ਫੋਨ ਨਾਲ ਕੁਨੈਕਟ ਕਰਕੇ ਕਿਤੇ ਵੀ ਕਰੋ ਪ੍ਰਿੰਟ, ਪੋਰਟੇੇਬਲ ਪ੍ਰਿੰਟਰਸ ਦੇ ਸ਼ਾਨਦਾਰ ਫੀਚਰਸ ਤੇ ਕੀਮਤ ਜਾਣੋ

ਜੇਕਰ ਤੁਸੀਂ ਵੀ ਪ੍ਰਿੰਟਆਊਟ ਲੈਣ ਲਈ ਵਾਰ-ਵਾਰ ਦੁਕਾਨਾਂ ‘ਤੇ ਜਾਂਦੇ ਹੋ ਅਤੇ ਇਸ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ, ਤਾਂ ਇਹ ਜਾਣਕਾਰੀ ਤੁਹਾਡੇ ਲਈ ਹੈ। ਇੱਥੇ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਤੁਸੀਂ ਘਰ ਬੈਠੇ ਜਾਂ ਸਫਰ ਕਰਦੇ ਸਮੇਂ ਵੀ ਪ੍ਰਿੰਟਆਊਟ ਲੈ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਦੁਕਾਨਾਂ ‘ਤੇ ਨਹੀਂ ਜਾਣਾ ਪਵੇਗਾ ਅਤੇ ਤੁਹਾਨੂੰ ਜ਼ਿਆਦਾ ਖ਼ਰਚ ਵੀ ਨਹੀਂ ਕਰਨਾ ਪਵੇਗਾ।

ਵੈਸੇ ਵੀ ਜੇਕਰ ਤੁਸੀਂ ਸਾਈਬਰ ਕੈਫੇ ਤੋਂ ਪ੍ਰਿੰਟ ਆਊਟ ਕਰਵਾਉਂਦੇ ਹੋ, ਤਾਂ ਤੁਹਾਨੂੰ ਇੱਕ ਪੰਨੇ ਲਈ 10 ਤੋਂ 20 ਰੁਪਏ ਦੇਣੇ ਪੈਂਦੇ ਹਨ। ਅਜਿਹੀ ਸਥਿਤੀ ਵਿੱਚ ਜੇਕਰ ਤੁਸੀਂ ਹੋਰ ਪੰਨੇ ਪ੍ਰਿੰਟ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਖ਼ਰਚੇ ਬਹੁਤ ਜ਼ਿਆਦਾ ਹੋ ਜਾਂਦੇ ਹਨ। ਇਸ ਖ਼ਰਚੇ ਤੋਂ ਬਚਣ ਲਈ ਤੁਹਾਨੂੰ ਆਪਣਾ ਖ਼ੁਦ ਦਾ ਇੱਕ ਪ੍ਰਿੰਟਰ ਲੈਣਾ ਚਾਹੀਦਾ ਹੈ ਜਿਸ ਤੋਂ ਤੁਸੀਂ ਘਰ ਬੈਠੇ ਜਿੰਨਾ ਚਾਹੋ ਪ੍ਰਿੰਟਆਊਟ ਕਰ ਸਕਦੇ ਹੋ।

ਪੋਰਟੇਬਲ ਪ੍ਰਿੰਟਰ

ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਇਸ ਨਾਲ ਛੋਟੇ ਪ੍ਰਿੰਟ-ਆਊਟ ਨਿਕਲਣਗੇ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਤੁਸੀਂ ਪੋਰਟੇਬਲ ਪ੍ਰਿੰਟਰ ਰਾਹੀਂ A4 ਸਾਈਜ਼ ਦੇ ਪ੍ਰਿੰਟਆਊਟ ਪ੍ਰਾਪਤ ਕਰ ਸਕਦੇ ਹੋ।

ਇਹ ਇੱਕ ਵਾਇਰਲੈੱਸ ਪੋਰਟੇਬਲ ਪ੍ਰਿੰਟਰ ਹੈ ਜੋ ਬਲੂਟੁੱਥ ਰਾਹੀਂ ਕੰਮ ਕਰਦਾ ਹੈ ਅਤੇ ਐਂਡਰੌਇਡ ਅਤੇ ਆਈਓਐਸ ਦੋਵਾਂ ਡਿਵਾਈਸਾਂ ‘ਤੇ ਕੰਮ ਕਰ ਸਕਦਾ ਹੈ। ਹਾਲਾਂਕਿ ਇਸ ਦੀ ਅਸਲੀ ਕੀਮਤ 23,680 ਰੁਪਏ ਹੈ ਪਰ ਤੁਸੀਂ ਇਸ ਨੂੰ 20 ਫੀਸਦੀ ਡਿਸਕਾਊਂਟ ਨਾਲ 18,900 ਰੁਪਏ ‘ਚ ਖ਼ਰੀਦ ਸਕਦੇ ਹੋ।

Brago iPrint Wireless Portable Printer

ਤੁਸੀਂ ਇਸ ਬਲੂਟੁੱਥ ਇੰਕਲੈੱਸ ਥਰਮਲ ਪ੍ਰਿੰਟਰ ਨੂੰ 11,425 ਰੁਪਏ ‘ਚ 37 ਫੀਸਦੀ ਡਿਸਕਾਊਂਟ ਨਾਲ ਖਰੀਦ ਸਕਦੇ ਹੋ। ਤੁਹਾਨੂੰ ਇਸ ਪ੍ਰਿੰਟਰ ਵਿੱਚ ਸਿਆਹੀ ਦੀ ਵੀ ਲੋੜ ਨਹੀਂ ਪਵੇਗੀ। ਇਸ ‘ਚ ਤੁਹਾਨੂੰ 1200mAh ਦੀ ਲਿਥੀਅਮ ਬੈਟਰੀ ਮਿਲਦੀ ਹੈ।ਇਸ ਪ੍ਰਿੰਟਰ ਨੂੰ ਫੁੱਲ ਚਾਰਜ ਹੋਣ ‘ਚ 1.3 ਘੰਟੇ ਦਾ ਸਮਾਂ ਲੱਗਦਾ ਹੈ। ਤੁਸੀਂ ਇਸਦੀ ਵਰਤੋਂ ਬਾਹਰੀ ਅਤੇ ਘਰ ਦੋਵਾਂ ਥਾਵਾਂ ‘ਤੇ ਕਰ ਸਕਦੇ ਹੋ।

Adium Lythan Mini Portable Printer

ਇਸ ਪ੍ਰਿੰਟਰ ਦੀ ਅਸਲੀ ਕੀਮਤ 41,950 ਰੁਪਏ ਹੈ ਪਰ ਤੁਸੀਂ ਇਸ ਨੂੰ ਐਮਾਜ਼ਾਨ ਤੋਂ 50 ਫੀਸਦੀ ਡਿਸਕਾਊਂਟ ਨਾਲ ਸਿਰਫ 20,975 ਰੁਪਏ ‘ਚ ਖ਼ਰੀਦ ਸਕਦੇ ਹੋ।

IOOIOO A40 peripage

25 ਫੀਸਦੀ ਦੀ ਛੋਟ ਦੇ ਨਾਲ, ਤੁਹਾਨੂੰ ਇਹ ਪ੍ਰਿੰਟਰ 20,453 ਰੁਪਏ ਵਿੱਚ ਮਿਲ ਰਿਹਾ ਹੈ। ਇਸ ‘ਚ ਤੁਹਾਨੂੰ 2 ਕਲਰ ਆਪਸ਼ਨ ਮਿਲ ਰਹੇ ਹਨ, ਦੋਵਾਂ ਮਾਡਲਾਂ ਦੀ ਕੀਮਤ ਵੱਖ-ਵੱਖ ਹੈ।

ਭਾਵੇਂ ਇਹ ਪ੍ਰਿੰਟਰ ਥੋੜੇ ਮਹਿੰਗੇ ਹਨ, ਜੇਕਰ ਤੁਸੀਂ ਇੱਕ ਵਾਰ ਖਰਚ ਕਰਦੇ ਹੋ, ਤਾਂ ਤੁਹਾਨੂੰ ਲੰਬੇ ਸਮੇਂ ਲਈ ਫਾਇਦਾ ਹੋ ਸਕਦਾ ਹੈ। ਤੁਹਾਨੂੰ ਵਾਰ-ਵਾਰ ਦੁਕਾਨਾਂ ‘ਤੇ ਨਹੀਂ ਜਾਣਾ ਪਵੇਗਾ ਅਤੇ ਪ੍ਰਿੰਟਆਊਟ ‘ਤੇ ਪੈਸੇ ਦੀ ਬੱਚਤ ਵੀ ਕਰ ਸਕੋਗੇ।