ਦਿਲਜੀਤ ਦੋਸਾਂਝ ਦੇ ਘਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, ਲੁਧਿਆਣਾ ਨਗਰ ਨਿਗਮ ਦਫ਼ਤਰ ਨੂੰ ਵੀ ਮਿਲੀ ਈਮੇਲ
Diljit Dosanjh Received Bomb Threat: ਲੁਧਿਆਣਾ ਨਗਰ ਨਿਗਮ ਦੇ ਉੱਚ ਅਧਿਕਾਰੀਆਂ ਨੂੰ ਧਮਕੀ ਭਰੀ ਈਮੇਲ ਮਿਲੀ ਹੈ। ਇਹ ਧਮਕੀ ਭਰੀ ਈਮੇਲ, ਸੋਮਵਾਰ 25 ਮਈ ਦੀ ਸਵੇਰ ਨਗਰ ਨਿਗਮ ਕਮਿਸ਼ਨਰ ਦੀ ਸਰਕਾਰੀ ਆਈਡੀ 'ਤੇ ਭੇਜੀ ਗਈ ਹੈ। ਅੱਤਵਾਦੀ ਪੰਨੂ ਨੇ ਦਲਜੀਤ ਦੋਸਾਂਝ ਦੇ ਬਿਆਨ 'ਮੇਰਾ ਭਾਰਤ ਮਹਾਨ' ਕਹਿਣ ਤੇ ਅਮਿਤਾਭ ਬੱਚਨ ਦੇ ਪੈਰ ਛੂਹਣ ਤੇ ਇਤਰਾਜ਼ ਜਤਾਇਆ।
ਖਾਲਿਸਤਾਨੀ ਸਮਰਥਕ ਧੱਕੇ ਮਾਰ ਕੇ ਕੱਢੇ ਗਏ ਬਾਹਰ
ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦੇ ਘਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ। ਇਸ ਦੇ ਨਾਲ ਹੀ ਲੁਧਿਆਣਾ ਨਗਰ ਨਿਗਰ ਮੇਅਰ ਦਫ਼ਤਰ ਨੂੰ ਵੀ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਹੈ। ਲੁਧਿਆਣਾ ਨਗਰ ਨਿਗਮ ਦੇ ਉੱਚ ਅਧਿਕਾਰੀਆਂ ਨੂੰ ਧਮਕੀ ਭਰੀ ਈਮੇਲ ਮਿਲੀ ਹੈ। ਇਹ ਧਮਕੀ ਖਾਲਿਸਤਾਨ ਨੈਸ਼ਨਲ ਆਰਮੀ ਵੱਲੋਂ ਭੇਜੀ ਗਈ ਹੈ। ਇਸ ਸਬੰਧੀ ਇੱਕ ਈਮੇਲ, ਸੋਮਵਾਰ (25 ਮਈ) ਦੀ ਸਵੇਰ ਨਗਰ ਨਿਗਮ ਕਮਿਸ਼ਨਰ ਦੀ ਸਰਕਾਰੀ ਆਈਡੀ ‘ਤੇ ਭੇਜੀ ਗਈ।
ਖਾਲਿਸਤਾਨੀਆਂ ਦੇ ਨਿਸ਼ਾਨੇ ਤੇ ਦਿਲਜੀਤ ਦੋਸਾਂਝ
ਦੱਸ ਦੇਈਏ ਕਿ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਖਾਲਿਸਤਾਨੀਆਂ ਦੇ ਨਿਸ਼ਾਨੇ ‘ਤੇ ਰਹੇ ਹਨ। ਇਸ ਤੋਂ ਪਹਿਲਾਂ, ਗਾਇਕ ਦਿਲਜੀਤ ਦੋਸਾਂਝ ਦਾ ਵਰਲਡ ਟੂਰ ਔਰਾ 2026 ਵਿਵਾਦਾਂ ‘ਚ ਘਿਰ ਗਿਆ ਸੀ। ਕੈਨੇਡਾ ਚ ਦਿਲਜੀਤ ਦੋਸਾਂਝ ਦੇ ਲਾਈਵ ਕੰਸਰਟ ਦਾ ਖਾਲਿਸਤਾਨ ਸਮਰਥਕ ਵਿਰੋਧ ਕਰਨ ਪਹੁੰਚੇ ਸਨ।
ਬੀਤੀ ਦਿਨੀਂ, ਸਿੱਖਸ ਫਾਰ ਜਸਟਿਸ ਦੇ ਆਗੂ ਤੇ ਅੱਤਵਾਦੀ ਗੁਰਪਤਵੰਤ ਸਿੰਘ ਪੰਨੂ ਨੇ ਦਿਲਜੀਤ ਨੂੰ ਧਮਕੀ ਦਿੰਦੇ ਹੋਏ ਕਿਹਾ ਸੀ ਕਿ ਦਿਲਜੀਤ ਨੂੰ ਕੈਨੇਡਾ ‘ਚ ਵਿਰੋਧ ਪ੍ਰਦਰਸ਼ਨਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤੇ ਉਨ੍ਹਾਂ ਨੂੰ ਅਮਰੀਕਾ ਆਉਣ ਤੇ ਵੀ ਵਿਰੋਧ ਪ੍ਰਦਰਸ਼ਨਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਪੰਨੂ ਨੇ ਦਲਜੀਤ ਦੋਸਾਂਝ ਨੂੰ ਧਮਕੀ ਦਿੰਦੇ ਹੋਏ ਇੱਕ ਵੀਡੀਓ ਸੰਦੇਸ਼ ਜਾਰੀ ਕੀਤਾ ਸੀ।
ਅੱਤਵਾਦੀ ਪੰਨੂ ਨੇ ਦਲਜੀਤ ਦੋਸਾਂਝ ਦੇ ਬਿਆਨ ‘ਮੇਰਾ ਭਾਰਤ ਮਹਾਨ’ ਕਹਿਣ ਤੇ ਅਮਿਤਾਭ ਬੱਚਨ ਦੇ ਪੈਰ ਛੂਹਣ ਤੇ ਇਤਰਾਜ਼ ਜਤਾਇਆ। ਪੰਨੂ ਨੇ ਦਲਜੀਤ ਨੂੰ ਹੰਕਾਰੀ ਕਿਹਾ ਤੇ ਕਿਹਾ ਕਿ ਉਸ ਦਾ ਹੰਕਾਰ ਉਸ ਦਾ ਦੁਸ਼ਮਣ ਹੈ। ਉਸ ਨੇ ਕਿਹਾ ਕਿ ਦਲਜੀਤ ਦੋਸਾਂਝ ਦੀ ਜ਼ਮੀਰ ਮਰ ਚੁੱਕੀ ਹੈ।
ਤੇਰਾ ਹੰਕਾਰ ਹੀ ਤੇਰਾ ਦੁਸ਼ਮਣ: ਪੰਨੂ
ਦਿਲਜੀਤ ਨੇ ਸ਼ੋਅ ਦੌਰਾਨ ਹੰਗਾਮਾ ਕਰ ਰਹੇ ਖਾਲਿਸਤਾਨ ਸਮਰਥਕਾਂ ਨੂੰ ਬਾਹਰ ਕੱਢਣ ਦੀ ਗੱਲ ਕੀਤੀ ਸੀ। ਇਸ ਨਾਲ ਅੱਤਵਾਦੀ ਪੰਨੂ ਗੁੱਸੇ ‘ਚ ਆ ਗਿਆ ਸੀ। ਉਸ ਨੇ ਦਿਲਜੀਤ ਦੋਸਾਂਝ ਨੂੰ ਧਮਕੀ ਦਿੰਦੇ ਹੋਏ ਕਿਹਾ, ਤੂੰ ਹੰਕਾਰ ‘ਚ, ਖਾਲਿਸਤਾਨ ਦੇ ਝੰਡੇ ਲੈ ਕੇ ਆਏ ਖਾਲਿਸਤਾਨ ਸਮਰਥਕਾਂ ਨੂੰ ਬਾਹਰ ਸੁੱਟਣ ਲਈ ਕਿਹਾ ਸੀ। ਯਾਦ ਰੱਖ, ਉਨ੍ਹਾਂ ਝੰਡਿਆਂ ‘ਚ ਸਿਰਫ਼ ਕੱਪੜਾ ਸੀ, ਡੰਡੇ ਨਹੀਂ। ਤੇਰੇ ਸ਼ੋਅ ਅਜੇ ਵੀ ਕੈਨੇਡਾ ਤੇ ਅਮਰੀਕਾ ‘ਚ ਸ਼ਡਿਊਲ ਹਨ। ਸਮਾਂ ਤੈਨੂੰ ਦੱਸੇਗਾ ਕਿ ਤੇਰਾ ਹੰਕਾਰ ਤੇਰਾ ਸਭ ਤੋਂ ਵੱਡਾ ਦੁਸ਼ਮਣ ਬਣ ਗਿਆ ਹੈ। ਤੂੰ ਇਸ ਹੇਠ ਕੁਚਲਿਆ ਜਾਵੇਗਾਂ।