10 ਅਪ੍ਰੈਲ ਤੋਂ ਟੋਲ ਪਲਾਜ਼ਿਆਂ ‘ਤੇ ਕੈਸ਼ ਲੈਣਾ ਹੋਵੇਗਾ ਬੰਦ, ਫਾਸਟੈਗ ਨਾ ਹੋਣ ‘ਤੇ UPI ‘ਤੇ ਲੱਗਣਗੇ ਇੰਨੇ ਪੈਸੇ
ਦੇਸ਼ ਦੇ ਨੈਸ਼ਨਲ ਹਾਈਵੇਅ 'ਤੇ ਸਫ਼ਰ ਕਰਨ ਵਾਲੇ ਵਾਹਨ ਚਾਲਕਾਂ ਲਈ ਇੱਕ ਬਹੁਤ ਹੀ ਮਹੱਤਵਪੂਰਨ ਖ਼ਬਰ ਸਾਹਮਣੇ ਆਈ ਹੈ। 10 ਅਪ੍ਰੈਲ ਤੋਂ ਪੂਰੇ ਦੇਸ਼ ਵਿੱਚ ਹਾਈਵੇਅ 'ਤੇ ਬਣੇ ਟੋਲ ਪਲਾਜ਼ਿਆਂ 'ਤੇ ਕੈਸ਼ (ਨਕਦ) ਰਾਹੀਂ ਭੁਗਤਾਨ ਕਰਨ ਦੀ ਸਹੂਲਤ ਪੂਰੀ ਤਰ੍ਹਾਂ ਖ਼ਤਮ ਹੋਣ ਜਾ ਰਹੀ ਹੈ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਟੋਲ ਪਲਾਜ਼ਿਆਂ 'ਤੇ ਨਕਦ ਲੈਣ-ਦੇਣ ਨੂੰ ਪੂਰੀ ਤਰ੍ਹਾਂ ਬੰਦ ਕਰਨ ਦੀ ਤਿਆਰੀ ਕਰ ਚੁੱਕੀ ਹੈ।
10 ਅਪ੍ਰੈਲ ਤੋਂ ਟੋਲ 'ਤੇ ਕੈਸ਼ ਬੰਦ, ਫਾਸਟੈਗ ਤੋਂ ਬਿਨਾਂ ਲੱਗਣਗੇ ਇੰਨੇ ਪੈਸੇ
ਦੇਸ਼ ਦੇ ਨੈਸ਼ਨਲ ਹਾਈਵੇਅ ‘ਤੇ ਸਫ਼ਰ ਕਰਨ ਵਾਲੇ ਵਾਹਨ ਚਾਲਕਾਂ ਲਈ ਇੱਕ ਬਹੁਤ ਹੀ ਮਹੱਤਵਪੂਰਨ ਖ਼ਬਰ ਸਾਹਮਣੇ ਆਈ ਹੈ। 10 ਅਪ੍ਰੈਲ ਤੋਂ ਪੂਰੇ ਦੇਸ਼ ਵਿੱਚ ਹਾਈਵੇਅ ‘ਤੇ ਬਣੇ ਟੋਲ ਪਲਾਜ਼ਿਆਂ ‘ਤੇ ਕੈਸ਼ (ਨਕਦ) ਰਾਹੀਂ ਭੁਗਤਾਨ ਕਰਨ ਦੀ ਸਹੂਲਤ ਪੂਰੀ ਤਰ੍ਹਾਂ ਖ਼ਤਮ ਹੋਣ ਜਾ ਰਹੀ ਹੈ। ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਟੋਲ ਪਲਾਜ਼ਿਆਂ ‘ਤੇ ਨਕਦ ਲੈਣ-ਦੇਣ ਨੂੰ ਪੂਰੀ ਤਰ੍ਹਾਂ ਬੰਦ ਕਰਨ ਦੀ ਤਿਆਰੀ ਕਰ ਚੁੱਕੀ ਹੈ।
ਇਸ ਫੈਸਲੇ ਤੋਂ ਬਾਅਦ ਟੋਲ ਭੁਗਤਾਨ ਦੀ ਪ੍ਰਕਿਰਿਆ ਪੂਰੀ ਤਰ੍ਹਾਂ ਡਿਜੀਟਲ ਹੋ ਜਾਵੇਗੀ। ਹੁਣ ਟੋਲ ਦਾ ਭੁਗਤਾਨ ਸਿਰਫ਼ ਫਾਸਟੈਗ (FASTag) ਰਾਹੀਂ ਹੀ ਸੰਭਵ ਹੋਵੇਗਾ। ਜੇਕਰ ਕਿਸੇ ਕੋਲ ਫਾਸਟੈਗ ਨਹੀਂ ਹੈ ਜਾਂ ਉਹ ਕੰਮ ਨਹੀਂ ਕਰ ਰਿਹਾ, ਤਾਂ ਅਜਿਹੀ ਸਥਿਤੀ ਵਿੱਚ UPI ਦੀ ਵਰਤੋਂ ਕਰਨੀ ਪਵੇਗੀ। ਅਥਾਰਟੀ ਟੋਲ ਛੋਟ ਦੇ ਨਿਯਮਾਂ ਨੂੰ ਵੀ ਸਖ਼ਤ ਕਰ ਰਹੀ ਹੈ ਅਤੇ ਫਾਸਟੈਗ ਸਾਲਾਨਾ ਪਾਸ (Annual Pass) ਨੂੰ ਵੱਡੇ ਪੱਧਰ ‘ਤੇ ਅਪਣਾਉਣ ‘ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ।
NHAI ਨੇ ਪੁਸ਼ਟੀ ਕੀਤੀ ਹੈ ਕਿ 10 ਅਪ੍ਰੈਲ ਤੋਂ ਟੋਲ ਬੂਥਾਂ ‘ਤੇ ਨਕਦ ਭੁਗਤਾਨ ਸਵੀਕਾਰ ਨਹੀਂ ਕੀਤਾ ਜਾਵੇਗਾ। ਟੋਲ ਵਸੂਲੀ ਦਾ ਮੁੱਖ ਸਾਧਨ ਫਾਸਟੈਗ ਹੀ ਰਹੇਗਾ, ਜਦੋਂ ਕਿ ਵੈਧ ਫਾਸਟੈਗ ਤੋਂ ਬਿਨਾਂ ਆਉਣ ਵਾਲੇ ਵਾਹਨਾਂ ਲਈ UPI ਨੂੰ ਇੱਕ ਵਿਕਲਪਿਕ ਭੁਗਤਾਨ ਵਿਧੀ ਵਜੋਂ ਵਰਤਿਆ ਜਾ ਸਕੇਗਾ। ਇਸ ਕਦਮ ਨਾਲ ਟੋਲ ਪਲਾਜ਼ਿਆਂ ‘ਤੇ ਵਾਹਨਾਂ ਦੇ ਇੰਤਜ਼ਾਰ ਦਾ ਸਮਾਂ ਘੱਟ ਹੋਣ ਅਤੇ ਵਿਅਸਤ ਰਾਸ਼ਟਰੀ ਮਾਰਗਾਂ ‘ਤੇ ਟ੍ਰੈਫਿਕ ਵਿਵਸਥਾ ਵਿੱਚ ਸੁਧਾਰ ਹੋਣ ਦੀ ਉਮੀਦ ਹੈ, ਜਿੱਥੇ ਅਕਸਰ ਵੀਕੈਂਡ ਜਾਂ ਭੀੜ ਵਾਲੇ ਸਮੇਂ ਦੌਰਾਨ ਲੰਬੀਆਂ ਕਤਾਰਾਂ ਇੱਕ ਵੱਡੀ ਸਮੱਸਿਆ ਬਣੀਆਂ ਰਹਿੰਦੀਆਂ ਹਨ।
ਫਾਸਟੈਗ ਨਹੀਂ ਹੈ? ਤਾਂ UPI ਰਾਹੀਂ ਦੇਣਾ ਪਵੇਗਾ ਵਾਧੂ ਪੈਸਾ
ਜੇਕਰ ਕਿਸੇ ਗੱਡੀ ਵਿੱਚ ਐਕਟਿਵ ਫਾਸਟੈਗ ਨਹੀਂ ਲੱਗਿਆ ਹੋਇਆ, ਤਾਂ ਡਰਾਈਵਰ ਟੋਲ ਪਲਾਜ਼ਾ ‘ਤੇ UPI ਰਾਹੀਂ ਭੁਗਤਾਨ ਕਰ ਸਕਦਾ ਹੈ। ਪਰ ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਸ ਵਿੱਚ ਇੱਕ ਵਾਧੂ ਚਾਰਜ ਲੱਗੇਗਾ। UPI ਰਾਹੀਂ ਟੋਲ ਦੇਣ ‘ਤੇ ਤੁਹਾਨੂੰ ਆਮ ਫੀਸ ਨਾਲੋਂ 25% ਜ਼ਿਆਦਾ ਪੈਸਾ ਦੇਣਾ ਪਵੇਗਾ। ਇਸ ਦਾ ਮਤਲਬ ਹੈ ਕਿ ਜੋ ਲੋਕ ਅਕਸਰ ਹਾਈਵੇਅ ‘ਤੇ ਸਫ਼ਰ ਕਰਦੇ ਹਨ, ਉਨ੍ਹਾਂ ਲਈ ਫਾਸਟੈਗ ਹੀ ਸਭ ਤੋਂ ਸਸਤਾ ਅਤੇ ਆਸਾਨ ਵਿਕਲਪ ਹੈ।
ਜੇਕਰ ਕੋਈ ਡਰਾਈਵਰ ਫਾਸਟੈਗ ਅਤੇ UPI ਦੋਵਾਂ ਰਾਹੀਂ ਭੁਗਤਾਨ ਕਰਨ ਤੋਂ ਮਨ੍ਹਾ ਕਰਦਾ ਹੈ, ਤਾਂ ਟੋਲ ਕਰਮਚਾਰੀ ਉਸ ਨੂੰ ਅੱਗੇ ਜਾਣ ਤੋਂ ਰੋਕ ਸਕਦੇ ਹਨ। ਇਹ ਨਿਯਮ ਨੈਸ਼ਨਲ ਹਾਈਵੇਅ ਦੇ ਕਾਨੂੰਨਾਂ ਤਹਿਤ ਲਾਗੂ ਕੀਤਾ ਗਿਆ ਹੈ। ਅਜਿਹੇ ਮਾਮਲਿਆਂ ਵਿੱਚ ਈ-ਨੋਟਿਸ ਵੀ ਜਾਰੀ ਹੋ ਸਕਦਾ ਹੈ। ਜੇਕਰ 3 ਦਿਨਾਂ ਤੱਕ ਟੋਲ ਦੇ ਪੈਸੇ ਨਹੀਂ ਦਿੱਤੇ ਗਏ, ਤਾਂ ਇਹ ਰਕਮ ਦੁੱਗਣੀ ਵੀ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ
ਆਈਡੀ ਕਾਰਡ ਦਿਖਾ ਕੇ ਮੁਫ਼ਤ ਲੰਘਣ ਦੀ ਸਹੂਲਤ ਖ਼ਤਮ
ਇੱਕ ਹੋਰ ਵੱਡਾ ਬਦਲਾਅ ਇਹ ਕੀਤਾ ਗਿਆ ਹੈ ਕਿ ਹੁਣ ਨਿੱਜੀ ਗੱਡੀਆਂ (Private Vehicles) ਵਿੱਚ ਸਰਕਾਰੀ ਆਈਡੀ ਕਾਰਡ ਦਿਖਾ ਕੇ ਟੋਲ-ਫ੍ਰੀ ਲੰਘਣ ਦੀ ਸਹੂਲਤ ਖ਼ਤਮ ਕਰ ਦਿੱਤੀ ਗਈ ਹੈ। ਹੁਣ ਸਿਰਫ਼ ਉਹੀ ਗੱਡੀਆਂ ਬਿਨਾਂ ਟੋਲ ਦਿੱਤੇ ਜਾ ਸਕਣਗੀਆਂ, ਜਿਨ੍ਹਾਂ ਵਿੱਚ ਅਧਿਕਾਰਤ ਤੌਰ ‘ਤੇ ਮਾਨਤਾ ਪ੍ਰਾਪਤ Exempted FASTag ਲੱਗਿਆ ਹੋਵੇਗਾ। ਇਸ ਫੈਸਲੇ ਨਾਲ ਟੋਲ ਵਿੱਚ ਮਿਲਣ ਵਾਲੀ ਛੋਟ ਦੀ ਦੁਰਵਰਤੋਂ ‘ਤੇ ਰੋਕ ਲੱਗੇਗੀ ਅਤੇ ਟੋਲ ਪਲਾਜ਼ਿਆਂ ‘ਤੇ ਹੋਣ ਵਾਲੇ ਝਗੜੇ ਵੀ ਘੱਟ ਹੋਣਗੇ, ਖਾਸ ਕਰਕੇ ਉਦੋਂ ਜਦੋਂ ਲੋਕ ਆਪਣੀ ਨਿੱਜੀ ਗੱਡੀ ਰਾਹੀਂ ਨਿੱਜੀ ਕੰਮਾਂ ਲਈ ਯਾਤਰਾ ਕਰਦੇ ਹਨ।