ਦੁਸ਼ਯੰਤ ਦੇ ਦਾਅ ‘ਤੇ ਕਾਂਗਰਸ ਐਕਟਿਵ, ਨਾਇਬ ਸਰਕਾਰ ਨੇ ਫਲੋਰ ਟੈਸਟ ਲਈ ਰਾਜਪਾਲ ਤੋਂ ਮੰਗਿਆ ਸਮਾਂ

ਹਰਿਆਣਾ ਵਿੱਚ ਸਿਆਸੀ ਉਥਲ-ਪੁਥਲ ਦਰਮਿਆਨ ਕਾਂਗਰਸ ਵਿਧਾਇਕ ਦਲ ਦੇ ਉਪ ਨੇਤਾ ਆਫਤਾਬ ਅਹਿਮਦ ਨੇ ਰਾਜਪਾਲ ਬੰਡਾਰੂ ਦੱਤਾਰੇਆ ਨਾਲ ਮੁਲਾਕਾਤ ਦੀ ਮੰਗ ਕੀਤੀ ਹੈ। ਹਰਿਆਣਾ ਕਾਂਗਰਸ ਨਾਇਬ ਸਿੰਘ ਦੀ ਸਰਕਾਰ ਨੂੰ ਗਿਰਾਉਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ। ਆਫਤਾਬ ਰਾਜਪਾਲ ਨੂੰ ਮਿਲ ਕੇ ਹਰਿਆਣਾ ਦੀ ਭਾਜਪਾ ਸਰਕਾਰ ਤੋਂ ਫਲੋਰ ਟੈਸਟ ਪਾਸ ਕਰਨ ਦੀ ਮੰਗ ਕਰਨਗੇ। ਹਾਲਾਂਕਿ ਇਸ ਮਾਮਲੇ ਵਿੱਚ ਹਰਿਆਣਾ ਰਾਜ ਭਵਨ ਤੋਂ ਅਜੇ ਤੱਕ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਹੋਈ ਹੈ।

ਦੱਸ ਦੇਈਏ ਕਿ ਤਿੰਨ ਆਜ਼ਾਦ ਵਿਧਾਇਕਾਂ ਨੇ ਆਪਣਾ ਸਮਰਥਨ ਵਾਪਸ ਲੈ ਲਿਆ ਹੈ। ਹੁਣ ਭਾਰਤੀ ਜਨਤਾ ਪਾਰਟੀ ਦੇ ਸਾਬਕਾ ਸਹਿਯੋਗੀ ਜੇਜੇਪੀ ਨੇਤਾ ਦੁਸ਼ਯੰਤ ਚੌਟਾਲਾ ਨੇ ਵੱਡਾ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਹੈ ਕਿ ਅਸੀਂ ਸਰਕਾਰ ਨੂੰ ਗਿਰਾਉਣ ਲਈ ਬਾਹਰੋਂ ਸਮਰਥਨ ਦੇਵਾਂਗੇ ਪਰ ਅਜਿਹਾ ਕਰਨ ਲਈ ਕਾਂਗਰਸ ਨੂੰ ਸਭ ਤੋਂ ਅੱਗੇ ਹੋਣਾ ਪਵੇਗਾ।

ਦੁਸ਼ਯੰਤ ਚੌਟਾਲਾ ਨੇ ਕੀ ਕਿਹਾ?

ਦੁਸ਼ਯੰਤ ਚੌਟਾਲਾ ਨੇ ਕਿਹਾ ਹੈ ਕਿ ਜੇਕਰ ਭਾਜਪਾ ਸਰਕਾਰ ਘੱਟ ਗਿਣਤੀ ‘ਚ ਹੋਵੇਗੀ ਤਾਂ ਅਸੀਂ ਬਾਹਰੋਂ ਸਮਰਥਨ ਦੇਵਾਂਗੇ। ਹੁਣ ਕਾਂਗਰਸ ਨੇ ਸੋਚਣਾ ਹੈ ਕਿ ਉਹ ਸਰਕਾਰ ਨੂੰ ਡੇਗਣ ਲਈ ਕੋਈ ਕਦਮ ਚੁੱਕੇਗੀ ਜਾਂ ਨਹੀਂ। ਵਿਰੋਧੀ ਧਿਰ ਵਜੋਂ ਅਸੀਂ ਸਰਕਾਰ ਨੂੰ ਡੇਗਣ ਦੇ ਹੱਕ ਵਿੱਚ ਹਾਂ। ਪਰ ਹੁਣ ਕਾਂਗਰਸ ਨੂੰ ਸਰਕਾਰ ਨੂੰ ਡੇਗਣ ਲਈ ਅੱਗੇ ਵਧਣਾ ਪਵੇਗਾ। ਜਦੋਂ ਤੱਕ ਵ੍ਹਿਪ ਕੋਲ ਤਾਕਤ ਹੈ, ਸਾਡੇ ਸਾਰੇ ਵਿਧਾਇਕਾਂ ਨੂੰ ਪਾਰਟੀ ਦੇ ਹੁਕਮਾਂ ਅਨੁਸਾਰ ਵੋਟ ਪਾਉਣੀ ਪਵੇਗੀ।

ਹਰਿਆਣਾ ਵਿਧਾਨ ਸਭਾ ਦਾ ਸਮੀਕਰਨ

90 ਸੀਟਾਂ ਵਾਲੀ ਹਰਿਆਣਾ ਵਿਧਾਨ ਸਭਾ ਵਿੱਚ ਬਹੁਮਤ ਦਾ ਅੰਕੜਾ 45 ਹੈ। ਭਾਜਪਾ ਦੇ 41 ਵਿਧਾਇਕ ਹਨ। 6 ਆਜ਼ਾਦ ਵਿਧਾਇਕਾਂ ਦਾ ਸਮਰਥਨ ਸੀ। ਇਨ੍ਹਾਂ ਵਿੱਚੋਂ ਪੁੰਡਰੀ ਸੀਟ ਤੋਂ ਰਣਧੀਰ ਗੋਲਨ, ਨੀਲੋਖੇੜੀ ਤੋਂ ਧਰਮਪਾਲ ਗੌਂਡਰ ਅਤੇ ਚਰਖੀ ਦਾਦਰੀ ਤੋਂ ਸੋਮਵੀਰ ਸਾਂਗਵਾਨ ਨੇ ਆਪਣਾ ਸਮਰਥਨ ਵਾਪਸ ਲੈ ਲਿਆ ਹੈ। ਜੇਕਰ ਇਸ ਤਰ੍ਹਾਂ ਦੇਖਿਆ ਜਾਵੇ ਤਾਂ ਹਰਿਆਣਾ ਦੀ ਸੈਣੀ ਸਰਕਾਰ ਕੋਲ ਇਸ ਵੇਲੇ ਸਿਰਫ਼ 44 ਵਿਧਾਇਕ ਬਚੇ ਹਨ।

ਇਹ ਵੀ ਪੜ੍ਹੋ

ਬੰਗਲਾਦੇਸ਼ ਤੋਂ ਇੰਝ ਇੰਡੀਆ ਵਿੱਚ ਆਉਂਦੇ ਨੇ ਲੋਕ, ਵੀਡੀਓ ਦੇਖ ਰਹਿ ਜਾਓਗੇ ਹੈਰਾਨ

ਮੈਨੂੰ ਬੋਲਣ ਨਹੀਂ ਦਿੱਤਾ ਗਿਆ... ਨੀਤੀ ਆਯੋਗ ਦੀ ਮੀਟਿੰਗ ਦਾ ਵਾਕਆਊਟ ਕਰ ਗਈ ਮਮਤਾ

ਆ ਗਿਆ ਨਵੀ ਮੈਰਿਟ ਲਿਸਟ, ਜਾਣੋਂ ਕਿਸ ਕਿਸ ਨੇ ਕੀਤਾ ਟੌਪ

ਜੇਜੇਪੀ ਵਿੱਚ ਵੀ ਸਭ ਠੀਕ ਨਹੀਂ ਹੈ!

ਦੱਸਿਆ ਜਾ ਰਿਹਾ ਹੈ ਕਿ ਜਨਨਾਇਕ ਜਨਤਾ ਪਾਰਟੀ (ਜੇਜੇਪੀ) ਦੇ 10 ‘ਚੋਂ 7 ਵਿਧਾਇਕ ਆਪਣੀ ਪਾਰਟੀ ਤੋਂ ਨਾਰਾਜ਼ ਹਨ। ਅੰਦਰਖਾਤੇ ਭਾਜਪਾ ਦੇ ਸੰਪਰਕ ਵਿੱਚ ਦੱਸੇ ਜਾ ਰਹੇ ਹਨ। ਇਹ ਵਿਧਾਇਕ ਫਲੋਰ ਟੈਸਟ ‘ਚ ਕਰਾਸ ਵੋਟਿੰਗ ਕਰਕੇ ਭਾਜਪਾ ਦਾ ਸਮਰਥਨ ਕਰ ਸਕਦੇ ਹਨ ਜਾਂ ਵੋਟਿੰਗ ਤੋਂ ਪਰਹੇਜ਼ ਕਰਕੇ ਭਾਜਪਾ ਦੀ ਮਦਦ ਕਰ ਸਕਦੇ ਹੋ।