T20 World Cup 2026: ਪਾਕਿਸਤਾਨ ਅਜੇ ਵੀ ਕਰ ਸਕਦਾ ਸੈਮੀਫਾਈਨਲ ਲਈ ਕਵਾਲੀਫਾਈ, ਇਹ ਹਨ ਸਮੀਕਰਨ
T20 World Cup 2026, Pakistan: ਇੰਗਲੈਂਡ ਤੋਂ ਹਾਰ ਤੋਂ ਬਾਅਦ ਪਾਕਿਸਤਾਨ ਦਾ ਸੈਮੀਫਾਈਨਲ 'ਚ ਪਹੁੰਚਣ ਦਾ ਰਸਤਾ ਮੁਸ਼ਕਲ ਹੋ ਗਿਆ ਹੈ, ਪਰ ਉਮੀਦਾਂ ਅਜੇ ਖਤਮ ਨਹੀਂ ਹੋਈਆਂ ਹਨ। ਪਾਕਿਸਤਾਨ ਲਈ ਸੈਮੀਫਾਈਨਲ 'ਚ ਪਹੁੰਚਣ ਲਈ ਦੋ ਦਰਵਾਜ਼ੇ ਅਜੇ ਵੀ ਖੁੱਲ੍ਹੇ ਹਨ।
ਪਾਕਿਸਤਾਨ ਅਜੇ ਵੀ ਕਰ ਸਕਦਾ ਸੈਮੀਫਾਈਨਲ ਲਈ ਕਵਾਲੀਫਾਈ
ਸੁਪਰ 8 ‘ਚ ਇੰਗਲੈਂਡ ਤੋਂ ਹਾਰਨ ਤੋਂ ਬਾਅਦ, ਪਾਕਿਸਤਾਨ ਦਾ ਸੈਮੀਫਾਈਨਲ ‘ਚ ਪਹੁੰਚਣ ਦਾ ਰਸਤਾ ਓਨਾ ਔਖਾ ਨਹੀਂ ਹੈ ਜਿੰਨਾ ਲੱਗਦਾ ਹੈ। ਸੈਮੀਫਾਈਨਲ ‘ਚ ਪਹੁੰਚਣ ਦੀਆਂ ਸੰਭਾਵਨਾਵਾਂ ਅਜੇ ਵੀ ਬਰਕਰਾਰ ਹਨ। ਜੇਕਰ ਤੁਸੀਂ ਪੁੱਛਦੇ ਹੋ ਕਿ ਕਿਵੇਂ, ਤਾਂ ਪਹਿਲਾਂ ਪਾਕਿਸਤਾਨ ਤੇ ਸੁਪਰ 8 ‘ਚ ਉਸਦੇ ਗਰੁੱਪ ਦੀ ਮੌਜੂਦਾ ਸਥਿਤੀ ਨੂੰ ਸਮਝਣਾ ਜ਼ਰੂਰੀ ਹੈ। ਪਾਕਿਸਤਾਨ ਸੁਪਰ 8 ਦੇ ਗਰੁੱਪ ਬੀ ‘ਚ ਇੰਗਲੈਂਡ, ਸ਼੍ਰੀਲੰਕਾ ਤੇ ਨਿਊਜ਼ੀਲੈਂਡ ਦੇ ਨਾਲ ਹੈ। ਇੰਗਲੈਂਡ ਨੇ ਆਪਣੇ ਪਹਿਲੇ ਦੋਵੇਂ ਸੁਪਰ 8 ਮੈਚ ਜਿੱਤ ਲਏ ਹਨ ਤੇ ਸੈਮੀਫਾਈਨਲ ਲਈ ਕੁਆਲੀਫਾਈ ਕਰਨ ਵਾਲੀ ਪਹਿਲੀ ਟੀਮ ਬਣ ਗਈ ਹੈ। ਪਰ ਪਾਕਿਸਤਾਨ ਦਾ ਕੀ ਹੋਵੇਗਾ?
ਇੰਗਲੈਂਡ ਤੋਂ ਹਾਰਨ ਤੋਂ ਬਾਅਦ ਪਾਕਿਸਤਾਨ ਸੈਮੀਫਾਈਨਲ ਕਿਵੇਂ ਖੇਡੇਗਾ?
ਨਿਊਜ਼ੀਲੈਂਡ ਵਿਰੁੱਧ ਪਾਕਿਸਤਾਨ ਦਾ ਪਹਿਲਾ ਸੁਪਰ 8 ਮੈਚ ਮੀਂਹ ਕਾਰਨ ਧੋਤਾ ਗਿਆ, ਜਿਸ ਕਾਰਨ ਉਨ੍ਹਾਂ ਨੂੰ ਅੰਕ ਸਾਂਝੇ ਕਰਨੇ ਪਏ। ਉਸ ਮੈਚ ਤੋਂ ਬਾਅਦ, ਉਨ੍ਹਾਂ ਨੇ 24 ਫਰਵਰੀ ਨੂੰ ਇੰਗਲੈਂਡ ਵਿਰੁੱਧ ਆਪਣਾ ਦੂਜਾ ਮੈਚ ਖੇਡਿਆ ਤੇ ਹਾਰ ਗਏ। ਇਸ ਹਾਰ ਨੇ ਸੈਮੀਫਾਈਨਲ ਤੱਕ ਉਨ੍ਹਾਂ ਦੇ ਰਸਤੇ ਨੂੰ ਔਖਾ ਕਰ ਦਿੱਤਾ ਹੈ। ਹੁਣ ਸਵਾਲ ਇਹ ਹੈ: ਪਾਕਿਸਤਾਨ ਇੰਗਲੈਂਡ ਤੋਂ ਆਪਣੀ ਹਾਰ ਕਾਰਨ ਪੈਦਾ ਹੋਈਆਂ ਮੁਸ਼ਕਲਾਂ ਨੂੰ ਕਿਵੇਂ ਦੂਰ ਕਰ ਸਕਦਾ ਹੈ ਤੇ ਸੈਮੀਫਾਈਨਲ ਵਿੱਚ ਕਿਵੇਂ ਪਹੁੰਚ ਸਕਦਾ ਹੈ?
ਸੈਮੀਫਾਈਨਲ ‘ਚ ਪਹੁੰਚਣ ਲਈ ਪਾਕਿਸਤਾਨ ਦਾ ਪਹਿਲਾ ਸਮੀਕਰਨ
ਪਹਿਲੇ ਸਮੀਕਰਨ ਲਈ ਪਾਕਿਸਤਾਨ ਨੂੰ ਆਪਣੇ ਆਖਰੀ ਸੁਪਰ 8 ਮੈਚ ‘ਚ ਸ਼੍ਰੀਲੰਕਾ ਨੂੰ ਹਰਾਉਣਾ ਜ਼ਰੂਰੀ ਹੈ। ਪਰ, ਉਸ ਦੇ ਨਾਲ-ਨਾਲ ਨਿਊਜ਼ੀਲੈਂਡ ਤੇ ਸ਼੍ਰੀਲੰਕਾ ਵਿਚਕਾਰ ਆਉਣ ਵਾਲਾ ਮੈਚ ਮੀਂਹ ਕਾਰਨ ਨਾ ਹੋਵੇ ਜਾਂ ਨਿਊਜ਼ੀਲੈਂਡ ਇੱਕ ਛੋਟੇ ਫਰਕ ਨਾਲ ਜਿੱਤੇ, ਜਿਸ ਨਾਲ ਉਸ ਦਾ ਰਨ ਰੇਟ ਪਾਕਿਸਤਾਨ ਨਾਲ ਘੱਟ ਰਹੇ। ਇਸ ਤੋਂ ਇਲਾਵਾ, ਇੰਗਲੈਂਡ ਨੂੰ ਆਪਣੇ ਆਖਰੀ ਸੁਪਰ 8 ਮੈਚ ‘ਚ ਨਿਊਜ਼ੀਲੈਂਡ ਨੂੰ ਹਰਾਉਣਾ ਹੋਵੇਗਾ। ਇਸ ਨਾਲ ਇੰਗਲੈਂਡ ਦੇ ਅੰਕ ਸੂਚੀ ‘ਚ 6 ਅੰਕ ਹੋਣਗੇ। ਪਾਕਿਸਤਾਨ ਦੇ 3 ਅੰਕਾਂ ਹੋਣਗੇ। ਜੇਕਰ ਨਿਊਜ਼ੀਲੈਂਡ ਜਿੱਤਦਾ ਹੈ, ਤਾਂ ਉਨ੍ਹਾਂ ਦੇ ਵੀ 3 ਅੰਕ ਹੋਣਗੇ, ਪਰ ਉਨ੍ਹਾਂ ਦਾ ਰਨ ਰੇਟ ਪਾਕਿਸਤਾਨ ਨਾਲੋਂ ਘੱਟ ਹੋਵੇਗਾ। ਦੂਜੇ ਪਾਸੇ, ਸ਼੍ਰੀਲੰਕਾ ਆਪਣੇ ਆਪ ਹੀ ਬਾਹਰ ਹੋ ਜਾਵੇਗਾ ਜੇਕਰ ਉਹ ਕੋਈ ਵੀ ਮੈਚ ਨਹੀਂ ਜਿੱਤਦਾ ਹੈ। ਇਸ ਸਥਿਤੀ ‘ਚ, ਪਾਕਿਸਤਾਨ ਸੈਮੀਫਾਈਨਲ ‘ਚ ਜਗ੍ਹਾ ਪੱਕੀ ਕਰ ਸਕਦਾ ਹੈ।
ਪਾਕਿਸਤਾਨ ਦੇ ਸੈਮੀਫਾਈਨਲ ਵਿੱਚ ਜਗ੍ਹਾ ਪੱਕੀ ਕਰਨ ਲਈ ਦੂਜਾ ਸਮੀਕਰਨ
ਦੂਜਾ ਸਮੀਕਰਨ ਇਹ ਹੈ ਕਿ ਕੀ ਹੋਵੇਗਾ ਜੇਕਰ ਸ਼੍ਰੀਲੰਕਾ ਨਿਊਜ਼ੀਲੈਂਡ ਨੂੰ ਹਰਾ ਦਿੰਦਾ ਹੈ ਤੇ ਨਿਊਜ਼ੀਲੈਂਡ ਇੰਗਲੈਂਡ ਨੂੰ ਹਰਾ ਦਿੰਦਾ ਹੈ? ਉਸ ਸਥਿਤੀ ‘ਚ, ਪਾਕਿਸਤਾਨ ਨੂੰ ਸ਼੍ਰੀਲੰਕਾ ਵਿਰੁੱਧ ਜਿੱਤਣਾ ਪਵੇਗਾ, ਪਰ ਉਹ ਜਿੱਤ ਵੱਡੇ ਫਰਕ ਨਾਲ ਹੋਣੀ ਚਾਹੀਦੀ ਹੈ, ਤਾਂ ਜੋ ਰਨ ਰੇਟ ਕਿਸੇ ਵੀ ਤਰ੍ਹਾਂ ਨਿਊਜ਼ੀਲੈਂਡ ਨਾਲੋਂ ਵੱਧ ਹੋਵੇ।