Live Updates: CM ਯੋਗੀ ਦਾ ਮ੍ਰਿਤਕਾਂ ਦੇ ਪਰਿਵਾਰਕ ਮੈਂਬਰਾਂ ਲਈ ਐਲਾਨ, 25 ਲੱਖ ਮਿਲੇਗਾ ਮੁਆਵਜਾ

ਮਹਾਂਕੁੰਭ ​​ਵਿੱਚ ਭੀੜ ਨੂੰ ਰੋਕਣ ਲਈ, ਪ੍ਰਸ਼ਾਸਨ ਨੇ ਪ੍ਰਯਾਗਰਾਜ ਦੇ ਸਰਹੱਦੀ ਜ਼ਿਲ੍ਹਿਆਂ ਵਿੱਚ ਬੈਰੀਅਰ ਲਗਾਏ ਹਨ। ਲਗਭਗ 100-125 ਕਿਲੋਮੀਟਰ ਪਹਿਲਾਂ ਲਗਾਏ ਗਏ ਇਨ੍ਹਾਂ ਬੈਰੀਅਰਾਂ ਤੋਂ ਵਾਹਨਾਂ ਨੂੰ ਅੱਗੇ ਵਧਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਰਹੀ ਹੈ। ਇਸ ਕਾਰਨ ਸਾਰੇ ਬੈਰੀਅਰਾਂ ‘ਤੇ 15 ਤੋਂ 20 ਕਿਲੋਮੀਟਰ ਲੰਬਾ ਜਾਮ ਹੈ।

ਨਵੇਂ ਸਾਲ ਤੋਂ ਬਾਅਦ ਪਹਿਲੀ ਕੈਬਨਿਟ ਮੀਟਿੰਗ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਪ੍ਰਧਾਨਗੀ ਹੇਠ ਹੋਣ ਜਾ ਰਹੀ ਹੈ। ਇਸਦਾ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ। ਇਹ ਮੀਟਿੰਗ 6 ਫਰਵਰੀ ਨੂੰ ਸਵੇਰੇ 11 ਵਜੇ ਚੰਡੀਗੜ੍ਹ ਸਥਿਤ ਪੰਜਾਬ ਸਿਵਲ ਸਕੱਤਰੇਤ ਵਿਖੇ ਸ਼ੁਰੂ ਹੋਵੇਗੀ।

ਮਹਾਕੁੰਭ ਵਿੱਚ ਭਗਦੜ ਨੂੰ ਲੈ ਕੇ ਸੀਐਮ ਯੋਗੀ ਨੇ ਅਧਿਕਾਰਤ ਬਿਆਨ ਦਿੱਤਾ ਹੈ। ਮੁੱਖ ਮੰਤਰੀ ਨੇ ਕਿਹਾ ਅਫਵਾਹਾਂ ‘ਤੇ ਧਿਆਨ ਨਾ ਦਿਓ, ਸਬਰ ਨਾਲ ਕੰਮ ਕਰੋ। CM ਨੇ ਆਪਣੇ ਨੇੜੇ ਦੇ ਘਾਟ ‘ਤੇ ਇਸ਼ਨਾਨ ਕਰਨ ਨੂੰ ਵੀ ਕਿਹਾ। ਸੰਗਮ ਵਿੱਚ ਜਾਣ ਦੀ ਕੋਸ਼ਿਸ਼ ਨਾ ਕਰੋ।

ਰੇਲਵੇ ਨੇ ਅੱਜ ਪ੍ਰਯਾਗਰਾਜ ਖੇਤਰ ਦੇ ਵੱਖ-ਵੱਖ ਸਟੇਸ਼ਨਾਂ ਤੋਂ 360 ਤੋਂ ਵੱਧ ਟਰੇਨਾਂ ਚਲਾਉਣ ਦੀ ਯੋਜਨਾ ਬਣਾਈ ਹੈ। ਰੇਲ ਮੰਤਰਾਲੇ ਨੇ ਜਾਣਕਾਰੀ ਦਿੰਦਿਆ ਕਿਹਾ ਕਿ ਫਿਲਹਾਲ ਕਿਸੇ ਵਿਸ਼ੇਸ਼ ਰੇਲਗੱਡੀ ਨੂੰ ਰੱਦ ਕਰਨ ਦੀ ਕੋਈ ਯੋਜਨਾ ਨਹੀਂ ਹੈ।

ਸੀਐਮ ਯੋਗੀ ਨੇ ਅਖਾੜਿਆਂ ਦੇ ਸੰਤਾਂ ਨਾਲ ਗੱਲਬਾਤ ਕੀਤੀ। ਇਸ ਤੋਂ ਬਾਅਦ ਅਖਾੜਿਆਂ ਵਿੱਚ ਇਸ਼ਨਾਨ ਕਰਵਾਉਣ ਲਈ ਸਹਿਮਤੀ ਬਣ ਗਈ। 11 ਵਜੇ ਤੋਂ ਬਾਅਦ ਅਖਾੜਿਆਂ ਦੇ ਸੰਤ ਕ੍ਰਮਵਾਰ ਇਸ਼ਨਾਨ ਲਈ ਜਾਣਗੇ।

ਮਹਾਕੁੰਭ ‘ਚ ਭਗਦੜ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਹੁਣ 20 ਮੌਤਾਂ ਦਾ ਖਦਸ਼ਾ ਹੈ। ਹਾਲਾਂਕਿ ਇਸ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।

ਮਹਾਕੁੰਭ ‘ਚ ਮਚੀ ਭਗਦੜ ਕਾਰਨ 17 ਮੌਤਾਂ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਇਸ ਦੀ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ। ਇਸ ਦੇ ਨਾਲ ਹੀ ਬਚਾਅ ‘ਚ ਲੱਗੀ ਐਂਬੂਲੈਂਸ ਨੂੰ ਅੱਗ ਲੱਗ ਗਈ।

ਮਹਾਕੁੰਭ 2025 ਵਿੱਚ ਅੱਜ ਅੰਮ੍ਰਿਤ ਇਸ਼ਨਾਨ ਹੋਣਾ ਸੀ ਪਰ ਭੀੜ ਵਧਣ ਕਾਰਨ ਭਗਦੜ ਮੱਚ ਗਈ। ਜਿਸ ਤੋਂ ਬਾਅਦ 10 ਤੋਂ ਵੱਧ ਲੋਕਾਂ ਦੀ ਮੌਤ ਦਾ ਖਦਸ਼ਾ ਹੈ। ਅੰਮ੍ਰਿਤ ਇਸ਼ਨਾਨ ਰੱਦ ਕਰ ਦਿੱਤਾ ਗਿਆ ਹੈ।