Punjabi News Photo Gallery Entertainment Photo awarapan 2 who is puran gabbi who will create a stir as a fierce villain in emraan hashmis film has a special relationship with this bollywood actress know in punjabi

Awarapan 2: ਕੌਣ ਹਨ ਪੂਰਨ ਗੱਬੀ? ਜੋ ਇਮਰਾਨ ਹਾਸ਼ਮੀ ਦੀ ਫ਼ਿਲਮ ‘ਚ ਖੂੰਖਾਰ ਵਿਲੇਨ ਬਣ ਮਚਾਉਣਗੇ ਧਮਾਲ, ਇਸ ਬਾਲੀਵੁੱਡ ਅਦਾਕਾਰਾ ਨਾਲ ਹੈ ਖਾਸ ਰਿਸ਼ਤਾ

TV9 Punjabi

Published:

07 Aug 2026 18:15 PM IST

Awarapan 2: ਇਮਰਾਨ ਹਾਸ਼ਮੀ ਦੀ ਫ਼ਿਲਮ 'ਆਵਾਰਾਪਨ 2' 14 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਹਾਲ ਹੀ ਵਿੱਚ ਇਸ ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ ਹੈ। ਟ੍ਰੇਲਰ ਵਿੱਚ ਵਿਲੇਨ ਪੂਰਨ ਗੱਬੀ ਆਪਣੇ ਦਮਦਾਰ ਅੰਦਾਜ਼ ਨਾਲ ਧਮਾਲ ਮਚਾਉਂਦੇ ਨਜ਼ਰ ਆਏ। ਆਓ ਜਾਣਦੇ ਹਾਂ ਕਿ ਉਹ ਕੌਣ ਹਨ?

Awarapan 2: ਇਮਰਾਨ ਹਾਸ਼ਮੀ ਦੀ ਫ਼ਿਲਮ 'ਆਵਾਰਾਪਨ 2' ਦਾ ਦਰਸ਼ਕਾਂ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ, ਕਿਉਂਕਿ ਇਸ ਦੇ ਪਹਿਲੇ ਭਾਗ ਨੂੰ ਕਲਟ ਫ਼ਿਲਮ ਦਾ ਦਰਜਾ ਮਿਲ ਚੁੱਕਾ ਹੈ। ਇਸ ਕਰਕੇ ਇਸ ਵਾਰ ਵੀ ਦਰਸ਼ਕਾਂ ਨੂੰ ਇਮਰਾਨ ਹਾਸ਼ਮੀ ਤੋਂ ਉਹੀ ਸ਼ਾਨਦਾਰ ਪ੍ਰਦਰਸ਼ਨ ਦੀ ਉਮੀਦ ਹੈ। 14 ਅਗਸਤ ਨੂੰ ਰਿਲੀਜ਼ ਹੋਣ ਵਾਲੀ ਇਸ ਫ਼ਿਲਮ ਦਾ ਟ੍ਰੇਲਰ ਹਾਲ ਹੀ ਵਿੱਚ ਜਾਰੀ ਕੀਤਾ ਗਿਆ ਹੈ, ਜਿਸ ਨੂੰ ਦਰਸ਼ਕਾਂ ਵੱਲੋਂ ਸ਼ਾਨਦਾਰ ਹੁੰਗਾਰਾ ਮਿਲਿਆ ਹੈ। ਹਾਲਾਂਕਿ, ਇਸ ਫ਼ਿਲਮ ਦੀ ਰਾਹ ਇੰਨੀ ਵੀ ਆਸਾਨ ਨਹੀਂ ਹੋਵੇਗੀ, ਜਿੰਨੀ ਨਜ਼ਰ ਆ ਰਹੀ ਹੈ, ਕਿਉਂਕਿ ਇਸ ਦੇ ਸਾਹਮਣੇ ਸੰਨੀ ਦਿਓਲ ਆਪਣੀ ਫ਼ਿਲਮ 'ਬੰਟਵਾਰਾ 1947' ਨਾਲ ਬਾਕਸ ਆਫਿਸ 'ਤੇ ਉਤਰ ਰਹੇ ਹਨ। ਇਸ ਦੌਰਾਨ 'ਆਵਾਰਾਪਨ 2' ਦੇ ਵਿਲੇਨ ਪੂਰਨ ਗੱਬੀ ਵੀ ਕਾਫ਼ੀ ਚਰਚਾ ਵਿੱਚ ਆ ਗਏ ਹਨ।

2 / 5

ਟ੍ਰੇਲਰ ਵਿੱਚ ਜਿੰਨਾ ਇਮਰਾਨ ਹਾਸ਼ਮੀ ਨਜ਼ਰ ਆਏ ਹਨ, ਉਨ੍ਹਾਂ ਹੀ ਪੂਰਨ ਗੱਬੀ ਵੀ ਪ੍ਰਭਾਵਸ਼ਾਲੀ ਅੰਦਾਜ਼ ਵਿੱਚ ਦਿਖਾਈ ਦਿੱਤੇ ਹਨ। ਕਿਤੇ ਉਹ ਜ਼ਬਰਦਸਤ ਐਕਸ਼ਨ ਕਰਦੇ ਨਜ਼ਰ ਆਉਂਦੇ ਹਨ ਤੇ ਕਿਤੇ ਹੱਥ ਵਿੱਚ ਬੰਦੂਕ ਫੜੇ ਹੋਏ। ਦਰਅਸਲ, 'ਆਵਾਰਾਪਨ 2' ਵਿੱਚ ਪੂਰਨ ਗੱਬੀ ਇੱਕ ਖ਼ਤਰਨਾਕ ਵਿਲੇਨ ਦੀ ਭੂਮਿਕਾ ਨਿਭਾ ਰਹੇ ਹਨ। ਚਰਚਾ ਇਹ ਵੀ ਹੈ ਕਿ ਉਹ ਫ਼ਿਲਮ ਵਿੱਚ ਸ਼ਬਾਨਾ ਆਜ਼ਮੀ ਦੇ ਗੈਂਗ ਦਾ ਹਿੱਸਾ ਹੋ ਸਕਦੇ ਹਨ, ਕਿਉਂਕਿ ਟ੍ਰੇਲਰ ਦੇ ਇੱਕ ਸੀਨ ਵਿੱਚ ਦਿਸ਼ਾ ਪਟਾਨੀ ਵੀ ਉਨ੍ਹਾਂ ਨਾਲ ਨਜ਼ਰ ਆਉਂਦੀ ਹੈ।

3 / 5

ਪਰ ਬਹੁਤ ਘੱਟ ਲੋਕ ਜਾਣਦੇ ਹੋਣਗੇ ਕਿ ਆਖ਼ਿਰ ਪੂਰਨ ਗੱਬੀ ਕੌਣ ਹਨ? ਇਸ ਦਾ ਖੁਲਾਸਾ ਹਾਲ ਹੀ ਵਿੱਚ ਉਨ੍ਹਾਂ ਦੀ ਭੈਣ ਅਤੇ ਬਾਲੀਵੁੱਡ ਅਦਾਕਾਰਾ ਵਾਮਿਕਾ ਗੱਬੀ ਨੇ ਕੀਤਾ ਹੈ। ਦਰਅਸਲ, ਪੂਰਨ ਗੱਬੀ ਕੋਈ ਹੋਰ ਨਹੀਂ, ਸਗੋਂ ਵਾਮਿਕਾ ਗੱਬੀ ਦੇ ਸਗੇ ਭਰਾ ਹਨ। ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸਾਂਝੀ ਕਰਦੇ ਹੋਏ ਲਿਖਿਆ, "ਅੱਜ ਦਾ ਦਿਨ ਮੇਰੇ ਲਈ ਬਹੁਤ ਭਾਵੁਕ ਹੈ। ਇਹ ਟ੍ਰੇਲਰ ਮੇਰੇ ਲਈ ਇਸ ਲਈ ਹੋਰ ਵੀ ਖਾਸ ਹੈ, ਕਿਉਂਕਿ ਇਸ ਵਿੱਚ ਸਿਰਫ਼ ਮੇਰਾ ਭਰਾ ਪੂਰਨ ਗੱਬੀ ਹੀ 'ਆਵਾਰਾਪਨ 2' ਦਾ ਵਿਲੇਨ ਨਹੀਂ ਬਣਿਆ, ਸਗੋਂ ਇਸ ਗੱਲ ਦੀ ਵੀ ਖੁਸ਼ੀ ਹੈ ਕਿ ਉਹ ਇਸ ਮੁਕਾਮ ਤੱਕ ਕਿਵੇਂ ਪਹੁੰਚਿਆ।"

4 / 5

ਵਾਮਿਕਾ ਗੱਬੀ ਨੇ 'ਆਵਾਰਾਪਨ 2' ਦੇ ਟ੍ਰੇਲਰ ਦੀ ਇੱਕ ਕਲਿੱਪ ਅਤੇ ਬਚਪਨ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਆਪਣੇ ਭਰਾ ਪੂਰਨ ਗੱਬੀ ਲਈ ਭਾਵੁਕ ਪੋਸਟ ਲਿਖੀ। ਉਨ੍ਹਾਂ ਲਿਖਿਆ, "ਉਸ ਨੇ ਆਡੀਸ਼ਨ ਦਿੱਤਾ, ਟੀਮ ਨਾਲ ਮੁਲਾਕਾਤ ਕੀਤੀ, ਸ਼ਾਰਟਲਿਸਟ ਹੋਇਆ, ਫਾਈਨਲ ਹੋਇਆ, ਫ਼ਿਲਮ ਸਾਈਨ ਕੀਤੀ… ਅਤੇ ਕਾਫ਼ੀ ਬਾਅਦ ਇੱਕ ਆਮ ਗੱਲਬਾਤ ਦੌਰਾਨ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਉਹ ਮੇਰਾ ਭਰਾ ਹੈ। ਇਸ ਗੱਲ ਨੇ ਸਾਨੂੰ ਦੋਵਾਂ ਨੂੰ ਇੱਕ ਵੱਖਰੀ ਹੀ ਤਸੱਲੀ ਦਿੱਤੀ। ਕਿਉਂਕਿ ਇਸ ਫ਼ਿਲਮ ਵਿੱਚ ਉਸ ਨੂੰ ਇਹ ਮੌਕਾ ਮੇਰੇ ਸਫ਼ਰ ਦੀ ਵਜ੍ਹਾ ਨਾਲ ਨਹੀਂ ਮਿਲਿਆ… ਸਗੋਂ ਉਸ ਨੇ ਆਪਣੀ ਮਿਹਨਤ ਅਤੇ ਕਾਬਲੀਅਤ ਦੇ ਦਮ 'ਤੇ ਇਹ ਥਾਂ ਬਣਾਈ ਹੈ।"

5 / 5

ਹਾਲ ਹੀ ਵਿੱਚ ਆਈ ਨੈਟਫਲਿਕਸ ਦੀ ਕ੍ਰਾਈਮ ਡਰਾਮਾ ਸੀਰੀਜ਼ 'ਬਲੈਕ ਵਾਰੰਟ' ਵਿੱਚ ਪੂਰਨ ਗੱਬੀ ਨੇ ਰੰਗਾ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਤੋਂ ਇਲਾਵਾ ਉਹ 'ਸ਼ੁਭ ਮੰਗਲ ਸਾਵਧਾਨ' ਅਤੇ 'ਜ਼ੀਰੋ' ਵਰਗੀਆਂ ਫ਼ਿਲਮਾਂ ਵਿੱਚ ਵੀ ਕੰਮ ਕਰ ਚੁੱਕੇ ਹਨ। ਹੁਣ ਉਨ੍ਹਾਂ ਨੂੰ 'ਆਵਾਰਾਪਨ 2' ਵਰਗੀ ਵੱਡੀ ਫ਼ਿਲਮ ਵਿੱਚ ਅਹਿਮ ਮੌਕਾ ਮਿਲਿਆ ਹੈ, ਜਿਸ ਬਾਰੇ ਉਨ੍ਹਾਂ ਦੀ ਭੈਣ ਵਾਮਿਕਾ ਗੱਬੀ ਨੇ ਦੱਸਿਆ ਕਿ ਇਹ ਮੌਕਾ ਉਨ੍ਹਾਂ ਨੂੰ ਆਪਣੀ ਮਿਹਨਤ ਅਤੇ ਕਾਬਲੀਅਤ ਦੇ ਦਮ 'ਤੇ ਮਿਲਿਆ ਹੈ।

Unable to load recommendations.

LIVETV

Tag :

Nikita Porwal: ਕੌਣ ਹੈ ਨਿਕਿਤਾ ਪੋਰਵਾਲ? ਜੋ ਮਿਸ ਵਰਲਡ 2026 ਵਿੱਚ ਭਾਰਤ ਦੀ ਨੁਮਾਇੰਦਗੀ ਕਰੇਗੀ, 2 ਸਾਲ ਪਹਿਲਾਂ ਜਿੱਤਿਆ ਸੀ ਇਹ ਵੱਡਾ ਖ਼ਿਤਾਬ

Kajol Birthday Special: ਕਾਜੋਲ ਦੀਆਂ 7 ਸ਼ਾਨਦਾਰ ਫ਼ਿਲਮਾਂ, ਜੋ ਹਰ ਬਾਲੀਵੁੱਡ ਫੈਨਜ਼ ਨੂੰ ਇੱਕ ਵਾਰ ਜ਼ਰੂਰ ਦੇਖਣੀਆਂ ਚਾਹੀਦੀਆਂ ਹਨ

‘ਬ੍ਰਾਂਡ ਨਿਊ ਡੇ’ ਦੀ ਬਲਾਕਬਸਟਰ ਸਫਲਤਾ ਤੋਂ ਬਾਅਦ ‘Spider-Man 5’ ਦੀ ਤਿਆਰੀ? ਜਾਣੋ ਟੌਮ ਹਾਲੈਂਡ ਨੇ ਕੀ ਦਿੱਤਾ ਸੰਕੇਤ

Sunil Grover Birthday: ਮਹੀਨੇ ਦੀ ਤਨਖਾਹ ਸੀ 500 ਰੁਪਏ, ਹਰਿਆਣਾ ਦਾ ਮੁੰਡਾ ਕਿਵੇਂ ਬਣਿਆ ਮਸ਼ਹੂਰ ਐਕਟਰ-ਕਾਮੇਡੀਅਨ?

Sawan 2026: ਬਨਾਰਸੀ ਤੋਂ ਲੈ ਕੇ ਆਰਗੈਂਜ਼ਾ ਤੱਕ… ਬਾਲੀਵੁੱਡ ਹਸੀਨਾਂ ਦੇ ਇਹ ਗ੍ਰੀਨ ਸਾੜ੍ਹੀ ਲੁੱਕਸ, ਰੀਕ੍ਰਿਏਟ ਕਰਨਾ ਬੇਹੱਦ ਆਸਾਨ