ਭਗਵਾਨ ਰਾਮ ਸਾਰਿਆਂ ਦੇ ਹੋਣੇ ਚਾਹੀਦੇ, ਭਾਜਪਾ ਉਨ੍ਹਾਂ ਦੀ ਸ਼ਖਸੀਅਤ ਦੇ ਮੁਕਾਬਲੇ ਛੋਟੀ ਚੀਜ਼ ਹੈ: ਪੀਐਮ ਮੋਦੀ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਭਗਵਾਨ ਰਾਮ ਨੂੰ ਲੈ ਕੇ ਵਿਰੋਧੀ ਧਿਰ ‘ਤੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਗਵਾਨ ਰਾਮ ਸਿਰਫ ਮੋਦੀ ਜਾਂ ਸਿਰਫ ਭਾਜਪਾ ਦੇ ਨਹੀਂ ਹਨ। ਭਗਵਾਨ ਰਾਮ ਸਭ ਦੇ ਹਨ। ਹਰ ਕਿਸੇ ਦੇ ਹੋਣੇ ਚਾਹੀਦੇ ਹਨ। ਭਾਜਪਾ ਜਾਂ ਉਹ ਖੁਦ ਭਗਵਾਨ ਰਾਮ ਦੀ ਸ਼ਖਸੀਅਤ ਦੇ ਮੁਕਾਬਲੇ ਬਹੁਤ ਛੋਟੇ ਹਨ। ਉਨ੍ਹਾਂ ਕਿਹਾ ਕਿ ਅਯੁੱਧਿਆ ‘ਚ ਰਾਮ ਲੱਲਾ ਦੇ ਪ੍ਰਾਣ ਪ੍ਰਤੀਸ਼ਠਾ ਦੌਰਾਨ ਅਜਿਹਾ ਪਲ ਆਇਆ ਜਦੋਂ ਦੇਸ਼ ਹੀ ਨਹੀਂ ਵਿਦੇਸ਼ ‘ਚ ਬੈਠੇ ਸਾਰੇ ਲੋਕ ਭਾਵੁਕ ਹੋ ਗਏ। ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਵੀਰਵਾਰ ਨੂੰ TV9 ਦੇ 5 ਐਡੀਟਰਜ਼ ਪ੍ਰੋਗਰਾਮ ‘ਚ ਬੋਲ ਰਹੇ ਸਨ।

ਇਸ ਪ੍ਰੋਗਰਾਮ ਵਿੱਚ ਉਨ੍ਹਾਂ ਨੇ ਪੰਜ ਸੰਪਾਦਕਾਂ ਵੱਲੋਂ ਪੁੱਛੇ ਸਵਾਲਾਂ ਦੇ ਜਵਾਬ ਦਿੱਤੇ। ਇਸ ਮੌਕੇ ਪ੍ਰਧਾਨ ਮੰਤਰੀ ਮੋਦੀ ਨੇ ਕਾਂਗਰਸ ਸਮੇਤ ਸਮੁੱਚੀ ਵਿਰੋਧੀ ਧਿਰ ‘ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਉਹ ਭਗਵਾਨ ਰਾਮ ਨੂੰ ਘੱਟ ਤਾਕਤਵਰ ਮੰਨਦੇ ਹਨ। ਉਨ੍ਹਾਂ ਨੇ ਖੁੱਦ ਸਵਾਲ ਕੀਤਾ ਕਿ ਕੀ ਕਿਸੇ ਨੂੰ ਪਰਮ ਪਿਤਾ ਪਰਮਾਤਮਾ ਉੱਤੇ ਕੋਈ ਅਧਿਕਾਰ ਹੋ ਸਕਦਾ ਹੈ? ਭਗਵਾਨ ਰਾਮ ਵਰਗੀ ਮਹਾਨ ਸ਼ਖਸੀਅਤ ਨਾ ਤਾਂ ਕਦੇ ਹੋਈ ਅਤੇ ਨਾ ਹੀ ਹੋਵੇਗੀ। ਉਨ੍ਹਾਂ ਦੇ ਸਾਹਮਣੇ ਉਹ ਖੁਦ ਜਾਂ ਉਨ੍ਹਾਂ ਦੀ ਪਾਰਟੀ ਭਾਜਪਾ ਬਹੁਤ ਛੋਟੀ ਗੱਲ ਹੈ। ਉਨ੍ਹਾਂ ਸਾਫ਼ ਕਿਹਾ ਕਿ ਭਗਵਾਨ ਰਾਮ ਦੇ ਸਾਹਮਣੇ ਕੁਝ ਨਹੀਂ ਹੈ। ਭਗਵਾਨ ਰਾਮ ਸਭ ਦੇ ਹਨ, ਸਭ ਦੇ ਹੋਣਾ ਚਾਹੀਦੇ ਹਨ।

ਰਾਮ ‘ਤੇ ਘੇਰਿਆ

ਪ੍ਰਧਾਨ ਮੰਤਰੀ ਨੇ ਭਗਵਾਨ ਰਾਮ ‘ਤੇ ਵਿਰੋਧੀ ਧਿਰ ਨੂੰ ਕਾਫੀ ਘੇਰਿਆ। ਉਨ੍ਹਾਂ ਨੇ ਕਿਹਾ ਕਿ ਉਹ ਕਹਿੰਦੇ ਹਨ ਕਿ ਭਾਜਪਾ ਰਾਮ ‘ਤੇ ਕਬਜ਼ਾ ਕਰਨਾ ਚਾਹੁੰਦੀ ਹੈ। ਇਹ ਉਨ੍ਹਾਂ ਦੀ ਮੂਰਖਤਾ ਹੈ। ਭਗਵਾਨ ਰਾਮ ਉੱਤੇ ਕੌਣ ਅਧਿਕਾਰ ਕਰ ਸਕਦਾ ਹੈ? ਕੀ ਭਗਵਾਨ ਰਾਮ ਕੋਈ ਛੋਟੀ ਮੋਟੀ ਚੀਜ਼ ਹਨ, ਭਗਵਾਨ ਰਾਮ ਦੇ ਸਾਹਮਣੇ ਭਾਜਪਾ ਦੀ ਕੀ ਤਾਕਤ ਹੈ? ਉਨ੍ਹਾਂ ਕਿਹਾ ਕਿ ਸਿਰਫ਼ ਵਿਰੋਧੀ ਧਿਰ ਅਜਿਹਾ ਕਿਉਂ ਕਹਿ ਰਹੀ ਹੈ ਇਹ ਉਹੀ ਜਾਣਦੀ ਹੈ ਪਰ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਇਹ ਵਿਰੋਧੀ ਧਿਰ ਦਾ ਹਿਡੇਨ ਏਜੰਡਾ ਹੈ। ਇਹ ਲੁਕਵਾਂ ਏਜੰਡਾ ਵੋਟ ਬੈਂਕ ਲਈ ਹੈ।

ਹਿਡੇਨ ਏਜੰਡੇ ਚਲਾਉਣ ਵਾਲਿਆਂ ਦੇ ਵੀ ਹਨ ਰਾਮ

ਉਨ੍ਹਾਂ ਕਿਹਾ ਕਿ ਭਗਵਾਨ ਰਾਮ ਨੂੰ ਉਨ੍ਹਾਂ ਦੇ ਵੀ ਹੋਣੇ ਚਾਹੀਦੇ ਜੋ ਉਨ੍ਹਾਂ ਦਾ ਹਿਡੇਨ ਏਜੰਡੇ ਨੂੰ ਸੰਭਾਲਣ ਦਾ ਕੰਮ ਕਰਦੇ ਹਨ। ਉਨ੍ਹਾਂ ਵਿਰੋਧੀ ਧਿਰ ‘ਤੇ ਫਿਰ ਹਮਲਾ ਕਰਦਿਆਂ ਕਿਹਾ ਕਿ ਉਹ ਵੋਟ ਬੈਂਕ ਨੂੰ ਸੰਭਾਲਣ ਲਈ ਅਜਿਹਾ ਕਰਦੇ ਹਨ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਾਬਕਾ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਨੇ ਅਯੁੱਧਿਆ ਤੋਂ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਸੀ, ਪਰ ਕੁਝ ਲੋਕਾਂ ਨੇ ਉਨ੍ਹਾਂ ਨੂੰ ਸਮਝਾਇਆ ਕਿ ਨੁਕਸਾਨ ਹੋ ਸਕਦਾ ਹੈ। ਉਨ੍ਹਾਂ ਨੂੰ ਭਰੋਸਾ ਨਹੀਂ ਸੀ, ਇਸ ਲਈ ਇਹ ਸੁਣ ਕੇ ਉਹ ਇੱਥੋਂ ਭੱਜ ਆਏ। ਉਨ੍ਹਾਂ ਕਿਹਾ ਕਿ ਪਹਿਲਾਂ ਇਹ ਲੋਕ ਮੰਦਰਾਂ ਵਿੱਚ ਵੀ ਜਾਂਦੇ ਸਨ, ਖਾਸ ਕਰਕੇ ਚੋਣਾਂ ਦੌਰਾਨ।

ਹੁਣ ਇਹ ਲੋਕ ਮੰਦਰ ਨਹੀਂ ਜਾ ਰਹੇ : ਪ੍ਰਧਾਨ ਮੰਤਰੀ

ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਇਸ ਵਾਰ ਇਹ ਲੋਕ ਮੰਦਰ ਨਹੀਂ ਜਾ ਰਹੇ ਹਨ। ਕੀ ਤੁਸੀਂ ਉਨ੍ਹਾਂ ਨੂੰ ਚੋਣਾਂ ਦੌਰਾਨ ਕਿਸੇ ਮੰਦਰ ਵਿੱਚ ਜਾਂਦੇ ਦੇਖਿਆ? ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਕਿਹਾ ਕਿ ਭਗਵਾਨ ਰਾਮ ਰਾਜਨੀਤੀ ਦਾ ਵਿਸ਼ਾ ਨਹੀਂ ਹੈ, ਨਾ ਹੀ ਹੋਣਾ ਚਾਹੀਦਾ ਹੈ। ਪਰ ਭਗਵਾਨ ਰਾਮ ਉਨ੍ਹਾਂ ਦੇ ਹਰ ਧੁਰ ਅੰਦਰ ਵੱਸਦੇ ਹਨ। ਪੁਰਾਣੇ ਲੋਕਾਂ ਦੀਆਂ ਮੂਰਖਤਾ ਭਰੀਆਂ ਗਲਤੀਆਂ ਕਾਰਨ ਭਗਵਾਨ ਰਾਮ ਸਾਢੇ 500 ਸਾਲ ਬਨਵਾਸ ਵਿੱਚ ਰਹੇ। ਉਹ ਠੰਡ, ਗਰਮੀ ਅਤੇ ਮੀਂਹ ਦੇ ਬਾਵਜੂਦ ਟੈਂਟ ਵਿੱਚ ਪਏ ਹੋਏ ਸਨ। ਹੁਣ ਭਗਵਾਨ ਰਾਮ ਆਪਣੇ ਆਲੀਸ਼ਾਨ ਮੰਦਰ ਵਿੱਚ ਬਿਰਾਜਮਾਨ ਹਨ। ਪੀਐਮ ਮੋਦੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਭਗਵਾਨ ਰਾਮ ਵਿੱਚ ਵਿਸ਼ਵਾਸ ਹੈ ਅਤੇ ਉਹ ਉਨ੍ਹਾਂ ਦੇ ਆਦਰਸ਼ਾਂ ‘ਤੇ ਚੱਲਦੇ ਹਨ।

ਕਾਂਗਰਸ ਧਰਮ ਦੇ ਆਧਾਰ ‘ਤੇ ਰਾਖਵਾਂਕਰਨ ਦੇਣਾ ਚਾਹੁੰਦੀ ਸੀ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਕਿਹਾ ਕਿ ਕਾਂਗਰਸ ਦਾ ਕਾਰਨਾਮਾ ਕੋਈ ਭੁੱਲ ਸਕਦਾ ਹੈ। ਇਹ ਲੋਕ ਦੇਸ਼ ਵਿਚ ਧਰਮ ਦੇ ਨਾਂ ‘ਤੇ ਰਾਖਵਾਂਕਰਨ ਦੇਣਾ ਚਾਹੁੰਦੇ ਸਨ। ਮੂਲ ਸੰਵਿਧਾਨ ਵਿਚ ਇਹ ਵਿਵਸਥਾ ਨਹੀਂ ਸੀ, ਪਰ ਇਹ ਲੋਕ ਵੋਟ ਬੈਂਕ ਦੀ ਖ਼ਾਤਰ ਧਰਮ ਦੇ ਆਧਾਰ ‘ਤੇ ਖੇਡਣ ਅਤੇ ਦੇਸ਼ ਨੂੰ ਅੱਗ ਲਾਉਣ ਲਈ ਤਿਆਰ ਸਨ। ਉਨ੍ਹਾਂ ਕਿਹਾ ਕਿ ਜੰਮੂ-ਕਸ਼ਮੀਰ ਵਿੱਚ ਹੁਣ ਤੱਕ ਦੇਸ਼ ਦਾ ਸੰਵਿਧਾਨ ਲਾਗੂ ਨਹੀਂ ਸੀ। ਇਹ ਬਾਬਾ ਸਾਹਿਬ ਅੰਬੇਡਕਰ ਦਾ ਸਿੱਧਾ ਅਪਮਾਨ ਹੈ। 370 ਨੂੰ ਹਟਾ ਕੇ ਮੈਂ ਸੰਵਿਧਾਨ ਦੀ ਸਭ ਤੋਂ ਵੱਡੀ ਸੇਵਾ ਕੀਤੀ ਹੈ।