Punjabi News Photo Gallery Lifestyle Photo india to travel in july august know in punjabi

ਜੁਲਾਈ-ਅਗਸਤ ‘ਚ ਘੁੰਮਣ ਲਈ ਭਾਰਤ ਦੀਆਂ 5 ਸਭ ਤੋਂ ਖੂਬਸੂਰਤ ਮਾਨਸੂਨ ਥਾਵਾਂ

Published:

10 Jun 2026 18:18 PM IST

Monsoon Travel India: ਬਰਸਾਤ ਦਾ ਮੌਸਮ ਨਾ ਸਿਰਫ਼ ਗਰਮੀ ਤੋਂ ਰਾਹਤ ਦਿੰਦਾ ਹੈ, ਸਗੋਂ ਕੁਦਰਤ ਦੇ ਖੂਬਸੂਰਤ ਨਜ਼ਾਰੇ ਵੇਖਣ ਦਾ ਵੀ ਸ਼ਾਨਦਾਰ ਮੌਕਾ ਦਿੰਦਾ ਹੈ। ਭਾਰਤ ਵਿੱਚ ਕਈ ਅਜਿਹੀਆਂ ਥਾਵਾਂ ਹਨ ਜਿੱਥੇ ਮੀਂਹ ਇੰਨਾ ਜ਼ਿਆਦਾ ਪੈਂਦਾ ਹੈ ਕਿ ਉੱਥੋਂ ਦੇ ਨਜ਼ਾਰੇ ਦੇਖਣ ਯੋਗ ਬਣ ਜਾਂਦੇ ਹਨ। ਹਰਿਆਲੀ ਨਾਲ ਢੱਕੇ ਪਹਾੜ, ਬੱਦਲਾਂ ਦੀ ਚਾਦਰ ਅਤੇ ਝਰਨਿਆਂ ਦੀ ਗੂੰਜ ਮਾਨਸੂਨੀ ਸਫ਼ਰ ਨੂੰ ਯਾਦਗਾਰ ਬਣਾ ਦਿੰਦੇ ਹਨ। ਜੇਕਰ ਤੁਸੀਂ ਵੀ ਇਸ ਸੀਜ਼ਨ ਵਿੱਚ ਮੀਂਹ ਦਾ ਪੂਰਾ ਆਨੰਦ ਲੈਣਾ ਚਾਹੁੰਦੇ ਹੋ, ਤਾਂ ਭਾਰਤ ਦੀਆਂ ਇਨ੍ਹਾਂ 5 ਖੂਬਸੂਰਤ ਥਾਵਾਂ ਦੀ ਯਾਤਰਾ ਦੀ ਯੋਜਨਾ ਬਣਾ ਸਕਦੇ ਹੋ।

ਕੇਰਲ ਦਾ ਮੁੰਨਾਰ ਮਾਨਸੂਨ ਦੌਰਾਨ ਘੁੰਮਣ ਲਈ ਇੱਕ ਬੇਹਤਰੀਨ ਥਾਂ ਹੈ। ਇੱਥੋਂ ਦੇ ਮਨਮੋਹਕ ਨਜ਼ਾਰੇ ਤੁਹਾਨੂੰ ਕਿਸੇ ਹੋਰ ਹੀ ਦੁਨੀਆ ਦਾ ਅਹਿਸਾਸ ਕਰਵਾਉਂਦੇ ਹਨ। ਜੂਨ ਤੋਂ ਸਤੰਬਰ ਤੱਕ ਇੱਥੇ ਖੂਬ ਮੀਂਹ ਪੈਂਦਾ ਹੈ, ਜਿਸਦਾ ਸੈਲਾਨੀ ਪੂਰਾ ਆਨੰਦ ਲੈ ਸਕਦੇ ਹਨ। ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦੇ ਵਿਚਕਾਰ ਬੱਦਲਾਂ ਨਾਲ ਢੱਕੀਆਂ ਵਾਦੀਆਂ, ਚਾਹ ਦੇ ਬਾਗ਼ ਅਤੇ ਖੂਬਸੂਰਤ ਝਰਨੇ ਦੇਖਣ ਯੋਗ ਹੁੰਦੇ ਹਨ। ਕੁਦਰਤ ਨੂੰ ਪਿਆਰ ਕਰਨ ਵਾਲਿਆਂ ਲਈ ਮੁੰਨਾਰ ਇੱਕ ਪਰਫੈਕਟ ਟੂਰਿਸਟ ਡੈਸਟਿਨੇਸ਼ਨ ਸਾਬਤ ਹੋ ਸਕਦਾ ਹੈ।

2 / 5

ਕਰਨਾਟਕ ਦਾ ਕੂਰਗ ਵੀ ਬਾਰਿਸ਼ ਦੇ ਮੌਸਮ ਵਿੱਚ ਬਹੁਤ ਹੀ ਖੂਬਸੂਰਤ ਨਜ਼ਾਰੇ ਪੇਸ਼ ਕਰਦਾ ਹੈ। ਇਸ ਨੂੰ “ਇੰਡੀਆ ਦਾ ਸਕਾਟਲੈਂਡ” ਵੀ ਕਿਹਾ ਜਾਂਦਾ ਹੈ। ਜੂਨ ਤੋਂ ਅਕਤੂਬਰ ਤੱਕ ਇੱਥੇ ਮਾਨਸੂਨ ਦਾ ਆਨੰਦ ਲਿਆ ਜਾ ਸਕਦਾ ਹੈ। ਕੂਰਗ ਮਾਨਸੂਨ ਵਿੱਚ ਹਰੀਆਲੀ ਦੀ ਚਾਦਰ ਨਾਲ ਢੱਕ ਜਾਂਦਾ ਹੈ। ਇੱਥੇ ਕਾਫੀ ਦੇ ਬਾਗ, ਝਰਨੇ ਅਤੇ ਠੰਡੀ ਹਵਾਵਾਂ ਮੌਸਮ ਦੇ ਮਜ਼ੇ ਨੂੰ ਹੋਰ ਵੀ ਵਧਾ ਦਿੰਦੇ ਹਨ। ਬਾਰਿਸ਼ ਦੇ ਦੌਰਾਨ ਇੱਥੇ ਦਾ ਸ਼ਾਂਤ ਮਾਹੌਲ ਮਨ ਨੂੰ ਸੱਕੂਨ ਦੇਣ ਲਈ ਬਿਲਕੁਲ ਪਰਫੈਕਟ ਹੈ।

3 / 5

ਵੈਲੀ ਆਫ ਫਲਾਵਰਜ਼, ਜੋ ਮਾਨਸੂਨ ਤੋਂ ਪਹਿਲਾਂ ਹੀ ਖੋਲ੍ਹ ਦਿੱਤੀ ਜਾਂਦੀ ਹੈ, 1 ਜੂਨ ਤੋਂ ਇਹ ਵੈਲੀ ਟੂਰਿਸਟਾਂ ਲਈ ਖੋਲ੍ਹ ਦਿੱਤੀ ਗਈ ਹੈ। ਜੇ ਤੁਸੀਂ ਬਾਰਿਸ਼ ਦਾ ਮਜ਼ਾ ਲੈਣਾ ਚਾਹੁੰਦੇ ਹੋ ਤਾਂ ਜੁਲਾਈ ਵਿੱਚ ਇਸ ਜਗ੍ਹਾ ਨੂੰ ਐਕਸਪਲੋਰ ਕਰ ਸਕਦੇ ਹੋ। ਇੱਥੇ ਤੁਹਾਨੂੰ ਫੁੱਲਾਂ ਦੀਆਂ ਕਈ ਕਿਸਮਾਂ ਦੇਖਣ ਨੂੰ ਮਿਲਦੀਆਂ ਹਨ। ਜੁਲਾਈ ਅਤੇ ਅਗਸਤ ਵਿੱਚ ਇੱਥੇ ਦਾ ਨਜ਼ਾਰਾ ਸਭ ਤੋਂ ਖੂਬਸੂਰਤ ਮੰਨਿਆ ਜਾਂਦਾ ਹੈ। ਟ੍ਰੈਕਿੰਗ ਅਤੇ ਨੇਚਰ ਫੋਟੋਗ੍ਰਾਫੀ ਦੇ ਸ਼ੌਕੀਨਾਂ ਲਈ ਇਹ ਜਗ੍ਹਾ ਕਿਸੇ ਜੰਨਤ ਤੋਂ ਘੱਟ ਨਹੀਂ ਹੈ।

4 / 5

ਮਾਨਸੂਨ ਵਿੱਚ ਮੇਘਾਲਯਾ ਘੁੰਮਣਾ ਆਪਣੇ ਆਪ ਵਿੱਚ ਹੀ ਇੱਕ ਐਡਵੈਂਚਰ ਹੈ। ਇੱਥੇ ਮਈ ਤੋਂ ਹੀ ਬਾਰਿਸ਼ ਸ਼ੁਰੂ ਹੋ ਜਾਂਦੀ ਹੈ ਅਤੇ ਹਰ ਦਿਨ ਝਮਾਝਮ ਬਾਰਿਸ਼ ਦਾ ਖੂਬਸੂਰਤ ਨਜ਼ਾਰਾ ਦੇਖਣ ਨੂੰ ਮਿਲਦਾ ਹੈ। ਇਸੇ ਕਰਕੇ ਮੇਘਾਲਯਾ ਨੂੰ ਭਾਰਤ ਦੇ ਸਭ ਤੋਂ ਜ਼ਿਆਦਾ ਬਾਰਿਸ਼ ਵਾਲੇ ਰਾਜਾਂ ਵਿੱਚ ਗਿਣਿਆ ਜਾਂਦਾ ਹੈ। ਮਾਨਸੂਨ ਵਿੱਚ ਇੱਥੇ ਦੀਆਂ ਹਰੀਆਂ-ਭਰੀਆਂ ਪਹਾੜੀਆਂ, ਝੀਲਾਂ ਅਤੇ ਝਰਨੇ ਅਦਭੁਤ ਦ੍ਰਿਸ਼ ਪੇਸ਼ ਕਰਦੇ ਹਨ। ਇਹ ਜਗ੍ਹਾ ਬਾਰਿਸ਼ ਵਿੱਚ ਬੱਦਲਾਂ ਨਾਲ ਪੂਰੀ ਤਰ੍ਹਾਂ ਘਿਰ ਜਾਂਦੀ ਹੈ, ਜਿਸ ਨੂੰ ਦੇਖਣਾ ਕਿਸੇ ਸੁਪਨੇ ਤੋਂ ਘੱਟ ਨਹੀਂ ਲੱਗਦਾ।

5 / 5

ਜੇ ਤੁਸੀਂ ਮਹਾਰਾਸ਼ਟਰ ਵਿੱਚ ਰਹਿੰਦੇ ਹੋ ਅਤੇ ਬਾਰਿਸ਼ ਦਾ ਮਜ਼ਾ ਲੈਣਾ ਚਾਹੁੰਦੇ ਹੋ ਤਾਂ ਲੋਨਾਵਲਾ ਤੋਂ ਵਧੀਆ ਕੁਝ ਨਹੀਂ ਹੈ। ਜੂਨ ਤੋਂ ਸਤੰਬਰ ਤੱਕ ਇੱਥੇ ਖੂਬ ਬਾਰਿਸ਼ ਹੁੰਦੀ ਹੈ ਅਤੇ ਮੌਸਮ ਬਹੁਤ ਹੀ ਰੋਮਾਂਟਿਕ ਹੋ ਜਾਂਦਾ ਹੈ। ਜਦੋਂ ਬਾਰਿਸ਼ ਸ਼ੁਰੂ ਹੁੰਦੀ ਹੈ ਤਾਂ ਇੱਥੇ ਦੀਆਂ ਪਹਾੜੀਆਂ, ਝਰਨੇ ਅਤੇ ਘਾਟੀਆਂ ਜਿਵੇਂ ਜ਼ਿੰਦਗੀ ਨਾਲ ਭਰ ਜਾਂਦੀਆਂ ਹਨ। ਵੀਕਐਂਡ ਗੇਟਵੇ ਲਈ ਇਹ ਇੱਕ ਸ਼ਾਨਦਾਰ ਵਿਕਲਪ ਹੈ।

LIVETV

Tag :

Hemoglobin Level: ਸਰੀਰ ‘ਚ ਖੂਨ ਦੀ ਕਮੀ ਨੂੰ ਦੂਰ ਕਰਦੀਆਂ ਹਨ ਇਹ ਦੇਸੀ ਚੀਜ਼ਾਂ, ਇਨ੍ਹਾਂ ਨੂੰ ਡਾਇਟ ਵਿੱਚ ਕਰੋ ਸ਼ਾਮਲ

ਹੀਨਾ ਖਾਨ ਦੇ ਅਨਾਰਕਲੀ ਸੂਟ ਲੁੱਕਸ, ਵਿਆਹ ਸੀਜ਼ਨ ਲਈ ਲਓ ਫੈਸ਼ਨ ਟਿਪਸ

ਮਿੱਠਾ ਖਾਣ ਦੀ ਲਾਲਸਾ ਹੋਵੇਗੀ ਦੂਰ, ਬਿਨਾਂ ਖੰਡ ਵਾਲੇ ਇਹ 5 ਸਨੈਕਸ ਜ਼ਰੂਰ ਅਜ਼ਮਾਓ

Kitchen Tips: ਭੁੱਲ ਕੇ ਵੀ ਇਕੱਠੀਆਂ ਨਾ ਰੱਖੋ ਇਹ ਚੀਜ਼ਾਂ, ਜਲਦੀ ਖ਼ਰਾਬ ਹੋਣ ਦਾ ਰਹਿੰਦਾ ਹੈ ਖ਼ਤਰਾ!

ਟੈਨਿੰਗ ਕਿਉਂ ਹੁੰਦੀ ਹੈ? ਨਿੰਬੂ ਤੋਂ ਲੈ ਕੇ ਐਲੋਵੇਰਾ ਤੱਕ… ਘਰ ਬੈਠੇ ਹੀ ਅਜ਼ਮਾਓ ਇਹ ਤਰੀਕੇ, ਮਿਲੇਗਾ ਬੈਸਟ ਰਿਜ਼ਲਟ