Viral Video: ਭੋਜਪੁਰੀ ਗਾਣੇ ‘ਤੇ ਪੰਜਾਬੀ ਗੱਭਰੂ ਨੇ ਪਾਇਆ ਅਜਿਹਾ ਭੰਗੜਾ, ਵੀਡੀਓ ਦੇਖ ਲੋਕ ਹੋਏ ਹੈਰਾਨ

Image Credit source: Instagram/daljeet_bhatia5.5

ਭੋਜਪੁਰੀ ਸੰਗੀਤ ਦਾ ਕ੍ਰੇਜ਼ ਹੁਣ ਸਿਰਫ਼ ਭਾਰਤ ਤੱਕ ਹੀ ਸੀਮਤ ਨਹੀਂ ਰਿਹਾ, ਸਗੋਂ ਸੱਤ ਸਮੁੰਦਰੋਂ ਪਾਰ ਵੀ ਲੋਕ ਇਸ ਦੀਆਂ ਧੁਨਾਂ ‘ਤੇ ਝੂਮਣ ਲਈ ਮਜਬੂਰ ਹੋ ਰਹੇ ਹਨ। ਖਾਸ ਕਰਕੇ ਭੋਜਪੁਰੀ ਸੁਪਰਸਟਾਰ ਪਵਨ ਸਿੰਘ ਦੇ ਗਾਣੇ ਅੱਜਕੱਲ੍ਹ ਹਰ ਕਿਸੇ ਦੀ ਪਹਿਲੀ ਪਸੰਦ ਬਣੇ ਹੋਏ ਹਨ।

ਹਰ ਕੋਈ ਪਵਨ ਸਿੰਘ ਦੇ ਗਾਣੇ ਗੁਣਗੁਣਾਉਂਦਾ ਨਜ਼ਰ ਆਉਂਦਾ ਹੈ, ਤਾਂ ਕੋਈ ਉਨ੍ਹਾਂ ਦੇ ਹਿੱਟ ਨੰਬਰਾਂ ‘ਤੇ ਜ਼ਬਰਦਸਤ ਡਾਂਸ ਕਰਕੇ ਸੋਸ਼ਲ ਮੀਡੀਆ ‘ਤੇ ਅੱਗ ਲਗਾ ਰਿਹਾ ਹੈ। ਅਜਿਹਾ ਹੀ ਇੱਕ ਦਿਲਚਸਪ ਵੀਡੀਓ ਇਨੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਵੀ ਤਾਰੀਫ ਕੀਤੇ ਬਿਨਾਂ ਨਹੀਂ ਰਹਿ ਸਕੋਗੇ।

ਇਸ ਵੀਡੀਓ ਵਿੱਚ ਇੱਕ ਸਰਦਾਰ ਜੀ ਪਵਨ ਸਿੰਘ ਦੇ ਮਸ਼ਹੂਰ ਗਾਣੇ ‘ਤੇ ਬੇਹੱਦ ਸ਼ਾਨਦਾਰ ਅੰਦਾਜ਼ ‘ਚ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਸਰਦਾਰ ਜੀ ਦੇ ਇਸ ਜਜ਼ਬੇ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਮਸਤੀ ਹਮੇਸ਼ਾ ਦਿਲ ਤੋਂ ਕੀਤੀ ਜਾਂਦੀ ਹੈ ਅਤੇ ਸੰਗੀਤ ਲਈ ਭਾਸ਼ਾ ਕਦੇ ਕੋਈ ਰੁਕਾਵਟ ਨਹੀਂ ਬਣਦੀ।

ਭੋਜਪੁਰੀ ਧੁਨਾਂ ‘ਤੇ ਸਰਦਾਰ ਜੀ ਦੀ ਤਗੜੀ ਪਰਫਾਰਮੈਂਸ

ਵਾਇਰਲ ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਜਿਵੇਂ ਹੀ ਪਵਨ ਸਿੰਘ ਦਾ ਗਾਣਾ ਵੱਜਣਾ ਸ਼ੁਰੂ ਹੁੰਦਾ ਹੈ, ਸਰਦਾਰ ਜੀ ਪੂਰੀ ਮਸਤੀ ਵਿੱਚ ਥਿਰਕਣ ਲੱਗ ਜਾਂਦੇ ਹਨ। ਸਿਰ ‘ਤੇ ਰੰਗਦਾਰ ਪੱਗ, ਚਿਹਰੇ ‘ਤੇ ਸੰਘਣੀ ਦਾੜ੍ਹੀ ਅਤੇ ਅੱਖਾਂ ਵਿੱਚ ਇੱਕ ਵੱਖਰੀ ਹੀ ਚਮਕ ਉਨ੍ਹਾਂ ਦੀ ਪਰਫਾਰਮੈਂਸ ਨੂੰ ਹੋਰ ਵੀ ਖਾਸ ਬਣਾ ਰਹੀ ਹੈ।

ਸਭ ਤੋਂ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਪੰਜਾਬੀ ਹੋਣ ਦੇ ਬਾਵਜੂਦ ਉਹ ਭੋਜਪੁਰੀ ਬੋਲਾਂ ‘ਤੇ ਬੜੀ ਸਫ਼ਾਈ ਨਾਲ ਲਿਪਸਿੰਕ (Lipsync) ਕਰ ਰਹੇ ਹਨ। ਉਨ੍ਹਾਂ ਦੇ ਡਾਂਸ ਸਟੈਪਸ ਇੰਨੇ ਆਤਮ ਵਿਸ਼ਵਾਸ ਨਾਲ ਭਰੇ ਹੋਏ ਹਨ ਕਿ ਦੇਖਣ ਵਾਲਾ ਹਰ ਸ਼ਖਸ ਦੰਗ ਰਹਿ ਜਾਂਦਾ ਹੈ।

ਜਾਣਕਾਰੀ ਮੁਤਾਬਕ, ਊਰਜਾ ਨਾਲ ਭਰਪੂਰ ਇਹ ਡਾਂਸ ਕਰਨ ਵਾਲੇ ਸਰਦਾਰ ਜੀ ਦਾ ਨਾਂ ਦਲਜੀਤ ਭਾਟੀਆ ਹੈ। ਦਲਜੀਤ ਅਕਸਰ ਭੋਜਪੁਰੀ ਗਾਣਿਆਂ ‘ਤੇ ਆਪਣੀਆਂ ਡਾਂਸ ਵੀਡੀਓਜ਼ ਬਣਾ ਕੇ ਸੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ।

ਸੋਸ਼ਲ ਮੀਡੀਆ ਤੇ ਮਿਲ ਰਿਹਾ ਹੈ ਭਰਪੂਰ ਪਿਆਰ

ਇਹ ਸ਼ਾਨਦਾਰ ਡਾਂਸ ਵੀਡੀਓ ਇੰਸਟਾਗ੍ਰਾਮ ਤੇ daljeet_bhatia5.5 ਨਾਂ ਦੀ ਆਈਡੀ ਤੋਂ ਸਾਂਝਾ ਕੀਤਾ ਗਿਆ ਹੈ। ਖ਼ਬਰ ਲਿਖੇ ਜਾਣ ਤੱਕ, ਇਸ ਵੀਡੀਓ ਨੂੰ 84 ਹਜ਼ਾਰ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ, ਜਦਕਿ 5 ਹਜ਼ਾਰ ਤੋਂ ਜ਼ਿਆਦਾ ਲੋਕ ਇਸਨੂੰ ਲਾਇਕ ਕਰ ਚੁੱਕੇ ਹਨ। ਨਾਲ ਹੀ, ਕਮੈਂਟ ਸੈਕਸ਼ਨ ਵਿੱਚ ਲੋਕਾਂ ਵੱਲੋਂ ਦਿਲਖੋਲ੍ਹ ਕੇ ਪ੍ਰਤੀਕਿਰਿਆਵਾਂ ਦਿੱਤੀਆਂ ਜਾ ਰਹੀਆਂ ਹਨ।

ਕਿਸੇ ਯੂਜ਼ਰ ਨੇ ਲਿਖਿਆ, ਵਾਹ ਜੀ ਵਾਹ ਸਰਦਾਰ ਜੀ, ਤੁਸੀਂ ਤਾਂ ਕਮਾਲ ਕਰ ਦਿੱਤਾ, ਤਾਂ ਕਿਸੇ ਹੋਰ ਨੇ ਕਿਹਾ, ਭੋਜਪੁਰੀ ਸਰਦਾਰ ਜੀ ਦੀ ਜੈ ਹੋ। ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ਭੋਜਪੁਰੀ ਗੀਤਾਂ ਦਾ ਆਪਣਾ ਹੀ ਮਜ਼ਾ ਹੁੰਦਾ ਹੈ, ਜਦਕਿ ਕਿਸੇ ਨੇ ਟਿੱਪਣੀ ਕੀਤੀ, ਰਾਕੇਟ ਪਰਫਾਰਮੈਂਸ ਤੁਸੀਂ ਛਾ ਗਏ।