ਗਾਇਕ ਮਨਕੀਰਤ ਔਲਖ ਨੂੰ ਫਿਰ ਮਿਲੀ ਧਮਕੀ, ਇਟਲੀ ਦੇ ਨੰਬਰ ਤੋਂ ਕੀਤਾ ਮੈਸੇਜ

ਪੰਜਾਬੀ ਗਾਇਕ ਮਨਕੀਰਤ ਔਲਖ ਨੂੰ ਇੱਕ ਹੋਰ ਧਮਕੀ ਮਿਲੀ ਹੈ। ਇਸ ਵਾਰ ਉਸ ਦੇ ਪਰਿਵਾਰ ਨੂੰ ਵੀ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਗਈਆਂ। ਪਹਿਲਾਂ ਇੱਕ ਕਾਲ ਕੀਤੀ ਗਈ, ਪਰ ਜਦੋਂ ਕਾਲ ਨਹੀਂ ਚੁੱਕੀ ਗਈ ਤਾਂ ਇੱਕ ਮੈਸੇਜ ਰਾਹੀਂ ਧਮਕੀ ਭੇਜੀ ਗਈ।

ਇਸ ਨੂੰ ਲੈ ਕੇ ਚੈਟ ਦਾ ਸਕ੍ਰੀਨਸ਼ਾਟ ਵਾਇਰਲ ਹੋ ਰਿਹਾ ਹੈ। ਇਹ ਮੈਸੇਜ ਪੰਜਾਬੀ ‘ਚ ਲਿਖਿਆ ਹੈ। ਇਸ ‘ਚ ਸਾਫ਼ ਲਿਖਿਆ ਹੈ ਕਿ ਉਸ ਨੂੰ ਜਲਦ ਹੀ ਮਾਰ ਦਿੱਤਾ ਜਾਵੇਗਾ। ਇਸ ਮੈਸੇਜ ‘ਚ ਲਿਖਿਆ ਹੈ , “ਆਪਣੇ ਆਪ ਨੂੰ ਤਿਆਰ ਕਰਲਾ ਪੁੱਤਰਾ, ਤੇਰਾ ਟਾਇਆ ਆ ਗਿਆ ਹੈ, ਭਾਵੇਂ ਉਹ ਤੇਰੀ ਜਨਾਨੀ ਹੋਵੇ ਜਾਂ ਤੇਰਾ ਬੱਚਾ, ਸਾਨੂੰ ਇਸ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ। ਪੁੱਤਰ, ਤੇਰਾ ਨੰਬਰ ਲਗਾਉਣਾ ਪਵੇਗਾ। ਇਹ ਨਾ ਸੋਚ ਕਿ ਤੈਨੂੰ ਧਮਕੀ ਦਿੱਤੀ ਗਈ ਹੈ, ਜਾਂ ਮਜ਼ਾਕ ਕੀਤਾ ਗਿਆ ਹੈ। ਬੱਸ ਇੰਤਜ਼ਾਰ ਕਰੋ ਤੇ ਦੇਖੋ ਕਿ ਹੁਣ ਤੇਰੇ ਨਾਲ ਕੀ ਹੁੰਦਾ ਹੈ, ਪੁੱਤਰ।”

ਮਨਕੀਰਤ ਔਲਖ ਆਪਣੇ ਪਰਿਵਾਰ ਨਾਲ ਹੋਮ ਲੈਂਡ ਹਾਈਟਸ, ਸੈਕਟਰ 71, ਮੋਹਾਲੀ ਵਿੱਚ ਰਹਿੰਦਾ ਹੈ। ਇੱਕ ਪਾਸੇ ਉਹ ਗਾਇਕੀ ਦੇ ਖੇਤਰ ਵਿੱਚ ਸਰਗਰਮ ਹੈ। ਇਸ ਦੇ ਨਾਲ ਹੀ ਉਹ ਸਮਾਜ ਸੇਵਾ ਦੇ ਖੇਤਰ ਵਿੱਚ ਵੀ ਯੋਗਦਾਨ ਪਾਉਂਦਾ ਹੈ। ਉਸਨੂੰ ਸਾਲ 2022 ਦੇ ਗੈਂਗਸਟਰ ਦਵਿੰਦਰ ਬੰਬੀਹਾ ਗਰੁੱਪ ਵੱਲੋਂ ਫੇਸਬੁੱਕ ‘ਤੇ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ। ਇੰਨਾ ਹੀ ਨਹੀਂ, ਪੋਸਟ ਵਿੱਚ ਇਹ ਵੀ ਲਿਖਿਆ ਹੈ ਕਿ ਸਿਰਫ 10 ਮਿੰਟ ਦਾ ਫਰਕ ਸੀ, ਨਹੀਂ ਤਾਂ ਉਹ ਸਵਰਗ ਚਲਾ ਜਾਂਦਾ। ਇਹ ਮਾਮਲਾ ਸਾਹਮਣੇ ਆਉਂਦੇ ਹੀ ਮੋਹਾਲੀ ਪੁਲਿਸ ਹਰਕਤ ਵਿੱਚ ਆ ਗਈ। ਇਸ ਦੇ ਨਾਲ ਹੀ ਉਸ ਨੂੰ ਸੁਰੱਖਿਆ ਵੀ ਦਿੱਤੀ ਗਈ।