CM ਰਹਿੰਦਿਆ PM ਮੋਦੀ ਤੋਂ ਮਿਲੀ ਦੇਸ਼ ਲਈ ਸਤਰੰਜ ਖੇਡਣ ਦੀ ਪ੍ਰੇਰਨਾ… ਗੋਲਡ ਮੈਡਲਿਸਟ ਵੰਤਿਕਾ ਅਗਰਵਾਲ ਨੇ ਸਾਂਝੀਆਂ ਕੀਤੀਆਂ ਯਾਦਾਂ
ਬੁਡਾਪੇਸਟ 'ਚ 45ਵੇਂ ਸ਼ਤਰੰਜ ਓਲੰਪੀਆਡ 'ਚ ਸੋਨ ਤਮਗਾ ਜਿੱਤਣ ਵਾਲੀ ਮਹਿਲਾ ਟੀਮ 'ਚ ਗੁਜਰਾਤ ਦੀ ਵੰਤਿਕਾ ਅਗਰਵਾਲ ਵੀ ਸ਼ਾਮਲ ਹੈ। ਵੰਤਿਕਾ ਨੇ ਇਸ ਇਤਿਹਾਸਕ ਜਿੱਤ ਦਾ ਸਿਹਰਾ ਪੀਐਮ ਮੋਦੀ ਤੋਂ ਮਿਲੀ ਪ੍ਰੇਰਨਾ ਨੂੰ ਦਿੱਤਾ ਹੈ। ਜਦੋਂ ਵੰਤਿਕਾ 9 ਸਾਲ ਦੀ ਸੀ ਤਾਂ ਗੁਜਰਾਤ ਦੇ ਮੁੱਖ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਤਰੰਜ ਦੇ ਇੱਕ ਪ੍ਰੋਗਰਾਮ ਦੌਰਾਨ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਸੀ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਬੁੱਧਵਾਰ ਨੂੰ ਭਾਰਤ ਦੇ ਸ਼ਤਰੰਜ ਓਲੰਪੀਆਡ ਸੋਨ ਤਮਗਾ ਜੇਤੂਆਂ ਨਾਲ ਮੁਲਾਕਾਤ ਕੀਤੀ। ਇਨ੍ਹਾਂ ਵਿੱਚ ਮਹਿਲਾ ਗ੍ਰੈਂਡਮਾਸਟਰ ਵੰਤਿਕਾ ਅਗਰਵਾਲ ਵੀ ਮੌਜੂਦ ਸਨ। ਵੰਤਿਕਾ ਨੇ ਪੀਐਮ ਨੂੰ ਮਿਲਣ ਤੋਂ ਬਾਅਦ ਆਪਣੀ ਖੁਸ਼ੀ ਜ਼ਾਹਰ ਕੀਤੀ ਅਤੇ ਸੋਸ਼ਲ ਮੀਡੀਆ ‘ਤੇ ਵੀਡੀਓ ਦੇ ਨਾਲ ਇੱਕ ਪੁਰਾਣੀ ਤਸਵੀਰ ਵੀ ਸਾਂਝੀ ਕੀਤੀ। ਉਸ ਸਮੇਂ ਵੰਤਿਕਾ ਸਿਰਫ਼ ਨੌਂ ਸਾਲ ਦੀ ਸੀ ਅਤੇ ਨਰਿੰਦਰ ਮੋਦੀ ਗੁਜਰਾਤ ਦੇ ਮੁੱਖ ਮੰਤਰੀ ਸਨ। ਵੰਤਿਕਾ ਨੇ 3,500 ਮਹਿਲਾ ਖਿਡਾਰੀਆਂ ਦੇ ਨਾਲ ਸਵਾਮੀ ਵਿਵੇਕਾਨੰਦ ਮਹਿਲਾ ਸ਼ਤਰੰਜ ਫੈਸਟੀਵਲ ਵਿੱਚ ਹਿੱਸਾ ਲਿਆ ਸੀ।
ਘਟਨਾ ਸਾਲ 2012 ਦੀ ਹੈ। ਵੰਤਿਕਾ ਅਗਰਵਾਲ ਨੇ ਆਪਣੇ ਵੀਡੀਓ ਵਿੱਚ ਕਿਹਾ ਕਿ ਮੋਦੀ ਜੀ ਨੂੰ ਮਿਲਣ ਤੋਂ ਬਾਅਦ ਉਨ੍ਹਾਂ ਨੂੰ ਦੇਸ਼ ਲਈ ਸ਼ਤਰੰਜ ਖੇਡਣ ਦੀ ਪ੍ਰੇਰਨਾ ਮਿਲੀ। ਵੰਤਿਕਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਉਦੋਂ ਕਿਹਾ ਸੀ ਕਿ ਸ਼ਤਰੰਜ ਸਿਰਫ਼ ਆਦਮੀ ਦੀ ਖੇਡ ਨਹੀਂ ਹੈ। ਵੰਤਿਕਾ ਨੇ ਕਿਹਾ ਕਿ ਉਨ੍ਹਾਂ ਦੇ ਹੌਸਲੇ ਨੇ ਉਨ੍ਹਾਂ ਨੂੰ ਅੱਜ ਭਾਰਤ ਲਈ ਹੋਰ ਤਗਮੇ ਜਿੱਤਣ ਲਈ ਪ੍ਰੇਰਿਤ ਕੀਤਾ ਹੈ।
Chess is not just a mans game, declared Gujarat’s Chief Minister @narendramodi in 2012, igniting the spirit of 3,500 women at the Swami Vivekananda Mahila Chess Mahotsav.
Among them was 9-year-old Vantika Agrawal, who met him that day and left deeply inspired.
Today, Vantika pic.twitter.com/17TAyKFjRZ
ਇਹ ਵੀ ਪੜ੍ਹੋ
— Modi Archive (@modiarchive) September 26, 2024
ਵੰਤਿਕਾ ਅਗਰਵਾਲ ਨੇ ਪੀਐਮ ਮੋਦੀ ਦੁਆਰਾ ਸਨਮਾਨਿਤ ਕੀਤੇ ਜਾਣ ਦੀ ਇਹ ਤਸਵੀਰ ਸਾਂਝੀ ਕੀਤੀ। ਵੰਤਿਕਾ ਨੇ ਹੈਰਾਨੀ ਜਤਾਈ ਕਿ ਪੀਐਮ ਮੋਦੀ ਨੂੰ ਉਨ੍ਹਾਂ ਦਾ ਜਨਮਦਿਨ ਵੀ ਯਾਦ ਹੈ। ਅੱਜ ਵੰਤਿਕਾ ਕੋਲ ਭਾਰਤ ਲਈ ਵੂਮੈਨ ਗ੍ਰੈਂਡਮਾਸਟਰ ਅਤੇ ਇੰਟਰਨੈਸ਼ਨਲ ਮਾਸਟਰ ਦਾ FIDE ਖਿਤਾਬ ਹੈ। ਹਾਲ ਹੀ ਵਿੱਚ ਵੰਤਿਕਾ ਨੇ ਬੁਡਾਪੇਸਟ ਵਿੱਚ 45ਵੇਂ ਸ਼ਤਰੰਜ ਓਲੰਪੀਆਡ ਵਿੱਚ ਇਤਿਹਾਸਕ ਸੋਨ ਤਗ਼ਮਾ ਜਿੱਤਿਆ ਹੈ।
