ਲੁਧਿਆਣਾ ‘ਚ ਬਣ ਹਰੇ ਐਲੀਵੇਟਿਡ ਬ੍ਰਿਜ ਕਾਰਨ ਭਾਰਤ ਨਗਰ ਚੌਕ ਬੰਦ, ਜਾਣੋ ਕੀ ਹੈ ਨਵਾਂ ਟਰੈਫਿਕ ਪਲਾਨ
ਐਲੀਵੇਟਿਡ ਬ੍ਰਿਜ ਦੇ ਪਿੱਲਰ ਖੜ੍ਹੇ ਕਰਨ ਲਈ 2 ਅਕਤੂਬਰ ਤੱਕ ਭਾਰਤ ਨਗਰ ਚੌਕ ਬੰਦ ਕੀਤਾ ਗਿਆ ਹੈ। ਲੋਕਾਂ ਦੀ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਸਾਹਮਣਾ ਨਾ ਕਰਨਾ ਪਏ ਇਸ ਲਈ ਨਵਾਂ ਪਲਾਨ ਬਣਾਇਆ ਗਿਆ ਹੈ। ਉੱਮੀਦ ਹੈ ਕਿ ਇਸ ਪੁੱਲ ਨੂੰ ਇਸ ਦਿਵਾਲੀ 'ਤੇ ਸ਼ੁਰੂ ਕੀਤਾ ਜਾਵੇਗਾ।
ਲੁਧਿਆਣਾ ‘ਚ ਅੱਜ ਤੋਂ 2 ਅਕਤੂਬਰ ਤੱਕ ਭਾਰਤ ਨਗਰ ਚੌਕ ਬੰਦ ਕੀਤਾ ਜਾ ਰਿਹਾ ਹੈ। ਇਨ੍ਹਾਂ ਤਿੰਨ ਦਿਨਾਂ ‘ਚ ਐਲੀਵੇਟਿਡ ਬ੍ਰਿਜ ਦੇ ਪਿੱਲਰ ਖੜ੍ਹਾ ਕਰਨ ਦੀ ਤਿਆਰੀ ਚੱਲ ਰਹੀ ਹੈ। ਜਿਕਰਯੋਗ ਹੈ ਕਿ ਇਨ੍ਹਾਂ ਤਿੰਨ ਦਿਨਾਂ ਸਰਕਾਰੀ ਛੁੱਟੀ ਹੈ। ਬ੍ਰੀਜ ਬਣਾਉਣ ਵਾਲੀ ਕੰਪਨੀ ਦੀ ਕੋਸ਼ੀਸ਼ ਹੋਵੇਗੀ ਇਨ੍ਹਾਂ ਤਿੰਨ ਦਿਨਾਂ ਨੂੰ ਇਸ ਲਈ ਇਸਤੇਮਾਲ ਕਰ ਲਿਆ ਜਾਵੇ।
ਲੁਧਿਆਣਾ ਦੇ ਭਾਰਤ ਨਗਰ ਚੌਕ ਤੋਂ ਡੀਸੀ ਦਫ਼ਤਰ ਵੱਲ ਜਾਣ ਵਾਲੇ ਰਾਸਤੇ ਨੂੰ ਮੁਕੰਮਤ ਤੌਰ ‘ਤੇ ਬੰਦ ਕੀਤਾ ਗਿਆ ਹੈ। ਸ਼ੁੱਕਰਵਾਰ ਤੋਂ ਹੀ ਇਸ ਸੜਕ ‘ਤੇ ਵਾਹਨਾਂ ਦੀ ਐਂਟਰੀ ਬੰਦ ਕਰਕੇ ਨਿਰਮਾਨ ਕਾਰਜ ਕੀਤਾ ਜਾ ਰਿਹਾ ਹੈ। ਇਸ ਸਾਲ ਦਿਵਾਲੀ ਤੱਕ ਇਸ ਪੁਲ ਨੂੰ ਸ਼ੁਰੂ ਕਰਨ ਦੀ ਤਿਆਰੀ ਹੈ ਇਸ ਲਈ ਨਿਰਮਾਨ ਕਾਰਜ ਨੂੰ ਤੇਜ਼ ਕਰਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ।
ਭਾਰਤ ਨਗਰ ਚੌਕ ਤੋਂ ਡੀਸੀ ਦਫ਼ਤਰ ਦੀ ਐਂਟਰ ਬੰਦ
ਭਾਰਤ ਨਗਰ ਚੌਕ ਤੋਂ ਡੀਸੀ ਦਫ਼ਤਰ ਵੱਲ ਜਾਣ ਵਾਲੇ ਰੋਡ ਨੂੰ ਮੁਕੰਮਲ ਤੌਰ ਤੇ ਬੰਦ ਕਰ ਦਿੱਤਾ ਗਿਆ ਹੈ। ਸ਼ਹਿਰ ਚ ਆਵਾਜਾਹੀ ਨੂੰ ਸਹੀ ਢੰਗ ਨਾਲ ਚੱਲਦੇ ਰਹਿਣ ਲਈ ਨਵਾਂ ਟ੍ਰੈਫਿਕ ਪਲਾਨ ਬਣਾਇਆ ਗਿਆ ਹੈ। ਇਸ ਨਵੇਂ ਟ੍ਰੈਫਿਕ ਪਲਾਨ ਅਨੁਸਾਰ ਬੱਸ ਸਟੈਂਡ, ਜਗਰਾਉਂ ਪੁਲ ਅਤੇ ਮਾਲ ਰੋਡ ਤੋਂ ਆਉਣ ਵਾਲੇ ਵਾਹਨ ਬੀ.ਐੱਸ.ਐੱਨ.ਐੱਲ ਦਫਤਰ ਦੇ ਸਾਹਮਣੇ ਵਾਲੀ ਸੜਕ ਤੋਂ ਨਵੀਂ ਕਚਹਿਰੀ ਚੌਕ ਵੱਲ ਜਾਣ ਦਾ ਪਲਾਨ ਤਿਆਰ ਕੀਤਾ ਗਿਆ ਹੈ। ਫ਼ਿਰੋਜ਼ਪੁਰ ਰੋਡ ਤੋਂ ਆਉਣ ਵਾਲੀ ਵਾਹਨਾਂ ਲਈ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਬੈਰੀਕੇਡ ਨੇ ਸੜਕ ਨੂੰ ਦੋ ਹਿੱਸਿਆਂ ਵਿੱਚ ਵੰਡ ਦਿੱਤਾ
ਨਵੇਂ ਪਲਾਨ ਅਨੂਸਾਰ ਕੰਪਨੀ ਵੱਲੋਂ ਬੀ.ਐੱਸ.ਐੱਨ.ਐੱਲ ਦਫ਼ਤਰ ਸਾਹਮਣੇ ਬੈਰੀਕੇਟ ਲਗਾਇਆ ਗਿਆ ਹੈ। ਇਸ ਨਾਲ ਸੜਕ ਨੂੰ ਦੋ ਭਾਗਾਂ ਚ ਵੰਡਿਆ ਗਿਆ ਹੈ। ਇਸ ਨਾਲ ਦੋਵਾਂ ਪਾਸੇ ਦੇ ਲੋਕਾਂ ਨੂੰ ਕਿਸੇ ਪ੍ਰਕਾਰ ਦੀ ਪਰੇਸ਼ਾਨੀ ਨਾ ਹੋਵੇ ਇਸ ਦਾ ਖਾਸ ਖਿਆਲ ਰੱਖਿਆ ਗਿਆ ਹੈ। ਟਰੈਫਿਕ ਮਾਹਿਰ ਨੇ ਇਸ ਨੂੰ ਲੈ ਕੇ ਆਪਣੀ ਪ੍ਰਤੀਕੀਰਿਆ ਦਿੱਤੀ ਹੈ ਅਤੇ ਕਿਹਾ ਹੈ ਕ ਦੱਸਿਆ ਕਿ ਭਾਰਤ ਨਗਰ ਚੌਕ ਬੰਦ ਕਰਨ ਦਾ ਮੁੱਖ ਟੀਚਾ ਤਿੰਨ ਪਿੱਲਰ ਖੜੇ ਕਰਨਾ ਹੈ। ਇਸ ਪੁਲ ਨੂੰ ਇਸ ਸਾਲ ਦੀਵਾਲੀ ਤੱਕ ਜਗਰਾਉਂ ਪੁਲ ਖੋਲ੍ਹ ਦੇਣ ਦੀ ਯੋਜਨਾ ਤੇ ਕੰਮ ਕੀਤਾ ਜਾ ਰਿਹਾ ਹੈ। ਟਰੈਫਿਕ ਪੁਲਿਸ ਵੱਲੋਂ ਵੀ ਆਵਾਜਾਹੀ ਲਈ ਆ ਰਹੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਮਾਡਲ ਟਾਊਨ, ਕੋਛੜ ਮਾਰਕੀਟ, ਲਾਡੋਵਾਲ ਬਾਈਪਾਸ, ਦੱਖਣੀ ਬਾਈਪਾਸ, ਘੁਮਾਰ ਮੰਡੀ ਰੂਟ ਆਦਿ ਦੀ ਵਰਤੋਂ ਕਰਨ। ਇਸ ਰੂਟ ਨਾਲ ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਦੀ ਪਰੇਸ਼ਾਨੀ ਦਾ ਸਾਹਮਣਾ ਨਹੀਂ ਕਰਨਾ ਪਇਗਾ।
