Shocking News: ਨਸ਼ੇ ਵਿੱਚ ਸੌ ਰਿਹਾ ਸੀ ਵਿਅਕਤੀ, ਕੱਟ-ਕੱਟ ਕੇ ਚੂਹਿਆਂ ਨੇ ਨੇ ਉਤਾਰਿਆ ਮੌਤ ਦੇ ਘਾਟ!

ਦਿੱਲੀ ਦੇ ਜੈਤਪੁਰ ਵਿੱਚ ਸੋਮਵਾਰ ਸਵੇਰੇ ਇੱਕ ਟ੍ਰੈਫਿਕ ਮਾਰਸ਼ਲ ਦੀ ਸ਼ੱਕੀ ਹਾਲਾਤਾਂ ਵਿੱਚ ਮੌਤ ਹੋ ਗਈ। ਮ੍ਰਿਤਕ ਦੀ ਪਛਾਣ ਗੋਪਾਲ ਗੁਪਤਾ (48) ਵਜੋਂ ਹੋਈ ਹੈ। ਪੁਲਿਸ ਨੂੰ ਹੱਥਾਂ ਅਤੇ ਬੁੱਲ੍ਹਾਂ ਤੋਂ ਇਲਾਵਾ ਇਕ ਅੱਖ ‘ਤੇ ਕੁਤਰਨ ਦੇ ਨਿਸ਼ਾਨ ਮਿਲੇ ਹਨ। ਜਾਂਚ ਲਈ ਕ੍ਰਾਈਮ ਟੀਮ ਅਤੇ FSL ਟੀਮ ਨੂੰ ਮੌਕੇ ਤੇ ਬੁਲਾਇਆ ਗਿਆ। ਲਾਸ਼ ਦੀ ਜਾਂਚ-ਪੜਤਾਲ ਕਰਨ ਤੋਂ ਬਾਅਦ ਸ਼ੱਕ ਹੋਇਆ ਕਿ ਗੋਪਾਲ ਨੂੰ ਚੂਹਿਆਂ ਨੇ ਸੌਂਦੇ ਹੋਏ ਵੱਢਿਆ ਸੀ। ਇਹ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਉਸ ਦੀ ਮੌਤ ਇਸੇ ਕਾਰਨ ਹੋਈ ਹੈ ਜਾਂ ਕੋਈ ਹੋਰ ਕਾਰਨ ਹੈ। ਪੁਲਿਸ ਨੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਏਮਜ਼ ਭੇਜ ਦਿੱਤਾ ਹੈ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਰਿਪੋਰਟ ਆਉਣ ਤੋਂ ਬਾਅਦ ਹੀ ਮੌਤ ਦੇ ਅਸਲ ਕਾਰਨਾਂ ਦਾ ਪਤਾ ਲੱਗ ਸਕੇਗਾ।

ਦੱਖਣ-ਪੂਰਬੀ ਜ਼ਿਲੇ ਦੇ ਪੁਲਿਸ ਡਿਪਟੀ ਕਮਿਸ਼ਨਰ ਰਾਜੇਸ਼ ਦੇਵ ਨੇ ਦੱਸਿਆ ਕਿ ਸਵੇਰੇ ਕਰੀਬ 7.15 ਵਜੇ ਸੂਚਨਾ ਮਿਲੀ ਸੀ ਕਿ ਜੈਤਪੁਰ-ਮੀਠਾਪੁਰ ਚੌਕ ਨੇੜੇ ਇਕ ਪੈਂਚਰ ਦੀ ਦੁਕਾਨ ‘ਚ ਇਕ ਵਿਅਕਤੀ ਦੀ ਲਾਸ਼ ਪਈ ਹੈ ਅਤੇ ਉਸ ਦਾ ਕਤਲ ਕਰ ਦਿੱਤਾ ਗਿਆ ਹੈ। ਸੂਚਨਾ ਮਿਲਦੇ ਹੀ ਜ਼ਿਲ੍ਹੇ ਦੇ ਸੀਨੀਅਰ ਪੁਲੀਸ ਅਧਿਕਾਰੀਆਂ ਤੋਂ ਇਲਾਵਾ ਕ੍ਰਾਈਮ ਟੀਮ ਅਤੇ FSL ਵੀ ਮੌਕੇ ਤੇ ਪਹੁੰਚ ਗਈ।

ਬਾਅਦ ‘ਚ ਮ੍ਰਿਤਕ ਦੀ ਪਛਾਣ ਗੋਪਾਲ ਗੁਪਤਾ ਵਾਸੀ ਗਲੀ ਨੰਬਰ 8, ਹਰੀਨਗਰ, ਜੈਤਪੁਰ ਐਕਸਟੈਂਸ਼ਨ ਵਜੋਂ ਹੋਈ। ਗੋਪਾਲ ਮੂਲ ਰੂਪ ਤੋਂ ਬਿਹਾਰ ਦਾ ਰਹਿਣ ਵਾਲਾ ਹੈ ਅਤੇ ਆਪਣੀ ਪਤਨੀ ਅਤੇ ਦੋ ਬੱਚਿਆਂ ਨਾਲ ਜੈਤਪੁਰ ਰਹਿੰਦਾ ਸੀ। ਉਹ ਇੱਕ ਨਿੱਜੀ ਸੁਰੱਖਿਆ ਕੰਪਨੀ ਵਿੱਚ ਸੁਰੱਖਿਆ ਗਾਰਡ ਸੀ। ਇਸ ਸਮੇਂ ਉਹ ਟਰੈਫਿਕ ਮਾਰਸ਼ਲ ਵਜੋਂ ਤਾਇਨਾਤ ਸਨ।

ਨਸ਼ੇ ਦੀ ਹਾਲਤ ਵਿੱਚ ਸੀ ਮ੍ਰਿਤਕ

ਗੋਪਾਲ ਨਸ਼ੇ ਦਾ ਆਦੀ ਸੀ। ਐਤਵਾਰ ਰਾਤ ਕਰੀਬ 10 ਵਜੇ ਤੱਕ ਉਹ ਠੀਕ ਦੇਖਿਆ ਗਿਆ। ਦੇਰ ਰਾਤ ਉਹ ਆਪਣੇ ਜਾਣਕਾਰ ਰਾਜੇਸ਼ ਉਰਫ਼ ਸੋਨੂੰ ਨਾਲ ਦੁਕਾਨ ਵਿੱਚ ਸੁੱਤਾ ਪਿਆ ਸੀ। ਅਗਲੀ ਸਵੇਰ ਉਸ ਦੀ ਲਾਸ਼ ਇੱਥੋਂ ਮਿਲੀ। ਪੁਲਿਸ ਰਾਜੇਸ਼ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਗੋਪਾਲ ਦੇ ਮੂੰਹ, ਹੱਥਾਂ ਅਤੇ ਅੱਖਾਂ ਵਿੱਚੋਂ ਖੂਨ ਨਿਕਲ ਰਿਹਾ ਸੀ।

ਇਸ ਆਧਾਰ ‘ਤੇ ਕਤਲ ਦਾ ਸ਼ੱਕ ਜਤਾਇਆ ਜਾ ਰਿਹਾ ਸੀ। ਪੁਲੀਸ ਟੀਮ ਨੇ ਜਦੋਂ ਬਾਰੀਕੀ ਨਾਲ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਲਾਸ਼ ਨੂੰ ਚੂਹਿਆਂ ਨੇ ਕੱਟਿਆ ਹੋਇਆ ਸੀ। ਇੰਜ ਜਾਪਦਾ ਸੀ ਕਿ ਆਪਣੀ ਸ਼ਰਾਬੀ ਹਾਲਤ ਵਿਚ ਗੋਪਾਲ ਨੇ ਚੂਹੇ ਦੇ ਕੱਟਣ ਵੱਲ ਧਿਆਨ ਵੀ ਨਹੀਂ ਦਿੱਤਾ। ਚੂਹਿਆਂ ਨੇ ਉਸਨੂੰ ਇੰਨਾ ਡੰਗ ਮਾਰਿਆ ਕਿ ਉਸਦੀ ਮੌਤ ਹੋ ਗਈ। ਰਾਜੇਸ਼ ਨੇ ਗੋਪਾਲ ਨੂੰ ਸ਼ਰਾਬ ਦੇ ਨਸ਼ੇ ‘ਚ ਸੌਣ ਬਾਰੇ ਵੀ ਦੱਸਿਆ ਹੈ।