Alkaline ਅਤੇ Carbon Filter ਵਿੱਚ ਕੀ ਹੈ ਅੰਤਰ ? ਕਿਸ ਨੂੰ ਲਗਾਉਣ ਨਾਲ ਹੋਵੇਗਾ

Alkaline ਤੇ Carbon Filter 'ਚ ਕੀ ਹੈ ਅੰਤਰ ?

Follow Us On

ਅੱਜਕੱਲ੍ਹ, ਜ਼ਿਆਦਾਤਰ ਲੋਕ ਆਪਣੇ ਘਰਾਂ ਵਿੱਚ ਵਾਟਰ ਪਿਊਰੀਫਾਇਰ ਲਗਾਉਂਦੇ ਹਨ ਤਾਂ ਜੋ ਪੀਣ ਵਾਲਾ ਪਾਣੀ ਸ਼ੁੱਧ ਅਤੇ ਸਿਹਤਮੰਦ ਰਹੇ। ਪਰ ਜਦੋਂ ਫਿਲਟਰ ਚੁਣਨ ਦੀ ਗੱਲ ਆਉਂਦੀ ਹੈ, ਤਾਂ ਸਭ ਤੋਂ ਵੱਧ ਉਲਝਣ ਅਲਕਲਾਈਨ ਫਿਲਟਰ ਅਤੇ ਕਾਰਬਨ ਫਿਲਟਰ ਵਿਚਕਾਰ ਹੁੰਦੀ ਹੈ। ਦੋਵੇਂ ਪਾਣੀ ਨੂੰ ਸ਼ੁੱਧ ਕਰਨ ਲਈ ਬਣਾਏ ਗਏ ਹਨ। ਪਰ ਉਨ੍ਹਾਂ ਦੇ ਤਰੀਕੇ ਅਤੇ ਫਾਇਦੇ ਵੱਖਰੇ ਹਨ। ਇਨ੍ਹਾਂ ਦੀਆਂ ਕੀਮਤਾਂ ਵਿੱਚ ਵੀ ਵੱਡਾ ਫ਼ਰਕ ਹੈ। ਇਸ ਲਈ, ਇੱਥੇ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਇਹ ਦੋਵੇਂ ਫਿਲਟਰ ਕਿਵੇਂ ਕੰਮ ਕਰਦੇ ਹਨ ਅਤੇ ਕਿਹੜਾ ਫਿਲਟਰ ਤੁਹਾਡੇ ਲਈ ਫਾਇਦੇਮੰਦ ਹੋਵੇਗਾ।

ਅਲਕਲਾਈਨ ਫਿਲਟਰ (Alkaline Filter) ਕੀ ਕਰਦਾ ਹੈ?

Alkaline Filter ਪਾਣੀ ਦੇ pH ਪੱਧਰ ਨੂੰ ਵਧਾਉਂਦਾ ਹੈ ਅਤੇ ਇਸਨੂੰ ਥੋੜ੍ਹਾ ਜਿਹਾ ਅਲਕਾਲਾਈਨ ਬਣਾਉਂਦਾ ਹੈ। ਇਹ ਮਨੁੱਖੀ ਸਰੀਰ ਲਈ ਲਾਭਦਾਇਕ ਹੈ। ਕਿਉਂਕਿ ਐਸਿਡਿਕ ਭੋਜਨ ਜਾਂ ਪਾਣੀ ਸਾਡੀ ਸਿਹਤ ‘ਤੇ ਮਾੜਾ ਪ੍ਰਭਾਵ ਪਾਉਂਦਾ ਹੈ।

ਇਸਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਇਹ ਪਾਣੀ ਵਿੱਚ ਕੈਲਸ਼ੀਅਮ, ਮੈਗਨੀਸ਼ੀਅਮ ਅਤੇ ਪੋਟਾਸ਼ੀਅਮ ਵਰਗੇ ਖਣਿਜ ਮਿਲਾਉਂਦਾ ਹੈ। ਇਸ ਰਾਹੀਂ ਪਾਣੀ ਦਾ ਸੁਆਦ ਸੁਧਰਦਾ ਹੈ। ਸਰੀਰ ਵਿੱਚ ਐਸਿਡਿਟੀ ਘੱਟ ਜਾਂਦੀ ਹੈ। ਇਸ ਵਿੱਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟ ਸਰੀਰ ਨੂੰ ਡੀਟੌਕਸੀਫਾਈ ਕਰਨ ਵਿੱਚ ਮਦਦ ਕਰਦੇ ਹਨ।

Alkaline Filter ਆਮ ਤੌਰ ‘ਤੇ ਉਨ੍ਹਾਂ ਲੋਕਾਂ ਲਈ ਚੰਗੇ ਹੁੰਦੇ ਹਨ ਜੋ ਆਪਣੀ ਸਿਹਤ ਬਾਰੇ ਚਿੰਤਤ ਹੁੰਦੇ ਹਨ ਅਤੇ ਸਿਹਤਮੰਦ-ਸਾਫ਼ ਪਾਣੀ ਪੀਣਾ ਚਾਹੁੰਦੇ ਹਨ।

Carbon Filter ਕੀ ਕਰਦਾ ਹੈ?

Carbon Filter ਪਾਣੀ ਵਿੱਚੋਂ ਬਦਬੂ, ਸੁਆਦ ਅਤੇ ਨੁਕਸਾਨਦੇਹ ਰਸਾਇਣਾਂ ਨੂੰ ਦੂਰ ਕਰਨ ਦਾ ਕੰਮ ਕਰਦਾ ਹੈ। ਇਸ ਵਿੱਚ ਐਕਟੀਵੇਟਿਡ ਕਾਰਬਨ ਹੁੰਦਾ ਹੈ ਜੋ ਪਾਣੀ ਵਿੱਚ ਮੌਜੂਦ ਗੰਦਗੀ ਨੂੰ ਛੋਟੇ ਛੇਕਾਂ ਰਾਹੀਂ ਸੋਖ ਲੈਂਦਾ ਹੈ।

ਕਾਰਬਨ ਫਿਲਟਰ ਕਲੋਰੀਨ ਅਤੇ ਕੀਟਨਾਸ਼ਕਾਂ ਨੂੰ ਹਟਾਉਂਦਾ ਹੈ। ਪਾਣੀ ਦੇ ਸੁਆਦ ਅਤੇ ਗੰਧ ਨੂੰ ਸੁਧਾਰਦਾ ਹੈ। ਇਸ ਤੋਂ ਇਲਾਵਾ, ਇਹ ਪਾਣੀ ਨੂੰ ਵੀ ਸਾਫ਼ ਕਰਦਾ ਹੈ।
ਕਾਰਬਨ ਫਿਲਟਰ ਉਨ੍ਹਾਂ ਥਾਵਾਂ ‘ਤੇ ਵਧੀਆ ਕੰਮ ਕਰਦਾ ਹੈ ਜਿੱਥੇ ਪਾਣੀ ਵਿੱਚ ਕਲੋਰੀਨ ਜਾਂ ਬਦਬੂ ਦੀ ਸਮੱਸਿਆ ਹੁੰਦੀ ਹੈ।

ਕਿਹੜਾ ਬਿਹਤਰ ਹੈ?

ਇਹ ਤੁਹਾਡੀ ਲੋੜ ‘ਤੇ ਨਿਰਭਰ ਕਰਦਾ ਹੈ। ਜੇਕਰ ਤੁਸੀਂ ਪਾਣੀ ਨੂੰ ਸਿਹਤਮੰਦ ਬਣਾਉਣਾ ਚਾਹੁੰਦੇ ਹੋ, ਤਾਂ ਅਲਕਲਾਈਨ ਫਿਲਟਰ ਸਹੀ ਸਾਬਤ ਹੋ ਸਕਦਾ ਹੈ। ਜੇਕਰ ਤੁਹਾਡੇ ਇਲਾਕੇ ਦੇ ਪਾਣੀ ਦਾ ਸੁਆਦ ਬੁਰਾਜਾਂ ਉਸ ਵਿੱਚੋਂ ਬਦਬੂ ਆਉਂਦੀ ਹੈ, ਤਾਂ ਕਾਰਬਨ ਫਿਲਟਰ ਵਧੇਰੇ ਫਾਇਦੇਮੰਦ ਹੋਵੇਗਾ।

ਜੇ ਤੁਸੀਂ ਚਾਹੋ, ਤਾਂ ਤੁਸੀਂ ਦੋਵਾਂ ਨੂੰ ਇਕੱਠੇ ਵਰਤ ਸਕਦੇ ਹੋ। ਤੁਸੀਂ ਪਹਿਲਾਂ Carbon Filter ਨਾਲ ਗੰਦਗੀ ਸਾਫ਼ ਕਰ ਸਕਦੇ ਹੋ। ਇਸ ਦੇ ਨਾਲ, Alkaline Filter ਰਾਹੀਂ ਮਿਨਰਲਸ ਵੀ ਐਡ ਕਰਵਾ ਸਕਦੇ ਹਨ।