Punjabi News Photo Gallery Lifestyle Photo from pimples to poor digestion know when stress becomes dangerous the body gives these signs know in punjabi

ਪਿੰਪਲਸ ਤੋਂ ਲੈ ਕੇ ਖਰਾਬ ਪਾਚਨ ਤੱਕ ਜਾਣੋ ਕਦੋਂ ਸਟ੍ਰੈੱਸ ਹੋ ਜਾਂਦਾ ਹੈ ਖ਼ਤਰਨਾਕ, ਸਰੀਰ ਦਿੰਦਾ ਹੈ ਇਹ ਸੰਕੇਤ

TV9 Punjabi

Published:

21 Jul 2026 16:05 PM IST

Stress: ਅੱਜ ਦੇ ਸਮੇਂ ਵਿੱਚ ਤਣਾਅ (Stress) ਹੋਣਾ ਇੱਕ ਆਮ ਗੱਲ ਬਣ ਗਈ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਇਹ ਮਾਨਸਿਕ ਤਣਾਅ ਖ਼ਤਰਨਾਕ ਪੱਧਰ ਤੱਕ ਪਹੁੰਚ ਜਾਵੇ ਤਾਂ ਇਸ ਨਾਲ ਕਿਹੜੇ-ਕਿਹੜੇ ਨੁਕਸਾਨ ਹੋ ਸਕਦੇ ਹਨ? ਸਾਡਾ ਸਰੀਰ ਕਈ ਅਜਿਹੇ ਸੰਕੇਤ ਦਿੰਦਾ ਹੈ ਜੋ ਦੱਸਦੇ ਹਨ ਕਿ ਹੁਣ ਸਟ੍ਰੈੱਸ ਖ਼ਤਰਨਾਕ ਪੱਧਰ 'ਤੇ ਪਹੁੰਚ ਚੁੱਕਾ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਸੰਕੇਤਾਂ ਬਾਰੇ।

ਕੀ ਤੁਸੀਂ ਜਾਣਦੇ ਹੋ ਕਿ ਜੇਕਰ ਸਾਡਾ ਸਟ੍ਰੈੱਸ ਲੈਵਲ ਖ਼ਤਰਨਾਕ ਪੱਧਰ ਤੱਕ ਪਹੁੰਚਣ ਲੱਗੇ ਤਾਂ ਸਰੀਰ ਕਈ ਸੰਕੇਤ ਦੇਣਾ ਸ਼ੁਰੂ ਕਰ ਦਿੰਦਾ ਹੈ? ਇਨ੍ਹਾਂ ਸੰਕੇਤਾਂ ਨੂੰ ਕਦੇ ਵੀ ਨਜ਼ਰਅੰਦਾਜ਼ ਨਹੀਂ ਕਰਨਾ ਚਾਹੀਦਾ। ਸਮੇਂ ਦੇ ਨਾਲ ਇਹ ਸਥਿਤੀ ਡਿਪ੍ਰੈਸ਼ਨ ਅਤੇ ਇਸ ਤੋਂ ਵੀ ਗੰਭੀਰ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦੀ ਹੈ। ਆਓ ਜਾਣਦੇ ਹਾਂ ਇਨ੍ਹਾਂ ਮਹੱਤਵਪੂਰਨ ਸੰਕੇਤਾਂ ਬਾਰੇ।

2 / 7

ਤਣਾਅ ਹੋਣ 'ਤੇ ਕੀ ਹੁੰਦਾ ਹੈ: ਮੈਂਟਲ ਸਟ੍ਰੈੱਸ ਕਾਰਨ ਸਰੀਰ ਵਿੱਚ ਐਡ੍ਰੇਨਾਲਿਨ ਅਤੇ ਕੋਰਟੀਸੋਲ ਨਾਮ ਦੇ ਹਾਰਮੋਨ ਨਿਕਲਦੇ ਹਨ। ਇਹ ਸਰੀਰ ਦੀ 'ਫਾਈਟ ਜਾਂ ਫਲਾਈਟ' ਪ੍ਰਤੀਕਿਰਿਆ ਨੂੰ ਐਕਟਿਵ ਕਰ ਦਿੰਦੇ ਹਨ। ਇਸ ਦੌਰਾਨ ਸਰੀਰ ਕਈ ਸ਼ੁਰੂਆਤੀ ਸੰਕੇਤ ਦਿੰਦਾ ਹੈ, ਜਿਵੇਂ ਹਥੇਲੀਆਂ ਵਿੱਚ ਪਸੀਨਾ ਆਉਣਾ, ਦਿਲ ਦੀ ਧੜਕਣ ਤੇਜ਼ ਹੋ ਜਾਣਾ ਅਤੇ ਅਚਾਨਕ ਪੇਟ ਖ਼ਰਾਬ ਹੋਣਾ। ਜਦੋਂ ਸਟ੍ਰੈੱਸ ਦਾ ਪੱਧਰ ਖ਼ਤਰਨਾਕ ਹੋਣ ਲੱਗਦਾ ਹੈ, ਤਾਂ ਸਰੀਰ ਹੋਰ ਵੀ ਕਈ ਚੇਤਾਵਨੀ ਵਾਲੇ ਸੰਕੇਤ ਦੇਣਾ ਸ਼ੁਰੂ ਕਰ ਦਿੰਦਾ ਹੈ। ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ।

3 / 7

ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ: ਜੇਕਰ ਸਟ੍ਰੈੱਸ ਲੰਬੇ ਸਮੇਂ ਤੱਕ ਬਣਿਆ ਰਹੇ ਤਾਂ ਪੇਟ ਦਰਦ, ਗੈਸ, ਕਬਜ਼ ਜਾਂ ਹਰ ਵੇਲੇ ਪੇਟ ਫੂਲਿਆ ਹੋਇਆ ਮਹਿਸੂਸ ਹੋ ਸਕਦਾ ਹੈ। ਸਟ੍ਰੈੱਸ ਦੌਰਾਨ ਨਿਕਲਣ ਵਾਲਾ ਕੋਰਟੀਸੋਲ ਹਾਰਮੋਨ ਪਾਚਨ ਪ੍ਰਕਿਰਿਆ ਨੂੰ ਪ੍ਰਭਾਵਿਤ ਕਰਦਾ ਹੈ, ਜਿਸ ਨਾਲ ਡਾਈਜੇਸ਼ਨ ਹੌਲੀ ਹੋ ਸਕਦੀ ਹੈ। ਜੇਕਰ ਇਸ ਨੂੰ ਸਮੇਂ ਸਿਰ ਕਾਬੂ ਨਾ ਕੀਤਾ ਜਾਵੇ ਤਾਂ ਇਰਿਟੇਬਲ ਬਾਊਲ ਸਿੰਡਰੋਮ (IBS) ਵਰਗੀਆਂ ਸਮੱਸਿਆਵਾਂ ਵੀ ਪੈਦਾ ਹੋ ਸਕਦੀਆਂ ਹਨ। ਜੇ ਤੁਹਾਨੂੰ ਅਕਸਰ ਪੇਟ ਨਾਲ ਸੰਬੰਧਿਤ ਸਮੱਸਿਆਵਾਂ ਰਹਿੰਦੀਆਂ ਹਨ, ਤਾਂ ਗੈਸਟ੍ਰੋਐਂਟਰੋਲੋਜਿਸਟ ਨਾਲ ਸਲਾਹ ਕਰਕੇ ਪੇਟ ਅਤੇ ਹੋਰ ਸੰਬੰਧਿਤ ਅੰਗਾਂ ਦੀ ਜਾਂਚ ਜ਼ਰੂਰ ਕਰਵਾਓ।

4 / 7

ਵਾਲਾਂ ਦਾ ਝੜਨਾ: ਹਰ ਸਮੇਂ ਤਣਾਅ ਵਿੱਚ ਰਹਿਣ ਕਾਰਨ ਵਾਲਾਂ ਦੀ ਕੁਦਰਤੀ ਵਾਧੇ ਦੀ ਪ੍ਰਕਿਰਿਆ ਪ੍ਰਭਾਵਿਤ ਹੋ ਜਾਂਦੀ ਹੈ। ਇਸ ਦੇ ਨਤੀਜੇ ਵਜੋਂ ਵਾਲ ਤੇਜ਼ੀ ਨਾਲ ਝੜਣ ਜਾਂ ਪਤਲੇ ਹੋਣ ਲੱਗਦੇ ਹਨ। ਜੇਕਰ ਸਥਿਤੀ ਹੋਰ ਗੰਭੀਰ ਹੋ ਜਾਵੇ ਤਾਂ ਵਾਲਾਂ ਦੇ ਗੁੱਛੇ ਵੀ ਹੱਥਾਂ ਵਿੱਚ ਆਉਣ ਲੱਗਦੇ ਹਨ। ਲੰਬੇ ਸਮੇਂ ਤੱਕ ਰਹਿਣ ਵਾਲਾ ਤਣਾਅ ਇਸ ਸਮੱਸਿਆ ਦਾ ਇੱਕ ਵੱਡਾ ਕਾਰਨ ਬਣ ਸਕਦਾ ਹੈ।

5 / 7

ਵਿਆਹਸ਼ੁਦਾ ਜ਼ਿੰਦਗੀ 'ਤੇ ਅਸਰ: ਲਗਾਤਾਰ ਸਟ੍ਰੈੱਸ ਵਿੱਚ ਰਹਿਣ ਨਾਲ ਸਰੀਰ ਦਾ ਹਾਰਮੋਨਲ ਸੰਤੁਲਨ ਵਿਗੜ ਸਕਦਾ ਹੈ। ਮਾਨਸਿਕ ਤਣਾਅ, ਹਰ ਵੇਲੇ ਥਕਾਵਟ ਮਹਿਸੂਸ ਹੋਣਾ ਅਤੇ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਮਰਦਾਂ ਦੀ ਜਿਨਸੀ ਸਿਹਤ 'ਤੇ ਵੀ ਨਕਾਰਾਤਮਕ ਅਸਰ ਪੈ ਸਕਦਾ ਹੈ। ਮਾਹਰਾ ਦੇ ਮੁਤਾਬਕ, ਇਸ ਕਾਰਨ ਸ਼ੁਕਰਾਣੂਆਂ (ਸਪਰਮ) ਦੀ ਗੁਣਵੱਤਾ ਅਤੇ ਗਿਣਤੀ ਦੋਵੇਂ ਪ੍ਰਭਾਵਿਤ ਹੋ ਸਕਦੀਆਂ ਹਨ।

6 / 7

ਪਿੰਪਲਸ ਨਿਕਲਣਾ: ਸਟ੍ਰੈੱਸ ਦਾ ਅਸਰ ਸਿਰਫ਼ ਮਾਨਸਿਕ ਅਤੇ ਸਰੀਰਕ ਸਿਹਤ 'ਤੇ ਹੀ ਨਹੀਂ, ਸਗੋਂ ਸਕਿਨ 'ਤੇ ਵੀ ਪੈਂਦਾ ਹੈ। ਕੋਰਟੀਸੋਲ ਹਾਰਮੋਨ ਦਾ ਪੱਧਰ ਵੱਧਣ ਨਾਲ ਸਕਿਨ ਵਿੱਚ ਸੀਬਮ (ਤੇਲ) ਦਾ ਉਤਪਾਦਨ ਵਧ ਜਾਂਦਾ ਹੈ। ਇਸ ਕਾਰਨ ਸਕਿਨ ਜ਼ਿਆਦਾ ਤੇਲੀਆ ਹੋ ਜਾਂਦੀ ਹੈ ਅਤੇ ਧੂੜ-ਮਿੱਟੀ ਤੇ ਗੰਦਗੀ ਨਾਲ ਸਕਿਨ ਦੇ ਪੋਰਸ ਬੰਦ ਹੋ ਜਾਂਦੇ ਹਨ, ਜਿਸ ਨਾਲ ਪਿੰਪਲਸ ਨਿਕਲਣ ਜਾਂ ਮੁਹਾਂਸਿਆਂ ਦੀ ਸਮੱਸਿਆ ਵੱਧ ਸਕਦੀ ਹੈ।

7 / 7

ਦਿਲ ਦੀ ਧੜਕਣ ਤੇਜ਼ ਹੋਣਾ: ਮਾਹਰਾ ਦੇ ਮੁਤਾਬਕ, ਜੇਕਰ ਲੰਬੇ ਸਮੇਂ ਤੱਕ ਤਣਾਅ ਬਣਿਆ ਰਹੇ ਤਾਂ ਦਿਲ ਦੀ ਧੜਕਣ ਤੇਜ਼ ਹੋ ਸਕਦੀ ਹੈ, ਬਲੱਡ ਸ਼ੂਗਰ ਅਤੇ ਟ੍ਰਾਈਗਲਿਸਰਾਈਡਜ਼ ਦਾ ਪੱਧਰ ਵੀ ਵੱਧ ਸਕਦਾ ਹੈ। ਇਸ ਦੇ ਨਾਲ ਬਲੱਡ ਪ੍ਰੈਸ਼ਰ ਵੀ ਆਮ ਨਾਲੋਂ ਉੱਚਾ ਰਹਿਣ ਲੱਗਦਾ ਹੈ। ਜੇਕਰ ਇਹ ਸਮੱਸਿਆ ਲੰਬੇ ਸਮੇਂ ਤੱਕ ਜਾਰੀ ਰਹੇ, ਤਾਂ ਵਿਅਕਤੀ ਹਾਈ ਬਲੱਡ ਪ੍ਰੈਸ਼ਰ (ਹਾਈਪਰਟੈਂਸ਼ਨ) ਦਾ ਸ਼ਿਕਾਰ ਹੋ ਸਕਦਾ ਹੈ। ਹਾਈ ਬਲੱਡ ਪ੍ਰੈਸ਼ਰ ਨੂੰ 'ਸਾਈਲੈਂਟ ਕਿਲਰ' ਵੀ ਕਿਹਾ ਜਾਂਦਾ ਹੈ।

LIVETV

Tag :

ਜੇਕਰ ਤੁਸੀਂ ਵੀ ਬਿਨਾਂ ਨਹਾਏ ਰਸੋਈ ਵਿੱਚ ਬਣਾਉਂਦੇ ਹੋ ਖਾਣਾ, ਤਾਂ ਘਰ ਵਿੱਚ ਵੱਧ ਸਕਦੀਆਂ ਨੇ ਮੁਸ਼ਕਿਲਾਂ!

ਐਲੋਵੇਰਾ ਨੂੰ ਹਿੰਦੀ ਅਤੇ ਪੰਜਾਬੀ ‘ਚ ਕੀ ਕਹਿੰਦੇ ਹਨ? ਬਹੁਤ ਘੱਟ ਲੋਕ ਜਾਣਦੇ ਹਨ ਸਹੀ ਜਵਾਬ, ਜਾਣੋ ਇਸ ਨਾਲ ਜੁੜੇ ਦਿਲਚਸਪ ਤੱਥ

ਸਕਿਨ ਗਲੋ ਲਈ ਰਾਈਸ ਵਾਟਰ ਪੀਣਾ ਸਹੀ ਜਾਂ ਗਲਤ? ਡਰਮੈਟੋਲੋਜਿਸਟ ਤੋਂ ਜਾਣੋ

ਦੋ ਲੋਕਾਂ ਦੀ ਬਾਲੀ ਟ੍ਰਿਪ ‘ਤੇ ਕਿੰਨਾ ਆਵੇਗਾ ਖਰਚ? ਕਿੱਥੇ ਰਹਿਣਾ, ਕੀ ਖਾਣਾ, ਜਾਣੋ ਹਰ ਡਿਟੇਲ

ਓਇਲੀ ਸਕਿਨ ਵਾਲੇ ਭੁੱਲ ਕੇ ਵੀ ਚਿਹਰੇ ‘ਤੇ ਨਾ ਲਗਾਉਣ ਇਹ ਚੀਜ਼ਾਂ, ਹੋ ਸਕਦੇ ਨੇ ਭਿਆਨਕ ਪਿੰਪਲਸ