ਐਸ਼ਵਰਿਆ ਰਾਏ ਨੇ ਆਪਣੀਆਂ ਗੱਲਾਂ ਨਾਲ ਜਿੱਤ ਲਿਆ ਦੁਬਈ ਦੇ ਲੋਕਾਂ ਦਾ ਦਿਲ, ਪਰ ਨਾਂ ਤੋਂ ਗਾਇਬ ਦਿੱਖਿਆ ‘ਬੱਚਨ’
Aishwarya Rai : ਦੁਬਈ 'ਚ ਹੋ ਰਹੇ ਗਲੋਬਲ ਵੂਮੈਨਜ਼ ਫੋਰਮ 'ਚ ਦੁਨੀਆ ਦੀਆਂ ਕਈ ਪ੍ਰਭਾਵਸ਼ਾਲੀ ਔਰਤਾਂ ਨੂੰ ਸੱਦਾ ਦਿੱਤਾ ਗਿਆ ਸੀ ਅਤੇ ਉਨ੍ਹਾਂ 'ਚੋਂ ਹਨ ਇਕ ਐਸ਼ਵਰਿਆ ਰਾਏ ਬੱਚਨ। ਫੈਸ਼ਨੇਬਲ ਬਲੂ ਗਾਊਨ ਪਹਿਨ ਕੇ ਐਸ਼ਵਰਿਆ ਨੇ ਨਾ ਸਿਰਫ਼ ਇਵੈਂਟ 'ਚ ਸ਼ਿਰਕਤ ਕੀਤੀ ਸਗੋਂ ਇਸ ਗਲੋਬਲ ਪਲੇਟਫਾਰਮ 'ਤੇ ਆਪਣੇ ਵਿਚਾਰ ਵੀ ਸਾਂਝੇ ਕੀਤੇ।
ਦੁਨੀਆ ਭਰ ਦੀਆਂ ਕਈ ਮਸ਼ਹੂਰ ਮਹਿਲਾ ਹਸਤੀਆਂ ਦੇ ਨਾਲ, ਐਸ਼ਵਰਿਆ ਰਾਏ ਬੱਚਨ ਨੇ ਵੀ ਦੁਬਈ ਵਿੱਚ ਆਯੋਜਿਤ ਗਲੋਬਲ ਵੂਮੈਨ ਫੋਰਮ 2024 ਵਿੱਚ ਹਿੱਸਾ ਲਿਆ। ਦੁਬਈ ‘ਚ 2 ਦਿਨਾਂ ਤੱਕ ਚੱਲੇ ਇਸ ਈਵੈਂਟ ਦੀਆਂ ਐਸ਼ਵਰਿਆ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਵਾਇਰਲ ਹੋ ਰਹੀਆਂ ਹਨ। ਪਰ ਇਨ੍ਹਾਂ ਸਾਰੀਆਂ ਵੀਡੀਓਜ਼ ‘ਚੋਂ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣ ਰਹੀ ਹੈ। ਉਹ ਵੀਡੀਓ ਐਸ਼ਵਰਿਆ ਰਾਏ ਬੱਚਨ ਦੀ ਪਛਾਣ ਦੇਣ ਵਾਲੀ ਵੀਡੀਓ ਹੈ। ਇਸ ਵੀਡੀਓ ‘ਚ ਐਸ਼ਵਰਿਆ ਰਾਏ ਬੱਚਨ ਦੀ ਬਜਾਏ ਅਭਿਨੇਤਰੀ ਦੀ ਪਛਾਣ ਸਿਰਫ ਇੰਟਰਨੈਸ਼ਨਲ ਸਟਾਰ ਐਸ਼ਵਰਿਆ ਰਾਏ ਦੇ ਨਾਂ ਨਾਲ ਕੀਤੀ ਗਈ ਹੈ।
17 ਸਾਲ ਪਹਿਲਾਂ ਅਭਿਸ਼ੇਕ ਬੱਚਨ ਨਾਲ ਵਿਆਹ ਕਰਨ ਤੋਂ ਬਾਅਦ ਐਸ਼ਵਰਿਆ ਰਾਏ ਨੇ ਆਪਣੇ ਨਾਂ ਨਾਲ ਅਭਿਸ਼ੇਕ ਦਾ ਸਰਨੇਮ ਜੋੜ ਲਿਆ ਸੀ ਅਤੇ ਉਦੋਂ ਤੋਂ ਹੀ ਉਹ ਐਸ਼ਵਰਿਆ ਰਾਏ ਬੱਚਨ ਬਣ ਗਈ ਸੀ। ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਵੀ ਐਸ਼ਵਰਿਆ ਨੇ ਆਪਣਾ ਨਾਂ ਐਸ਼ਵਰਿਆ ਰਾਏ ਬੱਚਨ ਲਿਖਿਆ ਹੈ ਅਤੇ ਇਸੇ ਕਾਰਨ ਦੁਬਈ ਤੋਂ ਇਸ ਵੀਡੀਓ ‘ਚ ‘ਬੱਚਨ’ ਨਾਂ ਦਾ ਨਾ ਹੋਣਾ ਸਾਰਿਆਂ ਲਈ ਹੈਰਾਨ ਕਰਨ ਵਾਲਾ ਹੈ। ਹੁਣ ਇਹ ਮਹਿਜ਼ ਗਲਤੀ ਸੀ ਜਾਂ ਜਾਣਬੁੱਝ ਕੇ ਲਿਆ ਗਿਆ ਫੈਸਲਾ ਅਜੇ ਤੱਕ ਸਾਹਮਣੇ ਨਹੀਂ ਆਇਆ ਹੈ।
ਅਭਿਸ਼ੇਕ ਬੱਚਨ ਨਾਲ ਕੜਵੇ ਰਿਸ਼ਤਿਆਂ ਤੇ ਵਾਇਰਲ ਹੋਈਆਂ ਸਨ ਖ਼ਬਰਾਂ
ਪਿਛਲੇ ਕੁਝ ਮਹੀਨਿਆਂ ਤੋਂ ਐਸ਼ਵਰਿਆ ਰਾਏ ਅਤੇ ਅਭਿਸ਼ੇਕ ਬੱਚਨ ਦੇ ਰਿਸ਼ਤੇ ਨੂੰ ਲੈ ਕੇ ਕਈ ਖਬਰਾਂ ਵਾਇਰਲ ਹੋ ਰਹੀਆਂ ਹਨ। ਕਈ ਮੀਡੀਆ ਰਿਪੋਰਟਾਂ ‘ਚ ਦਾਅਵਾ ਕੀਤਾ ਗਿਆ ਸੀ ਕਿ ਐਸ਼ਵਰਿਆ ਅਤੇ ਅਭਿਸ਼ੇਕ ਬੱਚਨ ਵਿਚਾਲੇ ਕੁਝ ਠੀਕ ਨਹੀਂ ਹੈ ਅਤੇ ਉਨ੍ਹਾਂ ਦਾ ਰਿਸ਼ਤਾ ਤਲਾਕ ਤੱਕ ਪਹੁੰਚ ਗਿਆ ਹੈ। ਹਾਲਾਂਕਿ ਹੁਣ ਤੱਕ ਇਨ੍ਹਾਂ ਖਬਰਾਂ ਨੂੰ ਬੱਚਨ ਪਰਿਵਾਰ ਨੇ ਨਜ਼ਰਅੰਦਾਜ਼ ਕੀਤਾ ਹੈ। ਪਰ ਅਕਸਰ ਅਭਿਸ਼ੇਕ ਬੱਚਨ ਅਤੇ ਅਮਿਤਾਭ ਬੱਚਨ ਨਾਂ ਲਏ ਬਿਨਾਂ ਅਜਿਹੀਆਂ ਅਫਵਾਹਾਂ ਫੈਲਾਉਣ ਵਾਲੇ ਮੀਡੀਆ ਪੋਰਟਲ ਦਾ ਮਜ਼ਾਕ ਉਡਾਉਂਦੇ ਨਜ਼ਰ ਆਉਂਦੇ ਹਨ।
View this post on Instagram
ਇਹ ਵੀ ਪੜ੍ਹੋ
ਅਭਿਸ਼ੇਕ ਬੱਚਨ ਨੇ ਕੀਤੀ ਸੀ ਐਸ਼ਵਰਿਆ ਦੀ ਤਾਰੀਫ
ਹਾਲ ਹੀ ‘ਚ ਆਪਣੀ ਫਿਲਮ ‘ਆਈ ਵਾਂਟ ਟੂ ਟਾਕ’ ਦੇ ਪ੍ਰਮੋਸ਼ਨ ਦੌਰਾਨ ਇਕ ਅਖਬਾਰ ਨੂੰ ਦਿੱਤੇ ਇੰਟਰਵਿਊ ‘ਚ ਅਭਿਸ਼ੇਕ ਬੱਚਨ ਨੇ ਐਸ਼ਵਰਿਆ ਰਾਏ ਦੀ ਤਾਰੀਫ ਕਰਦੇ ਹੋਏ ਕਿਹਾ ਸੀ ਕਿ ਮੈਨੂੰ ਲੱਗਦਾ ਹੈ ਕਿ ਮੈਂ ਆਪਣੇ ਘਰ ‘ਚ ਵੀ ਬਹੁਤ ਖੁਸ਼ਕਿਸਮਤ ਹਾਂ, ਕਿਉਂਕਿ ਮੈਨੂੰ ਘਰ ਤੋਂ ਬਾਹਰ ਜਾ ਕੇ ਕੰਮ ਕਰਨ ਦਾ ਮੌਕਾ ਮਿਲ ਰਿਹਾ ਹੈ। ਮੈਂ ਚੰਗੀ ਤਰ੍ਹਾਂ ਜਾਣਦਾ ਹਾਂ ਕਿ ਮੇਰੀ ਗੈਰ-ਮੌਜੂਦਗੀ ਵਿੱਚ ਵੀ ਐਸ਼ਵਰਿਆ ਆਰਾਧਿਆ ਦੇ ਨਾਲ ਰਹਿੰਦੀ ਹੈ ਅਤੇ ਉਸਦਾ ਪੂਰਾ ਧਿਆਨ ਰੱਖਦੀ ਹੈ। ਮੈਂ ਉਨ੍ਹਾਂ ਦੇ ਯੋਗਦਾਨ ਲਈ ਉਨ੍ਹਾਂਦਾ ਧੰਨਵਾਦੀ ਰਹਾਂਗਾ।
