਲ ਜੋੜ੍ਹਣ ਦੀ ਯੋਜਨਾ ਹੈ।
ਪੰਜਾਬ ਦੇ ਸਰਕਾਰੀ ਸਕੂਲਾਂ ‘ਚ ਸਿੱਖਿਆ ਵਿਵਸਥਾ ਨੂੰ ਤਕਨੀਕੀ ਰੂਪ ਨਾਲ ਮਜ਼ਬੂਤ ਬਣਾਉਣ ਦੇ ਲਈ ਅਹਿਮ ਫੈਸਲਾ ਲਿਆ ਗਿਆ ਹੈ। ਸਿੱਖਿਆ ਮੰਤਰੀ ਹਰਜੋਤ ਬੈਂਸ ਨੇ ਦੱਸਿਆ ਕਿ ਸਰਕਾਰ 400 ਕਰੋੜ ਰੁਪਏ ਦੀ ਲਾਗਤ ਨਾਲ 38,649 ਨਵੇਂ ਕੰਪਿਊਟਰ 5,012 ਸਕੂਲਾਂ ‘ਚ ਭੇਜ ਰਹੀ ਹੈ। ਕਈ ਸਕੂਲਾਂ ‘ਚ ਵੱਡੀਆਂ ਸਕ੍ਰੀਨਾਂ ਲਗਾਈਆਂ ਜਾ ਚੁੱਕੀਆਂ ਹਨ ਤੇ ਬੱਚਿਆਂ ਦੀ ਪੜ੍ਹਾਈ ‘ਚ ਮਦਦ ਲਈ ਆਕਰਸ਼ਕ ਡਿਜੀਟਲ ਪੈਨਲ ਸਥਾਪਿਤ ਕੀਤੇ ਜਾ ਰਹੇ ਹਨ।
ਸਿੱਖਿਆ ਮੰਤਰੀ ਨੇ ਦੱਸਿਆ ਕਿ 3600 ਤੋਂ ਵੱਧ ਸਕੂਲਾਂ ‘ਚ ਆਧੁਨਿਕ ਸਕ੍ਰੀਨਾਂ ਲਗਾਈਆਂ ਜਾਣਗੀਆ, ਜਿਸ ਨਾਲ ਵਿਦਿਆਰਥੀਆਂ ਨੂੰ ਡਿਜੀਟਲ ਸਿੱਖਿਆ ਦਾ ਲਾਭ ਮਿਲੇਗਾ। ਉਨ੍ਹਾਂ ਨੇ ਕਿਹਾ ਕਿ ਕੰਪਿਊਟਰ ਵਿਤਰਣ ਦੀ ਸ਼ੁਰੂਆਤ ਜ਼ਿਲ੍ਹਾ ਸੰਗਰੂਰ ਤੇ ਰੋਪੜ ਤੋਂ ਕੀਤੀ ਜਾ ਰਹੀ ਹੈ। 11 ਜ਼ਿਲ੍ਹਿਆਂ ‘ਚ ਇਹ ਪ੍ਰਕਿਰਿਆ 27 ਫਰਵਰੀ ਤੋਂ 9 ਮਾਰਚ ਤੱਕ, 4 ਜ਼ਿਲ੍ਹਿਆਂ ‘ਚ 6 ਮਾਰਚ ਤੋਂ 11 ਮਾਰਚ ਤੱਕ ਤੇ 6 ਜ਼ਿਲ੍ਹਿਆਂ ‘ਚ 6 ਮਾਰਚ ਤੋਂ 20 ਮਾਰਚ ਤੱਕ ਪੂਰੀ ਕੀਤੀ ਜਾਵੇਗੀ। 20 ਮਾਰਚ ਤੱਕ ਸਾਰੇ ਜ਼ਿਲ੍ਹਿਆਂ ‘ਚ ਕੰਪਿਊਟਰ ਪਹੁੰਚਾਉਣ ਦਾ ਟੀਚਾ ਰੱਖਿਆ ਗਿਆ ਹੈ।
ਮਾਨ ਸਰਕਾਰ ਸਿੱਖਿਆ ਕ੍ਰਾਂਤੀ ਨਾਲ਼ ਕਰ ਰਹੀ ਡਿਜੀਟਲ ਕ੍ਰਾਂਤੀ ਦਾ ਸੁਮੇਲ!📚🖥️
ਸਿੱਖਿਆ ਮੰਤਰੀ @harjotbains ਨੇ ਪ੍ਰੈੱਸ ਵਾਰਤਾ ‘ਚ ਸਾਂਝੀ ਕੀਤੀ ਜਾਣਕਾਰੀ 🔸 ₹400 ਕਰੋੜ ਦੀ ਲਾਗਤ ਨਾਲ਼ ਸੂਬੇ ਭਰ ਦੇ ਸਕੂਲਾਂ ‘ਚ ਬਿਹਤਰ ਬਣੇਗੀ ਕੰਪਿਊਟਰ ਤੇ ਡਿਜੀਟਲ ਸਿੱਖਿਆ 🔸 5,012 ਸਕੂਲਾਂ ਨੂੰ ਮਿਲਣਗੇ 38,649 ਨਵੇਂ ਕੰਪਿਊਟਰ ਅਤੇ 3,694 pic.twitter.com/Jr45y3y5jw — AAP Punjab (@AAPPunjab) February 26, 2026
ਸਿੱਖਿਆ ਮੰਤਰੀ ਨੇ ਕਿਹਾ ਕਿ ਸਕੂਲਾਂ ‘ਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (ਏਆਈ) ਅਧਾਰਿਤ ਪ੍ਰੋਗਰਾਮ ਸ਼ੁਰੂ ਕੀਤੇ ਜਾਣਗੇ, ਜਿਸ ਦਾ ਆਧਿਕਾਰਤ ਐਲਾਨ ਜਲਦੀ ਹੀ ਹੋਵੇਗਾ। ਇਸ ਦੇ ਨਾਲ ਹੀ ਐਡਵਾਂਸ ਕੋਰਸ ਤੇ ਔਨਲਾਈਨ ਕੋਚਿੰਗ ਦੀ ਸੁਵਿਧਾ ਵੀ ਸ਼ੁਰੂ ਕੀਤੀ ਜਾ ਰਹੀ ਹੈ। ਸਕੂਲ ਆਫ਼ ਐਮੀਨੈਂਸ ਤੇ ਮੇਰੀਟੋਰੀਅਸ ਸਕੂਲਾਂ ‘ਚ ਵਿਦਿਆਰਥੀਆਂ ਨੂੰ ਵੱਡੇ ਕੋਚਿੰਗ ਸੰਸਥਾਨਾਂ ਨਾਲ ਜੋੜ੍ਹਣ ਦੀ ਯੋਜਨਾ ਹੈ।
ਇਹ ਵੀ ਪੜ੍ਹੋ
ਸਿੱਖਿਆ ਮੰਤਰੀ ਨੇ ਨਿਰਦੇਸ਼ ਦਿੱਤੇ ਹਨ ਕਿ ਜਦੋਂ ਸਕੂਲਾਂ ਲਈ ਕੰਪਿਊਟਰ ਪਹੁਚੰਣ ਤਾਂ ਪੰਚਾਇਤ ਤੇ ਸਕੂਲ ਪ੍ਰਬੰਧਨ ਕਮੇਟੀ ਦੇ ਮੈਂਬਰਾਂ ਨੂੰ ਵੀ ਸੱਦਾ ਦਿੱਤਾ ਜਾਵੇ। ਬੱਚਿਆਂ ਤੋਂ ਹੀ ਕੰਪਿਊਟਰ ਦੀ ਅਨਬੌਕਸਿੰਗ (ਡੱਬੇ ‘ਚੋਂ ਨਿਕਾਲਣਾ) ਕਰਵਾਈ ਜਾਵੇ ਤਾਂ ਜੋ ਉਨ੍ਹਾਂ ‘ਚ ਆਤਮਵਿਸ਼ਵਾਸ ਵਧੇ ਤੇ ਸਰਕਾਰੀ ਸਕੂਲਾਂ ਪ੍ਰਤੀ ਲੋਕਾਂ ਦਾ ਵਿਸ਼ਵਾਸ ਹੋਰ ਵੀ ਮਜ਼ਬੂਤ ਹੋ ਸਕੇ।
ਮੰਤਰੀ ਨੇ ਕਿਹਾ ਕਿ ਇਨ੍ਹਾਂ ਯਤਨਾਂ ਨਾਲ ਸਰਕਾਰੀ ਸਕੂਲਾਂ ‘ਚ ਸਿੱਖਿਆ ਦਾ ਪੱਧਰ ਵੱਡੀਆਂ ਉਚਾਈਆਂ ਚੱਕ ਪਹੁੰਚੇਗਾ ਤੇ ਵਿਦਿਆਰਥੀਆਂ ਨੂੰ ਆਧੁਨਿਕ ਤਕਨੀਕ ਨਾਲ ਜੋੜ੍ਹਣ ‘ਚ ਮਦਦ ਮਿਲੇਗੀ।
