Galgotias University Robot: ਰੋਬੋਟ ਵਿਵਾਦ ਤੋਂ ਬਾਅਦ Galgotias University ‘ਤੇ ਐਕਸ਼ਨ, AI ਸਮਿਟ ਤੋਂ ਕੀਤਾ ਗਿਆ ਬਾਹਰ
Galgotias University ਵੱਲੋਂ ਇਹ ਸਪੱਸ਼ਟੀਕਰਨ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਆਇਆ ਹੈ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਯੂਨੀਵਰਸਿਟੀ ਨੇ Unity Go2, ਜੋ ਇੱਕ AI-ਪਾਵਰਡ ਚੀਨੀ ਰੋਬੋਡੌਗ, ਜਿਸਨੂੰ ਔਨਲਾਈਨ ਲਗਭਗ 2-3 ਲੱਖ ਰੁਪਏ ਵਿੱਚ ਵੇਚਿਆ ਜਾ ਰਿਹਾ ਹੈ ਨੂੰ ਸਮਿਟ ਵਿੱਚ ਓਰੀਅਨ ਨਾਮ ਹੇਠ ਸ਼ੋਕੇਸ ਕੀਤਾ।
Galgotias University ਤੇ ਐਕਸ਼ਨ
ਰਾਜਧਾਨੀ ਦਿੱਲੀ ਵਿੱਚ ਇੰਡੀਆ AI ਇਮਪੈਕਟ ਸੰਮੇਲਨ 2026 ਵਿੱਚ ਇੱਕ ਚੀਨੀ ਰੋਬੋਟਿਕ ਡੌਗ ਨੂੰ ਆਪਣਾ ਦੱਸ ਅਤੇ ਸ਼ੋਕੇਸ ਕਰਨ ਨੂੰ ਲੈ ਕੇ ਵਿਵਾਦਾ ਵਿੱਚ Galgotias University ਵਿਰੁੱਧ ਕਾਰਵਾਈ ਕੀਤੀ ਗਈ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਸੰਮੇਲਨ ਦੌਰਾਨ ਚੀਨੀ ਰੋਬੋਟ ਨੂੰ ਆਪਣਾ ਹੋਣ ਦਾ ਦਾਅਵਾ ਕਰਨ ਕਾਰਨ ਪੈਦਾ ਹੋਏ ਵਿਵਾਦ ਤੋਂ ਬਾਅਦ Galgotias University ਨੂੰ AI ਸੰਮੇਲਨ ਤੋਂ ਕੱਢ ਦਿੱਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ Galgotias University ਦੇ ਸਟਾਲ ਤੋਂ ਸਾਰੇ ਉਪਕਰਣ ਹਟਾ ਦਿੱਤੇ ਗਏ ਹਨ। Galgotias University ਦੀ ਡਾ. ਐਸ਼ਵਰਿਆ ਸ਼੍ਰੀਵਾਸਤਵ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜੇ ਤੱਕ ਸੰਮੇਲਨ ਛੱਡਣ ਲਈ ਕੁਝ ਨਹੀਂ ਕਿਹਾ ਗਿਆ ਹੈ।
IT ਮੰਤਰਾਲੇ ਦੇ ਅਧਿਕਾਰੀਆਂ ਦੇ ਅਨੁਸਾਰ, Galgotias University ਨੂੰ ਇੰਡੀਆ AI ਇੰਪੈਕਟ ਸੰਮੇਲਨ ਵਿੱਚ ਆਪਣਾ ਕਾਊਂਟਰ ਖਾਲੀ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ। ਉਨ੍ਹਾਂ ਨੂੰ ਹੁਣ ਏਆਈ ਸੰਮੇਲਨ ਛੱਡਣਾ ਪਵੇਗਾ। ਮੰਤਰਾਲੇ ਦੀ ਕਾਰਵਾਈ ਤੋਂ ਬਾਅਦ, ਯੂਨੀਵਰਸਿਟੀ ਦੇ ਸਟਾਲ ਤੋਂ ਸਾਰੇ ਉਪਕਰਣ ਹਟਾ ਦਿੱਤੇ ਗਏ ਹਨ, ਜਿਸ ਵਿੱਚ ਉਹ ਨਵੀਨਤਾ ਉਪਕਰਣ ਵੀ ਸ਼ਾਮਲ ਹੈ ਜਿਸਦਾ ਉਹ ਪ੍ਰਚਾਰ ਕਰ ਰਿਹਾ ਸੀ।
ਵਿਵਾਦ ‘ਤੇ ਰਾਹੁਲ ਗਾਂਧੀ ਦਾ ਤੰਜ
ਇਸ ਵਿਵਾਦ ‘ਤੇ ਨਿਸ਼ਾਨਾ ਸਾਧਦੇ ਹੋਏ, ਲੋਕ ਸਭਾ ਵਿੱਚ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਕਿਹਾ, “ਭਾਰਤ ਦੀ ਪ੍ਰਤਿਭਾ ਅਤੇ ਡੇਟਾ ਦਾ ਲਾਭ ਉਠਾਉਣ ਦੀ ਬਜਾਏ, ਏਆਈ ਸੰਮੇਲਨ ਇੱਕ ਅਰਾਜਕ ਪੀਆਰ ਤਮਾਸ਼ਾ ਹੈ, ਭਾਰਤੀ ਡੇਟਾ ਵੇਚ ਰਿਹਾ ਹੈ ਅਤੇ ਚੀਨੀ ਉਤਪਾਦਾਂ ਦਾ ਪ੍ਰਦਰਸ਼ਨ ਕਰ ਰਿਹਾ ਹੈ।”
ਪੂਰੇ ਵਿਵਾਦ ਬਾਰੇ, ਪ੍ਰੋਫੈਸਰ ਨੇਹਾ ਸਿੰਘ ਨੇ ਕਿਹਾ, “ਤੁਸੀਂ ਜਾਣਦੇ ਹੋ ਕਿ ਸੋਸ਼ਲ ਮੀਡੀਆ ‘ਤੇ ਚੀਜ਼ਾਂ ਕਿਵੇਂ ਫੈਲਦੀਆਂ ਹਨ। ਬਹੁਤ ਸਾਰੀਆਂ ਚੀਜ਼ਾਂ ਵਾਇਰਲ ਹੋ ਗਈਆਂ ਹਨ, ਪਰ ਮੈਂ ਉਨ੍ਹਾਂ ‘ਤੇ ਟਿੱਪਣੀ ਨਹੀਂ ਕਰਨਾ ਚਾਹੁੰਦੀ। ਮੈਂ ਆਪਣੀ ਤਰਫੋਂ ਅਤੇ ਸੰਸਥਾ ਦੀ ਤਰਫੋਂ ਬੋਲਣਾ ਚਾਹੁੰਦੀ ਹਾਂ ਕਿ ਅਸੀਂ ਇੱਕ ਜ਼ਿੰਮੇਵਾਰ ਯੂਨੀਵਰਸਿਟੀ ਹਾਂ। ਅਸੀਂ ਗੁਣਵੱਤਾ ਵਾਲੀ ਸਿੱਖਿਆ ਦੇ ਮੁੱਲਾਂ ਦੀ ਗੱਲ ਕਰਦੇ ਹਾਂ। ਅਸੀਂ ਕਦੇ ਵੀ ਕਿਤੇ ਵੀ ਦਾਅਵਾ ਨਹੀਂ ਕੀਤਾ ਹੈ ਕਿ ਅਸੀਂ ਇਸ ਉਪਕਰਣ ਦਾ ਨਿਰਮਾਣ ਕੀਤਾ ਹੈ।”
ਛੱਡਣ ਦੇ ਕੋਈ ਆਦੇਸ਼ ਨਹੀਂ: ਯੂਨੀਵਰਸਿਟੀ
ਹਾਲਾਂਕਿ, ਗਲਗੋਟੀਆਸ ਯੂਨੀਵਰਸਿਟੀ ਦੀ ਡਾ. ਐਸ਼ਵਰਿਆ ਸ਼੍ਰੀਵਾਸਤਵ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨੂੰ ਅਜੇ ਤੱਕ ਸਮਿਟ ਛੱਡਣ ਲਈ ਨਹੀਂ ਕਿਹਾ ਗਿਆ ਹੈ। ਉਨ੍ਹਾਂ ਨੂੰ ਪ੍ਰਦਰਸ਼ਨੀ ਖਾਲੀ ਕਰਨ ਦਾ ਕੋਈ ਆਦੇਸ਼ ਨਹੀਂ ਮਿਲਿਆ ਹੈ। ਉਹ ਅਗਲੇ ਦੋ ਦਿਨਾਂ ਤੱਕ ਪ੍ਰਦਰਸ਼ਨੀ ਵਿੱਚ ਬਣੇ ਰਹਿਣਗੇ।
ਇਹ ਵੀ ਪੜ੍ਹੋ
ਚੀਨੀ ਰੋਬੋਟਿਕਸ ਨੂੰ ਲੈ ਕੇ ਵਿਵਾਦਾਂ ਵਿੱਚ ਘਿਰੀ ਗਲਗੋਟੀਆਸ ਯੂਨੀਵਰਸਿਟੀ ਨੇ ਵੀ ਇਸ ਮਾਮਲੇ ‘ਤੇ ਸਪੱਸ਼ਟੀਕਰਨ ਜਾਰੀ ਕੀਤਾ ਹੈ। ਯੂਨੀਵਰਸਿਟੀ ਨੇ ਕਿਹਾ ਕਿ ਉਸਨੇ ਕਦੇ ਵੀ ਇਸ ਡਿਵਾਈਸ ਨੂੰ ਬਣਾਉਣ ਦਾ ਦਾਅਵਾ ਨਹੀਂ ਕੀਤਾ।
#WATCH | Delhi | On Galgotias University asked to vacate India AI Impact Summit expo, Galgotias University Professor Dr Aishwarya Shrivastava says, “As of now, we have no such information.” pic.twitter.com/esR2eaf1yR
— ANI (@ANI) February 18, 2026
ਯੂਨੀਵਰਸਿਟੀ ਨੇ ਵਿਵਾਦ ‘ਤੇ ਕੀ ਸਪੱਸ਼ਟੀਕਰਨ ਦਿੱਤਾ?
ਗ੍ਰੇਟਰ ਨੋਇਡਾ-ਅਧਾਰਤ ਯੂਨੀਵਰਸਿਟੀ ਨੇ ਕਿਹਾ ਕਿ ਡਿਸਪਲੇ ਵਿੱਚ ਰੱਖਿਆ ਰੋਬੋਡੌਗ ਇੱਕ ਚੀਨੀ ਰੋਬੋਟਿਕਸ ਫਰਮ Unitree ਤੋਂ ਖਰੀਦਿਆ ਗਿਆ ਸੀ, ਅਤੇ ਇਸਨੂੰ ਵਿਦਿਆਰਥੀਆਂ ਲਈ ਲਰਨਿੰਗ ਟੂਲ ਵਜੋਂ ਵਰਤਿਆ ਜਾ ਰਿਹਾ ਸੀ।
— Galgotias University (@GalgotiasGU) February 17, 2026
ਆਪਣੇ X ‘ਤੇ ਪੋਸਟ ਕੀਤੇ ਇੱਕ ਬਿਆਨ ਵਿੱਚ, ਯੂਨੀਵਰਸਿਟੀ ਨੇ ਕਿਹਾ, “ਹਾਲ ਹੀ ਵਿੱਚ Unitree ਤੋਂ ਮਿਲਿਆ ਰੋਬੋਡੌਗ ਉਸ ਸਫਰ ਵਿੱਚ ਇੱਕ ਕਦਮ ਹੈ। ਇਹ ਸਿਰਫ਼ ਇੱਕ ਡਿਸਪਲੇ ਮਸ਼ੀਨ ਨਹੀਂ ਹੈ। ਇਹ ਇੱਕ ਚਲਦਾ ਕਲਾਸਰੂਮ ਹੈ। ਸਾਡੇ ਵਿਦਿਆਰਥੀ ਇਸ ਨਾਲ ਪ੍ਰਯੋਗ ਕਰ ਰਹੇ ਹਨ, ਇਸ ਦੀਆਂ ਸੀਮਾਵਾਂ ਦੀ ਜਾਂਚ ਕਰ ਰਹੇ ਹਨ, ਅਤੇ ਇਸ ਪ੍ਰਕਿਰਿਆ ਵਿੱਚ, ਆਪਣੇ ਗਿਆਨ ਦਾ ਵਿਸਤਾਰ ਕਰ ਰਹੇ ਹਨ। ਅਸੀਂ ਸਪੱਸ਼ਟ ਕਰਦੇ ਹਾਂ ਕਿ ਗਲਗੋਟੀਆਸ ਨੇ ਇਹ ਰੋਬੋਡੌਗ ਨਹੀਂ ਬਣਾਇਆ, ਅਤੇ ਨਾ ਹੀ ਅਸੀਂ ਕਦੇ ਦਾਅਵਾ ਕੀਤਾ ਹੈ।”
ਗਲਗੋਟੀਆਸ ਯੂਨੀਵਰਸਿਟੀ ਵੱਲੋਂ ਇਹ ਸਪੱਸ਼ਟੀਕਰਨ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਆਇਆ ਹੈ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਯੂਨੀਵਰਸਿਟੀ ਨੇ Go2 (Unitree Go2), ਜੋ ਇੱਕ AI-ਪਾਵਰਡ ਚੀਨੀ ਰੋਬੋਡੌਗ ਨੂੰ ਸਮਿਟ ਵਿੱਚ ਲਗਭਗ 2-3 ਲੱਖ ਰੁਪਏ ਵਿੱਚ ਔਨਲਾਈਨ ਵੇਚਿਆ ਜਾ ਰਿਹਾ ਸੀ, ਦਾ ਸ਼ੋਕੇਸ ਕੀਤਾ ਸੀ। ਸੋਸ਼ਲ ਮੀਡੀਆ ‘ਤੇ ਬਹੁਤ ਸਾਰੇ ਯੂਜਰਸ ਨੇ ਕੰਪਨੀ ‘ਤੇ ਦੇਸ਼ ਵਿੱਚ ਡੇਵਲਪ ਕਰਕੇ ਆਪਣੇ ਪ੍ਰੋਡੈਕਟ ਦੇ ਰੂਪ ਵਿੱਚ ਪੇਸ਼ ਕਰਨ ਦੇ ਆਰੋਪ ਲਗਾਏ।