ਲੋਕਾਂ ਨੇ ਛੱਡੀ ਮਾਈਲੇਜ ਦੀ ਚਿੰਤਾ, ਹੌਟ ਕੇਕ ਵਾਂਗ ਵਿੱਕ ਰਹੀ Royal Enfield, ਬਣ ਗਿਆ ਰਿਕਾਰਡ
01 Apr 2025 14:24 PM
Royal Enfield: ਬਾਈਕਰਾਂ ਵਿਚਾਲੇ ਸ਼ਾਨ ਦੀ ਸਵਾਰੀ ਮੰਨੀ ਜਾਣ ਵਾਲੀ Royal Enfield ਹੁਣ ਬਾਜ਼ਾਰ ਵਿੱਚ ਵੀ ਆਪਣਾ ਦੱਮ ਦਿਖਾ ਰਹੀ ਹੈ। ਇਸੇ ਲਈ ਮਾਰਚ ਦੇ ਮਹੀਨੇ ਵਿੱਚ ਇਸਦੀ ਵਿਕਰੀ ਨੇ ਇੱਕ ਨਵਾਂ ਰਿਕਾਰਡ ਬਣਾਇਆ ਹੈ ਅਤੇ ਜਬਰਦਸਤ ਗ੍ਰੋਥ ਦਰਜ ਕੀਤੀ ਹੈ।
Royal Enfield ਦਾ ਬਣ ਗਿਆ ਰਿਕਾਰਡ
Royal Enfield Sales on Top: ਕਰੂਜ਼ ਸੈਗਮੈਂਟ ਬਾਈਕਸ ਦੇ ਮਾਮਲੇ ਵਿੱਚ Royal Enfield ਨੂੰ ਟੱਕਰ ਦੇਣ ਵਾਲਾ ਬ੍ਰਾਂਡ ਦੂਰ-ਦੂਰ ਤੱਕ ਨਹੀਂ ਮਿਲਦਾ। ਪਹਿਲਾਂ, ਜ਼ਿਆਦਾਤਰ ਲੋਕ ਇਸਦੀ ਘੱਟ ਮਾਈਲੇਜ ਕਾਰਨ ਇਸਨੂੰ ਖਰੀਦਣ ਤੋਂ ਪਰਹੇਜ਼ ਕਰਦੇ ਸਨ। ਪਰ ਹੁਣ ਲੋਕਾਂ ਵਿੱਚ ਮਾਈਲੇਜ ਦੀ ਟੈਨਸ਼ਨ ਖਤਮ ਹੋ ਰਹੀ ਹੈ ਅਤੇ ਰਾਇਲ ਐਨਫੀਲਡ ਬਾਈਕ ਦੇਸ਼ ਵਿੱਚ ਹੌਟ ਕੇਕ ਵਾਂਗ ਵਿਕ ਰਹੀ ਹੈ। ਇਸੇ ਲਈ ਕੰਪਨੀ ਨੇ ਮਾਰਚ 2025 ਵਿੱਚ ਵਿਕਰੀ ਦਾ ਨਵਾਂ ਰਿਕਾਰਡ ਬਣਾ ਦਿੱਤਾ ਹੈ।
Royal Enfield ਦੇ ਦੋ ਸਭ ਤੋਂ ਮਸ਼ਹੂਰ ਮਾਡਲ, Classic 350 ਅਤੇ Bullet, ਆਪਣੀ ਦਮਦਾਰ ਆਵਾਜ਼ ਅਤੇ ਪਰਫਾਰਮੈਂਸ ਦੇ ਕਾਰਨ ਬਾਜ਼ਾਰ ਵਿੱਚ ਇੱਕ ਵੱਖਰੀ ਪਛਾਣ ਰੱਖਦੇ ਹਨ। ਕਲਾਸਿਕ 350 Royal Enfield ਦੀ ਸਭ ਤੋਂ ਵੱਧ ਵਿਕਣ ਵਾਲੀ ਬਾਈਕ ਵੀ ਹੈ। ਫਿਰ ਵੀ, ਕੰਪਨੀ ਨੇ ਆਪਣੇ ਪੋਰਟਫੋਲੀਓ ਦਾ ਵਿਸਤਾਰ ਕੀਤਾ ਹੈ ਅਤੇ ਇਸ ਨਾਲ ਇਸਦੀ ਵਿਕਰੀ ਵਧਾਉਣ ਵਿੱਚ ਵੀ ਮਦਦ ਮਿਲੀ ਹੈ।
ਵਿੱਕ ਗਈਆਂ 1 ਲੱਖ ਤੋਂ ਵੱਧ ਬਾਈਕਾਂ
ਮਾਰਚ 2025 ਵਿੱਚ, ਕੰਪਨੀ ਦੀ ਕੁੱਲ ਵਿਕਰੀ 34 ਪ੍ਰਤੀਸ਼ਤ ਦੇ ਵਾਧੇ ਨਾਲ 1,01,021 ਯੂਨਿਟਾਂ ਤੱਕ ਪਹੁੰਚ ਗਈ। ਪਿਛਲੇ ਸਾਲ ਇਸੇ ਮਹੀਨੇ ਕੰਪਨੀ ਦੀ ਵਿਕਰੀ ਸਿਰਫ਼ 75,551 ਯੂਨਿਟ ਸੀ। ਇਹ ਵਾਧਾ ਰਾਇਲ ਐਨਫੀਲਡ ਦੀ ਵਿਕਰੀ ਵਿੱਚ ਲਗਾਤਾਰ ਦੇਖਿਆ ਜਾ ਰਿਹਾ ਹੈ। Royal Enfield ਬਾਈਕ ਘੱਟੋ-ਘੱਟ 350cc ਇੰਜਣ ਦੇ ਨਾਲ ਆਉਂਦੀ ਹੈ, ਇਸ ਲਈ ਇਨ੍ਹਾਂ ਦੀ ਮਾਈਲੇਜ ਦੂਜੀਆਂ ਬਾਈਕਾਂ ਦੇ ਮੁਕਾਬਲੇ ਘੱਟ ਹੁੰਦੀ ਹੈ।
ਘਰੇਲੂ ਪੱਧਰ ‘ਤੇ ਨਜ਼ਰ ਮਾਰੀਏ ਤਾਂ ਮਾਰਚ 2025 ਵਿੱਚ, ਰਾਇਲ ਐਨਫੀਲਡ ਨੇ 88,050 ਯੂਨਿਟ ਵੇਚੇ ਹਨ। ਇਹ ਮਾਰਚ 2024 ਵਿੱਚ ਹੋਈ 66,044 ਯੂਨਿਟਾਂ ਦੀ ਵਿਕਰੀ ਨਾਲੋਂ 33 ਪ੍ਰਤੀਸ਼ਤ ਵੱਧ ਹੈ। ਕੰਪਨੀ ਦੀ ਨਾ ਸਿਰਫ਼ ਘਰੇਲੂ ਵਿਕਰੀ ਵਧੀ ਹੈ, ਸਗੋਂ ਇਸ ਦੇ ਨਿਰਯਾਤ ਵਿੱਚ ਵੀ ਵਾਧਾ ਹੋ ਰਿਹਾ ਹੈ। ਰਾਇਲ ਐਨਫੀਲਡ ਦਾ ਨਿਰਯਾਤ 36 ਪ੍ਰਤੀਸ਼ਤ ਵਧ ਕੇ 12,971 ਯੂਨਿਟ ਹੋ ਗਿਆ। ਮਾਰਚ 2024 ਵਿੱਚ, ਇਹ 9,507 ਯੂਨਿਟ ਸੀ।
Royal Enfield ਨੇ ਬਣਾਇਆ ਨਵਾਂ ਰਿਕਾਰਡ
Royal Enfield ਨੇ ਵਿੱਤੀ ਸਾਲ 2024-25 ਵਿੱਚ ਕੁੱਲ 10 ਲੱਖ ਯੂਨਿਟ ਵੇਚੇ ਹਨ। ਇਹ ਇਸਦੀ ਹੁਣ ਤੱਕ ਦੀ ਸਭ ਤੋਂ ਵੱਧ ਸਾਲਾਨਾ ਵਿਕਰੀ ਹੈ। ਵਿੱਤੀ ਸਾਲ 2024-25 ਵਿੱਚ, ਕੰਪਨੀ ਦੀ ਕੁੱਲ ਵਿਕਰੀ 10,09,900 ਯੂਨਿਟ ਰਹੀ। ਇਹ ਵਿੱਤੀ ਸਾਲ 2023-24 ਵਿੱਚ 9,12,732 ਯੂਨਿਟਾਂ ਦੀ ਵਿਕਰੀ ਨਾਲੋਂ 11 ਪ੍ਰਤੀਸ਼ਤ ਵੱਧ ਹੈ।
ਇਹ ਵੀ ਪੜ੍ਹੋ
ਵਿੱਤੀ ਸਾਲ 2024-25 ਵਿੱਚ, ਕੰਪਨੀ ਦੀ ਘਰੇਲੂ ਵਿਕਰੀ 8 ਪ੍ਰਤੀਸ਼ਤ ਦੇ ਵਾਧੇ ਨਾਲ 9,02,757 ਯੂਨਿਟ ਰਹੀ। ਜਦੋਂ ਕਿ ਵਿੱਤੀ ਸਾਲ 2023-24 ਵਿੱਚ ਇਹ 8,34,795 ਯੂਨਿਟ ਸੀ। ਇਸੇ ਤਰ੍ਹਾਂ, ਕੰਪਨੀ ਦੇ ਨਿਰਯਾਤ ਵਿੱਚ ਸਾਲਾਨਾ ਆਧਾਰ ‘ਤੇ 37 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ ਅਤੇ ਕੰਪਨੀ ਨੇ ਵਿਦੇਸ਼ੀ ਬਾਜ਼ਾਰ ਵਿੱਚ 1,07,143 ਯੂਨਿਟ ਭੇਜੇ ਹਨ।