Cyber Crime : 24 ਸੁਬਿਆਂ ਅਤੇ 8 ਮਹਾਨਗਰਾਂ ਦੇ 66.9 ਕਰੋੜ ਲੋਕਾਂ ਦਾ ਡਾਟਾ ਚੋਰੀ, ਪੁਲਿਸ ਵੱਲੋਂ ਮੁਲਜ਼ਮ ਗ੍ਰਿਫਤਾਰ

Hyderabad ਦੀ ਸਾਈਬਰਾਬਾਦ ਪੁਲਿਸ ਨੇ ਦੇਸ਼ ਦੇ ਸਭ ਤੋਂ ਵੱਡੇ ਡੇਟਾ ਚੋਰੀ ਦੇ ਮਾਮਲੇ ਦਾ ਪਰਦਾਫਾਸ਼ ਕੀਤਾ ਹੈ। ਸਾਈਬਰ ਕ੍ਰਾਈਮ (Cyber Crime ) ਦੇ ਇਸ ਮਾਮਲੇ ਵਿੱਚ ਪੁਲਿਸ ਨੇ ਵਿਨੈ ਭਾਰਦਵਾਜ ਨਾਂ ਦੇ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਇਹ ਵਿਅਕਤੀ ਦੇਸ਼ ਦੇ 66.9 ਕਰੋੜ ਲੋਕਾਂ ਅਤੇ ਸੰਸਥਾਵਾਂ ਦਾ ਡਾਟਾ ਚੋਰੀ ਕਰਕੇ ਦੂਜਿਆਂ ਨੂੰ ਵੇਚਦਾ ਹੈ। ਯਾਨੀ ਇਸ ਕੋਲ ਦੇਸ਼ ਦੀ ਅੱਧੀ ਆਬਾਦੀ ਦਾ ਡਾਟਾ ਹੈ। ਜਿਸ ਵਿੱਚ 51.9 ਕਰੋੜ ਲੋਕਾਂ ਦਾ ਨਿੱਜੀ ਅਤੇ ਗੁਪਤ ਡਾਟਾ ਅਤੇ 24 ਰਾਜਾਂ ਅਤੇ 8 ਮਹਾਨਗਰਾਂ ਦੇ ਅਦਾਰਿਆਂ ਦਾ ਡਾਟਾ ਚੋਰੀ ਕਰਕੇ ਆਪਣੇ ਕੋਲ ਰੱਖਿਆ ਗਿਆ ਹੈ। ਜਾਣਕਾਰੀ ਦੇ ਦੋਸ਼ੀ ਵਿਦਿਆਰਥੀ ਕੋਲ ਬਾਈਜਸ ਅਤੇ ਵੇਦਾਂਤੂ ਦੇ ਵਿਦਿਆਰਥੀਆਂ ਦਾ ਡਾਟਾ ਹੈ। ਇਸ ਤੋਂ ਇਲਾਵਾ GST (PAN India), RTO (PAN India), Amazon, Netflix, YouTube, Paytm, PhonePe, Big Basket, Book My Show, Instagram, Zomato, ਪਾਲਿਸੀ ਬਾਜ਼ਾਰ ਵਰਗੀਆਂ ਸੰਸਥਾਵਾਂ ਦੇ ਗਾਹਕਾਂ ਜਾਂ ਖਪਤਕਾਰਾਂ ਦਾ ਡਾਟਾ ਵੀ ਸੀ। ਮੁਲਜ਼ਮਾਂ ਕੋਲੋਂ ਬਰਾਮਦ ਕੀਤੇ ਗਏ ਹਨ।

ਮੁਲਜ਼ਮ ਇੱਕ ਵੈੱਬਸਾਈਟ ਰਾਹੀਂ ਠੱਗੀ ਮਾਰਦੇ ਸਨ

ਇਸ ਦੇ ਨਾਲ ਹੀ ਉਸ ਕੋਲ ਬੈਂਕਾਂ, ਬੀਮਾ, ਵਿੱਤੀ ਸੇਵਾਵਾਂ, ਡਾਕਟਰਾਂ, ਸਾਫਟਵੇਅਰ ਇੰਜੀਨੀਅਰ, ਰੱਖਿਆ ਕਰਮਚਾਰੀ, ਸਰਕਾਰੀ ਕਰਮਚਾਰੀ, ਕ੍ਰੈਡਿਟ ਕਾਰਡ, (Credit Card) ਡੈਬਿਟ ਕਾਰਡ, NEET ਦੇ ਵਿਦਿਆਰਥੀਆਂ ਦਾ ਡਾਟਾ ਹੈ। ਮੁਲਜ਼ਮ ਦਿੱਲੀ ਦੀ ਸਰਹੱਦ ਨਾਲ ਲੱਗਦੇ ਫਰੀਦਾਬਾਦ ਤੋਂ InspireWebz ਨਾਮ ਦੀ ਵੈੱਬਸਾਈਟ ਚਲਾਉਂਦਾ ਹੈ, ਜੋ ਕਲਾਊਡ ਡਰਾਈਵ ਲਿੰਕਾਂ ਰਾਹੀਂ ਆਪਣੇ ਗਾਹਕਾਂ ਨੂੰ ਵੇਚਦਾ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਕੋਲ 6 ਮੈਟਰੋ ਸ਼ਹਿਰਾਂ ਦੇ 4.5 ਲੱਖ ਤਨਖਾਹਦਾਰ ਕਰਮਚਾਰੀਆਂ ਦਾ ਡੇਟਾ ਹੈ, ਜਿਸ ਵਿੱਚ ਗੁਜਰਾਤ ਵੀ ਸ਼ਾਮਲ ਹੈ। ਪਰ ਪੁਲਿਸ ਨੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

16.8 ਕਰੋੜ ਲੋਕਾਂ ਦਾ ਡਾਟਾ ਚੋਰੀ ਕਰਨ ਦਾ ਵੀ ਖੁਲਾਸਾ

ਦੱਸ ਦੇਈਏ ਕਿ ਇੱਕ ਮਹੀਨਾ ਪਹਿਲਾਂ ਪੁਲਿਸ ਨੇ ਇੱਕ ਅਜਿਹੇ ਗਿਰੋਹ ਦਾ ਪਰਦਾਫਾਸ਼ ਕੀਤਾ ਸੀ ਜੋ ਰੱਖਿਆ ਕਰਮਚਾਰੀਆਂ ਸਮੇਤ 16.8 ਕਰੋੜ ਲੋਕਾਂ ਦਾ ਡਾਟਾ ਚੋਰੀ ਕਰਦਾ ਸੀ। ਇਸ ਮਾਮਲੇ ‘ਚ ਜਾਣਕਾਰੀ ਦਿੰਦੇ ਹੋਏ ਪੁਲਸ ਨੇ ਦੱਸਿਆ ਕਿ 7 ਸਾਈਬਰ ਠੱਗਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।ਇਨ੍ਹਾਂ ‘ਚੋਂ ਤਿੰਨ ਦੋਸ਼ੀ ਨੋਇਡਾ ਦੇ ਰਹਿਣ ਵਾਲੇ ਸਨ ਜੋ ਕਾਲ ਸੈਂਟਰ ਤੋਂ ਠੱਗੀ ਮਾਰਦੇ ਸਨ। ਪੁਲਿਸ (Police) ਨੇ ਸਾਰੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਹੋਰ ਪੰਜਾਬੀ ਖਬਰਾਂ ਲਈ TV9 ਪੰਜਾਬੀ ਦੀ ਵੈਬਸਾਈਟ ਤੇ ਜਾਓ