Gulshan Kumar Birth Anniversary: ਜਾਣੋ ਕਿਵੇਂ ਜੂਸ ਦੀ ਦੁਕਾਨ ਦਾ ਮਾਲਕ ਬਣਿਆ ਕੈਸੇਟ ਕਿੰਗ, ਹਾਸਲ ਕੀਤਾ ਖਾਸ ਮੁਕਾਮ
Gulshan Kumar Birth Anniversary: ਗੁਲਸ਼ਨ ਕੁਮਾਰ ਨੂੰ ਕੈਸੇਟ ਕਿੰਗ ਵੀ ਕਿਹਾ ਜਾਂਦਾ ਹੈ। ਆਪਣੀ ਮਿਹਨਤ ਅਤੇ ਲਗਨ ਦੇ ਬਲਬੂਤੇ ਉਨ੍ਹਾਂ ਨੇ ਮਿਊਜ਼ਿਕ ਇੰਡਸਟਰੀ ਵਿੱਚ ਇੱਕ ਵਿਸ਼ੇਸ਼ ਮੁਕਾਮ ਹਾਸਲ ਕੀਤਾ। ਆਓ ਜਾਣਦੇ ਹਾਂ ਉਨ੍ਹਾਂ ਦੇ ਜਨਮਦਿਨ 'ਤੇ ਉਨ੍ਹਾਂ ਨਾਲ ਜੁੜੀਆਂ ਖਾਸ ਗੱਲਾਂ... ਮਸ਼ਹੂਰ ਗਾਇਕ ਨੇ ਆਪਣੀ ਆਵਾਜ਼ ਨਾਲ ਪੂਰੀ ਦੁਨੀਆ ਨੂੰ ਆਪਣਾ ਦੀਵਾਨਾ ਬਣਾ ਦਿੱਤਾ ਸੀ ਪਰ ਉਨ੍ਹਾਂ ਦੀ ਮੌਤ ਬਹੁਤ ਦੁਖਦਾਈ ਸੀ ਅਤੇ ਉਨ੍ਹਾਂ ਦੀ ਮੌਤ ਨੇ ਪੂਰੀ ਇੰਡਸਟਰੀ 'ਚ ਹੜਕੰਪ ਮਚਾ ਦਿੱਤਾ ਸੀ।
ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਗੁਲਸ਼ਨ ਕੁਮਾਰ ਦਾ ਅੱਜ 73ਵਾਂ ਜਨਮਦਿਨ ਹੈ। ਭਾਰਤੀ ਸੰਗੀਤ ਦੀ ਦੁਨੀਆ ਵਿੱਚ ਗੁਲਸ਼ਨ ਕੁਮਾਰ ਦਾ ਬਹੁਤ ਖਾਸ ਸਥਾਨ ਹੈ। ਉਨ੍ਹਾਂ ਦਾ ਜਨਮ 5 ਮਈ 1951 ਨੂੰ ਦਿੱਲੀ ਦੇ ਇੱਕ ਪੰਜਾਬੀ ਅਰੋੜਾ ਪਰਿਵਾਰ ਵਿੱਚ ਹੋਇਆ ਸੀ। ਗਾਇਕ ਦਾ ਅਸਲੀ ਨਾਂ ਗੁਲਸ਼ਨ ਦੁਆ ਸੀ। ਬਚਪਨ ਵਿੱਚ ਗੁਲਸ਼ਨ ਕੁਮਾਰ ਦੇ ਪਿਤਾ ਦਿੱਲੀ ਦੇ ਦਰਿਆਗੰਜ ਵਿੱਚ ਜੂਸ ਦੀ ਦੁਕਾਨ ਚਲਾਉਂਦੇ ਸਨ। ਪੈਸੇ ਕਮਾਉਣ ਲਈ, ਗਾਇਕ ਦੇ ਪਿਤਾ ਨੇ ਇੱਕ ਕਾਰਟ ‘ਤੇ ਸਸਤੀਆਂ ਕੈਸੇਟਾਂ ਅਤੇ ਗੀਤ ਰਿਕਾਰਡ ਕਰਨ ਅਤੇ ਵੇਚਣੇ ਸ਼ੁਰੂ ਕਰ ਦਿੱਤੇ। ਇੱਥੋਂ ਹੀ ਗੁਲਸ਼ਨ ਕੁਮਾਰ ਦੀ ਕਿਸਮਤ ਚਮਕੀ। ਗਾਇਕ ਨੇ ਸੁਪਰ ਕੈਸੇਟਸ ਇੰਡਸਟਰੀਜ਼ ਲਿਮਿਟੇਡ ਬਣਾਈ, ਜੋ ਭਾਰਤ ਦੀ ਸਭ ਤੋਂ ਵੱਡੀ ਸੰਗੀਤ ਕੰਪਨੀ ਬਣ ਗਈ। ਹਰ ਕੋਈ ਉਸ ਨੂੰ ਕੈਸੇਟ ਕਿੰਗ ਵਜੋਂ ਜਾਣਨ ਲੱਗੇ। ਹੁਣ ਇਹ ਕੰਪਨੀ ਟੀ-ਸੀਰੀਜ਼ ਦੇ ਨਾਂ ਨਾਲ ਜਾਣੀ ਜਾਂਦੀ ਹੈ।
ਗੁਲਸ਼ਨ ਕੁਮਾਰ ਦੀ ਮੌਤ ਮਗਰੋਂ ਉਨ੍ਹਾਂ ਦੇ ਪਰਿਵਾਰ ਵਿੱਚ ਉਨ੍ਹਾਂ ਦੀ ਪਤਨੀ, ਦੋ ਧੀਆਂ ਅਤੇ ਇਕ ਪੁੱਤਰ ਹਨ। ਪੁੱਤਰ ਭੁਸ਼ਣ ਕੁਮਾਰ ਨੇ ਉਨ੍ਹਾਂ ਦਾ ਕਾਰੋਬਾਰ ਅੱਗੇ ਸੰਭਾਲਿਆ ਹੈ। ਉਨ੍ਹਾਂ ਦਾ ਵਿਆਹ ਦਿਵਯਾ ਨਾਲ ਹੋਇਆ ਹੈ। ਦੋਵਾਂ ਦਾ ਇਕ ਮੁੰਡਾ ਹੈ। ਵੱਡੀ ਧੀ ਤੁਲਸੀ ਕੁਮਾਰ ਵੀ ਕਾਫੀ ਵਧੀਆ ਸਿੰਗਰ ਹੈ ਅਤੇ ਟੀ-ਸੀਰੀਜ਼ ਵਿੱਚ ਵੀ ਉਹ ਕੰਮ ਕਰਦੇ ਹਨ। ਤੁਲਸੀ ਦਾ ਵੀ ਵਿਆਹ ਹੋ ਚੁਕਿਆ ਹੈ ਅਤੇ ਇਕ ਬੇਟਾ ਵੀ ਹੈ। ਛੋਟੀ ਧੀ ਖੁਸ਼ਾਲੀ ਕੁਮਾਰ ਵੀ ਬਾਲੀਵੁੱਡ ਵਿੱਚ ਕਾਫੀ ਫੈਮਸ ਹੈ।
ਇਸ ਤਰ੍ਹਾਂ ਬਣੇ ਕੈਸੇਟ ਕਿੰਗ
ਬਾਅਦ ਵਿੱਚ ਉਨ੍ਹਾਂ ਨੇ ਸੁਪਰ ਕੈਸੇਟਸ ਇੰਡਸਟਰੀਜ਼ ਲਿਮਟਿਡ ਕੰਪਨੀ ਖੋਲ੍ਹੀ ਜੋ ਬਹੁਤ ਮਸ਼ਹੂਰ ਹੋਈ। ਕੁਝ ਹੀ ਸਮੇਂ ਵਿੱਚ ਇਹ ਭਾਰਤ ਦੀ ਸਭ ਤੋਂ ਮਸ਼ਹੂਰ ਕੰਪਨੀ ਬਣ ਗਈ ਅਤੇ ਗੁਲਸ਼ਨ ਕੁਮਾਰ ਨੂੰ ਕੈਸੇਟ ਕਿੰਗ ਕਿਹਾ ਜਾਣ ਲੱਗਾ। ਇਸ ਤਹਿਤ ਉਨ੍ਹਾਂ ਨੇ ਟੀ-ਸੀਰੀਜ਼ ਸ਼ੁਰੂ ਕੀਤੀ, ਜਿਸ ਨੇ ਕਈ ਗਾਇਕਾਂ ਨੂੰ ਗਾਉਣ ਦਾ ਮੌਕਾ ਦਿੱਤਾ। ਸਿਰਫ 10 ਸਾਲਾਂ ਵਿੱਚ, ਉਨ੍ਹਾਂ ਦੀ ਅਗਵਾਈ ਵਿੱਚ, ਕੰਪਨੀ ਦਾ ਕਾਰੋਬਾਰ 350 ਮਿਲੀਅਨ ਰੁਪਏ ਯਾਨੀ 3.5 ਕਰੋੜ ਰੁਪਏ ਤੱਕ ਪਹੁੰਚ ਗਿਆ।ਗੁਲਸ਼ਨ ਨੇ ਅਨੁਰਾਧਾ ਪੌਡਵਾਲ, ਸੋਨੂੰ ਨਿਗਮ ਅਤੇ ਕੁਮਾਰ ਸਾਨੂ ਦੇ ਕਰੀਅਰ ਵਿੱਚ ਵਿਸ਼ੇਸ਼ ਯੋਗਦਾਨ ਪਾਇਆ ਹੈ। ਆਪਣੀ ਕੰਪਨੀ ਦੇ ਤਹਿਤ ਉਨ੍ਹਾਂ ਨੇ ਸਾਰਿਆਂ ਨੂੰ ਗਾਉਣ ਦਾ ਮੌਕਾ ਦਿੱਤਾ।
80 ਤੋਂ 90 ਦੇ ਦਹਾਕੇ ਦਰਮਿਆਨ ਗੁਲਸ਼ਨ ਨੇ ਆਪਣੀ ਮਿਹਨਤ ਨਾਲ ਕਾਫੀ ਪ੍ਰਸਿੱਧੀ ਹਾਸਲ ਕੀਤੀ ਪਰ ਕੁਝ ਲੋਕਾਂ ਨੂੰ ਇਹ ਗੱਲ ਪਸੰਦ ਨਹੀਂ ਆਈ। 12 ਅਗਸਤ, 1997 ਨੂੰ ਮੁੰਬਈ ਦੇ ਅੰਧੇਰੀ ਪੱਛਮੀ ਉਪਨਗਰ ਦੇ ਜੀਤ ਨਗਰ ਵਿੱਚ ਜੀਤੇਸ਼ਵਰ ਮਹਾਦੇਵ ਮੰਦਰ ਦੇ ਬਾਹਰ ਉਨ੍ਹਾਂ ਦਾ ਕਤਲ ਕਰ ਦਿੱਤਾ ਗਿਆ। ਇਕ ਦਿਨ ਅਚਾਨਕ ਉਨ੍ਹਾਂ ‘ਤੇ 16 ਰਾਉਂਡ ਗੋਲੀਆਂ ਚਲਾਈਆਂ ਗਈਆਂ। ਉਨ੍ਹਾਂ ਦੀ ਪਿੱਠ ਅਤੇ ਗਰਦਨ ‘ਚ ਇੰਨੀ ਗੋਲੀ ਲੱਗੀ ਕਿ ਉਹ ਮੌਕੇ ‘ਤੇ ਹੀ ਉਨ੍ਹਾਂ ਦੀ ਮੌਤ ਹੋ ਗਈ। ਉਨ੍ਹਾਂ ਨੇ 12 ਅਗਸਤ 1997 ਨੂੰ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਅਤੇ ਇਹ ਦਿਨ ਹਿੰਦੀ ਮਿਊਜ਼ਿਕ ਇੰਡਸਟਰੀ ਦੇ ਕਾਲੇ ਦਿਨ ਵਜੋਂ ਜਾਣਿਆ ਜਾਣ ਲੱਗਾ।
ਗਾਇਕ ਨੂੰ ਮੰਦਰ ਦੇ ਬਾਹਰ ਮਾਰਿਆ ਗਿਆ। ਉਹ ਸਵੇਰੇ ਕਰੀਬ 8.30 ਵਜੇ ਅੰਧੇਰੀ ਦੇ ਜਿਤੇਸ਼ਵਰ ਮਹਾਦੇਵ ਮੰਦਰ ‘ਚ ਪੂਜਾ ਲਈ ਗਏ ਸੀ ਅਤੇ ਪੌੜੀਆਂ ਉਤਰਦੇ ਸਮੇਂ ਉਨ੍ਹਾਂ ‘ਤੇ ਹਮਲਾ ਕਰ ਦਿੱਤਾ ਗਿਆ। ਉਸ ਸਮੇਂ ਉਨ੍ਹਾਂ ਦੀ ਉਮਰ ਸਿਰਫ਼ 46 ਸਾਲ ਸੀ। ਇਸ ਕਤਲ ਤੋਂ ਬਾਅਦ ਪੂਰੀ ਫਿਲਮ ਇੰਡਸਟਰੀ ‘ਚ ਸਨਸਨੀ ਫੈਲ ਗਈ ਸੀ। ਦੱਸਿਆ ਜਾਂਦਾ ਹੈ ਕਿ ਅੰਡਰਵਰਲਡ ਨੇ ਉਨ੍ਹਾਂ ਤੋਂ ਫਿਰੌਤੀ ਦੀ ਮੰਗ ਕੀਤੀ ਸੀ, ਜਿਸ ਨੂੰ ਦੇਣ ਤੋਂ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ ਸੀ।