Jalandhar News: ਸ਼ਰਾਬ ਦੇ ਨਸ਼ੇ ‘ਚ ਡਰਾਈਵਰ ਦਾ ਹੰਗਾਮਾ, ਗੁਰਦੁਆਰਾ ਸਾਹਿਬ ਦੇ ਦਰਵਾਜ਼ੇ ਦੇ ਸ਼ੀਸ਼ੇ ‘ਚ ਮਾਰੀ ਬਾਂਹ, ਜਿਆਦਾ ਖੂਨ ਨਿਕਲਣ ਤੋਂ ਬਾਅਦ ਮੌਤ

ਜਲੰਧਰ ਦੇ ਆਦਮਪੁਰ ਦੀ ਭੋਗਪੁਰ ਰੋਡ ‘ਤੇ ਪੈਂਦੇ ਪਿੰਡ ਨੰਗਲ ਸਲਾਲਾ ‘ਚ 34 ਸਾਲਾ ਗਗਨਦੀਪ ਸਿੰਘ (Gagandeep Singh) ਨੇ ਗੁਰਦੁਆਰਾ ਸਾਹਿਬ ‘ਚ ਹੰਗਾਮਾ ਕਰਦੇ ਹੋਏ ਸ਼ੀਸ਼ੇ ਦੇ ਦਰਵਾਜ਼ੇ ‘ਤੇ ਬਾਂਹ ਮਾਰ ਦਿੱਤੀ। ਇਸ ਕਾਰਨ ਬੁਰੀ ਤਰ੍ਹਾਂ ਜ਼ਖਮੀ ਗਗਨਦੀਪ ਸਿੰਘ ਦੀ ਮੌਤ ਹੋ ਗਈ। ਦੇਰ ਸ਼ਾਮ ਗਗਨ ਦੀ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ। ਐਸਐਚਓ ਮਨਜੀਤ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਗਗਨਦੀਪ ਪੇਸ਼ੇ ਤੋਂ ਡਰਾਈਵਰ ਸੀ ਅਤੇ ਨਸ਼ੇ ਦਾ ਆਦੀ ਸੀ। ਗਗਨਦੀਪ ਸਿੰਘ ਪੁੱਤਰ ਸੁਖਦੇਵ ਸਿੰਘ ਦੁਪਹਿਰ ਵੇਲੇ ਪਿੰਡ ਦੇ ਅੱਡੇ ਵਿੱਚ ਹੰਗਾਮਾ ਕਰ ਰਿਹਾ ਸੀ। ਇਕ ਬੱਸ ਦੇ ਡਰਾਈਵਰ ਨਾਲ ਵੀ ਉਸਦਾ ਝਗੜਾ ਹੋ ਗਿਆ। ਗਗਨ ਦੀ ਪਤਨੀ ਸਿਮਰਨ, ਵੱਡਾ ਭਰਾ ਅਮਨਦੀਪ ਸਿੰਘ ਅਤੇ 7 ਸਾਲਾ ਭਤੀਜਾ ਉੱਥੇ ਆ ਗਏ ਸਨ। ਉਸ ਨੂੰ ਕਿਸੇ ਤਰ੍ਹਾਂ ਸਮਝਾ ਕੇ ਘਰ ਲਿਜਾਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕਿਸੇ ਦੀ ਗੱਲ ਨਹੀਂ ਸੁਣਨ ਨੂੰ ਤਿਆਰ ਨਹੀਂ ਸੀ।

ਪੁਲਿਸ ਨੇ ਦਿੱਤੀ ਮਾਮਲੇ ਦੀ ਜਾਣਕਾਰੀ

ਐਸਐਚਓ ਨੇ ਦੱਸਿਆ ਕਿ ਬਾਅਦ ਦੁਪਹਿਰ ਕਰੀਬ 3 ਵਜੇ ਗਗਨਦੀਪ ਅਚਾਨਕ ਗੁਰਦੁਆਰਾ ਸਾਹਿਬ ਵਿੱਚ ਦਾਖ਼ਲ ਹੋ ਗਿਆ ਅਤੇ ਹੰਗਾਮਾ ਸ਼ੁਰੂ ਕਰ ਦਿੱਤਾ। ਲੋਕਾਂ ਨੇ ਉਸ ਨੂੰ ਸਮਝਾਇਆ ਤਾਂ ਉਹ ਉਨ੍ਹਾਂ ਨਾਲ ਵੀ ਉਲਝ ਗਿਆ। ਉਸ ਨੇ ਅੰਦਰ ਰੱਖਿਆ ਸਮਾਨ ਸੁੱਟਣਾ ਸ਼ੁਰੂ ਕਰ ਦਿੱਤਾ। ਹੰਗਾਮਾ ਸੁਣ ਕੇ ਗ੍ਰੰਥੀ ਦੀ ਪਤਨੀ ਵੀ ਆ ਗਈ । ਉਹ ਉਸ ਨਾਲ ਵੀ ਬਹਿਸ ਕਰਨ ਲੱਗਾ। ਐਸਐਚਓ ਨੇ ਦੱਸਿਆ ਕਿ ਗਗਨ ਨੂੰ ਨਸ਼ੇ ਵਿੱਚ ਸੀ, ਉਸਨੂੰ ਕਿਸੇ ਵੀ ਗੱਲ ਦਾ ਹੋਸ਼ ਨਹੀਂ ਸੀ। ਉਸਨੇ ਆਪਣੀ ਬਾਂਹ ਨੂੰ ਸ਼ੀਸ਼ੇ ਦੇ ਦਰਵਾਜ਼ੇ ਨਾਲ ਜ਼ੋਰ ਨਾਲ ਠੋਕਿਆ। ਇਸ ਨਾਲ ਸ਼ੀਸ਼ਾ ਟੁੱਟ ਗਿਆ ਪਰ ਉਸ ਦੀ ਬਾਂਹ ਫਸ ਗਈ। ਉਸਨੇ ਬਾਂਹ ਬਾਹਰ ਕੱਢਣ ਦੀ ਕੋਸ਼ਿਸ਼ ਕੀਤੀ। ਪਰ ਉਦੋਂ ਤੱਕ ਉਹ ਬੁਰੀ ਤਰ੍ਹਾਂ ਨਾਲ ਜ਼ਖਮੀ ਹੋ ਗਿਆ ਸੀ। ਉੱਥੇ ਖੂਨ ਹੀ ਖੂਨ ਫੈਲ ਗਿਆ। ਤਿੰਨ ਮਿੰਟਾਂ ਵਿੱਚ ਹੀ ਉਸਦਾ ਕਾਫੀ ਖੂਨ ਨਿਕਲ ਗਿਆ ਅਤੇ ਉਹ ਬੇਹੋਸ਼ ਹੋ ਕੇ ਹੇਠਾਂ ਡਿੱਗ ਪਿਆ। ਪਰਿਵਾਰ ਵਾਲੇ ਉਸ ਨੂੰ ਹਸਪਤਾਲ ਲੈ ਗਏ, ਪਰ ਉਦੋਂ ਤੱਕ ਉਸ ਦੀ ਮੌਤ ਹੋ ਚੁੱਕੀ ਸੀ। ਪੰਜਾਬ ਦੀਆਂ ਤਾਜ਼ਾ ਪੰਜਾਬੀ ਖਬਰਾਂ ਪੜਣ ਲਈ ਤੁਸੀਂ TV9 ਪੰਜਾਬੀ ਦੀ ਵੈਵਸਾਈਟ ਤੇ ਜਾਓ ਅਤੇ ਲੁਧਿਆਣਾ ਅਤੇ ਚੰਡੀਗੜ੍ਹ ਦੀਆਂ ਖਬਰਾਂ, ਲੇਟੇਸਟ ਵੇੱਬ ਸਟੋਰੀ, NRI ਨਿਊਜ਼,ਮਨੋਰੰਜਨ ਦੀ ਖਬਰ,ਵਿਦੇਸ਼ ਦੀ ਬ੍ਰੇਕਿੰਗ ਨਿਊਜ਼,ਪਾਕਿਸਤਾਨ ਦਾ ਹਰ ਅਪਡੇਟ,ਧਰਮ ਅਤੇ ਗੁਰਬਾਣੀ ਦੀਆਂ ਖਬਰਾਂ ਜਾਣੋ