ਆਕਟੋਪਸ ਨੇ ਕੀਤੀ ਸ਼ਾਰਕ ਦੀ ਸਵਾਰੀ, ਦੋਵਾਂ ਦੀ VIDEO ਸੋਸ਼ਲ ਮੀਡੀਆ ‘ਤੇ ਹੋ ਰਹੀ ਵਾਇਰਲ

Follow Us On

ਅਕਸਰ ਜਦੋਂ ਸਾਨੂੰ ਆਪਣੇ ਸਫਰ ਦੌਰਾਨ ਮੁਸ਼ਕਲ ਆਉਂਦੀ ਹੈ, ਤਾਂ ਅਸੀਂ ਦੂਜਿਆਂ ਤੋਂ ਲਿਫਟ ਲੈਂਦੇ ਹਾਂ। ਜਦੋਂ ਕਿ ਕਈ ਵਾਰ ਲੋਕ ਦੂਜਿਆਂ ਨੂੰ ਲਿਫਟ ਦੇਣ ਤੋਂ ਡਰਦੇ ਹਨ, ਕੁੱਝ ਅਜਿਹੇ ਵੀ ਹੁੰਦੇ ਹਨ ਜੋ ਅਣਜਾਣ ਸੜਕਾਂ ‘ਤੇ ਲੋਕਾਂ ਦੀ ਮਦਦ ਕਰਦੇ ਹਨ। ਸਿਰਫ਼ ਅਸੀਂ ਇਨਸਾਨ ਹੀ ਨਹੀਂ ਸਗੋਂ ਹੋਰ ਜੀਵ ਵੀ ਇਹੀ ਕਰਦੇ ਹਾਂ। ਇਸ ਵੇਲੇ ਇਸ ਨਾਲ ਸਬੰਧਤ ਇੱਕ ਵੀਡੀਓ ਇਨ੍ਹੀਂ ਦਿਨੀਂ ਲੋਕਾਂ ਵਿੱਚ ਸਾਹਮਣੇ ਆਇਆ ਹੈ। ਜਿੱਥੇ ਇੱਕ ਆਕਟੋਪਸ ਸ਼ਾਰਕ ਮੱਛੀ ਦੀ ਪਿੱਠ ‘ਤੇ ਸਵਾਰ ਦਿਖਾਈ ਦਿੰਦਾ ਹੈ। ਇਹ ਦੇਖ ਕੇ ਹਰ ਕੋਈ ਹੈਰਾਨ ਹੈ।

ਅਸੀਂ ਸਾਰੇ ਜਾਣਦੇ ਹਾਂ ਕਿ ਸ਼ਾਰਕ ਇੱਕ ਅਜਿਹਾ ਜੀਵ ਹੈ ਜਿਸ ਤੋਂ ਦੂਜੇ ਸਮੁੰਦਰੀ ਜੀਵ ਬਚਦੇ ਹਨ ਕਿਉਂਕਿ ਇਹ ਪਾਣੀ ਦੇ ਹੇਠਾਂ ਕਿਸੇ ਦਾ ਵੀ ਕੰਮ ਆਸਾਨੀ ਨਾਲ ਤਮਾਮ ਕਰ ਸਕਦਾ ਹੈ। ਪਰ ਇਨ੍ਹੀਂ ਦਿਨੀਂ ਜੋ ਵੀਡੀਓ ਸਾਹਮਣੇ ਆਇਆ ਹੈ ਉਹ ਥੋੜ੍ਹਾ ਵੱਖਰਾ ਹੈ ਕਿਉਂਕਿ ਇੱਥੇ ਇੱਕ ਆਕਟੋਪਸ ਪਾਣੀ ਦੇ ਹੇਠਾਂ ਖੁਸ਼ੀ ਨਾਲ ਸ਼ਾਰਕ ਦੀ ਸਵਾਰੀ ਕਰਦਾ ਦਿਖਾਈ ਦੇ ਰਿਹਾ ਹੈ ਅਤੇ ਕੁਦਰਤ ਦੇ ਇਸ ਨਜ਼ਾਰੇ ਨੂੰ ਉੱਥੇ ਮੌਜੂਦ ਇੱਕ ਸ਼ਖਸ ਨੇ ਕੈਮਰੇ ਵਿੱਚ ਕੈਦ ਕਰ ਲਿਆ, ਜੋ ਹੁਣ ਲੋਕਾਂ ਵਿੱਚ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।

ਵੀਡੀਓ ਵਿੱਚ, ਤੁਸੀਂ ਇੱਕ ਸ਼ਾਰਕ ਨੂੰ ਖੁਸ਼ੀ ਨਾਲ ਤੈਰਦੇ ਹੋਏ ਅਤੇ ਇੱਕ ਆਕਟੋਪਸ ਉਸਦੇ ਉੱਪਰ ਬੈਠਾ ਦੇਖ ਸਕਦੇ ਹੋ। ਇਸ ਪੋਸਟ ਬਾਰੇ, ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਹ ਇੱਕ ਸੰਤਰੀ ਰੰਗ ਦਾ ਮਾਓਰੀ ਆਕਟੋਪਸ ਹੈ, ਜੋ ਖੁਸ਼ੀ ਨਾਲ ਮਾਕੋ ਸ਼ਾਰਕ ਦੀ ਪਿੱਠ ‘ਤੇ ਸਵਾਰ ਹੁੰਦਾ ਦਿਖਾਈ ਦਿੰਦਾ ਹੈ। ਜਿਸਨੂੰ ਦੁਨੀਆ ਦੀ ਸਭ ਤੋਂ ਤੇਜ਼ ਸ਼ਾਰਕ ਕਿਹਾ ਜਾਂਦਾ ਹੈ। ਜੇਕਰ ਵੀਡੀਓ ਦੀ ਗੱਲ ਕਰੀਏ ਤਾਂ ਇਹ ਸਾਲ 2023 ਦਾ ਹੈ, ਜਿਸਨੂੰ ਪਿਛਲੇ ਹਫ਼ਤੇ ਇੱਕ ਵਾਰ ਫਿਰ ਸਾਂਝਾ ਕੀਤਾ ਗਿਆ ਹੈ। ਜਿਸਨੂੰ ਲੋਕ ਬਹੁਤ ਪਸੰਦ ਕਰ ਰਹੇ ਹਨ।

ਇਹ ਵੀ ਪੜ੍ਹੋ- Viral Video : ਸ਼ਖਸ ਨੇ ਦਿਮਾਗ ਲਗਾ ਕੇ ਬਣਾਇਆ ਮਜ਼ਬੂਤ ​​Bed , ਲੋਕਾਂ ਨੇ ਕਿਹਾ- ਕਿੱਥੇ ਮਿਲਦੇ ਹਨ ਇਹੋ ਜਿਹੇ ਇੰਜੀਨੀਅਰ

ਇਸ ਘਟਨਾ ਬਾਰੇ, ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਹ ਕਾਫ਼ੀ ਹੈਰਾਨੀਜਨਕ ਹੈ ਕਿਉਂਕਿ ਆਕਟੋਪਸ ਆਮ ਤੌਰ ‘ਤੇ ਸਮੁੰਦਰ ਦੇ ਤਲ ‘ਤੇ ਪਾਏ ਜਾਂਦੇ ਹਨ ਅਤੇ ਸ਼ਾਰਟਫਿਨ ਮਾਕੋ ਸ਼ਾਰਕ ਵੀ ਉੱਥੇ ਪਾਈਆਂ ਜਾਂਦੀਆਂ ਹਨ ਅਤੇ ਦੋਵਾਂ ਦਾ ਇਸ ਤਰੀਕੇ ਨਾਲ ਪਾਣੀ ਦੇ ਉੱਪਰ ਆਉਣਾ ਇੱਕ ਸੰਦੇਸ਼ ਹੈ ਕਿ ਸਮੁੰਦਰ ਵਿੱਚ ਕੁੱਝ ਗਲਤ ਹੈ। ਇਹ ਕਲਿੱਪ X ‘ਤੇ @AMAZlNGNATURE ਨਾਂਅ ਦੇ ਅਕਾਊਂਟ ਤੋਂ ਸਾਂਝੀ ਕੀਤੀ ਗਈ ਹੈ। ਜਿੱਥੇ ਕਈ ਲੋਕਾਂ ਨੇ ਇਸ ਵੀਡੀਓ ਨੂੰ ਪਿਆਰਾ ਕਿਹਾ, ਉੱਥੇ ਹੀ ਕੁੱਝ ਲੋਕਾਂ ਨੂੰ ਉਨ੍ਹਾਂ ਦੀ ਦੋਸਤੀ ਪਸੰਦ ਨਹੀਂ ਆਈ।