Haryana Exit Poll Result 2024 Live Updates: ਹਰਿਆਣਾ ‘ਚ ਕਾਂਗਰਸ ਦੀ ਸਰਕਾਰ, ਚਾਰ ਐਗਜ਼ਿਟ ਪੋਲ ‘ਚ ਬੰਪਰ ਬਹੁਮਤ
Haryana Assembly Election Exit Poll Results 2024 Live Updates in Punjabi: ਹਰਿਆਣਾ 'ਚ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਖਤਮ ਹੋਣ ਤੋਂ ਬਾਅਦ ਐਗਜ਼ਿਟ ਪੋਲ ਦੇ ਅੰਦਾਜ਼ੇ ਕੁਝ ਸਮੇਂ 'ਚ ਸਾਹਮਣੇ ਆਉਣੇ ਸ਼ੁਰੂ ਹੋ ਜਾਣਗੇ। ਸੂਬੇ ਦੀਆਂ ਸਾਰੀਆਂ 90 ਸੀਟਾਂ ਲਈ ਵੋਟਿੰਗ ਸਵੇਰੇ 7 ਵਜੇ ਸ਼ੁਰੂ ਹੋ ਕੇ ਸ਼ਾਮ 6 ਵਜੇ ਤੱਕ ਜਾਰੀ ਰਹੀ। ਪੋਲ ਆਫ ਪੋਲ ਨਾਲ ਸਬੰਧਤ ਅਪਡੇਟਸ ਹੇਠਾਂ ਪੜ੍ਹੋ...
LIVE NEWS & UPDATES
-
ਧਰੁਵ ਰਿਸਰਚ ਦੇ ਐਗਜ਼ਿਟ ਪੋਲ ਦੇ ਅੰਦਾਜ਼ੇ ਵੀ ਆਏ ਸਾਹਮਣੇ
ਧਰੁਵ ਰਿਸਰਚ ਦੇ ਐਗਜ਼ਿਟ ਪੋਲ ਅਨੁਸਾਰ ਹਰਿਆਣਾ ਵਿੱਚ ਭਾਜਪਾ ਨੂੰ 22-32, ਕਾਂਗਰਸ ਨੂੰ 50-64, ਜੇਜੇਪੀ, ਇਨੈਲੋ ਅਤੇ ਆਪ ਨੂੰ 0-0-0 ਜਦਕਿ ਹੋਰਨਾਂ ਨੂੰ 2-8 ਸੀਟਾਂ ਮਿਲ ਸਕਦੀਆਂ ਹਨ।
-
ਪੀਪਲਜ਼ ਪਲਸ ਐਗਜ਼ਿਟ ਪੋਲ ‘ਚ ਵੀ ਕਾਂਗਰਸ ਦੀ ਜਿੱਤ
ਪੀਪਲਜ਼ ਪਲਸ ਦੇ ਐਗਜ਼ਿਟ ਪੋਲ ਮੁਤਾਬਕ ਹਰਿਆਣਾ ਵਿੱਚ ਭਾਜਪਾ ਨੂੰ 20-32, ਕਾਂਗਰਸ ਨੂੰ 46-61, ਜੇਜੇਪੀ ਨੂੰ 0-1, ਇਨੈਲੋ ਨੂੰ 2-3 ਅਤੇ ਹੋਰਨਾਂ ਨੂੰ 3-5 ਸੀਟਾਂ ਮਿਲਣ ਦੀ ਸੰਭਾਵਨਾ ਹੈ।
-
ਮੈਟਰਿਸ ਐਗਜ਼ਿਟ ਪੋਲ ‘ਚ ਕਾਂਗਰਸ ਦੀ ਬੰਪਰ ਜਿੱਤ
ਮੈਟਰੀਜ਼ ਐਗਜ਼ਿਟ ਪੋਲ ਮੁਤਾਬਕ ਹਰਿਆਣਾ ਵਿੱਚ ਕਾਂਗਰਸ ਨੂੰ 55-62 ਅਤੇ ਭਾਜਪਾ ਨੂੰ 28-24 ਸੀਟਾਂ ਮਿਲਣ ਦੀ ਉਮੀਦ ਹੈ।
-
ਭਾਸਕਰ ਰਿਪੋਰਟਰਜ਼ ਦਾ ਐਗਜ਼ਿਟ ਪੋਲ ਆਇਆ ਸਾਹਮਣੇ
ਭਾਸਕਰ ਰਿਪੋਰਟਰਜ਼ ਪੋਲ ਦੇ ਅਨੁਮਾਨ ਮੁਤਾਬਕ ਹਰਿਆਣਾ ਵਿੱਚ ਕਾਂਗਰਸ ਦੀ ਸਰਕਾਰ ਆ ਸਕਦੀ ਹੈ। ਸਰਵੇ ‘ਚ ਕਾਂਗਰਸ ਨੂੰ 44-54 ਸੀਟਾਂ ਮਿਲਣ ਦੀ ਉਮੀਦ ਹੈ। ਇਸ ਦੇ ਨਾਲ ਹੀ ਸੱਤਾਧਾਰੀ ਭਾਜਪਾ ਨੂੰ 19-12 ਸੀਟਾਂ ਨਾਲ ਸੰਤੁਸ਼ਟ ਹੋਣਾ ਪੈ ਸਕਦਾ ਹੈ। ਇਨੈਲੋ ਅਤੇ ਬਸਪਾ ਨੂੰ 1-5 ਸੀਟਾਂ ਮਿਲ ਸਕਦੀਆਂ ਹਨ ਅਤੇ ਜੇਜੇਪੀ ਅਤੇ ਏਐਸਪੀ ਨੂੰ 0-1 ਸੀਟ ਮਿਲ ਸਕਦੀ ਹੈ। ਹਰਿਆਣਾ ਵਿੱਚ ਕੁੱਲ 90 ਵਿਧਾਨ ਸਭਾ ਸੀਟਾਂ ਹਨ।
ਹਰਿਆਣਾ ਦੀਆਂ 90 ਵਿਧਾਨ ਸਭਾ ਸੀਟਾਂ ‘ਤੇ ਵੋਟਿੰਗ ਖਤਮ ਹੋ ਗਈ ਹੈ। ਸੂਬੇ ਦੀਆਂ ਸਾਰੀਆਂ ਸੀਟਾਂ ‘ਤੇ ਇੱਕੋ ਪੜਾਅ ‘ਚ ਵੋਟਿੰਗ ਹੋਈ। ਵੋਟਿੰਗ ਖਤਮ ਹੋਣ ਨਾਲ ਸੂਬੇ ਦੇ 1031 ਉਮੀਦਵਾਰਾਂ ਦੀ ਕਿਸਮਤ ਹੁਣ ਈ.ਵੀ.ਐਮਜ਼ ਵਿੱਚ ਕੈਦ ਹੋ ਗਈ ਹੈ। ਚੋਣ ਕਮਿਸ਼ਨ ਤੋਂ ਪ੍ਰਾਪਤ ਜਾਣਕਾਰੀ ਮੁਤਾਬਕ ਹਰਿਆਣਾ ਵਿੱਚ ਸ਼ਾਮ 5 ਵਜੇ ਤੱਕ 61 ਫੀਸਦੀ ਵੋਟਾਂ ਪਈਆਂ। ਹਾਲਾਂਕਿ ਵੋਟਿੰਗ ਦੇ ਅੰਤਿਮ ਅੰਕੜੇ ਆਉਣੇ ਅਜੇ ਬਾਕੀ ਹਨ। ਇਸ ਵਾਰ ਚੋਣਾਂ ਵਿੱਚ ਮੁੱਖ ਮੁਕਾਬਲਾ ਭਾਜਪਾ, ਕਾਂਗਰਸ, ਜੇਜੇਪੀ ਅਤੇ ਇਨੈਲੋ ਵਿਚਾਲੇ ਹੈ। ਭਾਜਪਾ ਅਤੇ ਕਾਂਗਰਸ ਨੇ 90 ‘ਚੋਂ 89 ਸੀਟਾਂ ‘ਤੇ ਆਪਣੇ ਉਮੀਦਵਾਰ ਖੜ੍ਹੇ ਕੀਤੇ ਹਨ।
ਭਾਜਪਾ ਇਸ ਚੋਣ ਵਿੱਚ ਹੈਟ੍ਰਿਕ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਦੂਜੇ ਪਾਸੇ ਵਿਰੋਧੀ ਧਿਰ ਕਾਂਗਰਸ ਪਾਰਟੀ ਆਪਣੇ 10 ਸਾਲਾਂ ਦੇ ਸੋਕੇ ਨੂੰ ਖਤਮ ਕਰਨ ਲਈ ਸਿਆਸੀ ਚਾਲਾਂ ਖੇਡਦੀ ਨਜ਼ਰ ਆ ਰਹੀ ਹੈ। ਸੀਐਮ ਨਾਇਬ ਸੈਣੀ ਦੇ ਨਾਲ-ਨਾਲ ਕਾਂਗਰਸ ਨੇਤਾ ਭੂਪੇਂਦਰ ਹੁੱਡਾ, ਵਿਨੇਸ਼ ਫੋਗਾਟ, ਅਨਿਲ ਵਿੱਜ ਸਮੇਤ ਕਈ ਸੀਨੀਅਰ ਨੇਤਾਵਾਂ ਦੀ ਕਿਸਮਤ ਚੋਣਾਂ ‘ਚ ਦਾਅ ‘ਤੇ ਲੱਗੀ ਹੋਈ ਹੈ। ਵੋਟਿੰਗ ਦੇ ਅੰਤਿਮ ਨਤੀਜੇ 8 ਅਕਤੂਬਰ ਨੂੰ ਸਾਹਮਣੇ ਆਉਣਗੇ ਪਰ ਇਸ ਤੋਂ ਪਹਿਲਾਂ ਐਗਜ਼ਿਟ ਪੋਲ ਦੇ ਅੰਦਾਜ਼ੇ ਸਾਹਮਣੇ ਆ ਗਏ ਹਨ। ਹੇਠਾਂ ਪੜ੍ਹੋ ਕਿਸ ਪਾਰਟੀ ਕੋਲ ਬਹੁਮਤ ਹੋ ਸਕਦਾ ਹੈ ਅਤੇ ਕਿਸ ਪਾਰਟੀ ਨੂੰ ਐਗਜ਼ਿਟ ਪੋਲ ਵਿੱਚ ਨੁਕਸਾਨ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਹੇਠਾਂ ਪੜ੍ਹੋ ਹਰਿਆਣਾ ਐਗਜ਼ਿਟ ਪੋਲ ਨਾਲ ਸਬੰਧਤ ਵੱਡੇ ਅਪਡੇਟਸ
