ਟ੍ਰੈਫਿਕ ਜਾਮ ‘ਚ ਕਿਸੇ ਨੇ ਖਾਣਾ ਕੀਤਾ ਆਰਡਰ, ਮੀਂਹ ‘ਚ ਭਿੱਜ ਗਿਆ ਡਿਲੀਵਰੀ ਬੁਆਏ, ਵੀਡੀਓ ਦੇਖ ਭੜਕੇ ਲੋਕ
ਜੇਕਰ ਲੋਕਾਂ ਨੂੰ ਕੋਈ ਸਹੂਲਤ ਦਿੱਤੀ ਜਾਂਦੀ ਹੈ ਤਾਂ ਕਈ ਲੋਕ ਇਸ ਦਾ ਗਲਤ ਫਾਇਦਾ ਉਠਾਉਂਦੇ ਹਨ। ਇਸਦੀ ਇੱਕ ਉਦਾਹਰਣ ਹਾਲ ਹੀ ਵਿੱਚ ਵਾਇਰਲ ਹੋਈ ਇਸ ਵੀਡੀਓ ਵਿੱਚ ਦੇਖਣ ਨੂੰ ਮਿਲੀ। ਜਿੱਥੇ ਇੱਕ ਗਾਹਕ ਨੇ ਮੀਂਹ ਅਤੇ ਟ੍ਰੈਫਿਕ ਜਾਮ ਦੇ ਵਿਚਕਾਰ ਖਾਣਾ ਆਰਡਰ ਕੀਤਾ। ਜਦੋਂ ਡਿਲੀਵਰੀ ਬੁਆਏ ਭੋਜਨ ਦੀ ਡਲਿਵਰੀ ਕਰਨ ਆਇਆ ਤਾਂ ਉਹ ਗਾਹਕ ਦੀ ਭਾਲ ਕਰਦੇ ਹੋਏ ਉਹ ਪਰੇਸ਼ਾਨ ਹੋ ਗਿਆ।
ਔਨਲਾਈਨ ਦੇ ਇਸ ਯੁੱਗ ਵਿੱਚ, ਲੋਕ ਘਰ ਬੈਠੇ ਕੁਝ ਵੀ ਆਰਡਰ ਕਰਦੇ ਹਨ ਅਤੇ ਇਸਨੂੰ ਡਿਲੀਵਰ ਕਰਵਾਉਂਦੇ ਹਨ। ਘਰੇਲੂ ਸਮਾਨ ਹੋਵੇ ਜਾਂ ਭੋਜਨ, ਸਭ ਕੁਝ ਤੁਹਾਡੇ ਕੋਲ ਇੱਕ ਆਰਡਰ ‘ਤੇ ਆਉਂਦਾ ਹੈ। ਘਰ, ਸਕੂਲ ਜਾਂ ਦਫਤਰ ਵਿਚ ਖਾਣਾ ਆਰਡਰ ਕਰਨਾ ਠੀਕ ਹੈ, ਡਿਲੀਵਰੀ ਬੁਆਏ ਤੁਹਾਡੇ ਆਰਡਰ ਅਨੁਸਾਰ ਖਾਣਾ ਡਿਲੀਵਰ ਕਰਦਾ ਹੈ, ਪਰ ਜਦੋਂ ਤੁਸੀਂ ਟ੍ਰੈਫਿਕ ਜਾਮ ਵਿਚ ਫਸ ਜਾਂਦੇ ਹੋ, ਤਾਂ ਖਾਣੇ ਦਾ ਆਰਡਰ ਕਰਨਾ ਅਤੇ ਡਿਲੀਵਰੀ ਬੁਆਏ ਨੂੰ ਮੌਕੇ ‘ਤੇ ਬੁਲਾਣਾ ਸਹੀ ਨਹੀਂ ਹੈ। ਟ੍ਰੈਫਿਕ ਜਾਮ ਵਿਚ ਅਸੀਂ ਖੁਦ ਪ੍ਰੇਸ਼ਾਨ ਹੁੰਦੇ ਹੀ ਹਾਂ ਨਾਲ ਹੀ ਡਿਲੀਵਰੀ ਬੁਆਏ ਨੂੰ ਵੀ ਪ੍ਰੇਸ਼ਾਨੀ ਵਿੱਚ ਪਾਉਣਾ ਗਲਤ ਹੈ। ਅਜਿਹਾ ਹੀ ਇੱਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ। ਜਿੱਥੇ ਇੱਕ ਗਾਹਕ ਨੇ ਇੱਕ ਔਨਲਾਈਨ ਫੂਡ ਡਿਲੀਵਰੀ ਐਪ ਤੋਂ ਖਾਣਾ ਆਰਡਰ ਕੀਤਾ ਅਤੇ ਟ੍ਰੈਫਿਕ ਜਾਮ ਵਿੱਚ ਡਿਲੀਵਰੀ ਬੁਆਏ ਨੂੰ ਬੁਲਾਇਆ। ਡਿਲੀਵਰੀ ਬੁਆਏ ਖਾਣਾ ਲੈ ਕੇ ਆਇਆ ਕਿਉਂਕਿ ਇਹ ਉਸ ਦਾ ਕੰਮ ਹੈ, ਪਰ ਟਰੈਫਿਕ ਵਿੱਚ ਡਿਲੀਵਰੀ ਬੁਆਏ ਨੂੰ ਆਪਣੀ ਕਾਰ ਵਿੱਚ ਬੁਲਾ ਕੇ ਉਸ ਤੋਂ ਖਾਣਾ ਮੰਗਣਾ, ਉਹ ਵੀ ਮੀਂਹ ਵਿੱਚ, ਬਹੁਤ ਅਣਮਨੁੱਖੀ ਲੱਗਦੀ ਹੈ।
ਵੀਡੀਓ ਵਿੱਚ, ਡਿਲੀਵਰੀ ਬੁਆਏ ਟ੍ਰੈਫਿਕ ਦੇ ਵਿਚਕਾਰ ਮੀਂਹ ਵਿੱਚ ਭਿੱਜ ਗਿਆ ਜਦੋਂ ਉਹ ਭੋਜਨ ਦਾ ਆਰਡਰ ਕਰਨ ਵਾਲੇ ਆਪਣੇ ਗਾਹਕ ਦੀ ਭਾਲ ਕਰ ਰਿਹਾ ਸੀ। ਵੀਡੀਓ ‘ਚ ਡਿਲੀਵਰੀ ਬੁਆਏ ਨੂੰ ਪਰੇਸ਼ਾਨ ਹੁੰਦੇ ਦੇਖ ਲੋਕਾਂ ਨੂੰ ਬਹੁਤ ਬੁਰਾ ਲੱਗਿਆ ਅਤੇ ਲੋਕ ਇਸ ਸਥਿਤੀ ‘ਚ ਖਾਣਾ ਆਰਡਰ ਕਰਨ ਵਾਲੇ ਗਾਹਕ ‘ਤੇ ਗੁੱਸੇ ‘ਚ ਆ ਗਏ। ਲੋਕਾਂ ਨੇ ਵੀਡੀਓ ‘ਤੇ ਕਮੈਂਟ ਕੀਤੇ ਅਤੇ ਗਾਹਕ ਨੂੰ ਝਿੜਕਿਆ। ਵੀਡੀਓ ਗੁੜਗਾਓਂ-ਮਹਰੌਲੀ ਰੋਡ ਦਾ ਦੱਸਿਆ ਜਾ ਰਿਹਾ ਹੈ। ਜਿਸ ਨੂੰ ਲੋਕ ਸੋਸ਼ਲ ਮੀਡੀਆ ‘ਤੇ ਅੰਨ੍ਹੇਵਾਹ ਸ਼ੇਅਰ ਕਰ ਰਹੇ ਹਨ। ਵੀਡੀਓ ਨੂੰ ਇੰਸਟਾਗ੍ਰਾਮ ‘ਤੇ ਦਿੱਲੀ ਵਿਜ਼ਿਟ ਨਾਂ ਦੇ ਪੇਜ ਤੋਂ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਦੇਖਣ ਤੋਂ ਬਾਅਦ ਯੂਜ਼ਰਸ ਡਿਲੀਵਰੀ ਬੁਆਏ ਦੀ ਮਿਹਨਤ ਨੂੰ ਸਲਾਮ ਕਰ ਰਹੇ ਹਨ। ਉਥੇ ਹੀ ਕਈ ਯੂਜ਼ਰਸ ਫੂਡ ਆਰਡਰ ਕਰਨ ਵਾਲੇ ਵਿਅਕਤੀ ਨੂੰ ਕੋਸਦੇ ਵੀ ਨਜ਼ਰ ਆ ਰਹੇ ਹਨ।
ਇਹ ਵੀ ਪੜ੍ਹੋ- ਆਟੋ ਚਾਲਕ ਨੇ ਕੁੜੀ ਨੂੰ ਮਾਰਿਆ ਜੋਰਦਾਰ ਥੱਪੜ, VIDEO ਵਾਇਰਲ
ਇਹ ਵੀ ਪੜ੍ਹੋ
ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਲਾਲ ਜ਼ੋਮੈਟੋ ਦੀ ਡਰੈੱਸ ਪਹਿਨੇ ਇਕ ਡਿਲੀਵਰੀ ਬੁਆਏ, ਜਿਸ ਦੇ ਹੱਥ ‘ਚ ਫੋਨ ਅਤੇ ਦੂਜੇ ਹੱਥ ‘ਚ ਖਾਣੇ ਦਾ ਪੈਕੇਟ ਹੈ, ਮੀਂਹ ‘ਚ ਭਿੱਜਦੇ ਹੋਏ ਬੇਚੈਨੀ ਨਾਲ ਗਾਹਕ ਦੀ ਭਾਲ ਕਰ ਰਿਹਾ ਹੈ ਅਤੇ ਗਾਹਕ ਆਪਣੀ ਕਾਰ ਵਿੱਚ ਬੈਠਿਆ ਹੋਇਆ ਹੈ। ਟ੍ਰੈਫਿਕ ਜਾਮ ਵਿਚ ਇੰਨੇ ਸਾਰੇ ਵਾਹਨਾਂ ਦੇ ਵਿਚਕਾਰ ਗਾਹਕ ਲੱਭਣਾ ਕਿਸੇ ਲਈ ਵੀ ਛੋਟਾ ਕੰਮ ਨਹੀਂ ਹੈ। ਡਿਲੀਵਰੀ ਬੁਆਏ ਲਈ ਆਪਣੇ ਗਾਹਕ ਨੂੰ ਲੱਭਣਾ ਕਿਸੇ ਚੁਣੌਤੀ ਤੋਂ ਘੱਟ ਨਹੀਂ ਸੀ। ਵੀਡੀਓ ਦੇਖਣ ਤੋਂ ਬਾਅਦ ਯੂਜ਼ਰਸ ਨੂੰ ਗਾਹਕ ਦੀ ਇਹ ਹਰਕਤ ਬਿਲਕੁਲ ਵੀ ਪਸੰਦ ਨਹੀਂ ਕੀਤਾ। ਕੁਝ ਉਪਭੋਗਤਾਵਾਂ ਨੇ ਟਿੱਪਣੀ ਕੀਤੀ ਅਤੇ ਪੁੱਛਿਆ ਕਿ ਇਸ ਸਮੇਂ ਭੋਜਨ ਆਰਡਰ ਕਰਨ ਦਾ ਕੀ ਮਤਲਬ ਹੈ। ਜੇਕਰ ਉਹ ਅਜਿਹਾ ਕਰਦਾ ਤਾਂ ਵੀ ਉਹ ਆਪ ਹੀ ਕਾਰ ‘ਚੋਂ ਉਤਰ ਕੇ ਡਲਿਵਰੀ ਲੈਣ ਆ ਜਾਂਦਾ ਤਾਂ ਡਿਲੀਵਰੀ ਬੁਆਏ ਨੂੰ ਪਰੇਸ਼ਾਨੀ ਨਹੀਂ ਹੁੰਦੀ।