Punjabi News Photo Gallery Lifestyle Photo sugar damages skin white sugar is not only the enemy of the body but also of the skin know the truth from a dermatologist know in punjabi

Sugar Damage Skin: ਸਰੀਰ ਹੀ ਨਹੀਂ, ਸਕਿਨ ਦੀ ਵੀ ਦੁਸ਼ਮਣ ਹੈ ਚਿੱਟੀ ਚੀਨੀ, ਡਰਮੈਟੋਲੋਜਿਸਟ ਤੋਂ ਜਾਣੋ ਸੱਚਾਈ

TV9 Punjabi

Published:

11 Aug 2026 18:46 PM IST

Skin Damage: ਚੀਨੀ ਅਤੇ ਨਮਕ ਤੋਂ ਬਿਨਾਂ ਚੀਜ਼ਾਂ ਨੂੰ ਖਾਣਾ ਲਗਭਗ ਨਾਮੁਮਕਿਨ ਜਿਹਾ ਹੈ। ਜੇਕਰ ਰੋਜ਼ਾਨਾ ਜਾਂ ਲਗਾਤਾਰ ਇਨ੍ਹਾਂ ਦਾ ਜ਼ਿਆਦਾ ਸੇਵਨ ਕੀਤਾ ਜਾਵੇ ਤਾਂ ਸਿਰਫ਼ ਸਰੀਰ ਹੀ ਨਹੀਂ, ਸਗੋਂ ਸਕਿਨ ਵੀ ਖ਼ਰਾਬ ਹੋਣ ਲੱਗਦੀ ਹੈ। ਮਾਹਰ ਤੋਂ ਜਾਣੋ...

ਚੀਨੀ ਤੋਂ ਬਣੀਆਂ ਚੀਜ਼ਾਂ ਖਾਣ ਦਾ ਸ਼ੌਕ ਕੁਝ ਲੋਕਾਂ ਨੂੰ ਇਸ ਕਦਰ ਹੁੰਦਾ ਹੈ ਕਿ ਉਨ੍ਹਾਂ ਨੂੰ ਇਸ ਦੀ ਕ੍ਰੇਵਿੰਗ ਤੱਕ ਹੋਣ ਲੱਗਦੀ ਹੈ। ਚਾਹ ਜਾਂ ਹੋਰ ਚੀਜ਼ਾਂ ਵਿੱਚ ਜੇਕਰ ਚੀਨੀ ਨਾ ਹੋਵੇ ਤਾਂ ਉਨ੍ਹਾਂ ਨੂੰ ਸੁਆਦ ਨਹੀਂ ਲੱਗਦਾ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਚਿੱਟੀ ਚੀਜ਼ ਸਕਿਨ ਨੂੰ ਸਮੇਂ ਤੋਂ ਪਹਿਲਾਂ ਬੁੱਢਾ ਬਣਾ ਸਕਦੀ ਹੈ? ਮਾਹਰ ਤੋਂ ਜਾਣੋ...

2 / 5

ਸਕਿਨ 'ਤੇ ਪੈਂਦਾ ਹੈ ਮਾੜਾ ਅਸਰ — ਡਾ. ਆਰਜ਼ੂ ਪਾਹਵਾ, ਕਨਸਲਟੈਂਟ ਡਰਮੈਟੋਲੋਜਿਸਟ, ਕੈਲਾਸ਼ ਦੀਪਕ ਹਸਪਤਾਲ, ਦੱਸਦੇ ਹਨ ਕਿ ਜਦੋਂ ਅਸੀਂ ਬਹੁਤ ਜ਼ਿਆਦਾ ਚੀਨੀ ਖਾਂਦੇ ਹਾਂ ਤਾਂ ਇਸ ਦਾ ਅਸਰ ਸਿਰਫ਼ ਸਾਡੇ ਬਲੱਡ ਸ਼ੂਗਰ ਜਾਂ ਭਾਰ 'ਤੇ ਹੀ ਨਹੀਂ ਪੈਂਦਾ, ਸਗੋਂ ਇਸ ਦਾ ਅਸਰ ਸਾਡੀ ਸਕਿਨ 'ਤੇ ਵੀ ਦਿਖਾਈ ਦੇਣ ਲੱਗਦਾ ਹੈ। ਸਾਡੀ ਸਕਿਨ ਵਿੱਚ ਕੋਲੇਜਨ ਨਾਮ ਦਾ ਇੱਕ ਪ੍ਰੋਟੀਨ ਹੁੰਦਾ ਹੈ, ਜੋ ਸਕਿਨ ਨੂੰ ਟਾਈਟ, ਮੁਲਾਇਮ ਅਤੇ ਜਵਾਨ ਦਿਖਣ ਵਿੱਚ ਮਦਦ ਕਰਦਾ ਹੈ।

3 / 5

ਕੋਲੇਜਨ ਨੂੰ ਨੁਕਸਾਨ — ਜਦੋਂ ਸਰੀਰ ਵਿੱਚ ਲੋੜ ਤੋਂ ਜ਼ਿਆਦਾ ਚੀਨੀ ਹੁੰਦੀ ਹੈ ਤਾਂ ਇਹ ਕੋਲੇਜਨ ਨਾਲ ਚਿਪਕਣ ਲੱਗਦੀ ਹੈ। ਇਸ ਨਾਲ ਅਜਿਹੇ ਨੁਕਸਾਨਦਾਇਕ ਪਦਾਰਥ ਬਣਦੇ ਹਨ, ਜੋ ਕੋਲੇਜਨ ਨੂੰ ਕਮਜ਼ੋਰ ਅਤੇ ਸਖ਼ਤ ਬਣਾ ਸਕਦੇ ਹਨ। ਸੌਖੀ ਭਾਸ਼ਾ ਵਿੱਚ ਕਹੀਏ ਤਾਂ ਸਕਿਨ ਦੀ ਮਜ਼ਬੂਤੀ ਅਤੇ ਲਚਕੀਲਾਪਣ ਹੌਲੀ-ਹੌਲੀ ਘੱਟ ਹੋਣ ਲੱਗਦਾ ਹੈ।

4 / 5

ਸਕਿਨ ਵਿੱਚ ਸੋਜ ਵਧਣਾ — ਇਸ ਪ੍ਰਕਿਰਿਆ ਦੌਰਾਨ ਸਰੀਰ ਵਿੱਚ ਸੋਜ ਅਤੇ ਸੈੱਲਾਂ ਨੂੰ ਹੋਣ ਵਾਲਾ ਨੁਕਸਾਨ ਵੀ ਵੱਧ ਸਕਦਾ ਹੈ, ਜਿਸ ਨਾਲ ਕੋਲੇਜਨ ਦੇ ਟੁੱਟਣ ਦੀ ਪ੍ਰਕਿਰਿਆ ਹੋਰ ਤੇਜ਼ ਹੋ ਸਕਦੀ ਹੈ। ਇਸ ਦਾ ਅਸਰ ਸਮੇਂ ਤੋਂ ਪਹਿਲਾਂ ਝੁਰੜੀਆਂ, ਢਿੱਲੀ ਸਕਿਨ ਅਤੇ ਫਾਈਨ ਲਾਈਨਜ਼ ਦੇ ਰੂਪ ਵਿੱਚ ਨਜ਼ਰ ਆ ਸਕਦਾ ਹੈ।

5 / 5

ਚੀਨੀ ਦੇ ਸੇਵਨ 'ਤੇ ਦਿਓ ਧਿਆਨ — ਹਾਲਾਂਕਿ ਵਧਦੀ ਉਮਰ ਦੇ ਨਾਲ ਕੋਲੇਜਨ ਦੀ ਮਾਤਰਾ ਘਟਣਾ ਇੱਕ ਆਮ ਪ੍ਰਕਿਰਿਆ ਹੈ, ਪਰ ਜੇਕਰ ਤੁਸੀਂ ਰੋਜ਼ਾਨਾ ਬਹੁਤ ਜ਼ਿਆਦਾ ਚੀਨੀ ਖਾਂਦੇ ਹੋ ਤਾਂ ਇਹ ਪ੍ਰਕਿਰਿਆ ਹੋਰ ਤੇਜ਼ ਹੋ ਸਕਦੀ ਹੈ। ਇਸ ਲਈ ਜੇਕਰ ਤੁਸੀਂ ਆਪਣੀ ਸਕਿਨ ਨੂੰ ਲੰਬੇ ਸਮੇਂ ਤੱਕ ਸਿਹਤਮੰਦ ਅਤੇ ਗਲੋਇੰਗ ਰੱਖਣਾ ਚਾਹੁੰਦੇ ਹੋ ਤਾਂ ਚੀਨੀ ਦੀ ਮਾਤਰਾ 'ਤੇ ਧਿਆਨ ਦੇਣ ਦੇ ਨਾਲ-ਨਾਲ ਚੰਗੇ ਸਕਿਨਕੇਅਰ ਪ੍ਰੋਡਕਟਸ ਦੀ ਵਰਤੋਂ ਅਤੇ ਨਿਯਮਿਤ ਸਕਿਨਕੇਅਰ ਰੂਟੀਨ ਅਪਣਾਉਣਾ ਵੀ ਜ਼ਰੂਰੀ ਹੈ।

Unable to load recommendations.

LIVETV

Tag :

ਮਾਨਸੂਨ ‘ਚ ਦਹੀ ਖਾਣਾ ਚਾਹੀਦਾ ਹੈ ਜਾਂ ਨਹੀਂ? ਜਾਣੋ ਕੀ ਇਸ ਨਾਲ ਵਧਦਾ ਹੈ ਸਰਦੀ-ਖੰਘ ਦਾ ਖ਼ਤਰਾ

ਗਰਭ ਅਵਸਥਾ ਦੇ ਪਹਿਲੇ 3 ਮਹੀਨੇ ਕਿਉਂ ਹੁੰਦੇ ਹਨ ਸਭ ਤੋਂ ਅਹਿਮ? ਜਾਣੋ ਸਹੀ ਡਾਇਟ ਅਤੇ ਜ਼ਰੂਰੀ ਸਾਵਧਾਨੀਆਂ

International Tiger Day 2026: ਭਾਰਤ ਦੇ ਸਭ ਤੋਂ ਮਸ਼ਹੂਰ ਟਾਈਗਰ ਰਿਜ਼ਰਵ, ਜਿੱਥੇ ਕੁਦਰਤੀ ਖੂਬਸੂਰਤੀ ਨਾਲ ਮਿਲੇਗਾ ਰੋਮਾਂਚਕ ਜੰਗਲ ਸਫਾਰੀ ਦਾ ਤਜਰਬਾ

ਕੀ ਤੁਹਾਡੇ ਵੀ ਲਗਾਤਾਰ ਝੜ ਰਹੇ ਹਨ ਵਾਲ? ਇਹ ਸਿਰਫ਼ ਆਮ ਸਮੱਸਿਆ ਨਹੀਂ, ਥਾਇਰਾਇਡ ਜਾਂ ਹੋਰ ਗੰਭੀਰ ਬਿਮਾਰੀ ਦਾ ਵੀ ਹੋ ਸਕਦਾ ਹੈ ਸੰਕੇਤ

ਪਿੰਪਲਸ ਤੋਂ ਲੈ ਕੇ ਖਰਾਬ ਪਾਚਨ ਤੱਕ ਜਾਣੋ ਕਦੋਂ ਸਟ੍ਰੈੱਸ ਹੋ ਜਾਂਦਾ ਹੈ ਖ਼ਤਰਨਾਕ, ਸਰੀਰ ਦਿੰਦਾ ਹੈ ਇਹ ਸੰਕੇਤ