ਪਹਿਲਾਂ ਵਧੀਆਂ ਫਿਰ ਘਟੀਆਂ? SSC ਨੇ ਜਾਰੀ ਕੀਤੀ CGL ਦੀ ਫਾਇਨਲ ਲਿਸਟ, ਜਾਣੋ ਹੁਣ ਕੁੱਲ ਕਿੰਨੇ ਅਹੁਦਿਆਂ ‘ਤੇ ਹੋਵੇਗੀ ਭਰਤੀ

SSC CGL: ਫਾਈਨਲ ਵੈਕੈਂਸੀ ਲਿਸਟ ਜਾਰੀ, ਹੁਣ ਇੰਨੇ ਅਹੁਦਿਆਂ 'ਤੇ ਹੋਵੇਗੀ ਭਰਤੀ

ਕਰਮਚਾਰੀ ਚੋਣ ਕਮਿਸ਼ਨ ਨੇ ਕੰਬਾਈਂਡ ਗ੍ਰੈਜੂਏਟ ਲੈਵਲ (CGL) ਪ੍ਰੀਖਿਆ 2025 ਲਈ ਅੰਤਿਮ ਅਸਾਮੀਆਂ (Final Vacancies) ਦੀ ਗਿਣਤੀ ਜਾਰੀ ਕਰ ਦਿੱਤੀ ਹੈ। ਇਸ ਭਰਤੀ ਪ੍ਰਕਿਰਿਆ ਰਾਹੀਂ ਕੇਂਦਰ ਸਰਕਾਰ ਦੇ ਵੱਖ-ਵੱਖ ਮੰਤਰਾਲਿਆਂ, ਵਿਭਾਗਾਂ ਅਤੇ ਸੰਗਠਨਾਂ ਵਿੱਚ ਹਜ਼ਾਰਾਂ ਅਹੁਦਿਆਂ ‘ਤੇ ਨਿਯੁਕਤੀਆਂ ਕੀਤੀਆਂ ਜਾਣਗੀਆਂ।

ਪਹਿਲਾਂ ਜਾਰੀ ਕੀਤੇ ਗਏ ਅੰਕੜਿਆਂ ਵਿੱਚ ਮਾਮੂਲੀ ਸੋਧ ਤੋਂ ਬਾਅਦ, ਹੁਣ ਕੁੱਲ 15,125 ਅਸਾਮੀਆਂ ‘ਤੇ ਭਰਤੀ ਦੀ ਪੁਸ਼ਟੀ ਕੀਤੀ ਗਈ ਹੈ। ਇਨ੍ਹਾਂ ਅਹੁਦਿਆਂ ਲਈ ਅਨਾਰਕਸ਼ਿਤ, ਓ.ਬੀ.ਸੀ., ਐੱਸ.ਸੀ., ਐੱਸ.ਟੀ. ਅਤੇ ਈ.ਡਬਲਿਊ.ਐੱਸ. ਵਰਗ ਦੇ ਉਮੀਦਵਾਰਾਂ ਲਈ ਵੱਖ-ਵੱਖ ਸੀਟਾਂ ਨਿਰਧਾਰਤ ਕੀਤੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਕਮਿਸ਼ਨ ਨੇ ਉਮੀਦਵਾਰਾਂ ਨੂੰ ਅੰਤਿਮ ਨਤੀਜੇ ਤੋਂ ਪਹਿਲਾਂ ‘ਪੋਸਟ ਪ੍ਰੈਫਰੈਂਸ’ ਭਰਨ ਦੇ ਨਿਰਦੇਸ਼ ਵੀ ਦਿੱਤੇ ਹਨ।

ਅਸਾਮੀਆਂ ਦੀ ਗਿਣਤੀ ਵਿੱਚ ਹੋਇਆ ਵਾਧਾ

ਇਸ ਤੋਂ ਪਹਿਲਾਂ 9 ਜੂਨ 2025 ਨੂੰ ਜਾਰੀ ਨੋਟੀਫਿਕੇਸ਼ਨ ਵਿੱਚ 14,582 ਅਹੁਦਿਆਂ ਲਈ ਅਰਜ਼ੀਆਂ ਮੰਗੀਆਂ ਗਈਆਂ ਸਨ। ਬਾਅਦ ਵਿੱਚ ਵੱਖ-ਵੱਖ ਮੰਤਰਾਲਿਆਂ ਅਤੇ ਵਿਭਾਗਾਂ ਵੱਲੋਂ ਵਾਧੂ ਅਸਾਮੀਆਂ ਦੀ ਮੰਗ ਆਉਣ ਤੋਂ ਬਾਅਦ ਕੁੱਲ 543 ਅਹੁਦਿਆਂ ਦਾ ਵਾਧਾ ਕੀਤਾ ਗਿਆ ਹੈ। ਇਹ ਭਰਤੀਆਂ ਕੇਂਦਰ ਸਰਕਾਰ ਦੇ ਮੰਤਰਾਲਿਆਂ, ਸੰਵਿਧਾਨਕ ਅਤੇ ਵਿਧਾਨਕ ਸੰਸਥਾਵਾਂ ਵਿੱਚ ਗਰੁੱਪ-ਬੀ ਅਤੇ ਗਰੁੱਪ-ਸੀ ਦੇ ਅਹੁਦਿਆਂ ‘ਤੇ ਕੀਤੀਆਂ ਜਾਣਗੀਆਂ।

ਵੱਖ-ਵੱਖ ਵਰਗਾਂ ਲਈ ਸੀਟਾਂ ਦਾ ਵੇਰਵਾ

ਅਨਾਰਕਸ਼ਿਤ : 6,459 ਅਹੁਦੇ

ਓ.ਬੀ.ਸੀ. 3,834 ਅਹੁਦੇ

ਐੱਸ.ਸੀ. : 2,223 ਅਹੁਦੇ

ਐੱਸ.ਟੀ. : 1,134 ਅਹੁਦੇ

ਈ.ਡਬਲਿਊ.ਐੱਸ. : 1,475 ਅਹੁਦੇ

ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ 6,626 ਅਹੁਦੇ ਵਿੱਤ ਮੰਤਰਾਲੇ ਦੇ ਅਧੀਨ ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (CBDT) ਵਿੱਚ ਅਧੀਨ ਸੁਪਰਡੈਂਟ ਦੇ ਹਨ। ਇਸ ਤੋਂ ਇਲਾਵਾ ਇਨਕਮ ਟੈਕਸ ਇੰਸਪੈਕਟਰ ਦੇ 412 ਅਤੇ ਟੈਕਸ ਅਸਿਸਟੈਂਟ ਦੇ 1,294 ਅਹੁਦੇ ਵੀ ਸ਼ਾਮਲ ਹਨ।

ਹੋਰ ਪ੍ਰਮੁੱਖ ਵਿਭਾਗਾਂ ਵਿੱਚ ਭਰਤੀ

ਵਿੱਤ ਮੰਤਰਾਲੇ ਦੇ ਅਧੀਨ ਕੇਂਦਰੀ ਅਪ੍ਰਤੱਖ ਟੈਕਸ ਅਤੇ ਸੀਮਾ ਸ਼ੁਲਕ ਬੋਰਡ ਵਿੱਚ ਵੀ ਕਈ ਅਹੁਦੇ ਭਰੇ ਜਾਣਗੇ। ਇਸ ਵਿੱਚ ਇੰਸਪੈਕਟਰ (ਸੈਂਟਰਲ ਐਕਸਾਈਜ਼) ਦੇ 1,306 ਅਹੁਦੇ, ਇੰਸਪੈਕਟਰ (ਐਗਜ਼ਾਮੀਨਰ) ਦੇ 137 ਅਹੁਦੇ ਅਤੇ ਇੰਸਪੈਕਟਰ (ਪ੍ਰੀਵੈਂਟਿਵ ਅਫਸਰ) ਦੇ 353 ਅਹੁਦੇ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਐਗਜ਼ੀਕਿਊਟਿਵ ਅਸਿਸਟੈਂਟ ਦੇ 183 ਅਤੇ ਟੈਕਸ ਅਸਿਸਟੈਂਟ ਦੇ 771 ਅਹੁਦੇ ਵੀ ਭਰੇ ਜਾਣਗੇ।

13 ਮਾਰਚ ਤੱਕ ਭਰਨੀ ਹੋਵੇਗੀ ਪੋਸਟ ਪ੍ਰੈਫਰੈਂਸ

SSC ਨੇ ਟਾਇਰ-2 ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਸਾਰੇ ਉਮੀਦਵਾਰਾਂ ਨੂੰ ਅੰਤਿਮ ਨਤੀਜੇ ਤੋਂ ਪਹਿਲਾਂ ਪੋਸਟ ਅਤੇ ਵਿਭਾਗ ਦੀ ਤਰਜੀਹ (Preference) ਭਰਨ ਦੇ ਨਿਰਦੇਸ਼ ਦਿੱਤੇ ਹਨ। ਟਾਇਰ-1 ਦਾ ਨਤੀਜਾ 18 ਦਸੰਬਰ ਨੂੰ ਐਲਾਨਿਆ ਗਿਆ ਸੀ, ਜਦਕਿ ਟਾਇਰ-2 ਦੀ ਪ੍ਰੀਖਿਆ 18 ਤੋਂ 20 ਜਨਵਰੀ ਦੇ ਵਿਚਕਾਰ ਕਰਵਾਈ ਗਈ ਸੀ।

SSC ਜਲਦ ਸ਼ੁਰੂ ਕਰੇਗਾ ਨਵੀਆਂ ਭਰਤੀਆਂ ਦੀ ਪ੍ਰਕਿਰਿਆ

ਕਰਮਚਾਰੀ ਚੋਣ ਕਮਿਸ਼ਨ ਇਸੇ ਮਹੀਨੇ ਤਿੰਨ ਨਵੀਆਂ ਭਰਤੀਆਂ ਲਈ ਅਰਜ਼ੀ ਪ੍ਰਕਿਰਿਆ ਸ਼ੁਰੂ ਕਰਨ ਜਾ ਰਿਹਾ ਹੈ। ਇਨ੍ਹਾਂ ਵਿੱਚ SSC CGL ਪ੍ਰੀਖਿਆ 2026, ਜੂਨੀਅਰ ਇੰਜੀਨੀਅਰ ਪ੍ਰੀਖਿਆ 2026 ਅਤੇ ਸਿਲੈਕਸ਼ਨ ਪੋਸਟ ਫੇਜ਼-14 ਪ੍ਰੀਖਿਆ ਸ਼ਾਮਲ ਹੈ। ਇਨ੍ਹਾਂ ਭਰਤੀਆਂ ਲਈ ਅਪ੍ਰੈਲ ਦੇ ਅੰਤ ਤੱਕ ਅਰਜ਼ੀਆਂ ਦਿੱਤੀਆਂ ਜਾ ਸਕਣਗੀਆਂ ਅਤੇ ਇਨ੍ਹਾਂ ਦੀ ਮੁੱਢਲੀ ਕੰਪਿਊਟਰ ਅਧਾਰਤ ਪ੍ਰੀਖਿਆ ਮਈ ਵਿੱਚ ਪ੍ਰਸਤਾਵਿਤ ਹੈ।

ਇਸ ਤੋਂ ਇਲਾਵਾ ਅਗਲੇ ਮਹੀਨੇ SSC CHSL ਪ੍ਰੀਖਿਆ 2026, ਸਟੈਨੋਗ੍ਰਾਫਰ ਗ੍ਰੇਡ-ਸੀ ਅਤੇ ਡੀ ਪ੍ਰੀਖਿਆ 2026 ਅਤੇ ਸੰਯੁਕਤ ਹਿੰਦੀ ਅਨੁਵਾਦਕ ਪ੍ਰੀਖਿਆ 2026 ਲਈ ਵੀ ਨੋਟੀਫਿਕੇਸ਼ਨ ਜਾਰੀ ਕੀਤਾ ਜਾਵੇਗਾ। ਇਨ੍ਹਾਂ ਪ੍ਰੀਖਿਆਵਾਂ ਦਾ ਆਯੋਜਨ ਜੁਲਾਈ ਤੋਂ ਸਤੰਬਰ ਦੇ ਵਿਚਕਾਰ ਕੀਤੇ ਜਾਣ ਦੀ ਸੰਭਾਵਨਾ ਹੈ।