GDP Increased: ਚੋਣਾਂ ਤੋਂ ਪਹਿਲਾਂ ਇਕੋਨਾਮੀ ਦੇ ਮੋਰਚੇ ‘ਤੇ ਮੋਦੀ ਸਰਕਾਰ ਦੀ ਵੱਡੀ ਜਿੱਤ, 8.4 ਫੀਸਦੀ ਰਹੀ ਜੀਡੀਪੀ
ਨੈਸ਼ਨਲ ਸਟੈਟਿਸਟੀਕਲ ਆਫਿਸ (ਐੱਨਐੱਸਓ) ਵੱਲੋਂ ਵੀਰਵਾਰ ਨੂੰ ਜਾਰੀ ਕੀਤੇ ਗਏ ਅੰਕੜਿਆਂ ਮੁਤਾਬਕ, ਭਾਰਤ ਦੇ ਕੁੱਲ ਘਰੇਲੂ ਉਤਪਾਦ (ਜੀਡੀਪੀ) ਨੇ ਤੀਜੀ ਤਿਮਾਹੀ (ਅਕਤੂਬਰ-ਦਸੰਬਰ) ਦੌਰਾਨ ਸਾਲ ਦਰ ਸਾਲ 8.4 ਫੀਸਦੀ ਦੀ ਮਜ਼ਬੂਤ ਵਾਧਾ ਦਰਜ ਕੀਤਾ ਹੈ। ਪਿਛਲੀ ਤਿਮਾਹੀ 'ਚ ਇਹ 8.1 ਫੀਸਦੀ ਸੀ। ਤਾਜ਼ਾ ਜੀਡੀਪੀ ਅੰਕੜੇ ਵਿਸ਼ਲੇਸ਼ਕਾਂ ਦੀਆਂ ਉਮੀਦਾਂ ਨਾਲੋਂ ਬਿਹਤਰ ਹਨ।
ਦੇਸ਼ ਵਿੱਚ ਚੋਣਾਂ ਦਾ ਮਾਹੌਲ ਤਿਆਰ ਹੋ ਚੁੱਕਾ ਹੈ। ਇਸ ਦੌਰਾਨ ਅਰਥਵਿਵਸਥਾ ਨੂੰ ਲੈ ਕੇ ਵੱਡੀ ਖਬਰ ਆਈ ਹੈ। ਸਰਕਾਰ ਦੇ ਯਤਨਾਂ ਸਦਕਾ ਦੇਸ਼ ਵਿੱਚ ਆਰਥਿਕ ਵਿਕਾਸ ਦੀ ਦਰ ਵਿੱਚ ਵਾਧਾ ਹੋਇਆ ਹੈ। ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ‘ਚ ਦੇਸ਼ ਦੀ ਜੀਡੀਪੀ ਵਾਧਾ ਦਰ 8.4 ਫੀਸਦੀ ਰਹੀ ਹੈ। ਇਸ ਦੇ ਨਾਲ ਹੀ ਪੂਰੇ ਸਾਲ ਦੇ ਅਨੁਮਾਨ ਵੀ ਜਾਰੀ ਕਰ ਦਿੱਤੇ ਗਏ ਹਨ।
ਸਰਕਾਰੀ ਅੰਕੜਿਆਂ ਮੁਤਾਬਕ ਪੂਰੇ ਚਾਲੂ ਵਿੱਤੀ ਸਾਲ 2023-24 ‘ਚ ਦੇਸ਼ ਦੀ ਜੀਡੀਪੀ ਵਾਧਾ ਦਰ 7.6 ਫੀਸਦੀ ਰਹਿ ਸਕਦੀ ਹੈ। ਇਹ ਵਿੱਤੀ ਸਾਲ 2022-23 ਲਈ 7 ਫੀਸਦੀ ਦੇ ਸੋਧੇ ਅਨੁਮਾਨ ਤੋਂ ਜ਼ਿਆਦਾ ਹੈ।
ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਅਤੇ ਦੂਜੀ ਤਿਮਾਹੀ ਲਈ ਜੀਡੀਪੀ ਦੇ ਅੰਕੜਿਆਂ ਨੂੰ ਸੋਧਿਆ ਗਿਆ ਹੈ ਅਤੇ ਇਸਨੂੰ ਕ੍ਰਮਵਾਰ 8.2 ਪ੍ਰਤੀਸ਼ਤ (7.8 ਪ੍ਰਤੀਸ਼ਤ ਦੇ ਬਦਲੇ) ਅਤੇ 8.1 ਪ੍ਰਤੀਸ਼ਤ (7.6 ਪ੍ਰਤੀਸ਼ਤ ਦੀ ਬਦਲੇ) ਕਰ ਦਿੱਤਾ ਗਿਆ ਹੈ। ਵਿੱਤੀ ਸਾਲ 2024 ਲਈ ਜੀਡੀਪੀ ਦੇ ਅਨੁਮਾਨ ਨੂੰ ਵੀ 7 ਫੀਸਦੀ ਤੋਂ ਵਧਾ ਕੇ 7.6 ਫੀਸਦੀ ਤੱਕ ਸੋਧ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ – WITT: ਚੀਨ ਦਾ ਬਦਲ ਬਣ ਰਿਹਾ ਹੈ ਭਾਰਤ, ਮੋਦੀ ਸਰਕਾਰ ਦੀਆਂ ਨੀਤੀਆਂ ਬਣ ਰਹੀਆਂ ਕਾਰਨ
ਐਨਐਸਓ ਨੇ ਵਿੱਤੀ ਸਾਲ 2022-23 ਲਈ ਜੀਡੀਪੀ ਦੇ ਅੰਕੜਿਆਂ ਨੂੰ ਵੀ ਸੋਧਿਆ ਹੈ। ਇਸ ਨੂੰ ਪਹਿਲਾਂ 7.2% ਦੇ ਅਨੁਮਾਨ ਦੇ ਮੁਕਾਬਲੇ 7% ਤੱਕ ਘਟਾ ਦਿੱਤਾ ਗਿਆ ਹੈ।