ਸਿਰਫ ਪਿੱਚ ‘ਤੇ ਹੀ ਨਹੀਂ, ਸੜਕਾਂ ‘ਤੇ ਵੀ ਰਫ਼ਤਾਰ… ਸ਼ਮੀ, ਸਿਰਾਜ, ਬੁਮਰਾਹ ਕੋਲ ਹਨ ਇਹ ਲਗਜ਼ਰੀ ਕਾਰਾਂ

ਵਿਸ਼ਵ ਕੱਪ ਦੇ ਇਨ੍ਹਾਂ ਮੈਚਾਂ ਦੌਰਾਨ ਸਾਨੂੰ ਸਾਰਿਆਂ ਨੂੰ ਕ੍ਰਿਕਟ ਦੇ ਮੈਦਾਨ ਵਿੱਚ ਟੀਮ ਇੰਡੀਆ ਦੇ ਗੇਂਦਬਾਜ਼ਾਂ ਦਾ ਇੱਕ ਵੱਖਰਾ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ। ਅੱਜ ਕੱਲ੍ਹ ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ ਅਤੇ ਜਸਪ੍ਰੀਤ ਬੁਮਰਾਹ ਦੀ ਜ਼ਬਰਦਸਤ ਗੇਂਦਬਾਜ਼ੀ ਦੀ ਚਰਚਾ ਹਰ ਜ਼ੁਬਾਨ ‘ਤੇ ਹੈ। ਵੈਸੇ ਤਾਂ ਇਹ ਤਿੰਨੇ ਨਾ ਸਿਰਫ ਕ੍ਰਿਕਟ ਦੇ ਮੈਦਾਨ ‘ਤੇ ਸਗੋਂ ਸੜਕਾਂ ‘ਤੇ ਵੀ ਆਪਣੀ ਰਫ਼ਤਾਰ ਬਰਕਰਾਰ ਰੱਖ ਰਹੇ ਹਨ। ਜੇਕਰ ਤੁਸੀਂ ਉਨ੍ਹਾਂ ਦੀ ਕਾਰ ਕਲੈਕਸ਼ਨ ਨੂੰ ਦੇਖ ਲਵੋਗੇ ਤਾਂ ਹੈਰਾਨ ਰਹਿ ਜਾਓਗੇ। ਇੱਥੇ ਅਸੀਂ ਤੁਹਾਨੂੰ ਤਿੰਨਾਂ ਗੇਂਦਬਾਜ਼ਾਂ ਦੀ ਕਾਰ ਕਲੈਕਸ਼ਨ ਬਾਰੇ ਦੱਸਾਂਗੇ ਜਿਸ ਦੀ ਕੀਮਤ ਤੁਹਾਨੂੰ ਹੈਰਾਨ ਕਰ ਦੇਵੇਗੀ।

ਜਸਪ੍ਰੀਤ ਬੁਮਰਾਹ ਦੀ ਕਾਰ ਕਲੈਕਸ਼ਨ

ਜਸਪ੍ਰੀਤ ਬੁਮਰਾਹ ਦੀ ਕਾਰ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਉਸ ਕੋਲ 10 ਲੱਖ ਰੁਪਏ ਦੀ ਮਾਰੂਤੀ ਡਿਜ਼ਾਇਰ ਤੋਂ ਲੈ ਕੇ 2.15 ਕਰੋੜ ਰੁਪਏ ਦੀ ਨਿਸਾਨ ਜੀਟੀ-ਆਰ ਤੱਕ ਹੈ। ਇਸ ਤੋਂ ਇਲਾਵਾ ਬੂਮ-ਬੂਮ ਬੁਮਰਾਹ ਕੋਲ 13 ਲੱਖ ਰੁਪਏ ਦੀ Toyota Etios ਅਤੇ Range Rover Velar ਵੀ ਹੈ ਜਿਸ ਦੀ ਕੀਮਤ 93 ਲੱਖ ਰੁਪਏ (ਐਕਸ-ਸ਼ੋਰੂਮ) ਹੈ।

ਸ਼ਮੀ ਦੀ ਕਾਰ ਕਲੈਕਸ਼ਨ ਕਰ ਦੇਵੇਗੀ ਕਲੀਨ ਬੋਲਟ

ਵਿਸ਼ਵ ਕੱਪ ਦੇ ਸੈਮੀਫਾਈਨਲ ‘ਚ ਇਕੱਲੇ 7 ਵਿਕਟਾਂ ਲੈਣ ਵਾਲੇ ਮੁਹੰਮਦ ਸ਼ਮੀ ਕੋਲ ਐੱਫ-ਟਾਈਪ ਸਪੋਰਟਸ ਜੈਗੁਆਰ ਕਾਰ ਹੈ, ਜਿਸ ਦੀ ਸ਼ੋਅਰੂਮ ਕੀਮਤ 98.13 ਲੱਖ ਰੁਪਏ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਜੈਗੁਆਰ ਐਫ ਟਾਈਪ (F-type sports) ਕਾਰ ਭਾਰਤ ਵਿੱਚ ਤਿੰਨ ਮਾਡਲਾਂ ਵਿੱਚ ਆਉਂਦੀ ਹੈ, ਇਸਦੀ ਕੀਮਤ 98.13 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਅਤੇ 1.53 ਕਰੋੜ ਰੁਪਏ ਤੱਕ ਜਾਂਦੀ ਹੈ। ਇਸ ਤੋਂ ਇਲਾਵਾ ਸ਼ਮੀ ਕੋਲ Royal Enfield Continental GT 650 ਬਾਈਕ ਵੀ ਹੈ। ਭਾਰਤ ‘ਚ ਇਸ ਬਾਈਕ ਦੀ ਐਕਸ-ਸ਼ੋਰੂਮ ਕੀਮਤ 3.39 ਲੱਖ ਰੁਪਏ ਹੈ।

ਮੁਹੰਮਦ ਸਿਰਾਜ ਦਾ ਸ਼ਾਹੀ ਅੰਦਾਜ਼

ਜੇਕਰ ਮੁਹੰਮਦ ਸਿਰਾਜ ਦੀ ਕਾਰ ਕਲੈਕਸ਼ਨ ਦੀ ਗੱਲ ਕਰੀਏ ਤਾਂ ਇਸ ਮਾਮਲੇ ‘ਚ ਉਨ੍ਹਾਂ ਦਾ ਸਟਾਈਲ ਕਾਫੀ ਸ਼ਾਹੀ ਹੈ। ਸਿਰਾਜ ਦੇ ਕਾਰ ਕਲੈਕਸ਼ਨ ਵਿੱਚ, ਤੁਹਾਨੂੰ BMW, ਮਰਸਡੀਜ਼, ਟੋਇਟਾ ਅਤੇ ਮਹਿੰਦਰਾ ਥਾਰ ਵਰਗੀਆਂ ਸ਼ਾਨਦਾਰ ਕਾਰਾਂ ਦੇਖਣ ਨੂੰ ਮਿਲਣਗੀਆਂ।

ਸਿਰਾਜ ਦੀ BMW 5 SERIES SEDAN ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਇਸ ਦੀ ਐਕਸ-ਸ਼ੋਰੂਮ ਕੀਮਤ 68.90 ਲੱਖ ਰੁਪਏ ਹੈ। ਸਿਰਾਜ ਨੇ ਆਪਣੀ ਪ੍ਰੀਮੀਅਮ ਕਾਰ ਦੇ ਲੁੱਕ ਨੂੰ ਹੋਰ ਸ਼ਾਹੀ ਲੁੱਕ ਦੇਣ ਲਈ ਮੋਡੀਫਾਈ ਕਰਵਾਇਆ ਹੈ। ਸਿਰਾਜ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਆਪਣੇ ਚਿੱਟੇ ਰੰਗ ਦੀ ਮਹਿੰਦਰਾ ਥਾਰ ਦੀ ਫੋਟੋ ਵੀ ਸ਼ੇਅਰ ਕੀਤੀ ਹੈ। ਇਸ ਆਲ-ਵਾਈਟ ਮਹਿੰਦਰਾ ਥਾਰ ਦੀ ਕੀਮਤ 10.98-16.94 ਲੱਖ ਰੁਪਏ ਹੈ।