ਧਰੁਵੀ ਪਟੇਲ ਨੂੰ ‘ਮਿਸ ਇੰਡੀਆ ਵਰਲਡਵਾਈਡ 2024’ ਦਾ ਤਾਜ, ਬਾਲੀਵੁੱਡ ਅਦਾਕਾਰਾ ਬਣਨ ਦਾ ਸੁਪਨਾ
ਐਡੀਸਨ, ਨਿਊ ਜਰਸੀ ਵਿੱਚ ਤਾਜ ਪਹਿਨਣ ਤੋਂ ਬਾਅਦ, ਧਰੁਵੀ ਨੇ ਆਪਣੀ ਖੁਸ਼ੀ ਜ਼ਾਹਰ ਕਰਦਿਆਂ ਕਿਹਾ, 'ਮਿਸ ਇੰਡੀਆ ਵਰਲਡਵਾਈਡ ਜਿੱਤਣਾ ਇੱਕ ਸ਼ਾਨਦਾਰ ਸਨਮਾਨ ਹੈ। ਇਹ ਇੱਕ ਤਾਜ ਤੋਂ ਵੱਧ ਹੈ - ਇਹ ਮੇਰੀ ਵਿਰਾਸਤ, ਮੇਰੇ ਮੁੱਲਾਂ ਅਤੇ ਵਿਸ਼ਵ ਪੱਧਰ 'ਤੇ ਦੂਜਿਆਂ ਨੂੰ ਪ੍ਰੇਰਿਤ ਕਰਨ ਦੇ ਮੌਕੇ ਨੂੰ ਦਰਸਾਉਂਦਾ ਹੈ।'
ਧਰੁਵੀ ਪਟੇਲ ਨੂੰ 'ਮਿਸ ਇੰਡੀਆ ਵਰਲਡਵਾਈਡ 2024' ਦਾ ਤਾਜ, ਬਾਲੀਵੁੱਡ ਅਦਾਕਾਰਾ ਬਣਨ ਦਾ ਸੁਪਨਾ Photo credit : (Instagram/dhruvipatel.1)
ਅਮਰੀਕਾ ਦੀ ਕੰਪਿਊਟਰ ਇਨਫਰਮੇਸ਼ਨ ਸਿਸਟਮ ਦੀ ਵਿਦਿਆਰਥਣ ਧਰੁਵੀ ਪਟੇਲ ਨੇ ‘ਮਿਸ ਇੰਡੀਆ ਵਰਲਡਵਾਈਡ 2024’ ਦਾ ਤਾਜ ਜਿੱਤਿਆ ਹੈ। ਉਹ ਇਸ ਪ੍ਰਾਪਤੀ ਤੋਂ ਬਹੁਤ ਖੁਸ਼ ਅਤੇ ਉਤਸ਼ਾਹਿਤ ਹੈ। ‘ਮਿਸ ਇੰਡੀਆ ਵਰਲਡਵਾਈਡ 2024’ ਭਾਰਤ ਤੋਂ ਬਾਹਰ ਸਭ ਤੋਂ ਲੰਬੇ ਸਮੇਂ ਤੱਕ ਚੱਲਣ ਵਾਲਾ ਭਾਰਤੀ ਮੁਕਾਬਲਾ ਹੈ। ਇਹ ਮੁਕਾਬਲਾ ਜਿੱਤਣ ਤੋਂ ਬਾਅਦ ਧਰੁਵੀ ਨੇ ਬਾਲੀਵੁੱਡ ਅਦਾਕਾਰਾ ਅਤੇ ਯੂਨੀਸੇਫ ਦੀ ਅੰਬੈਸਡਰ ਬਣਨ ਦੀ ਇੱਛਾ ਜ਼ਾਹਰ ਕੀਤੀ ਹੈ।
ਜਿੱਤ ਤੋਂ ਉਤਸ਼ਾਹਿਤ ਧਰੁਵੀ
ਐਡੀਸਨ, ਨਿਊ ਜਰਸੀ ਵਿੱਚ ਤਾਜ ਪਹਿਨਣ ਤੋਂ ਬਾਅਦ, ਧਰੁਵੀ ਨੇ ਆਪਣੀ ਖੁਸ਼ੀ ਜ਼ਾਹਰ ਕਰਦਿਆਂ ਕਿਹਾ, ‘ਮਿਸ ਇੰਡੀਆ ਵਰਲਡਵਾਈਡ ਜਿੱਤਣਾ ਇੱਕ ਸ਼ਾਨਦਾਰ ਸਨਮਾਨ ਹੈ। ਇਹ ਇੱਕ ਤਾਜ ਤੋਂ ਵੱਧ ਹੈ – ਇਹ ਮੇਰੀ ਵਿਰਾਸਤ, ਮੇਰੇ ਮੁੱਲਾਂ ਅਤੇ ਵਿਸ਼ਵ ਪੱਧਰ ‘ਤੇ ਦੂਜਿਆਂ ਨੂੰ ਪ੍ਰੇਰਿਤ ਕਰਨ ਦੇ ਮੌਕੇ ਨੂੰ ਦਰਸਾਉਂਦਾ ਹੈ।’
ਕਿਸੇ ਵੀ ਮੁਕਾਬਲੇ ਬਾਰੇ ਸਭ ਤੋਂ ਆਮ ਗੱਲ ਇਹ ਹੈ ਕਿ ਇਸਦਾ ਸਿਰਫ਼ ਇੱਕ ਜੇਤੂ ਹੈ। ‘ਮਿਸ ਇੰਡੀਆ ਵਰਲਡਵਾਈਡ 2024’ ਦੇ ਇਸ ਮੁਕਾਬਲੇ ‘ਚ ਸੂਰੀਨਾਮ ਦੀ ਲੀਜ਼ਾ ਅਬਦੋਏਲਹਕ ਨੂੰ ਪਹਿਲੀ ਰਨਰ-ਅੱਪ ਐਲਾਨਿਆ ਗਿਆ, ਜਦਕਿ ਨੀਦਰਲੈਂਡ ਦੀ ਮਾਲਵਿਕਾ ਸ਼ਰਮਾ ਨੂੰ ਇਸ ਦੌੜ ‘ਚ ਸੈਕਿੰਡ ਰਨਰ-ਅੱਪ ਐਲਾਨਿਆ ਗਿਆ। ਮਿਸਿਜ਼ ਵਰਗ ਵਿੱਚ ਤ੍ਰਿਨੀਦਾਦ ਤੇ ਟੋਬੈਗੋ ਦੀ ਸੁਏਨ ਮੌਟੇਟ ਵਿਜੇਤਾ, ਸਨੇਹਾ ਨੰਬਿਆਰ ਫਸਟ ਰਨਰ ਅੱਪ ਅਤੇ ਯੂਨਾਈਟਿਡ ਕਿੰਗਡਮ ਦੀ ਪਵਨਦੀਪ ਕੌਰ ਸੈਕਿੰਡ ਰਨਰ ਅੱਪ ਰਹੀ। ਗੁਆਡੇਲੂਪ ਦੀ ਸੀਏਰਾ ਸੁਰੇਟ ਨੂੰ ਕਿਸ਼ੋਰ ਵਰਗ ਵਿੱਚ ‘ਮਿਸ ਟੀਨ ਇੰਡੀਆ ਵਰਲਡਵਾਈਡ’ ਦਾ ਤਾਜ ਪਹਿਨਾਇਆ ਗਿਆ। ਨੀਦਰਲੈਂਡ ਦੀ ਸ਼੍ਰੇਆ ਸਿੰਘ ਅਤੇ ਸੂਰੀਨਾਮ ਦੀ ਸ਼ਰਧਾ ਟੇਡਜੋ ਨੂੰ ਪਹਿਲਾ ਅਤੇ ਦੂਜਾ ਉਪ ਜੇਤੂ ਐਲਾਨਿਆ ਗਿਆ।
ਇਹ ਸੁੰਦਰਤਾ ਮੁਕਾਬਲਾ ਨਿਊਯਾਰਕ ਸਥਿਤ ‘ਇੰਡੀਆ ਫੈਸਟੀਵਲ ਕਮੇਟੀ’ ਦੁਆਰਾ ਆਯੋਜਿਤ ਕੀਤਾ ਗਿਆ ਅਤੇ ਇਸਦੀ ਪ੍ਰਧਾਨਗੀ ਭਾਰਤੀ-ਅਮਰੀਕੀ ਨੀਲਮ ਅਤੇ ਧਰਮਾਤਮਾ ਸਰਨ ਨੇ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਸਾਲ ਇਹ ਮੁਕਾਬਲਾ ਆਪਣੀ 31ਵੀਂ ਵਰ੍ਹੇਗੰਢ ਮਨਾ ਰਿਹਾ ਹੈ।